Сябры!

Стрым у памяць Алеся Пушкіна на канале @radakultury будзе ісці нон-стоп да вечара нядзелі, 16 ліпеня, да 20.00 па мінскім часе.

Падключайцеся ў любы зручны вам час і глядзіце трансляцыю-развітанне. Мы сабралі дакументальныя фільмы пра Алеся Пушкіна, яго архіўныя відэазапісы, а таксама выступы беларускіх музыкантаў, прысвечаныя мастаку. Дзяліцеся гэтым матэрыялам з сябрамі.

▪️Таксама нагадваем, што збор на падтрымку сям'і мастака і на працу па ўпарадкаванні яго творчага наробку працягваецца.

Ужо сабрана 13.733 еўра. Дзякуй усім, хто далучыўся!
Калі вы гатовыя ўнесці свой уклад у падтрымку, пераходзьце па спасылцы:

▪️Дапамога

Заклікаем прытрымлівацца правілаў бяспекі і не рабіць данаты з беларускіх і расійскіх картак.

👁 #што_пачытаць на выхадных:

▪️Сяброўка маладосці Алеся Пушкіна, Валянціна Якімовіч, успамінае ў інтэрв'ю "Радыё Свабода" пра першыя грамадскія акцыі і часы сталення будучага выдатнага мастака і нацыянальнага дзеяча, які 11 ліпеня загінуў у зняволенні.

▫️Тут можна спампаваць у пдф-фармаце турэмны альбом Алеся Пушкіна, 2019 год: малюнкі, зробленыя мастаком падчас адбыцця адміністрацыйнага арышту ў ізалятарах Смаргоні і Мінска.

▪️"Фотаздымак — гэта амаль заўсёды няпраўда". Фатограф Сяргей Міхаленка, стваральнік партала ZНЯТА, разважае пра ролю штучнага інтэлекту ў фатаграфіі.

▪️Пісьменніца і перакладчыца Наталка Харытанюк пра беларушчыну ў выгнанні, новыя кнігі і масты, якія перакінуцца ў Беларусь: "Вельмі цяжка дакладна ўявіць, што там зараз адбываецца ўнутры Беларусі, бо самае ж важнае будзе адбывацца там. Мы не можам, на жаль, ні чуць, ні чытаць, а яны не могуць адкрывацца публічна нам". Чытаць размову.

▪️Рэжысёр і дакументаліст Мікалай Мамінаў пра праблемы жыцця і працы ў эміграцыі, пра работу на дзяржаўным тэлебачанні, былых калег, а таксама пра беларускую тэму ў замежных медыя: "Беларуская тэма, акрамя фармату навін, мусіць падтрымлівацца таксама буйнымі дакументальнымі праектамі і гісторыямі". Чытаць тут.

▪️"Вочы баяцца, а рукі робяць". Андрэй Хадановіч распавёў пра працу над лібрэта да оперы па Караткевічу, якую Беларускі свабодны тэатр паставіць у Лондане ў Міжнародным цэнтры мастацтва Barbikan, прэм'ерныя паказы запланаваныя на 14-17 верасня 2023.

▪️Французскі сацыёлаг, прафесар Універсітэта Бардо Рэнан Эрвуэ, распавёў аб сваім бачанні падзей 2020 года ў Беларусі: "Ніякія рэпрэсіі не перакрэсляць памяць пра змаганне, у якім вы ўдзельнічалі".

▪️Рубрыка "Крытыка" на "Літрадыё": пра хваробы белліту чытайце тут.

▪️Як "Купалінка" з народнага спеву стала аўтарскай, а потым зноў пайшла ў народ? Што сталася з аўтарамі знакамітай беларускай песні? І ўрэшце, хто такая "Купалінка"? Адказы шукайце ў артыкуле.

▶️ YouTube выхаднога дня:

▪️Апошнія гадзіны ідзе стрым на канале @radakultury, прысвечаны Алесю Пушкіну. Глядзіце дакументальныя фільмы пра Алеся Пушкіна, яго архіўныя відэазапісы, а таксама выступы беларускіх музыкантаў, прысвечаныя мастаку.

▪️Пра 10 беларускіх гуртоў, якія лепш за замежныя, расказвае Аляксандр Чарнуха на канале пра беларускую музыку "Міністэрства сепультуры".

▪️Хто такі Вольскі і чаму беларусы не цікавяцца сваім? Разважае блогер, музычны крытык і драматург Аляксандр Чарнуха ў эфіры Еўрарадыё.

▪️"Около Культуры" з Мікітам Монічам: як мастакі дзясятых і дваццатых гадоў мінулага стагоддзя пераходзілі з расповеду на крык, каб адлюстраваць гістарычны кантэкст

▪️У перадачы "Ідэя Х" на Еўрарадыё — былы дэкан гуманітарнага факультэта Полацкага дзяржаўнага ўніверсітэта, выкладнік Універсітэта Сарбоны Дзяніс Кандакоў: як захаваць гісторыю, мову і памяць беларусаў.

