▶️ Таямніца самагубства, каханне і містыка, свабода і савецкая Беларусь: паэтычны лёс Яўгеніі Янішчыц

Новы выпуск на канале CHADANOVIČ

Новая гераіня нашага відэа - "Палеская ластаўка" Яўгенія Янішчыц. Пагаворым пра 666 вершаў, паэтычныя палёты, жыццёвыя трагедыі і да сёння неразгаданую таямніцу смерці паэткі.

✅ Сёння расказваем:
- чаму Янішчыц не змагла назваць сваю першую кніжку "Непрыручаная птушка";
- у чым выяўлялася няўдачлівасць аўтаркі і прычым тут малпа;
- як Янішчыц прадчувала сваю смерць і што ў гэтым містычнага;
- ці перамог савецкі час геніяльную паэтку;
- як парадыравалі вершы Янішчыц;
- чаму ўсё жыццё аўтарка пражыла пад прозвішчам Янішчыц;
- як паэтка пісала ідэалагічныя вершы пра "гнілы Захад", але хавала пад імі персанальны боль;
- ці змагла Янішчыц справіцца з жыццёвымі трагедыямі: ад жудаснай аўтакатастрофы да хваробы сына.

🗯 Вось некалькі думак з відэа:

💡 Калі тваё прозвішча, усе каму не лянота: ад народнага паэта Ніла Гілевіча да апошняга графамана, рыфмуюць з дзеясловам "нішчыць", нават дадаючы адмоўную прыставачку, гэта гіпнатызуе і самаўнушае. Дзеля справядлівасці, паэтка сама ў сваёй творчасці называе ўласнае прозвішча "расстраляным".

💡 Раз за разам паэтка піша вершы пра самагубцаў. Больш за тое, пазіцыя савецкай назіральніцы за "гнілым Захадам" як бы дае ёй стопрацэнтнае алібі: гэта там у Нью-Ёрку магчымыя самагубствы, гэта там усё прадаецца і купляецца, гэта там можна смела па-беларуску рыфмаваць "Іўда і Галівуда", як у першым з такіх вершаў пра самагубчы лёс Мэрылін Манро. Але ўжо наступны тэкст пра самагубства амерыканскай паэткі Эн Сэкстан мае ў сабе шчыры нерв, горыч і надрыў. Ёсць і тут хадульныя адзнакі свайго часу - “У горадзе, што ачмурэў / Ад джазу і ад сексу”, але ёсць таксама і такое:

Так, ёсць паэзіі сакрэт
І ў лёсе асабістым:
Паэт з’яўляецца на свет,
Як ластаўка, як выстрал.

Хто такая "Ластаўка" мы з лёгкай рукі Ніла Гілевіча даўно памятаем. Перад намі аўтабіяграфічны вобраз.

Не ў самагубстве сілы соль,
Хоць ёсць тут знак пратэсту…

Колькі тут ад рыфмы да скразнога рэфрэну - імені Эн Сэкстан з рознымі прыметнікамі, эпітэтамі, а колькі тут ад навязлівай думкі, з якой паэтка жыве?

💡 Часам у цяжкія неспрыяльныя часы не варта цурацца і грэбаваць неўласцівым для яе загадным ладам, але гэты тэкст Яўгенія Янішчыц палічыла патрэбным напісаць так: "Гавары са мной па-беларуску". Можа быць, у гэтым апошняя тэрыторыя няскоранай, неадфарматаванай сістэмай, не знішчанай да канца свабоды, якая засталася з паэткай назаўсёды.

❤️ Глядзім разам новае відэа Андрэя Хадановіча пра адну з самых яскравых паэтак у гісторыі Беларусі Яўгенію Янішчыц, ставім падабайкі, каментуем і дзелімся з сябрамі і сяброўкамі:
➡️ https://youtu.be/wUlbfwwZKcM

Сто разоў шукай другой красы,
А тым больш што сьвет даўно ня вузкі!
...Ды калі ты не бязродны сын —
Гавары са мной па-беларуску!

Андрэй Хадановіч расказвае ў новым відэа пра адну з найталенавіцейшых беларускіх паэтак Яўгенію Янішчыц, якая ўзнёсла любіла свой родны край, за што жывыя класікі беларускай паэзіі называлі яе - "Палескай ластаўкай" 🐦

❤️ Паслухайце цудоўны верш аўтаркі "Гавары са мной па-беларуску", які быў і застаецца глытком свабоды для беларусаў у свеце пануючай імперыялістычнай цемры.

