ភ្នំពេញ, ថ្ងៃទី១០-១១ ខែកក្កដា ឆ្នាំ២០២៥ អង្គការជនពិការកម្ពុជា ដោយមានការគាំទ្រថវិកាពីក្រសួងការបរទេស និងពាណិជ្ជកម្មអូស្រ្តាលីតាមរយះកម្មវិធីត្រីកោណក្នុងតំបន់អាស៊ាន នៃអង្គការអន្តរជាតិខាងការងារ (ILO) និងមានការសហការជាមួយសមាគមទីភ្នាក់ងារជ្រើសរើសពលករកម្ពុជា បានរៀបចំវគ្គបណ្ដុះបណ្ដាលស្ដីពី “ការធ្វើទេសន្តរប្រវេសន៍ការងារ និងបរិយាបន្នពិការភាព” ទៅកាន់ទៅភ្នាក់ងារជ្រើសរើសឯកជននៅកម្ពុជា។
វគ្គបណ្ដុះបណ្ដាលមានគោលបំណង៖
១) ដើម្បីបង្កើនការយល់ដឹងអំពីពិការភាព និងការធ្វើទេសន្តរប្រវេសន៍ការងារប្រកបដោយបរិយាបន្ន។
២) ដើម្បីគាំទ្រទីភ្នាក់ងារជ្រើសរើសឯកជននៅកម្ពុជាក្នុងការកំណត់ឱកាសការងារ កាត់បន្ថយឧសគ្គជនមានពិការភាព។
៣) ផ្សព្វផ្សាយ និងស្វែងរកការគាំទ្រជាមួយទីភ្នាក់ងារជ្រើសរើសឯកជន ជាពិសេសនិយោជកនៅក្រៅប្រទេស ដើម្បីឱ្យមានការដាក់បញ្ចូលបរិយាបន្នពិការភាពនៅក្នុងគោលនយោបាយស្ថាប័ន។
ដោយមានសមាសភាពចូលរួមសរុបចំនួន ២៨នាក់ (ស្រ្តី៥នាក់) ក្នុងនោះមានពិការភាពចំនួន ៥នាក់ (ស្រ្តី១នាក់)។