🥰 Не хапае Беларушчыны? У дзень роднай мовы самы час гэта выправіць. Лавіце крутую падборку беларускамоўных ютуб-каналаў, вартых вашай увазе:

🎞 CHADANOVIČ - праект беларускага паэта і перакладчыка Андрэя Хадановіча, які распавядае пра актуальныя творы сусветнай і беларускай літаратуры, у якіх мы з вамі цяпер жывём.

🎞 Годна - канал аднайменнай грамадскай кампаніі, якая імкнецца прасоўваць і ўмацоўваць беларускую ідэнтычнасць. Сапраўднымі зоркамі праекта з'яўляюцца блогеры Мікіта Бялевіч і Ліза Ветрава.

🎞 Тутэйшы Шляхціч - канал блогера Усяслава Пашкевіча, які скіраваны на папулярызацыю беларускай культуры, гісторыі і мовы. Тут і пра беларускую лацінку, якую прапагандысты-невучы называюць варожай, і пра беларускі Смаленск.

🎞 Будзьма Беларусамі - праект, які дапамагае ўсвядоміць і папулярызуе каштоўнасці, што ёсць у нашых людзях, мове, шматвяковай гісторыі і культуры Беларусі. Тут і традыцыйныя беларускія стравы, і гістарычныя праграмы "Гісторыя за 5 хвілін" Алеся Краўцевіча, "Трызуб і Пагоня" Кацярыны Ваданосавай. Таксама ёсць і асобны канал "Будзьма дзецям" для самых маленькіх нашых разумнят.

🎞 Янахімічыла - гэта навукова-папулярны блог беларускі Яны Карслян, якая жыве і працуе ў ЗША і мае PhD in Chemistry. У сваіх відэа блогерка дае карысныя ў побыце практычныя парады, перакладаючы інфармацыю з мовы навуковай на чалавечую

🎞 Коnan Ў - беларускамоўны праект папулярнага блогера SMASH (340 тысяч падпісчыкаў), які пасля пачатку вайны пачаў размаўляць па-беларуску. У сваіх відэа Валянцін Конан разважае на тэму расейскага прыгнёту і чаму беларусы не размаўляюць па-беларуску.

🎞 Віталь Чырвінскі Размовы пра ваенную гісторыю - былы афіцэр, які сышоў з Ваеннай акадэміі пасля жніўня 2020 года Віталь Чырвінскі ў сваіх выпусках расказвае пра беларускую ваенную гісторыю. Тут і відэа пра гераічную жанчыну-афіцэра Эмілію Плятэр, і пра выдатную перамогу Стэфана Баторыя над войскамі Івана Жахлівага, і пра знакамітую Грунвальдскую бітву.

Стаўце ❤️, калі хочаце пабачыць другую частку падборкі беларускамоўных каналаў.