Роўна 85 гадоў таму саветамі быў расстраляны Максім Гарэцкі 🕯

5 студзеня 1938 года тройка НКУС асудзіла знакамітага беларускага літаратара да расстрэлу і канфіскацыі маёмасці. Прысуд быў выкананы 10 лютага 1938 года а 15-й гадзіне ў вяземскай турме.

Выпуск пра Максіма Гарэцкага і яго апавяданне «Рускі» - адно з самых папулярных відэа на канале CHADANOVIČ. Калі прапусцілі, запрашаем да прагляду:
👉 https://youtu.be/8SWzQPcsY24

Вечар пятніцы - самы час для прагляду новага выпуску пра Сяргея Пясецкага:
▶️ https://youtu.be/dftjZ9UIp-M

📽 Жыццё класіка - гатовы сцэнарый для мастацкага фільма. Сабралі для вас 5 фактаў пра Сяргея Пясецкага, якія вы маглі не ведаць:

1️⃣ - У сёмым класе Пясецкі пасварыўся з інспектарам гімназіі і наставіў на яго рэвальвер. Пакаранне было хуткім, але нядоўгім: Пясецкі збег з турмы ў Маскву. Трапіў у самы разгар рэвалюцыі і стаў зацятым антысаветчыкам.

2️⃣ - Памяць Сяргея Пясецкага ўвекавечана ў Ракаве мемарыяльным знакам — на вялікім камені шыльда з іменем і выявай сузор'я Вялікай Мядзведзіцы. Штогод на Ракаўскім фестывалі праводзіліся квесты паводле рамана аўтара.

3️⃣ - Пісьменнік быў жанаты з Ядзвігай Вашкевіч і для яе нават перайшоў у каталіцтва.

4️⃣ - Пясецкі быў вымушаны ігнараваць, калі яго сыну споўнілася два гады. Яны больш ніколі не сустрэліся. Сын Уладзіслаў нічога не ведаў пра бацьку. У адным з інтэрв'ю ён расказваў:
«Я толькі ведаў, што тата – аўтар папулярных да вайны кніг, у тым ліку – «Каханка Вялікай Мядзведзіцы». Увесь час тата і мама перапісваліся, а час ад часу мы атрымлівалі пасылкі, падпісаныя «ад бабулі Стафаніі». Пра тое, што гэта быў тата, я даведаўся ўжо толькі ў 1989-м».

5️⃣ - У 1939 годзе Пясецкі дапамог збегчы ад саветаў у Вільню вядомай перакладчыцы Алене Іваноўскай. Пра гэта расказваў яе пляменнік Казімір Іваноўскі:
«Акрамя іншага, Пясецкі яшчэ і краў коней. Каб скрадзены конь не заржаў, выкарыстоўваўся стары трук. Да конскага хваста прымацоўвалі камень, прычым валасы хваста завязвалі так, каб камень быў як у сетцы. Пасля гэтага конь ніколі не ржаў. Ужо падчас вайны мая цётка ўцякала ў Вільню. На фурманцы праз мяжу вёз яе барадаты стары селянін. Мяне зацікавіла, як яны абмінуць густыя патрулі савецкіх памежнікаў, каб конь не заржаў.
- А вельмі проста, усадзім яму камень у хвост, - адказаў стары.
- Дык гэта вы, спадар Сяргей! - усклікнуў я.
Нягледзячы на добры грым, я пазнаў яго, ён моцна сканфузіўся. Супакоіў, сказаўшы, што пазнаў яго толькі з-за гісторыі пра каня».

Ужо сёння! У межах паэтычнага фэсту «Вершы на асфальце» адбудзецца творчая імпрэза Андрэя Хадановіча ‼️

Андрэй Хадановіч. Greatest Hits: паэзія, пераклады, музыка
📆 Дата: 12 лютага
🕕 Час: 18.00 па Вільні
🏢 Месца: Віленскі беларускі музей імя Луцкевіча, Цэнтр беларускай супольнасці ў Вільні (Vilniaus g. 20)

Як праходзіць фэст, чытайце тут:
👉 Дзень 1
👉 Дзень 2

🎂🎉 Сёння паэту, перакладчыку і аўтару нашага YouTube-канала Андрэю Хадановічу спаўняецца 50 гадоў!

Зычым найхутчэйшай перамогі святла над цемрай і натхнення для новых выбітных вершаў і перакладаў.

🎥 Гэты дзень нараджэння Андрэй Хадановіч вырашыў адсвяткаваць разам з вамі і запісаў сёння адмысловы выпуск, таму вызваляйце ваш вячэрні час для прагляду.

Да юбілею творцы СНплюс падрыхтаваў нарэзку тэкстаў пра паэзію, грамаду і краіну Беларусь, які Андрэй Хадановіч у розныя часы пісаў для выдання. Раім пачытаць 👉 тут.

Пакідайце вашы віншаванні для спадара Андрэя ў каментарыях 👇

▶️ Андрэю Хадановічу - 50! Паэзія, якая заўжды дае надзею

Новы выпуск на канале CHADANOVIČ

Сёння самы незвычайны выпуск на канале, таму што галоўны герой відэа - сам Андрэй Хадановіч. 13 лютага ў свой 50-ты дзень нараджэння аўтар прачытае свае творы і раскажа пра кніжкі, якія напісаў. Хутчэй залазьце пад коўдру і сагравайцеся самым цёплым выпускам на нашым канале.

✅ Сёння расказваем:
- чаму першая кніга Хадановіча "Лісты з-пад коўдры" выйшла ў свет спачатку на ўкраінскай мове;
- якая кніга паэта - самая хуліганская;
- каму прысвечаны твор "Неба Марыі", які паклала на музыку кампазітарка Вольга Падгайская;
- Каляды ці Вялікдзень - на якое свята пішацца лепш;
- як ствараўся паэтычны адказ беларускіх мужчын дасканалым шведам;
- каму была адрасавана адзіная дзіцячая кніга Хадановіча;
- чаму ў тэкстах паэта пасля 2020-га заўсёды ёсць не толькі боль, але і надзея;
БОНУС. Андрэй Хадановіч чытае рэп 😎

❤️ Памятаем, што ў сённяшнія цёмныя часы паэзія - гэта лепшая тэрапія, якая дасылае нам прамені цеплыні і падтрымкі, таму будзьма з беларускай літаратурай і яе выбітнымі аўтарамі. Глядзім новы выпуск і пакідаем вашы віншаванні для спадара Хадановіча ў каментарыях:

👉 https://youtu.be/Ih8wpiIGqLI

14 лютага 1937 года нарадзіўся беларускі паэт, празаік і перакладчык Міхась Стральцоў 🌟

У гэты дзень раім пачытаць, як адзін з герояў выпуску на канале CHADANOVIČ Алесь Разанаў разбірае верш Стральцова "Пад шоргат кропель дажджавых" і паказвае, як гэты тэкст можна перавесці ў вялікую размову. Спасылка 👉 тут

У 2018 годзе ўдавой Аленай Дзмітрыеўнай Стральцовай і ГА «Саюз беларускіх пісьменнікаў» заснавана літаратурная прэмія імя Міхася Стральцова.

Летась міжнародны паэтычны фестываль «Вершы на асфальце» прайшоў у Вільні, дзе ў апошні дзень адбылася творчая імпрэза Андрэя Хадановіча.

Як прайшла вечарына, чытайце ў рэпартажы праекта "Будзьма". Спасылка 👉 тут