ឯកឧត្តម គង់ ច័ន្ទវាសនា រដ្ឋលេខាធិការក្រសួងកសិកម្ម រុក្ខាប្រមាញ់​ និងនេសាទ​ ចូលរួមកិច្ចប្រជុំគណៈកម្មការ​សួនកសិ-ឧស្សាហកម្ម​ (AIP) នៃកម្មវិធីការអភិវឌ្ឍសេដ្ឋកិច្ចប្រកបដោយភាពធន់ (CAPRED)
===================

នៅព្រឹកថ្ងៃទី២៥ ខែមករា ឆ្នាំ២០២៤ ឯកឧត្តម គង់ ច័ន្ទវាសនា រដ្ឋលេខាធិការ និងជាសមាជិកនៃគណៈកម្មការសួនកសិ-ឧស្សាហកម្មនៅកម្ពុជា នៃកម្មវិធី CAPRED បានចូលរួមកិច្ចប្រជុំលើកទី២ នៃគណៈកម្មការសួនកសិ-ឧស្សាហកម្មនៅកម្ពុជា នៃកម្មវិធីការអភិវឌ្ឍសេដ្ឋកិច្ចប្រកបដោយភាពធន់ (CAPRED) នៅសណ្ឋាគារភ្នំពេញ រាជធានីភ្នំពេញ។

កិច្ចប្រជុំនេះដឹកនាំដោយ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការ ជាមួយលោកស្រី Amber CERNOVS លេខាទូតទី១ នៃស្ថានទូតអូស្រ្តាលីប្រចាំកម្ពុជា ដោយ​មានការចូលរួមពីតំណាងក្រសួង-ពាក់ព័ន្ធ​ វិស័យឯកជន និងដៃគូអភិវឌ្ឍន៍...

ព័ត៌មានលម្អិត
https://bit.ly/48M4TUC



👉តំណភ្ជាប់ទៅកាន់គេហទំព័រ និងបណ្តាញសង្គមរបស់ក្រសួងកសិកម្ម រុក្ខាប្រមាញ់ និងនេសាទ Website | Facebook | Youtube | Telegram

អូស្ត្រាលីលើកកម្ពស់សហគ្រិនស្វាយចន្ទីកម្ពុជាលើឆាកអន្តរជាតិ

តើអ្នកដឹងទេ? កម្ពុជាគឺជាប្រទេសផលិតគ្រាប់ស្វាយចន្ទីលំដាប់កំពូលមួយរបស់ពិភពលោក ប៉ុន្តែតិចជាង ១០% នៃគ្រាប់ចន្ទីឆៅត្រូវបានកែច្នៃនៅក្នុងប្រទេស។

អូស្ត្រាលីកំពុងជួយដល់ប្រទេសកម្ពុជា ក្នុងការសម្រេចបាននូវសក្តានុពលលើវិស័យស្វាយចន្ទីដ៏រឹងមាំរបស់ខ្លួន និងក្លាយជាប្រទេសនាំចេញគ្រាប់ស្វាយចន្ទីឈានមុខគេ។

តាមរយៈកម្មវិធីអភិវឌ្ឍន៍សេដ្ឋកិច្ចដ៏សំខាន់របស់យើង កម្មវិធី CAPRED ប្រទេសអូស្ត្រាលីបានគាំទ្រក្រុមអ្នកផលិតគ្រាប់ស្វាយចន្ទីកម្ពុជាចំនួន ១០ នាក់ ដើម្បីចូលរួមក្នុងសន្និសីទគ្រាប់ស្វាយចន្ទីពិភពលោកឆ្នាំ ២០២៤ ដែលកម្ពុជាធ្វើជាម្ចាស់ផ្ទះ។

សន្និសីទនេះ ប្រារព្ធឡើងនៅខេត្តសៀមរាប ថ្ងៃទី ១-៣ ខែកុម្ភៈ ដោយបានប្រមូលផ្តុំសិក្ខាកាមចូលរួមជាង ៥០០ នាក់ មកពី ៣៤ប្រទេស។

សន្និសីទនេះ បានផ្តល់នូវវេទិកាមួយដើម្បីភ្ជាប់ទំនាក់ទំនងរវាងអ្នកផលិតជាមួយនឹងអ្នកកែច្នៃអន្តរជាតិ ពាណិជ្ជករ អ្នកនាំចេញ អ្នកវិនិយោគ និងអ្នកទិញ។ សន្និសីទនេះ ក៏បានផ្តល់នូវការយល់ដឹងអំពីគំរូអាជីវកម្មថ្មីៗ និងការអនុវត្តដ៏ល្អប្រសើរ ដើម្បីបង្កើនតម្លៃនៃខ្សែសង្វាក់ផ្គត់ផ្គង់គ្រាប់ស្វាយចន្ទី។

អូស្ត្រាលី និងកម្ពុជារួបរួមគ្នាក្នុងនាមជាដៃគូដ៏មានមោទនភាពក្នុងការសម្រេចបាននូវលទ្ធភាពទទួលបានទឹកស្អាតជាសកលនៅត្រឹមឆ្នាំ ២០៣០។

នៅក្នុងសន្និបាតលើកទី ១២ នៃសមាគមអ្នកផ្គត់ផ្គង់ទឹកស្អាតកម្ពុជា (CWA) ប្រទេសអូស្ត្រាលីបានអះអាងជាថ្មីនូវការប្តេជ្ញាចិត្តរបស់ខ្លួនក្នុងការគាំទ្រដល់គោលដៅនេះ។

តាមរយៈកម្មវិធី ភាពជាដៃគូ កម្ពុជា អូស្រ្តាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED) អូស្រ្តាលី កំពុងតែអភិវឌ្ឍម៉ូដែលវិនិយោគប្រកបដោយភាពច្នៃប្រឌិតសម្រាប់គម្រោងទឹកស្អាតនៅតំបន់ជនបទ។ នេះជាកិច្ចការងារបន្តរបស់អូស្រ្តាលីបន្ទាប់ពីភាពជោគជ័យនៃកម្មវិធីហេដ្ឋារចនាសម្ព័ន្ធពីមុនរបស់យើង ដែលបានជួយប្រទេសកម្ពុជាក្នុងការផ្តល់លទ្ធភាពប្រើប្រាស់ទឹកស្អាតដល់ប្រជាជនជាងមួយលាននាក់។

សន្និបាតនេះប្រព្រឹត្តទៅក្រោមអធិបតីភាពរបស់ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកអគ្គរដ្ឋទូត វ៉ាយអេត រួមជាមួយនឹងក្រុមប្រឹក្សាភិបាលនៃសមាគមអ្នកផ្គត់ផ្គង់ទឹកស្អាតកម្ពុជា។

សូមអានបន្ត៖ https://cambodia.embassy.gov.au/.../20240223-Australian...។