▪️Гісторыя ў перадачы "Трызуб і Пагоня" з Кацярынай Ваданосавай: новы выпуск пра тое, чаму Расію лічаць пераемніцай Залатой Арды.

📽 Кіно: "Басовішча" — фільм Юрыя Каліны пра 30 год гісторыі фестывалю, на месцы якога цяпер ладзіцца фэст "Tutaka".

🎧 Падкаст-бонус: Літаратарка Вольга Гапеева ў падкасце "Адкуль бяруцца кнігі" на "Літрадыё" распавядае, чаму паэзія немагчымая без эмпатыі, дзеліцца асабістымі гісторыямі пра досвед цялесных самапашкоджанняў, траўматычныя жарсці і моц псіхатэрапіі.

🐰 Дзеткам: падкаст "Казкі для Дзівусі". Першая гісторыя — "Базылішак", паводле п'есы Францішка Аляхновіча, чытаюць Васіль Дранько-Майсюк і Алена Баярава.

#што_паглядзець

"Укладаючыся ў культуру, мы падтрымліваем сацыяльную адказнасць і грамадзянскі актывізм… Мы ўкладаемся ў права на крэатыўнае самавызначэнне і роўныя магчымасці на асабісты рост. Мы атрымліваем права на жыццё, на выбар будучыні і свабоду творчасці.

Гаворка пра рэанімацыю нацыі. Гэта больш чым культура".

▪️Максім Жбанкоў і Мікалай Халезін пры ўдзеле Надзеі Зелянковай напісалі маніфест беларускага культурніцкага поля, версія 2023.

🔻Што адбываецца ў беларускай культурніцкай сферы? Навошта ўкладвацца ў культуру? Дзе перспектыва і што рабіць далей?

"Больш чым культура" — чытаць цалкам.

Тэкст падрыхтаваны ў межах раcпрацоўкі дарожнай мапы падтрымкі беларускай культуры.

🔻Культура рэпрэсаваная:

▪️Пісьменніцу і журналістку газеты "Літаратура і мастацтва" Яну Цэглу звольнілі з працы "за прагулы" пасля 2-х месяцаў арышту ў СІЗА. Яна працавала ў газеце па размеркаванні пасля ўніверсітэта і цяпер павінна сплаціць дзяржаве больш за 3,5 тыс.рублёў.

▪️Ганне Гудаўскай, метадыстцы Бешанковіцкага Дома рамёстваў прызначылі штраф памерам 925 руб. за "распаўсюд экстрэмісцкіх матэрыялаў". Ганна — майстрыха па маляванках, праводзіла майстар-класы па ганчарнай справе для дзяцей і дарослых.

▪️Фатографа і журналіста Дзмітрыя Баяровіча разам з жонкай Валерыяй пачнуць судзіць 19 ліпеня. Сям'ю затрымалі ў сакавіку ў Бараўлянах і абвінавачваюць паводле арт. 342 КК "Актыўны ўдзел у групавых дзеяннях, што груба парушаюць грамадскі парадак".

▪️Ларысу Шчыракову, палітзняволеную этнографку і былую журналістку, пачнуць судзіць 27 ліпеня. Яе абвінавачваюць у "садзейнічанні экстрэмісцкай дзейнасці" і "дыскрэдытацыі Беларусі".

▪️Родным Віктара Бабарыкі ўдалося паразмаўляць з адміністрацыяй наваполацкай калоніі. Паведамляецца, што яго змясцілі ў памяшканне камернага тыпу. Тэлефанаванні і спатканні там забароненыя. Сцвярджаецца, што здароўю палітвязня нічога не пагражае.

▪️Краязнаўцу Уладзіміра Гундара ў калоніі ўжо двойчы адпраўлялі ў штрафны ізалятар — спачатку на 4 дні, а праз два дні пасля выхаду — яшчэ на 3 дні. Таксама палітвязень піша, што страчаны ў карцары слых да яго вярнуўся, але не цалкам.

▪️Каміла Хансэн, сімвалічная "хросная" Алеся Пушкіна ў межах кампаніі салідарнасці #WeStandBYyou, выказалася пра смерць мастака: "Я буду працягваць задаваць пытанні, цяпер ужо з патрабаваннем незалежнага расследавання яго смерці, з патрабаваннямі дасягу праваабарончых арганізацый да інфармацыі пра яго справу".

▪️Тык-ток опернай спявачкі Маргарыты Ляўчук папоўніў "спіс экстрэмісцкіх матэрыялаў".

🔥 #магчымасці тыдня:

▪️Стрыт-мастакі і мастачкі запрашаюцца да стварэння муралаў у Тбілісі, Грузія.

Арганізатары Art Yard Community не абмяжоўваюць з тэматыкай, але прапануюць раскрыць тэму калабарацыі беларусаў і грузінаў, пашукаць агульнае ў культурах. Падрыхтаваць канцэпцыю мурала і запоўніць форму рэгістрацыі трэба да 27 ліпеня.

