لي راح يفوتو باك بلون😂شوفوه قبل لا تروحو مراجعة

هيا لي ميقراوش عندنا تحدي 😁راح نقرا 35ساعة ف24(كناية عن تراكمات وضيق الوقت)

ولاقعدن على الطريق واشتكي 🥲💔مكاش علبالي الطحال واعر هكا هبلني

الضربة كي تكون عايش بين ولايتين رايح جاي، خرجت لابسة حوايج خفيفة وصلت لقيت برد يقطع تقول رانا في جانفي 🥲💔

pov: بعض الطلاب حاليا

صباح الخير ❤️
جمعة مباركة 🌸 ✨️

بديتو تخبشوا ولا مزلتو في راحة بعد الباك بلون ؟
احكيولي كيفاه فات واش حسيتو
كتبتو واش تعلمتو منو كيما قتلكم ؟ 🙂🔪

السلام عليكم ورحمة الله عساكم بخير 🥺🫶🏻بعدما ديت المفاجأة الكبرى لهاذ العام وطلع الموايان تاعي 9.99اي حظ هذا 🚶‍♀️مهم لا علينا نتخطى بشوي قولولي اي حاجة تحتاجوها واذا تحتاجو موتيفاسيو ولا نصائح او اي شيء نقدر نفيدكم بيه🫶🏻

يبدأ صيام العشر الأوائل من ذي الحجة يوم الغذ بإذن الله هنيئًا لمن أدركهم وذكّر غيره.

‏وَلَيَالٍ عَشْرٍ

‏الاربعاء: 1ذو الحجة الموافق 28/5/2025

‏الخميس: 2ذو الحجة الموافق 29/5/2025

‏الجمعة: 3 ذو الحجة الموافق 30/5/2025

‏السبت: 4ذو الحجة الموافق 31/5/2025

الاحد: 5ذو الحجة الموافق 1/6/2025

‏الاثنين: 6 ذو الحجة الموافق 2/6/2025

‏الثلاثاء: 7 ذو الحجة الموافق 3/6/2025

‏الاربعاء: 8 ذو الحجة الموافق 4/6/2025

‏الخميس :9 ذو الحجة الموافق 5/6/205 (يوم عرفة)

‏الجمعه: 10 ذو الحجة الموافق 6/6/2025 (عيد الأضحى)

غايبين عليكم، ادعولنا معكم بالتيسير و التسهيل. جميعنا نمر بأصعب الفترات لأنها آخر الخطوات، آخر الأنفاس و ينتهي الطريق
شدوا الهمة يا أصدقاء، هانت ❤️🥰

فضل صيام يوم عرفة

لا يفوتكم صيام هذا اليوم العظيم

عن أبي قتادة الأنصاري أن رسُول الله صلى الله عليه و سلم قال:
(صِيامُ يومُ عرَفة أحْتسَب على الله أن يُكفّر السَّنة التِى قبلَه والسَّنة التِى بعدَه). رواهُ مُسلم (1162 )

وقَال أيضًا صلى الله عليه و سلم :
خيرُ الدُعاء دعاء يومُ عرفَة وخيرُ ماقُلتُ أنا والنَّبيُّون مِن قَبلي:
(لا إله إلا الله وحده لا شريك لهُ، لهُ الملك ولهُ الحَمد وهُو عَلى كل شيءٍ قدِير). رواهُ التِّرمِذي

ادعولي يا غاليات 🫶🏻🦋ولكن بالمثل

نصائح عامة للباك :
- ادي معاك ساعة
- ماتنساش تدي الڨرافوز تاعك ( ماتعولش عليهم يقولولك درك نڨرافيوهم )
- ماتنساش ترقم الأوراق الإضافية تاعك
- بالاك تغلط وتكتب أسمك فالأوراق الإضافية تعتبر محاولة غش
- اتأكد بلي الكازيو تاعك تمشي مليح ولا بدللها الپيلات
- الحافظة تاع الأدوات تاعك لازم تكون شفافة
- اكتب بالأزرق والأسود عادي
- التنظيم ثم التنظيم اكتب بخط واضح ماشي شرط يكون بالخط الكوفي المهم يكون مقروء
- خلي الأستاذ كي يشوف ورقتك تنشرح نفسو ليها حتى وتكون عندك هفوات راح يتغاضى عليها
- اعرف الإجابة المنهجية كيفاش تكون وطبقها في جميع المواد على خاطر واحد عندو المعلومة ومايعرفش يطبقها منهجيا ماراحش يجيب علابيها بزاف يقلك خدمنا وماجبناش مليح
- المسودة لاتستعملها إلا للضرورة والحوايج الباينة تكتبها ديراكت في ورقة الإجابة ماتبقاش تضيع في وقتك مع المسودة مبعد يروح عليك الحال
- ادي وقتك في اختيار الموضوع واختار على حساب الموضوع لي تقدر تجمع فيه اكبر عدد من النقاط ماشي على حساب الوحدة لي تحبها ولي ماتحبهاش
- كي تختار الموضوع لوكان يصرا واش يصرا بالاك تبدل
- الناس لي يعقبو بعيد على وين يسكنوا ديروا حساب السيركيلاسيون لاتلقا روحك مقصي
- راح تلقا لي يتصرع ولي يدوخ ولي يلعبها راح يموت ولي يعيطلك يقلك وريلي انت كي تريح فالكرسي تاعك حط بلي الكلاسة فيها غير انت والطابلة تاعك يعني انعزل كليا عليهم ديرهم شغل مكانش
- البس حاجة لي تكون آلاز فيها باش تقدر تركز وماتكونش مجيني
- كي ماتعرفش حاجة ماتبقاش حاصل معاها ساعة كاملة مبعد تلقا الوقت كامل راح خليلها بلاصتها مبعد ارجع كملها
- واهم حاجة التوكل على الله والأذكار والثقة في ربي بلي ماراحش يخيبك
بالتوفيق ..
🤍✨️

طلبة الباك حاليا