У краіне, дзе поўны тормаз націскае на тармазы;
дзе адно й тое самае свята адзначаюць чатыры разы,
каб насельнікі, як наркаманы, зноў і зноў адчувалі прыход
навагодняга свята з вечна новай назваю “Новы год”

А ці ведалі вы, што Андрэй Хадановіч можа не толькі праспяваць песні пад гітару, але і зачытаць рэп?🎤

Верш "Калядны рэп" быў напісаны ў 2004 годзе, але адзін чалавек у Беларусі дагэтуль працягвае ставіць на тармазы ўсю краіну.

Стаўце ❤️, калі спадабаўся тэкст.

Выпуск з яскравымі вершамі Андрэя Хадановіча і цікавымі гісторыямі паэта па спасылцы:
👉 https://youtu.be/Ih8wpiIGqLI

Песня «Зялёныя палі маёй зямлі» у перакладзе Андрэя Хадановіча ўвайшла ў новы міні-альбом «Зямля, вагонь ды вада» гурта Dzieciuki 🔥

Гэта кавер на кампазіцыю Піта Сэнт-Джона «The Fields of Athenry», якая стала сапраўдным сімвалам змагання Ірландыі з Брытанскай імперыяй. Песня была напісана ў 1979 годзе ў стылі ірландскай народнай балады.

Пачуўшы «Зялёныя палі маёй зямлі», вы дакладна адчуеце сувязь паміж нашымі краінамі.

Таксама ў рэліз увайшлі кампазіцыі:
✅ Тадэвуш Рэйтан
✅ Усяслаў Чарадзей

Слухаць альбом цалкам можна па спасылцы:
➡️ https://youtu.be/BqgxWiYSPtE

Які ён, беларускі мужчына? 🤔

Верш "Беларускія мужчыны" - адказ шведскім паэтам, якія склалі вобраз іх мужчыны як чалавека, які ўмее карыстацца пральнай машынай і трымае сябе ў добрай фізічнай форме.

Андрэй Хадановіч у сваім тэксце расказвае пра канапу, шкарпэткі і вечаровы футбол сапраўднага беларуса, а рэзюмуе партрэт стаўленне жанчыны: "Беларускі мужчына – чысты аб’ект кахання".

Падрабязней пра тое, як ствараўся верш, у новым выпуску з нагоды 50-годдзя Андрэя Хадановіча:
👉 https://youtu.be/Ih8wpiIGqLI

Андрэй Хадановіч запрашае беларусаў Вільні на святкаванне Дня роднай мовы 👌

Заўтра, 21 лютага ў школе Стэмбрыдж “Мова нанова” арганізоўвае дзень роднай мовы для беларускіх дзяцей і іх бацькоў.

У праграме:
- творчы выступ Андрэя Хадановіча;
- квіз для дзяцей і падлеткаў;
- гульні, вершы, падарункі і мора эмоцый.

📆 Дата: 21 лютага
🕕 Час: 17:00 па Вільні
🏢 Месца: прыватная школа Стэмбрыдж (Maironio g. 11)

Уваход бясплатны, але спачатку трэба зарэгістравацца па спасылцы:
👉 https://forms.gle/kBfPtsrqYPK9e8Ht6

▶️ Дон Жуан - салодкагалосы спакуснік ці цынічны монстр?

Новы выпуск на канале CHADANOVIČ

«Дон Жуан» - гэта гісторыя зусім не пра каханне, а хутчэй пра ўладу і людзей, якія ёй служаць. Вельмі актуальна для сённяшняй Беларусі, ці не праўда? Андрэй Хадановіч у новым відэа расказвае пра «Дон Жуана» ў версіі французскага камедыёграфа Жан-Батыста Мальера.

✅ Сёння расказваем:
- калі адбылося другое нараджэнне забітага Дон Жуана;
- які выхадзец з Беларусі напісаў сваю версію «Дон Жуана»;
- чым Мальер падобны на савецкіх творцаў;
- у чым глыбокі філасофскі сэнс «Дон Жуана» і пры чым тут Беларусь;
- чуткі і легенды пра Жан-Батыста Мальера - дзе тут праўда;
- чаму Дон Жуан параўноўваў сябе з Аляксандрам Македонскім;
- хто былі прататыпы галоўных герояў п'есы Мальера;
- як Хадановіч зрабіў беларускі пераклад «Дон Жуана» для Купалаўцаў і чаму не ўсё атрымалася.

🗯 Вось некалькі думак з відэа:

💡 Размова вядзецца не столькі пра каханне, колькі пра неабмежаваную ўладу. Дон Жуан невыпадкова згадвае пра Аляксандра Македонскага з яго ваеннымі амбіцыямі. Ён сам сабе Аляксандр Македонскі ў каханні. Ці ставіцца герой з павагай да жанчыны як асобы? Пытанне рытарычнае. Зразумела, не. Ці цэніць ён жаночую прыгажосць? Настолькі, наколькі можа ёй скарыстацца!

💡 Відавочна, Мальер сябе шмат у чым атаесамляў са Сганарэлем. Ён працуе з персанажам у межах магчымасцяў сказаць уладару: «Ты не маеш рацыі». А Дон Жуан надта нагадвае Людовіка ХIV, які пыхліва казаў, што «Дзяржава - гэта Мы», які валадарыў столькі гадоў, што беларусу застаецца толькі да болю закусіць губу. Ён перажыў свайго сына і ўнука і пакінуў толькі малалетняга праўнука пасля сябе. Кароль, які правіў так, што злыя языкі жартавалі: гэта доўжылася столькі, што ў канцы ўсе забылі тое, што было спачатку. Вось жа, крытыкаваць такога можна толькі адзін раз, далей цябе пакараюць. Але Мальер не выбіраў час свайго нараджэння і ўмовы, у якіх пісаў. Ён карыстаўся тым вакном магчымасцяў, якое яму далося. Мальер працаваў з уладай, уплываў на ўладу і спрабаваў яе выхоўваць.

💡 Усе, здаецца, задаволеныя, што грэшнік пакараны, але ж Сганарэлю не заплацілі. Варта задумацца ўсім тым, хто рукамі і зубамі трымаецца за ўладу, незалежна ад таго, хто яны: чыноўнікі вертыкалі, людзі, якія фальсіфікуюць выбары ці сілавікі, якія павязаныя крывёй са сваімі замоўшчыкамі. Памятайце, злачынца будзе пакараны, а вы застанецеся без платы ад яго, але з расплатай, якая прыйдзе зусім з іншага боку.

❤️ Гісторыя Мальера і яго «Дон Жуана» вучыць, што ў самыя цёмныя часы ў чалавека застаецца тэрыторыя для таго, каб ствараць сваё і быць сабой, таму працягваем, як бы ні было цяжка, асабліва беларусам у Беларусі, развівацца культурна і рабіць свой унёсак у агульную перамогу.

Глядзім разам новае відэа Андрэя Хадановіча пра Дон Жуана, ставім падабайкі, каментуем і дзелімся з сябрамі і сяброўкамі:
👉 https://youtu.be/sSoavbWWeoE

21 лютага адзначаецца Дзень роднай мовы ❤️

Віншуем са святам і заклікаем думаць, размаўляць, пісаць і ствараць па-беларуску 👌

З гэтай нагоды прапаноўваем прайсці невялікі тэст, каб праверыць, наколькі добра вы ведаеце цытаты і вершы беларускіх класікаў - герояў выпускаў Андрэя Хадановіча.

🚀 Стартуем!