▪️ Онлайн-курс па стварэнні муралаў прымае заяўкі да 1 жніўня. Курс складаецца з 10 лекцый па 75 хв. Будуць дыскусіі з мастакамі і магчымасць паказаць свае праекты спікерам і ўдзельнікам.

▪️Да 21 ліпеня падавайце заяўкі на ўдзел у біенале інтэрнэт-мастацтва The Wrong Biennale. Прымаюцца некамерцыйныя творы, ужо даступныя ў інтэрнэце.

▪️Творцы з эмігранцкім досведам могуць паўдзельнічаць у міждысцыплінарнай выставе ў Бішкеку, Кыргызстан. Тэма — "Свабода і яе адсутнасць", заяўкі прымаюцца да 24 ліпеня.

▪️Культурніцка-навуковы часопіс Pulse: Journal of Science and Culture абвяшчае конкурс публікацый. Артыкулы дасылайце да 31 ліпеня.

➕ Яшчэ #магчымасці — на @sekktor.

🔻Падтрымайце беларускіх культурніцкіх дзеячаў: актуальныя зборы сродкаў на дапамогу ў складаныя часы рэпрэсій.

▪️Працягваецца збор на падтрымку сям'і памерлага мастака Алеся Пушкіна і на працу па ўпарадкаванні яго творчага наробку.

"Хочацца зрэагаваць, каб і дапамагчы, і абʼяднаць людзей вакол гэтай місіі дапамогі, каб хаця б неяк паказаць тым, хто яго ведаў, ягоным родным і блізкім, што яны не адныя", — падкрэслівае кіраўнік Сяргей Будкін мэтазгоднасць збору.

▪️Падтрымайце былога палітвязня і прэс-сакратара Купалаўскага тэатра Мікалая Зайца.

У сакавіку Мікалай быў арыштаваны, правёў 26 сутак на Акрэсціна, дзе падвяргаўся збіццю і катаванням. Потым яго зрабілі падазроным па крымінальнай справе. Пасля нечаканага вызвалення Мікалай Заяц здолеў выехаць за мяжу фактычна без рэчаў і грошаў. Неабходныя сродкі на арэнду жытла, медыкаменты і штодзённыя бытавыя патрэбы.

▪️Дапамога рэпрэсаванаму музыку, пісьменніку і журналісту Юрыю Несцярэнку.

Юрый з сям'ёй быў вымушаны з'ехаць з Беларусі ў сувязі з распачатай крымінальнай справай, яго сям'я з двума непаўналетнімі дзецьмі знаходзіцца ў цяжкім матэрыяльным становішчы. Збор на дапамогу закрывацца праз 4 дні — падтрымайце.

▪️Ідзе збор на дапамогу музыку Фёдару Жывалеўскаму. Ён з'ехаў з Беларусі ў Грузію пасля працяглай адсідкі "на сутках" і мае праблемы са здароўем. Патрэбныя сродкі на аперацыю, лячэнне і арэнду жытла.

▪️Патрэбная дапамога Вользе Крондзе, рамесніцы з Івацэвічаў, асуджанай на 3 гады "хатняй хіміі".

Праз пастанову суда часы яе выхаду з дому вельмі абмежаваныя, а ў выхадныя і святочныя дні выхад увогуле забаронены, таму Вольга амаль не можа прадаваць свае вырабы. Дапамагчы можна, зрабіўшы замову на яе старонцы ў інстаграме.

▪️Агульны збор @radakultury на падтрымку рэспрэсаваных дзеячаў культуры.

📢 Навіны магістратаў!

Платформа беларускіх экскурсіяў ULegend прэзентавала "Жменю легендаў Вільні". Новая аўдыяэкскурсія — магчымасць прагуляцца па містычных мясцінах горада. І зрабіць гэта можна не толькі ў Вільні, бо ULegend дае магчымасць вандраваць з любой кропкі свету і нават з канапы.

▪️"Вы даведаецеся, дзе шукаць прывідаў, а мо і сустрэнеце аднаго з іх. Усё, што спатрэбіцца ў дарогу, гэта вольны час, зручны абутак і рашучасць. Акрамя таго, аўтарка экскурсіі Паўліна Вітушчанка раіць узяць з сабою люстэрка і пеўня:) Яны дапамогуць вам у барацьбе з нячысцікамі", — абяцае каманда ULegend.

Далучайцеся да экскурсіі і падтрымкі магістрата!

▪️Таксама на 25 ліпеня на youtube-канале "Беларускіх магістратаў" запланаваны стрым, дзе стваральнікі распавядуць, як ужо цяпер можна скарыстацца праграмай і пагуляць па цікавых мясцінах Мінска, Вільні і Заслаўя з добрым аўдыягідам, а таксама падзеляцца планамі развіцця платформы і бліжэйшымі рэлізамі новых экскурсій.

Працягваем расказваць пра #art_born_Belarus і "вяртаць" Беларусь у сусветны мастацкі кантэкст.

🔻Сёння ўвага да Пітэра Блума, славутага амерыканскага мастака і скульптара беларускага паходжання.

