21 сакавіка – Сусветны дзень паэзіі 🎉

📝 Андрэй Хадановіч віншуе паэтак і паэтаў, перакладчыц і перакладчыкаў, чытачак і чытачоў са святам сваім новым вершам «Дно паэзіі».

Жывая сустрэча «Перакладчыцкай майстэрні» ў Варшаве! 😮

Андрэй Хадановіч разам са спецыяльнай госцяй, польскай перакладчыцай Юстынай Чэхоўскай пагавораць пра актуальныя пытанні мастацкага перакладу і абмяркуюць новыя тэндэнцыі, выклікі і адметнасці прафесіі.

⏰ 5 красавіка (субота), 14.00 PL
📍 Варшава, Staromiejski Dom Kultury
🇵🇱 Мова сустрэчы: польская

Удзел бясплатны, але патрэбная абавязковая рэгістрацыя.

Падрабязней пра імпрэзу па спасылцы:
👉 https://penbelarus.org/2025/03/19/zhyvaya-sustrecha-perakladchyczkaj-majsterni-u-varshave.html

Беларусы і беларускі, з Днём Волі! 🤍❤️🤍

📜 107 гадоў таму наш народ упершыню смела заявіў пра сваё права на незалежнасць, на вольную будучыню.

Гісторыя Беларусі — гэта гісторыя барацьбы за свабоду, якая працягваецца і сёння. Слова заўсёды было і застаецца зброяй у гэтай барацьбе. Паэзія, проза, пераклады, песні і думкі тых, хто верыць у Беларусь, фармуюць наш светапогляд, нашую свядомасць, нашую будучыню.

Шчыра віншуем адмысловым святочным вершам Андрэя Хадановіча "25 сакавіка".

🇧🇾 Жыве Беларусь!

Перакладчык з беларускай мовы Томас Вайлер атрымаў Ляйпцыгскую кніжную прэмію 🌟

Журы ўзнагародзіла Вайлера за пераклад кнігі "Я з вогненнай вёскі" Алеся Адамовіча, Уладзіміра Калесніка і Янкі Брыля і адзначыла, што дзякуючы працы перакладчыка «гэтыя неверагодныя сведчанні вяскоўцаў упершыню сталі даступнымі нямецкаму чытачу».

Чарговы важны крок да таго, каб беларуская гісторыя і літаратура гучалі на міжнародным узроўні.

🇩🇪 Томас Вайлер вядомы перакладамі на нямецкую мову твораў Віктара Марціновіча, Вольгі Гапеевай, Артура Клінава, Юлі Цімафеевай і Альгерда Бахарэвіча. У 2024 годзе атрымаў прэмію Паўля Цэляна за пераклад рамана "Сабакі Эўропы".

Дарэчы, Томас быў госцем "Перакладчыцкай майстэрні" Андрэя Хадановіча. Відэа глядзіце па спасылцы:
👉 https://www.youtube.com/watch?v=g_vvjlrJDnk

Сёння, 30 сакавіка, нарадзіўся Поль Вэрлен – адзін з самых знакавых французскіх паэтаў ✨

📖 Паэзія Вэрлена напоўненая музычнасцю, лёгкасцю і тонкім лірызмам. Яго творчасць развівалася ад рамантычных настрояў да смелага эксперыменту з формай і гукамі, што зрабіла аўтара адным з заснавальнікаў французскага сімвалізму.

Пачытаць больш вершаў Поля Вэрлена ў перакладзе Андрэя Хадановіча можна тут:
👉 https://t.me/akhadanovich/1094

Беларускі ПЭН і Андрэй Хадановіч абвяшчаюць набор на трэці сезон Перакладчыцкай майстэрні ⚡️

Гэта будзе новы ўзровень: яшчэ глыбейшае і больш прафесійнае пагружэнне ў пераклад з Андрэем Хадановічам.

📚 Сёлета ўдзельнікі будуць працаваць з фрагментамі кніг, якія рыхтуюцца да выдання беларускімі выдавецтвамі. Неверагодны шанец для перакладчыц і перакладчыкаў дакрануцца да рэальных праектаў!

Запрашаем далучыцца як пачаткоўцаў, так і выпускнікоў мінулых сезонаў.

👉 Падаць заяўку.

🗓 Заняткі анлайн: травень – ліпень, чацвяргі 18:00–20:00 па беларускім часе
⏳ Дэдлайн падачы заявак: 20 красавіка.

Раман «Кнігі Якуба» Вольгі Такарчук цяпер можна чытаць па-беларуску! 📕

Кніга выйшла ў беларускім жаночым выдавецтве «Пфляўмбаўм».

Гэта не проста гістарычны раман, а грандыёзнае падарожжа ў Рэч Паспалітую XVIII стагоддзя. Тут пераплятаюцца народы, рэлігіі і культуры, а ў цэнтры падзей — Якуб Франк, загадкавая асоба, якога адны лічылі месіям, а другія — махляром.