Глядзім новае відэа Андрэя Хадановіча пра чароўную паэзію Яўгеніі Янішчыц:
➡️ https://youtu.be/wUlbfwwZKcM

🔥 Праект "Будзьма" @budzmaby з нагоды сёлетняга юбілею Андрэя Хадановіча вырашыў павандраваць па апошніх зборніках паэта.

📌 З тэксту даведаецеся:
- чаму "Цягнік Чыкага-Токіё" хуліганскі, а "Школа травы" медытатыўны зборнік;
- як Андрэй Хадановіч прысніў адзін са сваіх найлепшых тэкстаў ува сне;
- у чым унікальнасць вокладак аўтара;
- чаму на правах эпіграфаў да кожнага раздзелу "Школы травы Андрэй Хадановіч перакладаў важных для сябе творцаў.

Чытаем матэрыял па спасылцы 👉 https://budzma.org/news/khuliganim-i-medytuem.html

Глядзім выпуск пра творчасць Андрэя Хадановіча да яго 50-годдзя:
➡️ https://youtu.be/Ih8wpiIGqLI

Выдавецтва "Янушкевіч" абвясціла аб супрацоўніцтве са Стывенам Кінгам 📚

🗣 «Цяпер сусветна вядомы пісьменнік – наш аўтар. Плануем выдаць як яго класічныя творы, так і найноўшыя. Выданне беларускіх перакладаў асабліва важна таму, што аўтар забараніў выдаваць свае творы ў Расеі. Гэта быў ягоны цвёрды адказ на ўварванне ў Украіну», - паведаміў выдавец Андрэй Янушкевіч у сваім Instagram.

Першую кнігу плануюць выдаць ужо сёлета. Што гэта будзе? Прыходзьце ў пятніцу, суботу і нядзелю на кніжную выставу ў Беластоку і даведайцеся першымі ад Андрэя Янушкевіча.

📌10. Targi Książki | Białystok 2023
📆 21-23.04.2023
🏢 Stadion Miejski, Słoneczna 1, Białystok, павільён нумар 24.

Мойшэ Кульбак па-беларуску разам з Андрэем Хадановічам 🌟

23 красавіка ў Вільні адбудзецца імпрэза Андрэя Хадановіча, прысвечаная творчасці аднаго з самых прыкметных літаратараў міжваеннага часу — Мойшэ Кульбака.

📆 Дата: 23 красавіка
🕔 Час: 17:00 па Вільні
🏫 Месца: CreateCulture Space, Вільня, Karmelitų gatvė 5

Перад лекцыяй нагадаем, што на старонцы “Дзеяслова” можна пачытаць вершаваны пераклад Андрэя Хадановіча паэмы Кульбака "Райсн/Беларусь". Спасылка 👉 тут.

Таксама прапаноўваем паглядзець выпуск пра Мойшэ Кульбака і іншых творцаў, якія былі расстраляныя ў Чорную ноч:
➡️ https://youtu.be/8ZPDTzszAm4

Маё адно–адзiнае свiтанне,
Мой матылёк на светлай мураве.
Я паўтару услед, як заклiнанне:
«Няхай мой сын мяне перажыве».

Адна з найвялікшых трагедый у жыцці паэткі Яўгеніі Янішчыц здараецца, калі яе сын Андрэй захварэў на цяжкі апендыцыт з перытанітам 🙏

Янішчыц мабілізуе ўсе сілы і стварае паэтычную нізку-малітву «Маё адно-адзінае світанне», якая становіцца сімвалам любові маці да свайго дзіцяці.

Паслухайце лірычныя радкі з вершаванага твора і адчуйце, як у адным моманце спалучаюцца любоў і боль, пяшчота і надзея.

❤️‍🔥 Працягваем любіць, верыць і спадзявацца толькі на лепшае. Глядзім новы выпуск Андрэя Хадановіча пра «Палескую ластаўку» Яўгенію Янішчыц і яе цудоўную паэзію:
➡️ https://youtu.be/wUlbfwwZKcM

«Мне б хацелася, каб больш беларусаў цікавіліся сваім» 👌

Андрэй Хадановіч у новым інтэрв'ю для «Радыё Свабода» расказвае пра пазітыўны фідбэк ад гледачоў, а таксама беларусаў у расійскім інфармацыйным полі, прафесійных троляў, якія топяць за беларускі рэжым, Маскву і Пуціна, і згадвае пра самыя папулярныя відэа на канале.