Блум нарадзіўся ў Смаргоні, у габрэйскай сям'і, якая эмігравала ў Нью-Ёрк, калі будучаму мастаку было 6 гадоў. Уражанні ранняга дзяцінства адлюстраваліся ў некаторых творах Пітэра.

Пасля школы ён вывучаў мастацтва ў Адукацыйным альянсе і Інстытуце дызайну Beaux-Arts, стварыў студыю ў Нью-Ёрку, працаваў год у Італіі. У 1948-м стаў членам Нацыянальнай акадэміі дызайну. Таксама працаваў у Міністэрстве фінансаў ЗША і стварыў некалькі скульптурных твораў.

▪️Беларускі радавод Блума вымагае вывучэння. Як і ўплыў на ягоную творчасць уражанняў ад гадоў, праведзеных на радзіме. Але застаецца фактам, што творца нарадзіўся ў тутэйшай габрэйскай сям’і і правёў сваё дзяцінства ў Беларусі.

📃 Вось аргументацыя паходжання творцы.
📩 Шаблон ліста, які можна накіраваць пляцоўкам, дзе вы заўважылі некарэктны подпіс яго прац.

🔻Навіны культуры рэпрэсаванай:

▪️У Дзяржынску затрыманы мастак Сяргей Кулеша. Прычыны затрымання і месцазнаходжанне мастака пакуль невядомыя.

▪️На 3 гады калоніі асудзілі Мікіту Брую, 17-гадовага стрыечнага праўнука Якуба Коласа. Яго абвінавацілі ў наўмысных дзеяннях па рэабілітацыі нацызму і садзейнічанні экстрэмісцкай дзейнасці.

▪️На 3 гады "хатняй хіміі" асудзілі фатографа і журналіста Дзмітрыя Баяровіча і яго жонку Валерыю. Іх абвінавацілі па арт. 342 КК у арганізацыі і падрыхтоўцы дзеянняў, якія груба парушаюць грамадскі парадак, ці ўдзеле ў іх.

▪️19 ліпеня пачалі судзіць музыку Мікіту Найдзёнава. Яго абвінавачваюць ва ўдзеле ў паслявыбарчых акцыях пратэсту паводле арт. 342 КК. Чым вядомы Мікіта Найдзёнаў — чытайце ў матэрыяле "Новага Часу".

"Ні за што абсалютна затрымалі творчага чалавека, які ледзь не штодня робіць унёсак у беларускую культуру, — пракаментаваў кіраўнік @radakultury Сяргей Будкін. — Такія людзі ў іншых краінах, вядома, на вагу золата. Але ж у нашай сітуацыі чым больш ты робіш, тым больш шансаў, што цябе пасадзяць у турму".

▪️Перанеслі абвяшчэнне прысуду арт-менеджару Паўлу Мажэйку і адвакатцы Юліі Юргілевіч. Падчас судовага паседжання пракурор прынёс раздрукоўку артыкулаў "Белсату", паводле якіх вязняў судзяць. Паколькі час у Польшчы і Беларусі адрозніваецца — цяпер высвятляюць, калі паводле беларускага часу артыкул быў апублікаваны.

▪️Бацькі палітзняволенай журналісткі і аўтаркі дакументальных фільмаў Ксеніі Луцкіной збіраюць дакументы для памілавання. У зняволенні ў Ксеніі, асуджанай на 8 гадоў калоніі, пачаліся моцныя праблемы са здароўем — расце пухліна ў галаўным мозгу.

▪️Апошнія навіны пра Міколу Дзядка, палітзняволенага анархіста і аўтара турэмнай літаратуры, распавёў яго бацька:

"У турме ён сядзіць у адзіночнай камеры. Шмат чытае. Ёсць некаторыя праблемы са здароўем, мы выслалі яму медыцынскія прэпараты. Тэлефануе дзесьці раз на месяц, размаўляем 5-7 хвілін".

▪️У "спіс экстрэмістаў" дадалі Валерыю Чарнаморцаву, грамадскую актывістку, экскурсаводку, даследчыцу беларускіх вязняў ГУЛАГу. У студзені 2023 года Валерыю асудзілі на 2,5 гады "хатняй хіміі", але ёй удалося з'ехаць з Беларусі.

▪️20 ліпеня Зміцер Дашкевіч адзначыў за кратамі сваё 42-годдзе. Як можна павіншаваць палітзняволенага актывіста і аўтара турэмнай літаратуры — глядзіце тут.

▪️Для падрыхтоўкі матэрыяла і дакументавання праваабаронцы "Вясны" шукаюць людзей, якія перасякаліся з мастаком Алесем Пушкіным за кратамі. Пішыце на @Viasnainfo — гэта ананімна і бяспечна.

▪️Графіці з беларускімі палітвязнямі з'явілася ў Варшаве. Яно знаходзіцца на тэрыторыі "Беларускага дома". На выяве Павел Белавус, Алесь Бяляцкі, Кацярына Андрэева, Дар'я Лосік, Наста Лойка і Мікола Статкевіч.

