អូស្ត្រាលីគាំទ្រសហគ្រិនមានពិការភាពនៅកម្ពុជា

រដ្ឋាភិបាលអូស្ត្រាលី តាមរយៈកម្មវិធី CAPRED កំពុងគាំទ្រដល់កម្មវិធីបណ្តុះបណ្តាលម្ចាស់អាជីវកម្មមានពិការភាពលើការត្រៀមខ្លួនទទួលដើមទុន ដើម្បីពង្រឹងការគ្រប់គ្រងអាជីវកម្ម និងជំនាញសហគ្រិនភាពសម្រាប់ជនមានពិការភាព។ កម្មវិធីនេះ ត្រូវបានអនុវត្តដោយក្រុមហ៊ុន Mekong Inclusive Ventures (MIV)។

ថ្មីៗនេះ ពួកយើងបានអបអរដល់សហគ្រិនកម្ពុជាចំនួន ១១ នាក់ ដែលបានបញ្ចប់ការសិក្សាពីកម្មវិធីបណ្តុះបណ្តាលរយៈពេលមួយឆ្នាំនេះ។ កម្មវិធីនេះ បានជួយពួកគេអភិវឌ្ឍអាជីវកម្ម និងចូលរួមចំណែកទៅដល់សហគមន៍ ក៏ដូចជាភ្ជាប់ទំនាក់ទំនងពួកគេទៅកាន់ដៃគូ និងវិនិយោគិនសក្តានុពល ដើម្បីពង្រីកសក្តានុពលអាជីវកម្មរបស់ពួកគេបន្ថែមទៀត ។

មនុស្សគ្រប់រូបទទួលបានអត្ថប្រយោជន៍ពីសមធម៌ពិការភាព។ អូស្ត្រាលីប្តេជ្ញាគាំទ្រជនមានពិការភាព ដើម្បីលើកកម្ពស់គុណភាពជីវិតរបស់ពួកគេ និងចូលរួមពេញលេញនៅក្នុងសង្គម ដោយធានាថាគ្មាននរណាម្នាក់ត្រូវបានទុកចោលឡើយ។

ជោគជ័យដ៏ផ្អែមល្ហែមសម្រាប់ទំនាក់ទំនងពាណិជ្ជកម្មរវាងកម្ពុជា និងអូស្ត្រាលី🥭

ក្រុមហ៊ុន គីរីរម្យ ហ្វ៊ូដ ប្រដាក់សិន (ខេ.អេហ្វ.ភី) ដែលជាក្រុមហ៊ុនរបស់កម្ពុជា បាននាំចេញដំណាប់ស្វាយស្ងួតធម្មជាតិចំនួន ២០ តោនដំបូងទៅកាន់ប្រទេសអូស្ត្រាលី។

សមិទ្ធិផលនេះសម្រេចទៅបានដោយមានការគាំទ្រពីរដ្ឋាភិបាលអូស្ត្រាលី តាមរយៈកម្មវិធី CAPRED ។ ការគាំទ្ររបស់រដ្ឋាភិបាលអូស្ត្រាលីបានជួយឱ្យ ខេ.អេហ្វ.ភី មានសមត្ថភាពក្នុងការត្រៀមខ្លួននាំចេញ និងអភិវឌ្ឍទំនាក់ទំនងអាជីវកម្មជាមួយដៃគូនៅប្រទេសអូស្ត្រាលី និងទីផ្សារផ្សេងៗទៀត។

នេះជាជំហានមួយឆ្ពោះទៅមុខទៀតក្នុងការពង្រឹងទំនាក់ទំនងសេដ្ឋកិច្ចរវាងអូស្ត្រាលី និងកម្ពុជា។

សូមអានបន្ត៖ https://shorturl.at/qOXCt

(English below)
អូស្ត្រាលីគាំទ្រវិស័យស្រូវអង្ករកម្ពុជា🇰🇭🤝 🇦🇺

តើអ្នកដឹងទេថា កម្ពុជាបានឈ្នះពានអង្ករល្អដាច់គេលើពិភពលោកជាច្រើនដង សម្រាប់អង្ករក្រអូបម្លិះអង្គរ?

មិនគួរឲ្យភ្ញាក់ផ្អើលទេដែលអង្ករកម្ពុជាបច្ចុប្បន្ននេះ ត្រូវបានដាក់លក់នៅលើធ្នើរហាងទំនិញនៅជុំវិញពិភពលោក។ អូស្ត្រាលីបានធ្វើការជាមួយកម្ពុជាអស់រយៈពេលជាច្រើនទសវត្សមកហើយ ដើម្បីបង្កើនផលិតភាព គុណភាព និងសមត្ថភាពរបស់វិស័យស្រូវអង្ករ ក្នុងការចូលទៅកាន់ទីផ្សារពិភពលោកលំដាប់ថ្នាក់ខ្ពស់។

គុណតម្លៃនៃការគាំទ្ររបស់អូស្ត្រាលី និងគោលដៅរបស់កម្ពុជាក្នុងការបន្តពង្រីកការនាំចេញរបស់ខ្លួន ត្រូវបានបង្ហាញឱ្យឃើញនៅក្នុងសន្និសីទស្រូវអង្ករពិភពលោកអន្តរជាតិឆ្នាំ ២០២៥ នេះ។

អូស្ត្រាលីនៅតែប្តេជ្ញាចិត្តក្នុងការគាំទ្រឧស្សាហកម្មស្រូវអង្ករប្រកបដោយនិរន្តភាពនៅក្នុងប្រទេសកម្ពុជា រួមចំណែកដល់កំណើនសេដ្ឋកិច្ចប្រកបដោយភាពធន់ បរិយាបន្ន និងនិរន្តរភាព។

សូមអានបន្ត៖ https://shorturl.at/YJHX7