فيميل ادلت
عدها كحة جافة مستمرة وصارلها ٣ شهور ومن تحجي تكح متكدر تسولف جملة كاملة

تزداد وقت الجهد،، وتزداد من تشتم شي مثل صوبة وغيرها ،، ممكن تكون كحة تحسسيه او التهاب قصبات سابق وبقة irritation ف دتبقى تكح

صرفتلها شراب ديكادرون للتحسس
و مونتيلوكاست تاب علمود الخنكة الي عدها

تراجع طبيب بعد ٥ ايام اذا مشافت تحسن

لان اذا نفكر بيها كحة تزداد وقت الجهد وضيق تنفس ؟ هاي من ضمن اعراض الربو ،، لكن نرجع نكول الربو كحة تكون وي بلغم احياناً! واحنا هم منشخص هيج شي يحتاج اخصائي عموماً..

ف هنا ك symptomatic relief treatment ف الخيارات الهواي لكن سبب هيج نوع كحة هو اللي منعرفه !
لانو معدها حتى بلغم ولا حرارة ولا اي احتقانات ولا رشح ف نستبعد اي انفكشن او الفلو ،، الا اذا ارتيشن من انفكشن سابقة وهنا الستيرويد راح تشوف نتيجة

ف ماعرف ،، شنو رأيكم الخيارات هواي،، شرابات الزعتر واللبلاب تفيد،، والاكس كف ممكن ،، بس السبب الاساسي والعلة شتحتاج احس حسب رأيكم ؟؟

بالمستشفى كلما نشوف بالطبلة اكو ميروبنم ومريض عنده مشاكل بالكلية لازم نحسبله الجرعة حت نعدل عليها ونبلغ الطبيب

شلون احسبها؟ احنا هنا اكيد مراح نحط قوانين الTDM ونكعد نحسب وانما بتطبيق واحد بس الي هو مدسكيب نسوي خطوتين مهمات ونطلع الجرعة

مثلاً اليوم شفت حجية عمرها ٨٧ عدها CKD وتحتاج غسل هم،، الكرياتين عدها جان 9.63!! واليوم نازل صاير 8.9 وهذا كلش صاعد لان الطبيعي ميجاوز 1.1 تقريباً! وهي عدها 9 وبالطبلة مكتوب الدوز
Mero 1g *2

فنظرياً هي كلش هواي! بس لازم تحسبها وتكتب ع طبلة وتبلغ الطبيب

احسبها بخطوتين
الاولى احسبلها الCrCl والثانية اطلع جرعة الميرو ع اساس الكليرنس الي طلعلي

شلون تحسب الCrCl لمرضى renal impairment ونطلع جرعة العلاج مثلاً ميروبنم

مصدر يخبل، كل علاج بشنو تحله و بشنو تخففه و شكد يبقى ورا مينحل ويتخفف وشلون ينخزن يفيدنا كلش بالردهات

محاضرة عن السمنة من مصدر ACCP ملخص بيها طرق العلاج والادوية الابروفد ⬆️🆙

هسه ع بداية الصيف دا تجي حالات التهابات معوية و سهال بالذات عند الاطفال واكو حالات تسمم من المي

وغالباً سببها طفيلي الجيارديا لان ينشط بداية الصيف من المي الملوث تحديداً

يسوي انتفاخ قوي بالقالون ومغص وشعور بالامتلاء عبالك شارب بطل زيت و تعب و نحول و لعبان نفس، واكيد اسهال ، بس الي يميز الاسهال مال الجيارديا انه يكون مائي ودهني وع صفار لونه و ريحته كريهة

السؤال ع شكل الاسهال كلش مهم لان الجيارديا الوحيدة تسوي هلنوع لان اعطاء الانتيبايتك المناسب يعتمد ع هاي العلامة