📜 Факты пра кнігу:
✨ прызнаная найлепшай кнігай у Польшчы першай чвэрці XXI стагоддзя паводле апытання Gazeta Wyborcza;
✨ перакладзеная на 15 моў;
✨ раман паспрыяў прысуджэнню Вользе Такарчук Нобелеўскай прэміі за 2018 год.

Набыць кнігу можна па спасылцы:
👉 https://knihauka.com/knihi_jakuba

Выпускі на канале CHADANOVIČ з аналізам іншых твораў Такарчук:

Відэа пра кнігу "Вядзі свой плуг праз косткі мёртвых":
🔣 https://youtu.be/DHIJj__LZrg

Відэа пра кнігу "Прафесар Эндрус у Варшаве":
🔣 https://youtu.be/lLLZnHvd05g

💬 «Шчасце – калі ты маеш з кім ім падзяліцца». Гэта наймудрэйшае, што я чуў і чытаў у беларускай літаратуры»

⚡️ Андрэй Хадановіч у відэаэсэ адмыслова для канала «Белсат» разважае, ці ёсць шчасце ў беларускай літаратуры і што пад гэтым словам разумеюць нашыя аўтары і аўтаркі.

Кніга вершаў Андрэя Хадановіча да оперы "Дзікае паляванне караля Стаха" трапіла ў поўны спіс прэміі імя Наталлі Арсенневай 🎉

Беларускі ПЭН і Міжнародны саюз беларускіх пісьменнікаў абвясцілі спіс кніг, намінаваных на званне найлепшай беларускай кнігі паэзіі 2024 года.

📚 У поўны спіс увайшло 15 кніг. Акрамя зборніка Андрэя Хадановіча, у ім – кнігі Рамана Абрамчука, Надзеі Амельчанкі, Веры Бурлак, Вольгі Гапеевай, Яраслава Гаралюка, Віктара Жыбуля (выпуск 👉 тут), Анатоля Івашчанкі, Паўла Капанскага, Дзяніса Мацешы, Уладзіміра Някляева (выпуск 👉 тут), Сяржука Сыса, Гані Фак'ю і два зборнікі Сяргея Прылуцкага (выпуск 👉 тут).

📝 У склад журы прэміі Арсенневай увайшлі: літаратуразнаўца Ульяна Верына, пісьменнік Сяргей Дубавец і паэтка Ганна Шакель.

100 гадоў таму выйшаў культавы раман Фрэнсіса Скота Фіцджэралда "Вялікі Гэтсбі" 📕

Гэта гісторыя пра сілу вялікіх пачуццяў і балючае крушэнне рамантычнай мары, дзе галоўны герой спрабуе вярнуць мінулае і адкруціць час назад.

Кніга "Вялікі Гэтсбі" перакладзена на беларускую мову Сяргеем Матыркам і пабачыла свет у выдавецтве "Янушкевіч". Набыць раман можна тут:
👉 https://knihauka.com/vialiki_hetsbi

Глядзім выпуск на канале CHADANOVIČ пра такі актуальны нам сёння твор па спасылцы:
👉 https://youtu.be/cr9xva0EJ_U

Сонца напрыканцы снежня – болеспатольным лекам.
З літар твайго альфабэту складаецца свет, як з малекул.

Апошняя ў другім сезоне Перакладчыцкая Майстэрня Андрэя Хадановіча была прысвечаная сучаснай украінскай паэзіі 🇺🇦

📘 У межах сустрэчы адбылася міні-прэзентацыя зборніка «Пра словы і цішыню між імі» (адмысловы выпуск 👉 тут), а таксама «ўкраінскай» рубрыкі ў інтэнэт-часопісе «Таўбін», куды ўвайшлі перакладзеныя на беларускую вершы, напісаныя пасля 24 лютага 2022.

Андрэй Хадановіч паказваў вершы паэтаў і паэтак, украінскія арыгіналы, што ставілі перад ім пэўныя перакладчыцкія выклікі і праблемы, і свае спробы гэтыя праблемы вырашыць. Найчасцей цытаваліся вершы Сяргія Жадана (адмысловы выпуск 👉 тут).

Спецыяльным госцем сустрэчы стаў беларускі паэт Артур Камароўскі, які пачытаў уласныя пераклады Дарыны Гладун, Іі Ківы, Лізаветы Жарыкавай, Вячаслава Лявіцкага.

Чытаць "Нататнік Майстэрні" можна па спасылцы:
➡️ https://penbelarus.org/2025/04/10/paslya-vajny-kozhny-budze-inshy-i-getki-samy-pra-peraklady-suchasnaj-ukrainskaj-paezii-natatnik-majsterni.html