🥺 «Қайрат» финалда сүрінді

❌ Алматылық клуб Чемпиондар лигасының шешуші матчында испаниялық «Пальмадан» 4:9 есебімен ұтылды.

⚽️ «Қайрат» сапында Кайо Руис, Дәурен Тұрсағұлов, Жаһангир Рашит және Кевин Арриета гол соқты.

@candidate_kairov

💣 Қазақстан құрамасы Индонезия құрамасымен жолдастық кездесу өткізуі мүмкін

🇮🇩 Индонезия құрамасы қыркүйек айындағы үзілісте құрамамызға кездесу өткізу жайында ұсыныс тастауы мүмкін.

@gasyrfootball

💙 «Ордабасы» жергілікті футболшыларға сенім артуда

🇰🇿 «Атыраумен» болған ойында Андрей Мартин Шымкент футболының жеті түлегін алаңға шығарды. Олардың бесеуі негізгі құрамға ілінді:

✅ Бекхан Шайзада
✅ Ұлар Жақсыбаев
✅ Зикрилло Сұлтаниязов
✅ Сұлтанбек Астанов
✅ Муроджон Халматов
🔄 Еркебұлан Тұңғышбаев
🔄 Жасұлан Әмір

🇰🇿 Қазақстан құрамасының бас бапкері Әли Әлиев соңғы сұхбаттарының бірінде орталық алаңды күшейту үшін Сұлтаниязов пен Халматовты бақылап жүргенін мәлімдеген еді.

@candidate_kairov

💚 «Атырау» құрбандық шалды

🐏 Осы маусымда жолы болмай, қатарынан жеті матчта жеңіліп, орта жолда бапкер ауыстырған «мұнайшылар» «Ордабасыға» қарсы ойын алдында жақсы нәтиже көрсету ниетімен қой сойып, құрбандық шалған екен.

❌ Бірақ бұл көмектеспей, Қуаныш Қабдоловтың командасы өз алаңында шымкенттіктерден 1:2 есебімен жеңіліп қалды.

@candidate_kairov

🆕 Жаңа форма, жаңа талисман

💙 «Ордабасы» бүгін әлеуметтік желіде клубтың су жаңа бойтұмарын таныстырды. Шымкентті көбісі АҚШ-тың Техас штатына теңегендіктен және клубтың фан-секторы дәл осындай атауға ие болғандықтан, бойтұмар ковбой кейпінде жасалған.

🏟 Айтпақшы, «Ордабасы» 11 мамырда «Қайсармен» болатын ойынды Қажымұқан Мұңайтпасов атындағы стадионда қабылдайды.

@candidate_kairov

❤️ Рамазан Оразов «Ақтөбеге» оралуы мүмкін

❌ «Серый CARDINAL» арнасының хабарлауынша, 27 жастағы жартылай қорғаушы «Силькеборгтағы» жағдайына риза емес. Қазақстандық футболшы ойын уақытын көбірек алғысы келеді.

🤝 Рамазанның өзі «Ақтөбеге» ауысу нұсқасын қарастыруға дайын.

🔜 Оразов даниялық клубқа дәл осы «Ақтөбеден» ауысып барған еді.

@candidate_kairov

🤕 Жоао Пауло ауыр жарақат алыпты

🦵 Vesti порталының ақпаратына сенсек, «Қайрат» шабуылшысы тізе байламын үзіп алған екен. Сол себепті ұзақ уақыт бойы алаңға шықпайды. Тіпті мансабын да аяқтауы мүмкін көрінеді.

❌ 36 жастағы футболшы «Тобыл» және «Ұлытаумен» болған матчтардан шет қалды.

‼️ «Қайрат» маусым басында жарақатына байланысты Элдер Сантанадан да айырылған болатын.

@candidate_kairov

🤕 Батеканың жағдайы ауыр

🇹🇷 Түркиялық Fotospor басылымы Бақтиер Зайнутдиновтың жаттығуға қатыспай жүргенін хабарлады. Әзірге қазақстандық футболшының жүгіруіне де тыйым салынған. Жарақаты қайтадан сыр беруі мүмкін екен.

🩺 27 жастағы футболшыға Қазақстанда ота жасалған. Осы ота қате жасалды деген де болжамдар бар. Қазір «Бешикташтың» медициналық штабы Батеканы мұқият бақылап отыр және алдағы уақытта оған жарақатынан айығу үшін жаңа жаттығу жоспарын құрып береді.

🇹🇷 Бақтиер алаңға соңғы рет 26 қаңтарда «Антальяспорға» қарсы матчта шыққан болатын.

@candidate_kairov

🇰🇿 Бүгін ҚПЛ 8-туры басталады

19:00. 💛 Жеңіс – Қайрат 🏆

❌ Бұл матчқа «Жеңістің» жартылай қорғаушысы Исламбек Қуат қатыса алмайды. Қазақстандық футболшы жеті тур ішінде төрт сары қағаз алып, бір ойыннан шеттетілді.

@candidate_kairov