🔝 Бонус. Андрэй Хадановіч раіць кнігі, якія варта пачытаць беларусам бліжэйшым часам.

Чытаем тэкст па спасылцы ↪️ https://www.svaboda.org/a/32370046.html

▶️ «Шляхціц Завальня, або Беларусь у фантастычных апавяданнях» Яна Баршчэўскага - найлепшае беларускае фэнтэзі

Новы выпуск на канале CHADANOVIČ

Ці існуе беларускае фэнтэзі? Безумоўна! Ян Баршчэўскі ў сваёй кнізе «Шляхціц Завальня, або Беларусь у фантастычных апавяданнях» першым, на зайздрасць Дайенерыс Таргарыен, расказвае пра спосабы, як зрабіцца маці ці бацькам цмокаў, а таксама распавядае, як дыхаць пад вадой без жабраў і ператварыцца ў ваўкалака. Пагаворым пра галоўны твор у жыцці знакамітага беларускага пісьменніка Яна Баршчэўскага.

✅ Сёння расказваем:
- як цудоўным чынам знайшлася надмагільная пліта Яна Баршчэўскага;
- ці пісаў аўтар па-беларуску;
- як Ян Баршчэўскі пазнаёміўся з Адамам Міцкевічам і Тарасам Шаўчэнкам;
- ці ёсць паралелі паміж Белай Сарокай у творы Баршчэўскага і Кацярынай ІІ;
- чаму пісьменнік быў чужым як для Расійскай імперыі, так і для савецкіх уладаў;
- як Уладзімір Караткевіч спрабаваў "рэабілітаваць" Яна Баршчэўскага;
- чаму твор «Шляхціц Завальня, або Беларусь у фантастычных апавяданнях» уваходзіць у топ-10 беларускіх кніг.

🗯 Вось некалькі думак з відэа:

💡 За паўтара стагоддзя да Джорджа Марціна і яго сагі «Песня лёду і полымя» селянін Карпа выгадоўвае пад пахай цмока з яйка чорнага пеўня - магічны рэцэпт па-беларуску. Зразумела, што ў кожнай гісторыі Баршчэўскага за піратэхнікай і спецэфектамі магіі і цудаў ёсць пэўная мараль. Зразумела, што асуджаецца лёгкі авантурны шлях узбагачэння на карысць сумленнай гарманічнай працы. Так і гісторыя ваўкалака неаддзельная ад маральнага зместу: як бы табе ні было крыўдна, як бы несправядлівы лёс ні разбіў тваё сэрца, знайдзі сілы прабачыць і адмовіцца ад крывавай помсты - гэтага патрабуе прырода людзей.

💡 Багаты палац з дзікімі мядзведзямі. Нічога не нагадвае? Такі сабе стэрэатыпны намёк на прасторы Расійскай імперыі. Шмат даследчыкаў атаесамляюць Белую Сароку з імператрыцай Кацярынай ІІ, на якой прамая адказнасць за падзел і акупацыю Рэчы Паспалітай. Але найцікавейшы тут пан Скамароха, які ідзе на згоду, выракаецца свайго і дапамагае д'ябальскай істоце высмоктваць сокі з сваёй зямлі і сваіх людзей.

💡 Вядома, што магіла Баршчэўскага згубілася. А нядаўна цудоўным чынам была знойдзена яго надмагільная пліта. На пачатку 2000-х гаспадар у Чуднаве пракладаў газ у сваім двары і знайшоў абсалютна заржавелую з нечытэльнымі надпісамі 30-кілаграмовую пліту, якая проста 17 гадоў прастаяла ў яго ў падворку. А потым ён вырашыў зэканоміць на цэменце і ўмантаваў туды гэту пліту, умяшалася надвор'е, дажджом змыла гэту іржаўчыну з пліты, і юная дачка, прачытаўшы надпіс, пачала гугліць імя на пліце і атаясаміла гэта імя з іменем славутага польска-беларускага пісьменніка. На пліце надпіс па-польску: «Ян Баршчэўскі, які любіў Бога, прыроду і людзей. Пісьменнік натхнення і пачуцця. Жыў годна 70 гадоў». Вось гэта найлепшая творчая характарыстыка пісьменніка, хоць я дадаў бы сюды - любоў да Беларусі - галоўнай гераіні яго фантастычных апавяданняў.

