អូស្ត្រាលី គាំទ្រកម្ពុជាក្នុងការជំរុញសមភាពយេនឌ័រ និងបរិយាបន្នសម្រាប់អាជីវកម្មខ្នាតតូច

សមភាពយេនឌ័រ ពិការភាព និងបរិយាបន្នសង្គម (GEDSI) គឺជាចំណុចស្នូលនៃការអភិវឌ្ឍគោលនយោបាយអន្តរជាតិ និងការគាំទ្ររបស់ប្រទេសអូស្ត្រាលី។

នៅក្នុងប្រទេសកម្ពុជា សហគ្រាសធុនតូច និងមធ្យម (SMEs) ច្រើនជាង ៦០% ត្រូវបានគ្រប់គ្រងដោយ ស្រ្តី។ ទោះបីជាយ៉ាងណាក៏ដោយ ស្ត្រីជួបប្រទះនឹងបញ្ហាប្រឈមសំខាន់ៗក្នុងកិច្ចការងាររបស់ពួកគាត់ ដែលក្នុងនោះរួមមាន លទ្ធភាពទទួលបានហិរញ្ញវត្ថុ និងការអប់រំនៅមានកម្រិត ផ្នត់គំនិតយេនឌ័រ និងការរឹតបន្តឹងក្នុងការធ្វើដំណើរជាដើម ។

តាមរយៈកម្មវិធី CAPRED បានគាំទ្រក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីបង្កើតផែនការសកម្មភាពបញ្ជ្រាបសមភាពយេនឌ័រ ឆ្នាំ២០២៣-២០២៨ នេះ។

ថ្ងៃនេះ អូស្ត្រាលី និង ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានរួមគ្នាដាក់ឱ្យប្រើប្រាស់ និងផ្សព្វផ្សាយផែនការនេះ ទៅដល់ភាគីពាក់ព័ន្ធ និងដៃគូនានា ក្នុងគោលបំណងលុបបំបាត់នូវឧបសគ្គទាំងឡាយដែលស្រ្តីជួបប្រទះ និងធ្វើឱ្យស្ត្រីកម្ពុជា ក៏ដូចជាជនមានពិការភាព និងក្រុមដែលងាយរងគ្រោះ អាចចូលរួម និងទទួលបានអត្ថប្រយោជន៍ស្មើៗគ្នាពីកំណើនសេដ្ឋកិច្ចនេះ។

ប្រទេសអូស្ត្រាលី និងកម្ពុជា ពង្រឹងភាពជាដៃគូសម្រាប់កំណើនសេដ្ឋកិច្ចប្រកបដោយភាពធន់ បរិយាបន្ន និងនិរន្តរភាព តាមរយៈកម្មវិធី CAPRED។

ក្នុងសប្តាហ៍នេះ លោកស្រី Amber Cernovs លេខាធិការទីមួយប្រចាំស្ថានទូតអូស្ត្រាលី បានធ្វើជាសហប្រធាននៃកិច្ចប្រជុំជាមួយ ឯកឧត្តម រស់ សីលវ៉ា រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ។

កិច្ចប្រជុំនេះ បានបង្ហាញពីយុទ្ធសាស្ត្រអាទិភាព និងសមិទ្ធិផលសំខាន់ៗរបស់ CAPRED និងរបៀបដែលយុទ្ធសាស្ត្រអាទិភាពស្របទៅនឹងយុទ្ធសាស្ត្របញ្ចកោណរបស់រាជរដ្ឋាភិបាល ដើម្បីដោះស្រាយបញ្ហាប្រឈមនានាក្នុងការអភិវឌ្ឍរបស់ប្រទេសកម្ពុជា។ ការពិភាក្សាក៏បានផ្តោត ទៅលើភាពធន់នឹងអាកាសធាតុ និងការកសាងសេដ្ឋកិច្ចប្រកបដោយបរិយាបន្នសម្រាប់ទាំងអស់គ្នា។
ក្នុងកិច្ចប្រជុំនេះមានវត្តមានចូលរួមពី សមាជិកគណៈកម្មាធិការមកពី ក្រសួងកសិកម្ម រុក្ខាប្រមាញ់ និងនេសាទ ក្រសួងពាណិជ្ជកម្ម ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រសួងកិច្ចការនារី។
កិច្ចប្រជុំគណៈកម្មាធិការតម្រង់ទិស លើកទីមួយ នៃ CAPRED នេះបានគូសបញ្ជាក់ពីការប្តេជ្ញាចិត្តរបស់អូស្ត្រាលី ក្នុងការធ្វើជាដៃគូជាមួយកម្ពុជា ក្នុងការកសាងកំណើនសេដ្ឋកិច្ចប្រកបដោយភាពធន់ បរិយាបន្ន និងនិរន្តរភាព។

ឯកឧត្តម គង់ ច័ន្ទវាសនា រដ្ឋលេខាធិការក្រសួងកសិកម្ម រុក្ខាប្រមាញ់​ និងនេសាទ​ ចូលរួមកិច្ចប្រជុំគណៈកម្មការ​សួនកសិ-ឧស្សាហកម្ម​ (AIP) នៃកម្មវិធីការអភិវឌ្ឍសេដ្ឋកិច្ចប្រកបដោយភាពធន់ (CAPRED)
===================

នៅព្រឹកថ្ងៃទី២៥ ខែមករា ឆ្នាំ២០២៤ ឯកឧត្តម គង់ ច័ន្ទវាសនា រដ្ឋលេខាធិការ និងជាសមាជិកនៃគណៈកម្មការសួនកសិ-ឧស្សាហកម្មនៅកម្ពុជា នៃកម្មវិធី CAPRED បានចូលរួមកិច្ចប្រជុំលើកទី២ នៃគណៈកម្មការសួនកសិ-ឧស្សាហកម្មនៅកម្ពុជា នៃកម្មវិធីការអភិវឌ្ឍសេដ្ឋកិច្ចប្រកបដោយភាពធន់ (CAPRED) នៅសណ្ឋាគារភ្នំពេញ រាជធានីភ្នំពេញ។

កិច្ចប្រជុំនេះដឹកនាំដោយ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការ ជាមួយលោកស្រី Amber CERNOVS លេខាទូតទី១ នៃស្ថានទូតអូស្រ្តាលីប្រចាំកម្ពុជា ដោយ​មានការចូលរួមពីតំណាងក្រសួង-ពាក់ព័ន្ធ​ វិស័យឯកជន និងដៃគូអភិវឌ្ឍន៍...

ព័ត៌មានលម្អិត
https://bit.ly/48M4TUC



👉តំណភ្ជាប់ទៅកាន់គេហទំព័រ និងបណ្តាញសង្គមរបស់ក្រសួងកសិកម្ម រុក្ខាប្រមាញ់ និងនេសាទ Website | Facebook | Youtube | Telegram