Каманда MovaMed не магла застацца ў баку ад акцыі #сборнаяЗОЖ, якую распачалі беларускія спартоўцы. Яны заклікалі беларусаў пазбавіцца шкодных звычак і далучыцца да спорту.

Мы дадалі: «Mens sana in corpore sano» - «Здаровы дух у здаровым целе». І зладзілі паездку ў музей «Стары Менск», які месціцца за 8 км ад МКАД на берагах летапіснай ракі Менкі. Шмат хто з нас здзівіўся, але менавіта тут знаходзіўся старажытны Менск у Х стагоддзі, калі яшчэ не было ні Варшавы, ні Вільні, ні Масквы. Мы наведалі музей, дзе на свае вочы ўбачылі прадметы побыту Х-ХІ стагоддзя, знойдзеныя тут на археалагічных раскопках. Шахматы конь ХІ стагоддзя яшчэ раз даказаў нам, які здаровы дух быў у старажытных беларусаў :)

#MensSanaInCorporeSano
http://www.starymensk.by