🪩 Выхадныя з беларускай музыкай:

🎧 Рок-н-рол каманда Graphotype прэзентавала альбом "Prisoners of Conscience". Ён складаецца з 11 песень са свету барацьбы за свабоду. Дыск дае месца схаваным галасам і нерасказаным гісторыям тых, хто знаходзіцца ў няволі.

🎧 Наступны рэліз ад нуар-блюз гурта Sick Mirror. Пра свой альбом "Desires, Disasters" музыкі кажуць: "Гэта песні аб жаданнях і катастрофах".

🎧 Пасля дэбютнага сінгла IWNV прадставіў свой першы альбом "Слабыя месцы". Гэта сольны праект Сяргея Іванова, вакаліста гурта SnopSnoŭ. Ён планаваў запісаць толькі эксперыментальны сінгл, але нечакана атрымалася складанка з 8-мі кампазіцый. У ёй вельмі мяккі сінтэзатарны гук, крыху гітары, фартэпіяна і нават аркестравыя аранжыроўкі.

#што_паслухаць

▶️ YouTube на культурны вечар:

▪️Глядзіце пілотны выпуск новага шоу "Пазакласнае чытанне". Стваральнікі загадзя чытаюць кнігі беларускіх аўтараў і робяць суб'ектыўны агляд прачытанага.

▪️ "Галоўны вораг нашага культурніцкага працэсу — сам гэты працэс". Новы выпуск "Шокінг Культа" з Максімам Жбанковым — пра крызіс культменеджмента, "якбыкультурку" і тое, дзе шукаць кураж.

▪️ Аляксандр Чарнуха на сваім канале "Міністэрства сепультуры" працягвае распавядаць пра беларускую музыку. У новым выпуску — таямнічая гісторыя беларускага поп-дуэта "ДзіБронкс і Наталі".

▪️У новым выпуску шоу "о(б)суждаем" журналісты Ваня Прус і Глеб Сямёнаў абмяркоўваюць музычны фэст "Славянскі базар".

▪️ Новая "Трушанка": Ліза Ветрава разбіраецца, што такое наватворы, як новыя словы з'яўляюцца ў мове, і як яны распаўсюджваюцца.

▪️"Няпростая гісторыя" з Алегам Дзярновічам: вялікі разбор шчыльнага ўзаемадзеяння беларусаў і балтаў.

▪️Мікалай Халезін у эфіры Еўрарадыё распавядае пра падрыхтоўку оперы "Дзікае паляванне караля Стаха", якую ў верасні Свабодны тэатр ставіць у Лондане.

▪️Музею вольнай Беларусі споўніўся год. Пра гісторыю з'яўлення і дасягненні ўстановы распавядае дырэктарка музею Наталля Задзяркоўская.

▪️Максім Жбанкоў і Леанід Каліценя распавядаюць пра з'езд беларускіх кінематаграфістаў у Варшаве і стратэгію развіцця беларускага кінематографа ў выгнанні.

▪️ "Каля Культуры" з Мікітам Монічам — пра геніяльнага мастака з Беларусі Хаіма Суціна.

▪️ Гісторыя ў перадачы "Трызуб і Пагоня" з Кацярынай Ваданосавай: Багдан Хмяльніцкі, Рускае Княства і праект перазагрузкі Рэчы Паспалітай.

🎼 Музычны бонус: песня і кліп на верш Максіма Знака "Будзе дзень".

📽 Кіно: глядзіце сучасныя беларускія фільмы ў онлайн-кінатэатры VODBLISK. З Беларусі — бясплатна да канца года. А таксама размовы з тымі, хто робіць кіно: новы госць VODBLISK Talk — рэжысёр Аляксей Палуян!

🐰 Дзеткам: казкі, коміксы і адукацыйныя перадачы для самых маленькіх на канале "Бэйбус".

#што_паглядзець

❤️‍🔥29 ліпеня пройдзе 12-гадзінны онлайн-марафон салідарнасці з палітвязнямі "Нам не ўсё адно".

Каб сабраць грошы для палітычных зняволеных і іх сем'яў, аб'ядналіся 30 незалежных медыяў. Трансляцыя будзе весціся адначасова на шматлікіх YouTube-пляцоўках з 10-й ранку да 10-й вечара па мінскім часе. Да стрыму далучацца палітыкі, блогеры, дзеячы культуры, спартоўцы, грамадскія актывісты.

▪️Усе данаты будуць збірацца на адзіны рахунак. Далей грошы размяркуюцца паміж ініцыятывамі, якія дапамагаюць палітзняволеным і іх родным — @radakultury будзе адной з іх. Кантраляваць размеркаванне сродкаў будзе назіральная рада прадстаўнікоў медыяў — арганізатараў марафону.

🚩Увага! Гледачоў марафона з Беларусі арганізатары просяць паклапаціцца пра сваю бяспеку (не рэпосціць, не лайкаць, не каментаваць, данаціць толькі праз замежныя карткі).

❗️На 3 гады "хатняй хіміі" асудзілі музыку і паэта Мікіту Найдзёнава.

Яго абвінавачвалі паводле арт. 342 КК "Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх". Мікіта быў вызвалены з-пад варты ў залі суда.

