Пісьменніку Уладзіміру Някляеву споўнілася 75 гадоў

“9 ліпеня. Дзень народзінаў. 75 гадоў.

Святкаваць не выпадае, бо палова тых, каго хацеў бы запрасіць на свята, у турме. Сябры (музыкі, акторы) прапанавалі ўсё ж неяк адзначыць юбілей.

Сыграць каля сцен Крэўскага замка, дзе бегала маё дзяцінства, спектакль па нядаўна папісанай драме “Ягайла”, улады не дазволілі. І зусім не таму, што некалі Ягайла прадаў Вялікую Літву за ўладу.

Тым не менш юбілей я адзначыў, дапісаўшы пад яго раман “Гэй Бэн Гіном”. Гэта мой самому сабе на 75 гадоў падарунак. Што яшчэ трэба чалавеку, сэнс жыцця якога ў словах?

Словы, мова – не пытанне лінгвістыкі. Калі б было так, слова не было б, як сказана ў Святым пісанні, напачатку ўсяго”, — напісаў пісьменнік у фэйсбуку.

❗Суд Цэнтральнага раёна вынес прысуд Даніле Ганчарову, мастаку па святле, які быў звольнены з Новага драматычнага тэатра за забастоўку: 2 гады калоніі агульнага рэжыму

Яго вінавацілі ва ўдзеле ў групавых дзеннях, што груба парушаюць грамадскі парадак (ч. 1 арт. 342 КК), і саўдзелі ў такім злачынстве (ч. 6 арт. 16 ч. 1 арт. 342 КК).

Суддзя Дзмітры Карсюк, нягледзячы на сумнеўнасць доказаў і відавочныя памылкі ў матэрыялах справы, палічыў, што віна палітвязня даказаная.

Даніла Ганчароў сваёй віны не прызнаў і адмовіўся ад дачы паказанняў у судзе.

Як праходзіў суд

@viasna96

У Берасьці ўлады зьліквідавалі яшчэ 2 арганізацыі: «Дзедзіч» і «За свой горад»

Пракуратура лічыць, што гэтыя арганізацыі нібыта вялі дзейнасьць, не адпаведную заяўленым у статуце прадмету і мэтам, таму іх зьліквідавалі «за парушэньні закону». Раней у Берасьці з ініцыятывы пракуратуры закрылі дзьве папулярныя культурныя пляцоўкі — тэатар «Крылы халопа» і «Грунт будучыні»:

https://svaboda.azureedge.net/a/31349858.html

11 ліпеня ў межах Міжнароднага Тыдня Беларускай Культуры ў Вільні адбудзецца канцэрт "Культура мацней за дыктатуру!"

У канцэрце бяруць удзел Лявон Вольскі, Маргарыта Ляўчук, Андрэй Павук, Сяргей Kosmas.

Канцэрт адбудзецца ў Вільні ва ўнутраным дворыку ЕГУ (Savičiaus, 17). Пачатак у 20:00, пачатак жывой трансляцыі ў 20:15.

У межах Міжнароднага тыдня беларускай культуры Філарманічны аркестр Гуаякіля (Эквадор) выканаў музыку славутага беларускага кампазітара Сяргея Картэса да спектакля "Карчмарка" - "Ранак" і "Тарантэла".

https://youtu.be/28g-3JnMXUY

Сяргей Альбертавіч Картэс (1935 - 2016) - беларускі кампазітар і выбітны культурны дзеяч, які нарадзіўся ў далёкім Чылі.

Ягоны сын, Сяргей Картэс, так распавядае пра свайго бацьку: "Ён быў чалавекам свету - сапраўды свабодным, менавіта такім, за што мы змагаемся цяпер. Ён лічыў сабе шчаслівым, таму што яму пашанцавала ўвабраць дзве розныя культуры - лацінаамерыканскую і беларускую".

#by_culture

8 ліпеня ў Гомлі затрымалі Іллю Міронава, арганізатара канцэртаў і фэстаў, валанцёра, які напісаў 2 тысячы лістоў і занёс дзясяткі кіляграмаў перадач зняволеным

Цяпер ён у абласным упраўленні КДБ, за што затрыманы — невядома.