الجيارديا طفلي علاجها الاساسي الفلاجيل وtnindazole

تكدر تنطي
🟡Flagyl tab 500mg تلث مرات باليوم لمدة اسبوع وللاطفال انطي الشراب

🟡Tinidazole tab 2g single dose
ياخذ اربع حبات طبك مرة وحدة بس

🟡Repoxol tab مرتين باليوم


للاطفال عوضهم محاليل اروائية وحت للكبار اذا اسهال شديد،، لبقيه الاعراض القولون انتفاخ ومغص نكدر ننطي بسكوبان حبوب او دسبتالين والافضل الافضل colpride لان بيه سمثكون علمود الانتفاخ قبل الطعام بنص ساعة و الاطفال هم عدنا شراب البسكويان اذا عمره فوك ٦ واذا جوه ٦ اكو قطرات سمثكون تفيد

علمود لعبان النفس والغثيان للاطفال زوفران كافي وكبار عادي زوفران او دومبي قبل الاكل

اذا اكو صخونه ونحول بالجسم ف ع بندول

اهم شي الانتيبايتك المناسب لان بقيه الادوية ع حسب الاعراض الي عنده لان

بس هي اشهر شي بيها المغص والانتفاخ والغثيان والاسهال الدهني الاصفر لان تمنع امتصاص الاكل ولازم تتعالج لان هم يصير اسهال ونوب غثيان وفقدان شهية كله يسوي نحول وبالتالي فقدان وزن وسوء تغذية

#هضمي #انتيبايتك

يعني هنا نعرف او صرنا نعرف من زمان انه مو لكلشي انطي فلاجيل بس بحالة اسهال الجيارديا او اسهال من الطفيليات عموماً

او حالة اسهال بسبب انتيبايتك ثاني هنا علمود بكتريا الclostridium والخط الثاني الها بعد الفلاجيل هو الفانكومايسين حطوها بالكم

#انتيبايتك #هضمي

استخدام ال RL وشوكت ماستخدمه

مكوناته تخليني اكدر انطي لحالات الacidosis و بعد اي حالة blood lose او fluid lose بسبب تروما او انجري او بعد العمليات او الحروق حت اعوض سوائل و عناصر مثل البوتاسيوم وصوديوم وكالسيوم لان هو قريب من مكونات سيرم الجسم

ويستخدم to induce urine in renal failure

زين ليش يفيدني بهيج حالات اكثر شي؟

اني من عندي فقدان بالدم مثل نزف و غيرها انسجة الجسم حيصير بيها اسكيميا ويقل وصول الدم هنا الmetabolism حيتحول لا هوائي لان قل دم ف فقل الاوكسجين ف هنا راح تتكون الكيتون بدي ف يصير عندي acidosis ويقل الph ف الرنكر بيه lactate هاي بالكبد يصيرلها ميتابلزم وتنطيني بايكاردونيت الي حتعادل الحموضه وترجع الوضع طبيعي

و بحالة فشل الكلوي هم يفيد لنفس السبب انو اهل الفشل الكلوي تصير عدهم حموضة بالدم بسبب تراكم السموم ف حت اقلل الحموضة استخدمه الهم و شغله لخ علمود اني معوضته سوائل هو بيه مي عادي حت اسويي induce urine outflow

بس ماكدر استخدمه بحاله اذاا ph قاعدي مثلا مثلا above 7.5
واذا عندي anuria يعني فدنوب فدنوب الكلية واكفه لان كلنا نستخدمه علمود نسوي induce urin output بس جماعة ال end stage renal failure الي كليته واكفه خلاص ومراح يصيرلي انديوس للادرار هذا مياخذه ابدا حت لايتراكم البوتاسيوم


🔻⤵️
يعني من الاخير يفيدني اذا عندي سبب سوه عندي حموضة لان بيه لاكيتيت تعادل الحموضة و ينطي داعوض سوائل جسم الي نفقدت لنفس السبب حت ليصير قلة بالblood volume وبالتالي حموضة