▪️ГУБАЗіК затрымаў дзвюх выкладчыц універсітэтаў, бо яны "займаліся дэструктывам". Гэта Надзея Старавойтава — выкладчыца беларускай мовы, кандыдатка філалагічных навук і дацэнтка кафедры беларускай і рускай моў БДЭУ і Наталля Сівіцкая — выкладчыца рускай мовы БДУФК, кандыдатка філалагічных навук.

▪️Спявачку Патрыцыю Свіціну пачнуць судзіць 1 жніўня. Супраць яе распачатая крымінальная справа за "актыўны ўдзел у групавых дзеяннях, груба парушаючых грамадскі парадак".

▪️Мікіту Бруя, стрыечнага праўнука Якуба Коласа, прызналі палітвязнем. Непаўнагадовы хлопец асуджаны на 3 гады калоніі за "рэабілітацыю нацызму" і "садзейнічанне экстрэмісцкай дзейнасці".

▪️Музыка і былы палітвязень Аляксандр Казакевіч распавёў, якая музыка ратавала ў зняволенні і як следчая прасіла перакласці беларускае меню тэлефона на расейскую мову, бо нічога не разумела.

▪️Маці Паўла Севярынца расказала апошнія навіны пра сына: "Трымаецца, усім прывітанне перадае. Усё разумее і ўсё ведае. А калі пра нешта і не ведае, то здагадваецца, як яно павінна быць".

▪️27 ліпеня былы палітзняволены журналіст Алег Груздзіловіч прэзентуе сваю кнігу "Мае турэмныя муры". Прэзентацыя пройдзе ў Вільні ў Беларускім доме.

"Гэта кніга не толькі пра быт, а хутчэй — уласныя ўспаміны пра перажытае ў турме. Кавалак жыцця, які немагчыма выкінуць", — распавядае аўтар.

▪️У Беларусі заблакавалі сайт Kamunikat.org — буйнейшую інтэрнэт-бібліятэку беларускай літаратуры.

▪️На літоўскім Delfi выйшаў фільм Мікалая Мамінава пра беларускія пратэсты — на ім кадры людзей на дарозе. Праваабаронцы раяць паглядзець яго тым, хто збіраецца вяртацца ў Беларусь з-за мяжы.

▪️Як падтрымаць палітвязняў: якія словы працуюць і якія не — меркаванне Іны Карней, жонкі затрыманага журналіста Ігара Карнея.

🔥 #магчымасці тыдня:

▪️Праект "Васьміног" да 26 ліпеня абвяшчае набор педагогаў, зацікаўленых у новых фарматах навучання, на ўдзел у практыкуме "Шлях героя да стварэння анлайн-курса".

▪️Трэнінг для дакументалістаў ад IMS. Дасылайце заяўку са сваім кінапраектам да 7 жніўня. Праект павінен весці да сацыяльных, палітычных і культурніцкіх зменаў.

▪️Слоўнік жывой гаворкі Nisho.me да 10 жніўня шукае 12 ілюстратараў, а таксама вярстальшчыка для стварэння календара на 2024 год.

▪️Да 1 верасня падавайцеся на конкурс эксперыментальнай літаратуры і тэкстаў, створаных у галіне лічбавага мастацтва. Падрабязнасці тут.

▪️Конкурс BULBAMOVIE 2023 да 11 кастрычніка прымае беларускія ігравыя і дакументальныя фільмы.

▪️Тэатр жывых скульптур Студыя Залатога Рэжысёра MB STATUE GDS & VS праводзіць кастынг у тэатр. Досвед працы не патрабуецца.

▪️Далучайцеся да community chat ініцыятывы @sekktor. Там можна шукаць працу, размесціць абвестку пра культурніцкае мерапрыемства і інш. Падрабязнасці і правілы тут.

📢 Вынікі другога туру конкурсу праграмы #ArtPowerBelarus: 12 праектаў атрымалі міні-гранты на суму каля €50 тыс., 25 чалавек — выправяцца ў прафесійныя вандроўкі.

Гэтым разам у конкурсе ўдзельнічалі 93 заяўкі на міні-гранты (агульная сума €417 тыс.) і 17 заявак — на праграму мабільнасці са сфераў літаратуры, кіно, тэатру, адукацыі, музыкі, выяўленчага мастацтва, захавання спадчыны, традыцыйнай культуры, міждысцыплінарныя праекты.

▪️"Прыняць канчатковае рашэнне было няпроста. Aдборачная камісія нават пашырылa першапачатковыя межы фінансавай падтрымкі ў межах гэтага кола, і замест планаваных 5 заявак удалося падтрымаць 12. Спадзяёмся, гэтае рашэнне ўспрымецца як знак высокай якасці заявак і сведчанне, што беларуская культура развіваецца, нягледзячы ні на што", — кажа Лізавета Дубінка-Гушча, рэгіянальная дырэктарка Дацкага інстытуту культуры.

