Ижтимоий тармоқларда кенг муҳокамаларга сабаб бўлган ҳолат юзасидан расмий муносабат

Ижтимоий тармоқларда, 80 Q 391 BA давлат рақам белгили қизил рангли М-412 русумли автомашинанинг орқа юкхонасида ветеринария-санитария қоидаларига зид равишда чорва-мол гўшти ортиб кетаётганлиги акс этган фотосурат кўплаб ижтимоий тармоқ фойдаланувчиларнинг ҳақли эътирозларига сабаб бўлди.

Олиб борилган тезкор суриштирувлар натижасида ушбу автомашина Ромитан туман Ўба МФЙда яшовчи фуқаро А.Т.га, автомашинага ортилган гўшт махсулоти эса Ромитан тумани Муллаён МФЙда яшовчи фуқаро М.Ҳ.га тегишли эканлиги аниқланиб, ушбу фуқароларга нисбатан ветеринария-санитария қоидаларига риоя қилмаганлиги сабабли Ўзбекистон Республикаси МЖтКнинг 109-моддаси тартибида маъмурий баённома расмийлаштирилиб, гўшт ва гўшт махсулотларини ташиш қоидалари тушунтирилди.

Каналга уланиш 👇
https://t.me/joinchat/AAAAAE6D9-L_734RW7HhaQ

Бухоро вилоятининг марказидан 400 км, Пешкў туман марказидан 210 км узоқликда Жонгелди аҳоли пункти жойлашган бўлиб, ер майдони 750.000 гектарни ташкил қилади. Мазкур аҳоли масканида 153 та хонадон, 192 та оила, 733 нафар фуқаролар истиқомат қилиб келмоқдалар. Қизилқум кенгликлари бағрида жойлашган ушбу аҳоли пункти фуқаролари ҳам “Янги Ўзбекистон – янгича дунёқараш” маданий маърифий тадбирларидан баҳраманд бўлдилар.
Куни кеча туман ҳокими ҳамда 3-сектор раҳбари томонидан олис ҳудудга эътибор қаратилиб, аҳолининг турмуш тарзини яхшилашга қаратилган бир қатор чора-тадбирлар қаторида кўчма ярмарка ҳам ташкил этилди. Жонгелди ҳудудида ўтказилган мазкур ярмаркада қишниниг совуқ кунларида энг зарур бўлган кўмир, 20 дан ортиқ турдаги озиқ-овқат махсулотлари, яъни картошка, пиёз, сабзи, гуруч, шакар, ёғ, макарон, ун ва бошқа кундалик эҳтиёж учун зарур бўлган нарса-буюмлар арзон нархларда сотувга қўйилди.

Каналга уланиш 👇
https://t.me/joinchat/AAAAAE6D9-L_734RW7HhaQ