ជោគជ័យដ៏ផ្អែមល្ហែមសម្រាប់ទំនាក់ទំនងពាណិជ្ជកម្មរវាងកម្ពុជា និងអូស្ត្រាលី🥭

ក្រុមហ៊ុន គីរីរម្យ ហ្វ៊ូដ ប្រដាក់សិន (ខេ.អេហ្វ.ភី) ដែលជាក្រុមហ៊ុនរបស់កម្ពុជា បាននាំចេញដំណាប់ស្វាយស្ងួតធម្មជាតិចំនួន ២០ តោនដំបូងទៅកាន់ប្រទេសអូស្ត្រាលី។

សមិទ្ធិផលនេះសម្រេចទៅបានដោយមានការគាំទ្រពីរដ្ឋាភិបាលអូស្ត្រាលី តាមរយៈកម្មវិធី CAPRED ។ ការគាំទ្ររបស់រដ្ឋាភិបាលអូស្ត្រាលីបានជួយឱ្យ ខេ.អេហ្វ.ភី មានសមត្ថភាពក្នុងការត្រៀមខ្លួននាំចេញ និងអភិវឌ្ឍទំនាក់ទំនងអាជីវកម្មជាមួយដៃគូនៅប្រទេសអូស្ត្រាលី និងទីផ្សារផ្សេងៗទៀត។

នេះជាជំហានមួយឆ្ពោះទៅមុខទៀតក្នុងការពង្រឹងទំនាក់ទំនងសេដ្ឋកិច្ចរវាងអូស្ត្រាលី និងកម្ពុជា។

សូមអានបន្ត៖ https://shorturl.at/qOXCt

(English below)
អូស្ត្រាលីគាំទ្រវិស័យស្រូវអង្ករកម្ពុជា🇰🇭🤝 🇦🇺

តើអ្នកដឹងទេថា កម្ពុជាបានឈ្នះពានអង្ករល្អដាច់គេលើពិភពលោកជាច្រើនដង សម្រាប់អង្ករក្រអូបម្លិះអង្គរ?

មិនគួរឲ្យភ្ញាក់ផ្អើលទេដែលអង្ករកម្ពុជាបច្ចុប្បន្ននេះ ត្រូវបានដាក់លក់នៅលើធ្នើរហាងទំនិញនៅជុំវិញពិភពលោក។ អូស្ត្រាលីបានធ្វើការជាមួយកម្ពុជាអស់រយៈពេលជាច្រើនទសវត្សមកហើយ ដើម្បីបង្កើនផលិតភាព គុណភាព និងសមត្ថភាពរបស់វិស័យស្រូវអង្ករ ក្នុងការចូលទៅកាន់ទីផ្សារពិភពលោកលំដាប់ថ្នាក់ខ្ពស់។

គុណតម្លៃនៃការគាំទ្ររបស់អូស្ត្រាលី និងគោលដៅរបស់កម្ពុជាក្នុងការបន្តពង្រីកការនាំចេញរបស់ខ្លួន ត្រូវបានបង្ហាញឱ្យឃើញនៅក្នុងសន្និសីទស្រូវអង្ករពិភពលោកអន្តរជាតិឆ្នាំ ២០២៥ នេះ។

អូស្ត្រាលីនៅតែប្តេជ្ញាចិត្តក្នុងការគាំទ្រឧស្សាហកម្មស្រូវអង្ករប្រកបដោយនិរន្តភាពនៅក្នុងប្រទេសកម្ពុជា រួមចំណែកដល់កំណើនសេដ្ឋកិច្ចប្រកបដោយភាពធន់ បរិយាបន្ន និងនិរន្តរភាព។

សូមអានបន្ត៖ https://shorturl.at/YJHX7

(English below)
អបអរទិវាបុណ្យឯករាជ្យជាតិ ដល់មិត្តភក្តិ និងអ្នកគាំទ្រកម្ពុជាទាំងអស់របស់យើង!

ថ្ងៃនេះជាថ្ងៃដ៏សំខាន់មួយសម្រាប់ប្រទេសកម្ពុជា ក្នុងឱកាសប្រារព្ធខួបលើកទី ៧២ នៃទិវាបុណ្យឯករាជ្យជាតិ។

លោកឯកអគ្គរដ្ឋទូត យីប មានកិត្តិយសបានអញ្ជើញចូលរួមពិធីជាផ្លូវការនៅព្រឹកនេះ ដើម្បីថ្វាយព្រះពរ និងអំណរសាទរយ៉ាងកក់ក្តៅពីប្រទេសអូស្ត្រាលី ថ្វាយព្រះករុណាព្រះបាទសម្តេចព្រះបរមនាថ នរោត្តម សីហមុនី។

ប្រទេសអូស្ត្រាលី និងកម្ពុជា បានកសាងទំនាក់ទំនងភាពជាដៃគូដ៏រឹងមាំ និងយូរអង្វែងជាង ៧០ ឆ្នាំមកហើយ ដោយផ្អែកលើទំនុកចិត្ត និងការគោរពគ្នាទៅវិញទៅមក។

—————————
Happy Independence Day to all our Cambodian friends and followers!

Today marks a significant day for Cambodia as it celebrates its 72nd Independence Day.

Ambassador Yip was honoured to attend the official ceremony this morning to convey Australia’s warm congratulations to His Majesty Preah Bat Samdech Preah Boromneath Norodom Sihamoni.

For over 70 years, Australia and Cambodia have built a strong and enduring partnership, based on trust and respect.

កម្ពុជាឈ្នះពានរង្វាន់អង្ករប្រណិតល្អបំផុតលើពិភពលោកឆ្នាំ ២០២៥! 🌾✨

អង្ករម្លិះអង្គរ (ពូជផ្ការំដួល) របស់កម្ពុជាបានឈ្នះពានរង្វាន់ជាអង្ករប្រណិតល្អបំផុតលើពិភពលោកឆ្នាំ ២០២៥ ក្នុងកម្មវិធី សន្និសីទស្រូវអង្ករពិភពលោក ដែលបានប្រារព្ធឡើងនៅទីក្រុងភ្នំពេញសប្តាហ៍នេះ ។ នេះជាលើកទី ៧ ហើយដែលកម្ពុជាបានឈ្នះពានរង្វាន់មួយនេះ!

ក្នុងនាមជាអ្នកគាំទ្រយ៉ាងខ្លាំងលើវិស័យស្រូវអង្កររបស់កម្ពុជា យើងមានសេចក្តីរំភើប និងរីករាយដែលបានឃើញអ្នកផលិតក្នុងស្រុកត្រូវបានទទួលស្គាល់ពីគុណភាពនៃផលិតផលរបស់ពួកគេ។

រួមគ្នា យើងកំពុងខិតខំធ្វើការដើម្បីបង្កើនការនាំចេញអង្កររបស់កម្ពុជា និងគាំទ្រកំណើនសេដ្ឋកិច្ចប្រកបដោយចីរភាព។

-----

Cambodia wins World’s Best Rice 2025 award! 🌾✨

Cambodia’s Malys Angkor (Phka Rumduol variety) rice won World’s Best Rice 2025 at the International World Rice Conference in Phnom Penh this week — for the 7th time!

As a strong supporter of Cambodia’s rice sector, we’re thrilled to see local producers recognised for their quality.

Together, we’re working to grow Cambodia’s rice exports and support inclusive, sustainable economic growth.