ArtPower Belarus доўжыцца: кол на мідзі-гранты абвесцім увосень 2023 г., заяўкі на міні-гранты прымаюцца да 13.11.23 (разгляд у студзені 2024 г.).

☑️ Магістрат "Кнігаўка", які @radakultury запусціла летась, падвёў вынікі.

Каб дапамагчы Андрэю Янушкевічу аднавіць выдавецкую дзейнасць за мяжой, за 6 месяцаў дзеяння магістрата да "Кнігаўкі" далучыліся 325 чалавек, якія заданацілі 103 тыс. злотых (больш за 23 тыс. еўраў).

▪️За гэты час выйшлі 13 кніг, сярод якіх новыя апавяданні і ўспаміны Альгерда Бахарэвіча, перавыданні "Гары Потэра", пераклад рамана Эрнэста Хемінгуэя.

Беларускія кнігі пачалі рэгулярна з’яўляцца на польскіх кніжных кірмашах, выдавецтва распрацавала некалькі кніжных серый, хутка запусціць сайт і — самая гучная падзея — заключыла дамову са Стывэнам Кінгам!

▪️"Дзякуючы вашай падтрымцы "Кнігаўка" будзе цяпер лётаць яшчэ вышэй і далей:) Мы верым, што толькі супольнымі дзеяннямі беларусы змогуць пабудаваць моцную Беларусь", — кажа кіраўнік @bielmahistrat Цімафей Акудовіч.

"Кнігаўка" скончылася, але магістраты працягваюцца: проста цяпер вы можаце падтрымаць падлеткавы клуб Spadčyna і платформу аўдыягідаў ULegend.

🔻 Навіны культуры рэпрэсаванай:

❗ Журналіста і арт-менеджара Паўла Мажэйку і адвакатку Юлію Юргілевіч асудзілі да 6 гадоў зняволення.
Іх абвінавачвалі па ч. 2 арт. 361-4 КК за "іншае садзейнічанне экстрэмісцкай дзейнасці, здзейсненае паўторна, групай асоб па папярэдняй змове". Справу ў Гродзенскім абласным судзе разглядаў Максім Філатаў.

❗ Дзіцячаму паэту і выкладчыку Дзмітрыю Юртаеву прысудзілі 2 гады пазбаўлення волі ў калоніі ва ўмовах агульнага рэжыму.
Яго абвінавацілі у абразе Лукашэнкі (ч. 1 арт. 368 КК) і распальванні іншай сацыяльнай варожасці альбо варажнечы (ч. 1 арт. 130 КК). Менавіта такі тэрмін і запытваў пракурор. Працэс вяла Анжэла Касцюкевіч.

▪️ Тым часам, Дзмітрыя Юртаева ўнеслі ў "экстрэмісцкі" спіс. Таксама туды дадалі і спявачку Аляксандру Захарык.

❗ У Мінску затрымалі студэнта Акадэміі мастацтваў Максіма Васільева
Хлопец — студэнт Беларускай дзяржаўнай акадэміі мастацтваў па спецыяльнасці "акцёр драматычнага тэатра і кіно". Максіма вінавацяць у рэпостах "экстрэмісцкіх матэрыялаў". Таксама ў "пакаяльным відэа" яго змусілі казаць, што ён удзельнічаў у пратэстах з 10 на 11 жніўня, але "спужаўся і збег, калі пабачыў міліцыю".

▪️ Палітзняволены журналіст і музыка Анджэй Пачобут у ШІЗА — другі ці трэці раз пасля пераводу ў калонію.
Паводле жонкі Анджэя Аксаны, да яго не пускаюць адваката, а ў ШІЗА ён утрымліваецца без лекаў.
"Мы распачалі ўсе магчымыя спробы выцягнуць Анджэя Пачобута з турмы. Аднак я са шкадаваннем канстатую, што на дадзены момант для гэтага няма ўмоў. На тым баку няма ні найменшай добрай волі", — цытуе wnp.pl кіраўніка МУС Польшчы Марыюша Каміньскага.

▪️ Палітзняволены Зміцер Дашкевіч знаходзіцца ў карцары.
"Ад першага дня прыезду ў турму Жодзіна Зміцер знаходзіцца ў карцары. Ён вымушаны знаходзіцца там, бо адмаўляецца ісці ў камеру да гвалтаўнікоў, куды яго заводзяць", — паведамляюць сябры Змітра.
Дашкевіч павінен быў выйсці на волю па заканчэнні тэрміна 11 ліпеня. Але адразу па выхадзе яго затрымалі ў межах новай крымінальнай справы па арт. 411 КК (злоснае непадпарадкаванне патрабаванням адміністрацыі калоніі).

▪️ У Гомелі пачалі з закрытым рэжыме судзіць этнографку і былую журналістку Ларысу Шчыракову.
Яе абвінавачваюць паводле арт. 369-1 КК (дыскрэдытацыя Рэспублікі Беларусь), ч. 1 і ч. 2 арт. 361-4 КК (садзейнічанне экстрэмісцкай дзейнасці і тое ж дзеянне, якое ажыццяўляецца паўторна).
Пра падтрымку палітзняволенай заявіў амерыканскі кінарэжысёр Эрні Барбараш — ён далучыўся да ініцыяванага @bajby Марафону салідарнасці са зняволенымі журналістамі. А Еўрапейская федэрацыя журналістаў назвала суд над Шчыраковай непрымальным.

