معذور شتريد تگول معذور
مالومك أبد وألگالك أعذار
عليه ثگال مرن وأنتَ مرتاح
لياليك هنى ولا ساعه تحتار
الـ على وساده تمدد خالي البال
مو مثل اليگضي الليل عـ النار
وأنتَ تنام تگعد تسهر تگوم
وأنا حتى بهذن ماأگدر أختار
التهدم ساف منه يفيده ترميم
مو مثل التفلش كُله ونهار
وتسولف ع المواقف وأنت خواف
شنو بصفحة حياتك شلك تذكار ؟
حديد أنتَ ورجفت بساعة الضيج
وأنا خشبه ووگفت بوجه منشار

بيا محطة تريدني أنزل ؟
و أنا عايفني القطار
بين طلقة ،وبين سيف
وبين صوت الانفجار
ليش عايفني
وسط هاي الخيارات المميتة
بعد ما عندك خيار؟
الي يدوس النار
يدري
مو ثلج جواه نار
أحنا مثل الينتظر
يمتى يموت
و تدري صعب الانتظار ...

مو انتَ الاتوسل بقاياك
يدري لله بلصاير بلياك.

منين نجيب مثلك حتى ننساك ؟
ومنو المثلَك يعوضك لو خِسرنة ؟
الشبه كل اربعين .. حچاية تنگال
ولو واحد يِصح چان انتظرنة

- جبار رشيد

اني المالي داعي ؟

جاوبني بصراحه وروح
انتَ السَبَب لو اني
صار سنين نتوادَع
ومحد عايف الثاني
اجيتَك حَتى ترجَعلي
رجَع بَس عطرك ويايه
اجيتك يالجنت
تكَدَر وَضعنه تحلَه بحجايه
غيرك جانت امنيته
احبه وافتهم قصته
كامل جان ما بي عيب
بس مشكلته مو " انتَ"