❤️ Натхняемся беларускімі цудамі, легендамі і міфамі, памятаем сваё, глядзім новае відэа Андрэя Хадановіча, ставім падабайкі, каментуем і дзелімся з сябрамі і сяброўкамі:
👉 https://youtu.be/fZc2mB_2JZA

«Жыві з ім y дружбе, калі хочаш быць багаты, бо калі ўгнявіш, дык ён можа спаліць табе хату і ўсё тваё дабро» 🔥

🐉 Хто з нас не цікавіўся паходжаннем цмока?

Трымайце магічны рэцэпт ад Яна Баршчэўскага з галоўнай кнігі фэнтэзі ў гісторыі Беларусі - «Шляхціц Завальня, або Беларусь у фантастычных апавяданнях».

Хто ведае, можа Джордж Марцін прачытаў твор беларускага пісьменніка і натхніўся на напісанне свайго цыкла «Песня лёду і полымя»? 😀

Глядзім новы выпуск Андрэя Хадановіча пра Яна Баршчэўскага і яго геніяльную кнігу па спасылцы:
➡️ https://youtu.be/fZc2mB_2JZA

👌 Пашырайма сваю беларускасць. Лавіце крутую падборку беларускамоўных тэлеграм-каналаў, вартых вашай увагі:
#пашыраймасваё

@poshtabel — Беларусь на вінтажных паштоўках. Старыя здымкі нашых гарадоў ды мястэчак у рэтраспектыве, этнаграфія, цікавінкі з філакартыі.

@techleadby — новае мэдыя, якое публікуе навіны папулярнай навукі і тэхналёгій. Матэрыял падаецца простымі словамі на вельмі якаснай беларускай мове, бо аўтары — прафэсійныя журналісты.

@BelarusScience — інфармацыя пра ўсе значныя падзеі ў беларускім даследчым жыцці ў краіне і за мяжой з фокусам на сацыяльныя і гуманітарныя дысцыпліны. Даследаванні, навіны супольнасці і ўсё блізкае да гэтага тэмы.

@allabouttexnologys — навіны тэхналогій і гульнявога сьвету, цікавыя факты пра тэхніку на якаснай беларускай мове вы знойдзеце менавіта тут. Аўтар робіць новыя допісы кожны дзень!

@belarusium — старыя беларускія фота, мапы і іншыя цікавосткі, звязаныя з нашай Радзімай – Беларуссю.

☢️ 26 красавіка 1986 года адбылася самая жудасная тэхнагенная катастрофа ў чалавечай гісторыі - аварыя на Чарнобыльскай АЭС.

І нават цяпер, праз 37 гадоў пасля трагедыі, звыш 13% тэрыторыі Беларусі застаецца забруджанай радыяцыяй.

Пра Чарнобыльскую катастрофу пісалі выбітныя беларускія літаратары таго часу: Рыгор Барадулін, Уладзімір Някляеў, Яўгенія Янішчыц, Васіль Быкаў Генадзь Бураўкін і многія іншыя.

Нобелеўская лаўрэатка Святлана Алексіевіч напісала кнігу "Чарнобыльская малітва", у якой на працягу дзесяці гадоў гутарыла з сотнямі сведкаў аварыі: ад ліквідатараў да палітыкаў. Пачытаць кнігу ў перакладзе Уладзіміра Арлова можна ➡️ тут.

Падзеі Чарнобыля падштурхнулі Алеся Адамовіча да напісання адной з самых вядомых беларускіх кніг у жанры постапакаліптыкі “Апошняя пастараль”, у якой мадулюецца сітуацыя, якая можа здарыцца пасля cycвeтнaгa ядзepнaгa бeдcтвa.

Сёння, калі беларускі рэжым пагаджаецца на размяшчэнне ядзернай зброі на нашай тэрыторыі, асабліва важна памятаць пра папярэджанні беларускіх класікаў.