Маці Іллі Валянціна кажа, што ў кватэры ўсё перавярнулі дагары нагамі. «Пасьля ператрусу не пакінулі нават пратаколу вобшуку, і гэта ў кватэры, дзе я гаспадыня! Можа, там кулямёт які падкінулі, адкуль я ведаю?» — абураецца маці.

@radiosvaboda

Міжнародны тыдзень беларускай культуры. Дзень 5️⃣

🔻У Берліне адбылася сустрэча з літаратарамі Альгердам Бахарэвічам і Юліяй Цімафеевай

🔻Зміцер Сасноўскі з гурта “Стары Ольса” запісаў сольны альбом "Айчына і каханне".

🔻 Філарманічны аркестр Гуаякіля (Эквадор) выканаў творы Сяргея Картэса

🔻Прафесар Андрэй Катлярчук распавёў пра гісторыю беларускіх сімвалаў - “БЧБ vs ЧЗ - што пераможа?”

🔻 У Беларускім Моладзевыі Хабе паказалі пратэстны кароткі метр з дыскусіяй з удзелам аўтараў і Вольгі Сарокі, тэрапеўткі, аўтарка кнігі "Псіхалагічная аптэчка беларуса".

🔻Прага: выстава мастачкі Руфіны Базлавай і прэзентацыя кніг паэта Алеся Плоткі (Baisan) і альбома Baisan & Yasinski

🔻У Вільні прайшла прэм’ера спектаклю “Трэцяя змена” паводле п’есы Паўла Пражко.

🔻Ну а мы падзяліліся з Вамі чарговым караоке - на песню “Грай”.
Слухайце, вывучайце і спявайце беларускія песні. І памятайце - вярнецца доля!

🖼️ "Гэта я", мурал-прысвячэнне беларусам ад бразільскага мастака, удзельніка мінскай Vulica Brazil Tinho

#by_culture

Спяваем разам: "Іншыя" Naviband!

https://youtu.be/NsxVIwPHj6U

Штодня ў межах Міжнароднага тыдня беларускай культуры мы публікуем відэа любімых песень беларусаў.

Распаўсюджвайце гэтыя відэа ў сваіх суполках і аб'яднаннях, спявайце беларускія песні і публікуйце вашыя спевы ў сацыяльных сетках з хэштэгам #by_culture.

Каб беларуская песня загучала яшчэ больш моцна і пераканаўча па ўсім свеце!

"Я спадзяюся, вы адчуваеце нашую падтрымку. Калі вы адучваеце небяспеку — нашая краіна адкрытая. Жыве Беларусь!"

Лідар украінскага гурта "Бумбокс" Андрэй Хлыўнюк за кулісамі фэста Atlas Weekend.

Сёння на найбуйнейшым украінскім фэсце музыкі і мастацтваў быў "беларускі дзень": з 15:30 да 23:00 на East Stage выступалі беларускія музыкі (Nürnberg, Nemiga, Intelligency, Nizkiz, ЛСП).

@euroradio

Міжнародны тыдзень беларускай культуры. Дзень 6️⃣

🔻Беларускі квартэт Mova Dreva выступіў на фестывалі "Guarda in Jazz" у Гвардзе, Партугалія

🔻У Чэхіі прайшоў Дударскі фэст і святкаванне Купалля

🔻Святкавалі Купалле і беларусы Лондана на запрашэнне Англа-Беларускага Таварыства

🔻У Варшаве стварылі атмасферу пратэстных беларускіх двароў узору лета-восень'20. Музыка ад Аляксея Бурносенкі, "Патрабуем разысціся", АnaMova і гурта V&D. Адкрыў мерапрыемства Павел Латушка

🔻 У Кіеве на фестывалі Atlas weekend, выступілі гурты Nürnberg, Nemiga, Intelligency, Nizkiz і ЛСП

🔻У гэты час у Бразіліі малявалі Беларусь з бразыльскай суполкай Urban Sketchers

🔻У Батумі адбылася выстава-кірмаш з беларускай сімволікай

🔻А вось віленцам выпала рэдкая магчымасць паглядзець фільм "Кураж" дакументаліста Аляксея Палуяна

Удзень у літоўскай сталіцы прайшоў мастацкі майстар-клас па напісанні паштовак палітвязням, арганізаваны пры падтрымцы @bysol

🎥 "Воля": стрыт-арт і верш Янкі Купалы

#by_culture