Сёння, 12 студзеня, дзень нараджэння Ўладзіміра Мулявіна.

Яму магло б споўніцца 80 гадоў

👍 Кіраўнік СХТ, Уладзімір Ушакоў, у інтэрвію для НН:

"Нашы гледачы сказалі, што пойдуць за намі, на якую б пляцоўку мы не пайшлі. Гэта вельмі прыемна. «Дракону» ўжо два гады, і ён заўсёды пакідаў моцныя ўражанні. "Гэтадэмакрэйшэн", які цяпер адмянілі ў «Ок16», быў пастаўлены ў 2019-м — гэта спектакль пра нас і пра сённяшнюю краіну паводле літоўскай п’есы, дзе ў адным пад’ездзе жывуць людзі розных нацыянальнасцяў. Раней гэтыя пастаноўкі не выклікалі нейкай рэакцыі ўлады, але, відаць, цяпер тут нешта некаму перашкаджае. Мне здаецца, наш тэатр хочуць зрабіць ізгоем, але не разумею, чаму нам не даюць гаварыць тое, што мы ўжо казалі раней. Афіцыйна мне пакуль ніхто нічога не патлумачыў. Так ці інакш тэатр будзе працаваць, пакуль яго не закрыюць. Зараз мы рэпетуем п’есу паводле рамана Сашы Філіпенкі «Былы сын». Мы шукаем новую пляцоўку і будзем працягваць дзейнасць, пакуль нам ёсць што сказаць, пакуль людзі, што ў нас працуюць, жадаюць гэтага."

"Муры" ў новай аранжыроўцы

© liza_liankevich_art

🎬 Сёння ў 20:00

👉 Прэм’ера кароткаметражнага мастацкага фільма «Менск 2020»

Фільм з'явіўся як водгук на падзеі на Плошчы Перамен 15 лістапада 2020 і прысвячаецца памяці Рамана Бандарэнкі. Аўтарка ідэі і рэжысёрка - Анастасія Мацкевіч. ФІльм зняты пры падтрымцы BY_Culture

🔋 Падтрымайце выданне незалежнага часопіса беларускай прозы "Мінкульт"

Рады прадставіць вам неверагодную магчымасць паўдзельнічаць у стварэнні новых нумароў часопіса беларускай прозы Мінкульт, які мае патрэбу ў вашай падтрымцы. Часопіс супраць цэнзуры і любых камітэтаў, якія спрабуюць кантраляваць мастацтва. Тэксты, якія зараз збіраюцца для новага нумара, не могуць быць афіцыйна і празрыста надрукаваныя. Тэма новага выпуску "Мінкульта" - "Вірус і выбары".

👉 Падтрымаць выпуск часопіса праз Facebook

🇷🇺 Гродзенскі абласны драматычны тэатр рыхтуе “Сезон рускай класікі”.

Пасля звальнення Генадзя Мушперта і Сяргея Курыленкі ў Гродзенскі тэатр прыйшоў новы рэжысёр-пастаноўшчык — Сяргей Яскевіч (на фота).

У тэатр таксама ўводзяць новых акцёраў пасля «частковай змены складу» — так назвалі па СТВ масавае звальненне тых, хто далучыўся да забастоўкі.

— Я не ведаю, каму яны лепш ці горш зрабілі такім чынам. Сваім сыходам яны падставілі ўсіх. І я лічу, што гэта не зусім добра, — мяркуе заслужаны артыст Беларусі Аляксандр Шаўкаплясаў.

"Клетка, я лічу, цеснаватая..."

"Пакіньце мне права застацца сабой" — радок з верша Андрэя Аляксандрава. На гэты верш украінскі гурт "Колір" стварыў прыгожую песню.

Беларускія СМІ паведамляюць, што 12 студзеня Андрэя Аляксандрава затрымалі як падазраванага па крымінальнай справе аб масавых беспарадках

🔥 "Пагоня" ў выкананні Маргарыты Ляўчук і Людаса Мікалаўскаса

Відэа створанае пры падтрымцы Беларускага Фонда Культурнай Салідарнасці і Літоўскага Савета па Культуры.

13 студзеня 2021 года Літва адзначае трагічныя і гераічныя падзеі, якія адбыліся 30 год таму. Літва здабыла свабоду і незалежнасць - першая з 15 рэспублік СССР. Беларусь яшчэ ідзе па сваім шляху да сапраўднай незалежнасці і дэмакратыі, а Літва падтрымлівае і дапамагае ўсім беларусам. Ізноў мы разам, як у былыя часы. Жыве Літва! Жыве Беларусь!

Заслужаная артыстка Беларусі Анжаліка Агурбаш у інтэрвію Свабодзе рэзка крытыкуе «лукашызм» і людзей, якія выконваюць злачынныя загады, абураецца маўчаннем Анатоля Ярмоленкі, падтрымлівае беларускіх палітвязняў і расказвае пра свой бел-чырвона-белы сцяг даўжынёй 100 метраў.

⚡️ Сёння раніцай у Мінску затрымалі Анатоля Лазара, вядомага як Wiecier Mechaniczny, - славутага беларускага дызайнера, аўтара мноства культурных праектаў, сузаснавальніка TuzinFM.

Толькі што Анатоль скончыў працу над дызайнам кнігі НЕрасстраляныя

Яго забралі ў фінансавую міліцыю разам з кампутарам. Яго жонцы сказалі - каб нібыта праверыць, ці заплаціў ён падаткі.

@euroradio

⚡️ Супрацоўнікі АБЭП прыйші да беларускага незалежнага выдаўца Генадзя Вінярскага (выдавецтва «Кнігазбор») - забралі кампутар, тэлефон, самога Генадзя.

@PENBelarus

Паслухайце, як гучыць "Малітва" ў выкананні Ксюшы з Naviband

👉 Онлайн-неспадзяванка - "Купалаўскі капуснік"!

13 студзеня, 19:00

"У мінулыя часы была адна цудоўная сямейная завядзёнка. Калі сціхала завіруха святочных дзён і марафон з безлічы спектакляў плаўна пераходзіў у звычайны рытм, мы збіраліся разам. Менавіта на Стары Новы год. Каб павіншаваць адно аднаго са святамі, адкаркаваць шампанскае, падзяліцца жаданнямі, пабыць разам і ва ўсю моц адсвяткаваць гэтую падзею."