طلاب الانتساب فقط اليوم ماكو محاضرة كيمياء عندي شغل وتبليغ للجميع 👍👍👍👍👍

#للتذكير

امتحانات نصف السنة :
الابتدائية 1/25
الثانوية 1/21

العطلة الربيعية تبدا 2/1 وتنتهي 2/15

الامتحانات النهائية
الابتدائية 5/5
الثانوية 5/15

ينتهي العام الدراسي للمدارس 5/25

مواعيد البكلوريا لاحقاً تحدد

#معهد_الحيدرية_النموذجي

انتضرو المفاجئة 😉😉

#الحذوفات

صح مو المطلوب ولا الشيء الي ناشدتوا علمودة بس تفائلوا عسى ولعل ممكن يسوون تعديل على الحذوفات ممكن يسهلوللكم الاسئلة وممكن ينزلون القبولات وكلشي ممكن يصير منا لوقتها المهم هسة أنتوا بفترة مقبلين على امتحانات مصيرية امتحانات تحدد دخولكم للوزاري يعني مو وقت الاعتراض واليأس عدكم مواد وامتحانات تنتظركم.

تذكر بالوقت الي أنت فاتح تلي وگاعد تتصفح من قناة لقناة ثانية وكل شخص ينطي رأيه عن الحذوفات وتتذمر وتضحك على المنشورات وهذي المنشورات لا راح تقدم ولا تأخر غيرك حاليًا ساد النت ومخلي جهازة بعيد عنه وديجاهد جهاد حتى يكمل ويضبط مادة نصف السنة ويجيب درجات عالية تليق بي وبتعبة فلا تحرم نفسك إن تكون من هاي الفئة الي مستوعبة حاليًا هي بفترة مهمة بالنسبة لمسيرتهم الدراسية.

#الزبدة

انو لا تبقى تخاف اكثر من اللازم دائماً أزرع بنفسك نقطة ايجابية تخليك تستمر
ولتخلي اليأس والخوف الزايد ياكلك ويدمرك وبالتالي تخسر .

#تبليغ

كافة الكروبات باچر اشرح حذوفات فصل ثاني فالكل تجيب ملازم الفصل الثاني والتبليغ للجميع.. اما الفصل الرابع فيكون بعد نصف السنه 👍

#تنويه

لاتوجد محاضرة كيمياء لهذا اليوم جميع الكروبات والموضوعين المحذوفات راح انزلهم عاليوتيوب وتبليغ للجميع 👍👍

طلابي محاضرة اليوم /اهمية ثابت الاتزان 👆👆 موضوع بالفصل الثاني كان محذوف وهذي محاضره وبعد محاضرتين ..ترقبوا 👍

ملاحظة/ لمشاهدة الفديو بدقه اعلى غيروها ع 720 او 1080 👍

+ رأيكم بالمحاضره طلابي بالتعليقات 🙂

استاذ هذه ملخص قوانين الفصل

#تبليغ

جميع المحاضرات متوقفه الى مابعد نصف السنه كعدوا راجعوا بعد المواد + المواضيع المحذوفه محاضرتين تنزل ع يوتيوب والتوفيق للجميع

#منقول

#السؤال_الاكثر_تداولًا من الطلاب والاساتذة وهو التعاريف المحذوفة نقراها لو لا ؟
#الجواب : عزيزي اقرا كلشي لا تترك اي تعريف لان صح حذفوه من المفاهيم بس موجود بالشرح
ومن حق الاستاذ يجيبه بامتحان نص السنة وبدون اعتراض عدا اسئلة الفصل الستة سؤالين فصل اول واربعة اسئلة فصل ثالث والباقي حذف روتيني يعني داخل .

كثير زملاء و طلاب يتوهمون بقضية الحذف للمفاهيم الأساسية ..
الموضوع ببساطة .
من تاريخ ١ / ٧ /٢٠٢٣ تم العمل على طبعة الكتاب التاسعة و لان النسبة المسموحة من التغيير ( حذف ، اضافة) قليلة تم العمل ضمن حدودها بطريقة احترافية جداً و تم اختيار الأسئلة المحذوفة بدقة عالية و كان الحذف اكثر من ٤٠ سؤال مختلف ( اصعب و أعقد أسئلة المنهج) و تم توفير اكثر من ٢٠ حصة دراسية اي ما يعادل حصص خمسة اسابيع و الحمد لله صدرت نسخة ٢٠٢٣ الطبعة التاسعة المعتمدة هذا العام ...
و بعد اكمال الطبعة التاسعة تم التخطيط للطبعة العاشرة للعام القادم و من اهم النقاط التي تم تحديدها و الاتفاق عليها هي تقليل عدد صفحات الكتاب المنهجي ( لان عدد الصفحات كبير يسبب نفور لدى الطالب ) و ذلك بحذف الصفحات مكررة المحتوى ، و بعض الأسئلة المكررة و بعض المواضيع غير المرتبطة مع تسلسل مفردات المنهج و من اهم النقاط هي حذف المفاهيم الأساسية ..

التكييف لغاية يوم الخميس ٢٨ / ١٢ / ٢٠٢٣ كان مرفوض من قبل وزارة التربية و نتيجة تدخلات سياسية تم فرض قرار الحذوفات على الوزارة لذلك الحذوفات ظهرت شكلية فقط وهذه اشارة الى قتل فكرة التكييف للاعوام القادمة بمعنى اوضح ( لحد يفتح موضوع التكييف بعد)

الخلاصة/ منهج ٢٠٢٣ مطلوب كاملاً و لا يوجد أي حذف ... المفاهيم الأساسية مكررة كما في المثال أدناه تعريف التأكسد .

عن نفسي مشاركتي باي نشاط يخص المناهج يكون محصور بالأمور العلمية و الفنية فقط ، اما القرارات فالمديرية العامة للمناهج هي جهة تنفيذية فقط و القرار قرار وزير .

الأسئلة المكررة جداً هذه الفترة
١- منو يضمن انه الوزاري ما يجيبون سؤال من الأسئلة المحذوفة؟
ج/ المفروض يكون الإعتماد على الطبعة الاخيرة للمنهج و هذه مسؤولية اللجنة الدائمة للامتحانات لا علاقة للمناهج بالأمر
٢- التعاريف مطلوبة اذا المفاهيم الأساسية حذف ؟
ج/ نعم كل التعاريف في متن الفقرات مطلوبة و اذا كانت صيغة التعريف مختلفة بين متن الفقرات و المفاهيم الأساسية فيتم اعتماد الصيغة في متن الفقرات و صيغة المفاهيم تُهمل .
٣- تعاليل كبس حذف ؟؟
ج/ فقط سؤال تعاليل كبس في نهاية الفصل تم حذفه اما التمرين و المثال المحلول مطلوبات و ما دامت الفكرة مطلوبة فنتوقع اي سؤال عن تعاليل كبس يمكن وروده بالوزاري .
٤- شنو وضع حصص الكيمياء؟
ج/ ان شاءالله تعالى ترجع خمس حصص اما بعد نصف السنة او السنة القادمة ان شاء الله ...

١٩ / ١ / ٢٠٢٣
الكلام اعلاه لغاية تاريخ كتابة المنشور .... شنو يصير باجر ؟ الله اعلم لان الحكومة العراقية قراراتهم مفاجئة بكلشي .