អូស្រ្តាលី ជំរុញការវិនិយោគបៃតងដើម្បីធ្វើឲ្យវិស័យកសិ-ចំណីអាហារនៅកម្ពុជាកាន់តែរីកចម្រើន

អូស្ត្រាលី កំពុងគាំទ្រវិស័យកសិពាណិជ្ជកម្មរបស់កម្ពុជាដើម្បីពង្រីកការកែច្នៃក្នុងស្រុក និងចាប់យកទីផ្សារថ្មីៗ។ ការគាំទ្រនេះ រួមមានទាំងការទាញយកឱកាសវិនិយោគប្រកបដោយនិរន្តរភាព ការទទួលបានវិញ្ញាបនបត្របៃតងដែលអំណោយផលសម្រាប់ការនាំចេញ និងការយល់ដឹងពីរបៀបទទួលបានហិរញ្ញប្បទានបៃតង។

សិក្ខាសាលារបស់យើងដែលធ្វើឡើងនាពេលថ្មីៗនេះ បានប្រមូលផ្តុំអ្នកដឹកនាំផ្នែកកសិពាណិជ្ជកម្ម ស្ថាប័នហិរញ្ញវត្ថុ និងអ្នកជំនាញផ្នែកនិរន្តរភាព ដើម្បីបង្ហាញថាការវិនិយោគលើនិរន្តភាព ជាពិសេសការរចនាសំណង់ដែលផ្តោតសំខាន់លើប្រសិទ្ធភាពថាមពល អាចជួយកាត់បន្ថយចំណាយប្រតិបត្តិការ អាចបំពេញតាមស្តង់ដារទីផ្សារនាំចេញលំដាប់ខ្ពស់ និងអាចទទួលបានហិរញ្ញប្បទានបៃតង។

អូស្ត្រាលី ប្តេជ្ញាគាំទ្រធុរកិច្ចកម្ពុជាដើម្បីជំរុញភាពប្រកួតប្រជែង បង្កើតការងារឲ្យបានកាន់តែច្រើន និងកាន់តែប្រសើរ ព្រមទាំងបង្កើតការរីកចម្រើនប្រកបដោយភាពធន់ និងបរិយាបន្ន។

ការគាំទ្ររបស់អូស្ត្រាលីជួយជំរុញផលិតកម្មកាហ្វេនៅកម្ពុជា

ឧស្សាហកម្មកាហ្វេនៅកម្ពុជាកំពុងរីកចម្រើនយ៉ាងឆាប់រហ័ស ប៉ុន្តែកសិករក្នុងស្រុកបច្ចុប្បន្នអាចផ្គត់ផ្គង់បានត្រឹមតែ ១០ ភាគរយប៉ុណ្ណោះនៃតម្រូវការកាហ្វេក្នុងស្រុក។ នេះបង្កើតឱកាសដ៏ធំមួយសម្រាប់កសិករនៅតំបន់ខ្ពង់រាបនៃប្រទេសកម្ពុជា ដែលមានអាកាសធាតុ និងលក្ខខណ្ឌភូមិសាស្ត្រសមស្របសម្រាប់ការដាំដុះកាហ្វេ។

អូស្ត្រាលីកំពុងធ្វើការជាមួយក្រុមហ៊ុនកាហ្វេកម្ពុជា និងកសិករខ្នាតតូច ដើម្បីធ្វើឲ្យប្រសើរឡើងនូវទិន្នផល គុណភាព និងស្ថិរភាពនៃផលិតកម្មកាហ្វេ។ ការគាំទ្រនេះជួយឲ្យកសិករជាច្រើន ជាពិសេសពីសហគមន៍ជនជាតិដើមភាគតិច អាចបង្កើនប្រាក់ចំណូល និងបង្កើតការងារដែលមាននិរន្តរភាព។

អូស្ត្រាលីកំពុងគាំទ្រកម្ពុជា ក្នុងការកសាងសេដ្ឋកិច្ចដែលកាន់តែមានភាពធន់ និងបរិយាបន្ន ដែលកាលានុវត្តភាពសេដ្ឋកិច្ចប្រកបដោយគុណភាពអាចទទួលបានសម្រាប់មនុស្សគ្រប់គ្នា ហើយអាជីវកម្មរីកអាចចម្រើនបាន។