Заслужаная артыстка Беларусі Анжаліка Агурбаш у інтэрвію Свабодзе рэзка крытыкуе «лукашызм» і людзей, якія выконваюць злачынныя загады, абураецца маўчаннем Анатоля Ярмоленкі, падтрымлівае беларускіх палітвязняў і расказвае пра свой бел-чырвона-белы сцяг даўжынёй 100 метраў.

⚡️ Сёння раніцай у Мінску затрымалі Анатоля Лазара, вядомага як Wiecier Mechaniczny, - славутага беларускага дызайнера, аўтара мноства культурных праектаў, сузаснавальніка TuzinFM.

Толькі што Анатоль скончыў працу над дызайнам кнігі НЕрасстраляныя

Яго забралі ў фінансавую міліцыю разам з кампутарам. Яго жонцы сказалі - каб нібыта праверыць, ці заплаціў ён падаткі.

@euroradio

⚡️ Супрацоўнікі АБЭП прыйші да беларускага незалежнага выдаўца Генадзя Вінярскага (выдавецтва «Кнігазбор») - забралі кампутар, тэлефон, самога Генадзя.

@PENBelarus

Паслухайце, як гучыць "Малітва" ў выкананні Ксюшы з Naviband

👉 Онлайн-неспадзяванка - "Купалаўскі капуснік"!

13 студзеня, 19:00

"У мінулыя часы была адна цудоўная сямейная завядзёнка. Калі сціхала завіруха святочных дзён і марафон з безлічы спектакляў плаўна пераходзіў у звычайны рытм, мы збіраліся разам. Менавіта на Стары Новы год. Каб павіншаваць адно аднаго са святамі, адкаркаваць шампанскае, падзяліцца жаданнямі, пабыць разам і ва ўсю моц адсвяткаваць гэтую падзею."

❕Анатоля Лазара адпусцілі дадому, пратрымаўшы ўвесь дзень у ДФР

❕Генадзя Вінярскага таксама адпусцілі дадому. Пад падпіску аб неразгалошванні.

У новым выпуску перадачы "Кантэкст" Саюза беларускіх пісьменнікаў — размова з паэтам, перакладчыкам, аўтарам і выканаўцам песень, культурніцкім арганізатарам Андрэем Хадановічам.

Памёр мастак Леанід Шчамялёў. Яму было 97 гадоў

«Пагоня» прагучала на літоўскім тэлеканале LRT падчас перадачы, прысвечанай 30-й гадавіне абароны свабоды Літвы. Гімн быў прысвечаны змаганню Беларусі і Украіны за свабоду ў сённяшні час.

Паліна — 18-гадовая мастачка, якая жыве недалёка ад Плошчы Перамен. Яе некалькі разоў затрымлівалі, а аднойчы скралі і адвезлі на допыт у КДБ. У турме Паліна малявала.

— Калі вялі на вопіс рэчаў, мяне вельмі груба ўзялі, адшпілілі ад адной рукі кайданкі. Трэба было пры ўсіх зняць і выцягнуць з-пад адзення станік. Вопіс складала жанчына, якая, з аднаго боку, вельмі моцна на мяне псіхалагічна ціснула, спрабавала выхоўваць, але ў той жа час недзе і дапамагала. У мяне быў белы бранзалет і значок з «Пагоняй», і яна сказала: «Лепш здымі, давай я выкіну, каб не было наступстваў».

📌 Увесь матэрыял

34mag выпусціў фільм «Сёстры пратэсту», прысвечаны дзяўчатам, якія прайшлі праз затрыманне і арышт паводле 23.34. Фільм апавядае, як чалавека змяняе камера і як доўга даводзіцца шукаць выхад з яе — нават пасля вызвалення.

© stassugintas "Вяртанне", 2020

"Ды-джэй перамен" Кірыл Галанаў распавёў пра «ранейшае мірнае жыццё», вырашэнне ўключыць Цоя, расцэненае як хуліганства, вольны Мінск, які ён пабачыў пасля прэзідэнцкіх выбараў, пераезд у Літву ў той момант, калі менш за ўсё гэтага хацеў, і рэакцыю на смерць Рамана Бандарэнкі.

📌 Інтэрв'ю цалкам

@tutby_official

👉 14 студзеня, 19:00

Онлайн-фестываль Музыка Побач-3: Шчодры вечар

На сцэне фэсту сваё 10-годдзе адзначыць гурт Vuraj, а таксама зайграюць свае сэты НагУаль, Алег Хаменка (Палац), Алесь Чумакоў і Таццяна Ячная, Astroŭna, гурт “Рада” і дзеткі-калядоўшчыкі. Акрамя таго, па тэлемосце да канцэрту падлучацца адмысловыя госці, якія з розных прычынаў не здолелі быць на сцэне ў гэты дзень.

Прэм'ера драматычнага кліпа да рамантычнай песні Змітра Вайцюшкевіча «Неверагоднасць» на верш Мікіты Найдзёнава:

https://youtu.be/PXrJwHTfuy0

Галоўнай гераіняй кліпа стала мадэль і стылістка Аляксандра Вараб’ёва, фотаздымак затрымання якой, на жаночым маршы ў 2020 годзе, параўноўвалі з працамі часопіса Vogue.

У кліпе прысутнічаюць вобразы яшчэ дзвюх жанчын, якія сталі сімвалам беларускай неверагоднасці — Ніны Багінскай і Марыі Калеснікавай. Аўтары кліпа — рэжысёр Андрэй Грынько і аператар Аляксандр Алейнікаў — перадалі іх праз гульню акторкі Наталлі Гарэлкінай і мадэлі Дар'і Навумавай.

Аўтар верша «Неверагоднасць» Мікіта Найдзёнаў кажа: «Гэтыя верш і песня — спроба выказаць захапленне адважнымі дзяўчатамі і жанчынамі Беларусі. Тут закладзены вобразы канкрэтных асоб, але ў 2020-м з’явілася столькі неверагодных постацяў, што гераінямі можна лічыць большасць беларусак».