Прапаноўваем паглядзець відэа Андрэя Хадановіча пра беларускіх і сусветных аўтараў, якія паказваюць, што можа здарыцца са светам у выніку атамнай катастрофы:
👉 https://youtu.be/AS2WDj3RsNc

Твор "Дзікае паляванне караля Стаха" працягвае жыць ❤️

🆕 14-16 верасня 2023 года на галоўнай сцэне Цэнтра мастацтваў "Барбікан" у Лондане адбудзецца прэм'ера оперы паводле аповесці Уладзіміра Караткевіча "Дзікае паляванне караля Стаха".

🎼 Музычны твор пакажа рэжысёр Свабоднага тэатра Мікалай Халезін на музыку Вольгі Падгайскай. Вершаванае лібрэта напісаў Андрэй Хадановіч.

Заінтрыгаваныя? Тады паслухайце цудоўны тэкст Андрэя Беларэцкага з сёлетняй навінкі 🤩

🎫 Набыць квіткі можна ➡️ тут

Выпуск пра Уладзіміра Караткевіча і яго аповесць "Дзікае паляванне караля Стаха" па спасылцы:
➡️ https://youtu.be/ta5HV0wuIXY

28 красавіка адбудзецца анлайн-прэзентацыя кнігі «Выбраныя вершы з нагоды і без» Антонія Эдварда Адынца па-беларуску 📘

Андрэй Хадановіч запрашае на літаратурную сустрэчу «У сэрцы любоў толькі не памірае» ў межах праекту «Санаторый пад клепсідрай», дзе разам з паэткай, перакладчыцай і ўкладальніцай кнігі Марыяй Мартысевіч паразважаюць:

✅ ці быў Адынец-паэт рамантыкам;
✅ як адбіваецца ў яго творчасці гісторыя філаматаў і філарэтаў, вобразы сяброў і тэма сяброўства;
✅ ці варта верыць літаратурным міфам, створаным пісьменнікам;
✅ як склаўся лёс паэта ў параўнанні з сябрамі-паплечнікамі;
✅ у чым асаблівасці фальклорных стылізацыяў паэта;
✅ як складаецца гісторыя беларускіх перакладаў Адынца.

📆 Дата: 28 красавіка
🕒 Час: 15:00BY/14:00PL

Далучыцца да сустрэчы можна 👉 на старонцы Прасторы польскай культуры

«Гэтая кніга — пра сённяшняе адчуванне страху ў тэрарызаванай Беларусі».

🐎 Андрэй Хадановіч разам з іншымі стваральнікамі спектакля «Дзікае паляванне караля Стаха» рэжысёрам Мікалаем Халезіным, салістам Іллём Сільчуковым і кампазітаркай Вольгай Падгайскай распавялі «Радыё Свабода» пра наватарства пастаноўкі, сённяшняе гучанне Караткевіча і дзікае паляванне, у якім мы цяпер жывём.

Чытаць тэкст можна па спасылцы:
➡️ https://www.svaboda.org/a/32380899.html

А ці беларускі літаратар Ян Баршчэўскі? 🧐

Адказ на гэтае пытанне ёсць у Андрэя Хадановіча. Гэтага не было ў нашым выпуску, таму глядзім і слухаем разам верш «Гapэлiцa», які быў напісаны Янам Баршчэўскім па-беларуску.

Ax ты ж, мaя гapэлiцa, мaя вecялyxa,
Цepaз ycю мянe нoчкy мyчылa cyкpyxa.
Цi мнe ж былo гэтa лoўкa, штo я ўcю нoчкy
Toлькi вiдзeў yвa cнe пapoжнюю бoчкy?

Выпуск пра самы знакаміты твор аўтара «Шляхціц Завальня, або Беларусь у фантастычных апавяданнях» па спасылцы:
➡️ https://youtu.be/fZc2mB_2JZA

▶️ Найлепшы верш Куляшова: што стала з сапраўднай "Алесяй" - гэта дэтэктыў, Песняры і галоўная таямніца паэта

Новы выпуск на канале CHADANOVIČ

Новы герой нашага відэа - беларускі паэт Аркадзь Куляшоў. Пагаворым пра цуд пранізлівага любоўнага верша "Бывай", які зрабіўся культавай песняй "Алеся".

