អបអរសាទរព្រឹត្តការណ៍ដ៏អស្ចារ្យ សម្រាប់អូស្ត្រាលី និងកម្ពុជា ក្នុងព្រឹត្តិការណ៍កីឡាអូឡាំពិក ឆ្នាំ ២០២៤! 🇦🇺🇰🇭🏅
(English below)

យើងមានមោទនភាពយ៉ាងខ្លាំង ដែលបានឃើញអត្តពលិកអូស្រ្ដាលីរបស់យើង នាំយកកីឡាអូស្រ្ដាលីឡើងទៅកម្រិតខ្ពស់ថ្មីមួយទៀត ដោយដណ្តើមបានមេដាយមាស ចំនួន ១៨ គ្រឿង មេដាយប្រាក់ ១២ គ្រឿង និងមេដាយសំរឹទ្ធ ១១ គ្រឿង។ ថ្ងៃពុធមួយដែលមិនអាចបំភ្លេចបាន អូស្ត្រាលីបានឈ្នះមេដាយមាសចំនួន ៤ គ្រឿង ក្នុងរយៈពេលត្រឹមតែមួយថ្ងៃប៉ុណ្ណោះ ដែលបង្ហាញពីទេពកោសល្យដ៏អស្ចារ្យរបស់កីឡាកទូកក្តោង Matt Wearn កីឡាកជិះស្គី Keegan Palmer និងក្រុមកីឡាកជិះកង់បុរស ហើយបញ្ចប់ដោយការឈ្នះមេដាយមាសរបស់ Nina Kennedy ក្នុងការប្រកួតកីឡាលោតកម្ពស់។

យើងក៏មានសេចក្តីរំភើបចិត្តផងដែរ ដែលបានឃើញតារាចម្រៀងរ៉េបខ្មែរដ៏ល្បីល្បាញ លោក វណ្ណដា ស្លៀកសម្លៀកបំពាក់បែបប្រពៃណី សម្តែង និងច្រៀងចម្រៀងដ៏ល្បីរបស់លោក បទ 'Time to Rise' ក្នុងព្រឹត្តការណ៍បិទបញ្ចប់កីឡាអូឡាំពិកនេះ។ ការសម្តែងរបស់លោក គឺជាការបង្ហាញពីទេពកោសល្យ និងវប្បធម៌របស់ខ្មែរដ៏រស់រវើក។

សូមអបអរសាទរដល់អ្នកទាំងអស់គ្នា ដែលបានបញ្ចេញស្នាដៃ និងភាពល្អឯកទៅកាន់ពិភពលោក។

(English below)
ឯកឧត្តម ដេរិក យីប ឯកអគ្គរដ្ឋទូតថ្មីរបស់ប្រទេសអូស្ត្រាលី ជូនសារតាំង

ថ្ងៃនេះ ឯកអគ្គរដ្ឋទូត ដេរិក យីប បានចូលជួប និងជូនសារតាំងដល់ សម្តេច ហ៊ុន សែន ប្រមុខរដ្ឋស្តីទី។ ពិធីនេះ ជាការចាប់ផ្តើមតួនាទីបេសកកម្មការទូតជាផ្លួវការរបស់ ឯកអគ្គរដ្ឋទូត យីប នៅព្រះរាជាណាចក្រកម្ពុជា។

ក្នុងជំនួបនោះផងដែរ ឯកអគ្គរដ្ឋទូត យីប បានធ្វើការឆ្លុះបញ្ចាំងពីការចូលរួមរវាងប្រទេសអូស្ត្រាលី និងកម្ពុជាដែលមានជាយូរណាស់មកហើយ ក៏ដូចជាសារៈសំខាន់នៃទំនាក់ទំនងជាច្រើន ព្រមទាំងវិស័យអាទិភាពទ្វេភាគីមួយចំនួន រួមមាន វិស័យសុខាភិបាល វិស័យអប់រំ វិស័យកសិកម្ម ភាពធន់នឹងសេដ្ឋកិច្ច កិច្ចសហប្រតិបត្តិការការពារជាតិ និងនគរបាល លទ្ធិប្រជាធិបតេយ្យ និងសិទ្ធិមនុស្ស។

ឯកឧត្តមឯកអគ្គរដ្ឋទូត សម្លឹងឆ្ពោះទៅកាន់កិច្ចសហការជាមួយកម្ពុជា ដើម្បីជំរុញការដោះស្រាយបញ្ហាប្រឈមនានាដែលប៉ះពាល់ដល់តំបន់របស់យើង ក្នុងអាណិត្តរបស់ឯកឧត្តមនៅទីនេះ។