🔺 Апублікаваныя новыя патрабаванні да экскурсаводаў і гідаў-перакладчыкаў.
Да прыкладу, пастанова абавязвае экскурсаводаў "праяўляць павагу да дзяржаўных сімвалаў", не выказваць на экскурсіях суб’ектыўныя ацэнкі пра Беларусь і іншыя краіны, а таксама сачыць за тым, каб з боку турыстаў не было некарэктных, правакацыйных ці іншых негатыўных выказванняў ці дзеянняў.

▪️ "Вясна" апублікавала новыя падрабязнасці пераследу мастака Алеся Пушкіна.

🔺 У Вільні прэзентавалі кнігу "Мае турэмныя муры" былога палітзняволенага журналіста і аўтара нон-фікшн Алега Груздзіловіча.
Як гэта было
Спампаваць кнігу

"Нам не ўсё адно!": 12-цігадзінны марафон салідарнасці з палітвязнямі распачаўся!

Далучайцеся да трансляцыі

Падтрымлівайце палітвязняў (або наўпрост праз Stripe)

Данаціць можна ад 5 еўра. Збор скончыцца 30 ліпеня ў 23:59 па мінскім часе.

❗ Дзеля вашай бяспекі не рабіце пераводаў з картак беларускіх ці расійскіх банкаў.

#што_паслухаць — гэтым разам сабралі некалькі кавераў:

Песню "Пад дубам" з фільма "Галодныя гульні" гурт Naviband перастварыў па-беларуску. У фільме гэты твор выконвала галоўная гераіня, якая стала сімвалам барацьбы з рэжымам. У новай версіі музыкі спяваюць яе разам з Вольным хорам.

Наступная песня з’явілася дзякуючы беларускамоўнай версіі фільма "Таемнае жыццё Уолтэра Міцці". Трэк "Спэйс Оддзіці" Дэвіда Боўі адмыслова для гэтай стужкі запісалі Пётр Клюеў і Лера Яскевіч. Пераклад на беларускую рабіў паэт Андрэй Хадановіч.

"Расплаціцца з Ведзьмаром" паспрабавалі шматлікія беларускія музыкі. Адна з найбольш цікавых версій атрымалася ў перакладчыка Віталя Рыжкова і спявачкі LEAR.

А яшчэ ў 20.30 (мінскі час) у межах марафона салідарнасці "Нам не ўсё адно!" "Радыё Ўнэт" плануе адмысловы канцэрт: далучайцеся да трансляцыі, падтрымлівайце палітвязняў данатамі.

📺 YouTube выхаднога дня ў нашым эфіры:

▪️ "Генерал Мыш": фільм да 50-годдзя заснавальніка "Белага легіёну" і культурніцкага дзеяча Міраслава Лазоўскага, жыццё якога абарвалася 16 траўня 2023 года ў Бахмуце.

▪️ "Лямпавы стрым" з Сашам Філіпенкам. Комікі з panstandup абмеркавалі з ім беларускую літаратуру, а таксама даведаліся, ці глядзеў ён "Пазакласнае чытанне".

▪️ Максім Жбанкоў у размовах на бэкстэйджы расказвае пра Куллінковіча, грошы на культуру і крыху Чайкоўскага.

▪️ Песні купальскія, жніўныя, валачобныя, рэкруцкія, сіроцкія, галашэнні, застольныя…
"Беларускія народныя песні: якое сапраўднае значэнне і дзе іх шукаць?" — у чарговай серыі "Трызуба і Пагоні".

▪️ У новым выпуску "Около Культуры" Мікіта Моніч распавядае пра лэнд-арт, энвайраментал арт і, увогуле, пра мастацтва, што робіцца разам з прыродай, унутры прыроды і намагаецца не супрацьстаяць ёй, а супрацоўнічаць.

▪️ Кацярына Ваданосава чытае "Малітву" Наталлі Арсеневай. Гэта — адзін з эпізодаў праекта #незагаснуцьзоркіўнебе - паэтычнай хрэстаматыі да 90-годдзя заснавання Саюза беларускіх пісьменнікаў. Усе вершы шукайце тут.

❤️ Марафон салідарнасці з палітзняволенымі "Нам не ўсё адно!" працшоў, але можна паглядзець трансляцыю тут і паспець заданаціць да 23.59 (мінскі час) 30 ліпеня праз https://salidarnasc.com

🎧 Аўдыя-бонусы:

▪️ Шаптухі, знахары, вядзьмаркі. Падкаст Natatnik з Сяргеем Лескецем

▪️ Маналог Kitchentatooer — мастак са Слуцку, які пакідае на целах сваіх кліентаў наіўныя дзіцячыя малюнкі. "З гэтым як быццам прасцей жыць", – прызнаецца Дзяніс.

#што_паглядзець