✅ Сёння расказваем:
- чаму першым псеўданімам паэта быў Куляшоў-Няшчасны;
- як адбылося першае знаёмства аўтара з літаратарамі Таўбіным і Астапенкам і што здарылася з іх сяброўствам далей;
- чаму другі зборнік паэзіі Куляшоў называў сваім першым і прычым тут Міхась Чарот;
- як паэт адмовіўся развесціся з жонкай, хаця таго патрабавала партыя;
- чаму пасля асуджэння дыктатуры Сталіна на ХХ з'ездзе КПСС Куляшоў часова нічога не пісаў;
- што праўда, а што не ў паэме аўтара "Маналог";
- у чым заключаецца містыфікацыя твора "Бывай";
- чаму гісторыя з галоўным вершам паэта нагадвае шахматную партыю;
- як песню "Алеся" спявалі ў космасе.

🗯 Вось некалькі думак з відэа:

💡 Калі мы будзем параўноўваць тое, што з'явілася ў "Полымі", калі Куляшову было 14, і тое, што з'явілася праз доўгія гады ў яго пяцітомным зборы твораў і ў кнізе "Мая Бесядзь", мы будзем узрушаны. Агульнага паміж вершамі - адзін радок. Таму на пытанне: "Ці напісаў гэты верш юны паэт?", можна адказаць так: "Напісаў, але ў беларускай мове ёсць такі галоўны сэнс у слова "Верш" - адзін вершаваны радок". Вось ён: Бывай, абуджаная сэрцам, дарагая.

💡 Вядома, што ў апошнія дні свайго жыцця, паміраючы ў санаторыі ў Нясвіжы, Куляшоў думае і піша пра гэтыя два матывы, якія цягнуцца за ім з дзяцінства і юнацтва: паўзамоўчаная гісторыя кахання з Алесяй і паўзамоўчаная гісторыя пра рэпрэсаваных сяброў. Тое, што не адпускае цябе да канца, тое, што жыве ў табе паралельна з тваім афіцыйным жыццём. Але звернемся да дзіцячага сшыткавага двухтомніка, падпісанага псеўданімам "Куляшоў-Няшчасны". Можа быць, менавіта такія няшчасныя гісторыі і маюць найбольшае права, каб зрабіцца вялікай літаратурай.

💡 Паэт, які падмануў час і непазбежныя страты. Куляшоў-чалавек уцёк з быхаўскай пошты, расчараваўшыся ў тым, як час знішчае красу маладосці. Але сам верш выратоўвае і робіць неўміручым найлепшае, што ёсць у юначым каханні, прапускаючы гэта праз дарослую мудрасць. Шкада блізарукасці тых, хто не бачыць гэтых нот сталага чалавека, які - як бы з боку - глядзіць на сябе-падлетка. Можа быць, зліянне двух гэтых позіркаў у адно непарыўнае і робіць любоўны верш "Бывай" адным з галоўных шэдэўраў беларускай паэзіі.

❤️ Аркадзь Куляшоў даказвае, што каханне, якое было, не знікае, бо яно жыве і будзе жыць у беларускім мастацтве, таму глядзім новы выпуск Андрэя Хадановіча, ставім падабайкі, каментуем і дзелімся з сябрамі і сяброўкамі:
➡️ https://youtu.be/-x4a0jYiyMA

Дзе ж вы, дзе, майго дзяцiнства конi,
Паскакалi без мяне куды вы?
Больш не чутна за спiной пагонi...
Дзе спынiлi вы свой бег iмклiвы?
Праплывае мiма пабрацiмства,
Конi, конi дыхаюць гарача.
Каруселi кружаць, а дзяцiнства
Убаку стаiць мае - i плача.

Андрэй Хадановіч у новым відэа расказвае пра галоўныя таямніцы жыцця беларускага паэта Аркадзя Куляшова: паўзамоўчаная гісторыя кахання з Алесяй, што падарыла нам адзін з галоўных любоўных вершаў беларускай літаратуры, і паўзамоўчаная гісторыя пра рэпрэсаваных сяброў Юлія Таўбіна і Змітра Астапенку, якія ўваходзілі ў літаратурную групу «Мсціслаўцы».

❤️‍🔥 Гэтыя матывы не адпускалі паэта да канца жыцця і яскрава апісаны ў фінальным вершы Куляшова пад назвай «Карусель».

Глядзім новае відэа пра лёс, каханне і творчасць Аркадзя Куляшова па спасылцы 👇
https://youtu.be/-x4a0jYiyMA