Tashrif davomida ishtirokchilar muzey ekspozitsiyalarida namoyish etilgan Amir Temur va Temuriylar davriga oid noyob tarixiy eksponatlar, qadimiy qo‘lyozmalar, xaritalar, qurol-aslahalar, san’at asarlari hamda o‘sha davrning ilm-fan, me’morchilik va davlat boshqaruvi taraqqiyotini aks ettiruvchi qimmatli manbalar bilan yaqindan tanishdilar. Muzey mutaxassislari tomonidan eksponatlar va Temuriylar davlati tarixiga oid qiziqarli ma’lumotlar berildi.

Radiomonitoring va axborot almashinuvi: Chegaradosh hududlarda o‘rnatilgan mobil aloqa operatorlari tayanch stansiyalarining maydon kuchlanganligi darajasini birgalikda o‘lchash va natijalar bo‘yicha o‘zaro axborot almashish.
Tarmoqlarni optimallashtirish: Olingan tahliliy ma’lumotlar asosida chegaraoldi aholi punktlarida aloqa sifatini saqlab qolgan holda, boshqa tomon hududiga signal tarqalishini kamaytirish. Buning uchun tayanch stansiyalari antennalarining osilish balandligi, sektorlar yo‘nalishi, quvvati va qiyalik burchaklarini ikki tomonlama aniq sozlash (optimallashtirish).
Ushbu qo‘shma tadbirlar O‘zbekiston va Tojikiston o‘rtasidagi chegaraoldi hududlarda haqiqiy elektromagnit muhitni aniq baholash, radiochastotalardan tartibli foydalanish va eng muhimi — ikkala davlat chegara bo‘yida yashovchi aholisi uchun sifatli, uzluksiz mobil aloqa xizmatlarini ko‘rsatishga xizmat qiladi.