⚡️Бугун, 28 апрель куни Бухоро шаҳри ва Қоровулбозор туманида “Янги нафас” оммавий югуриш мусобақаси ташкил этилди.

Маълумки, юртимизда 2019 йилдан бошлаб “Халқаро Тошкент Марафони” ҳамда 2020 йилдан бошлаб эса “Янги нафас” оммавий югуриш мусобақаси доимий равишда ўтказиб келинмоқда. Мамлакатимизнинг 16 та шаҳрида бир вақтда ташкил этилган спорт тадбири соғлом турмуш тарзи тарафдорларини ўзида жамлади.

"Бир ватанда, бир вақтда, бир масофада, бир мақсадда, бирга югурамиз!" шиори остида ташкил этилган оммавий югуриш марафони Бухоро шаҳридаги “Ситора” болалар боғи олдидан старт олди. Мусобақа стартида сўз олган вилоят ҳокими Ботир Зарипов Янги Ўзбекистонда спортнинг оммавийлигини ошириш, баркамол авлодни жисмонан ва руҳан чиниқтириш, уларни эзгу ва хайрли мақсадлар йўлида сафарбар қилиш барча соҳада олиб борилаётган ислоҳотларнинг туб мазмун-моҳиятини ташкил этишини таъкидлади. Шунингдек, мамлакатимизда жисмоний тарбия ва спортни ривожлантириш давлатимиз раҳбари эътиборидаги асосий масалалардан бири эканлигини, спортнинг инсон ҳаёти ва саломатлигидаги тутган ўрни ва роли хусусида фикр-мулоҳазаларини билдирди.

Шундан сўнг 7 ёшдан 70 ёшгача бўлган 7 мингга яқин иштирокчилар "Арк" қўрғонигача бўлган 3 км масофа бўйлаб, ғолиблик ва саломатлик учун югуришди.

Якуний натижаларга кўра аёллар ўртасида 3 км масофадаги беллашувларда Райҳона Рўзиева биринчи, Меҳрибон Мансурова иккинчи ҳамда Диёра Бозорова фахрли учинчи ўринни эгаллади. Худди шу масофада эркаклар ўртасидаги баҳсларда Мадиёр Аслонов ғолибликни қўлга киритган бўлса, Шаҳриёр Бозоров иккинчи, Асилбек Ражабов учинчи ўринга эга чиқди. Шунингдек, мусобақада турли номинациялар бўйича ҳам ғолиблар аниқланди. Ғолиб ва совриндорларга мутасаддилар томонидан медаль, диплом ва қимматбаҳо совғалар топширилди.

Тақдирлаш маросими ҳарбийларнинг кўргазмали чиқишлари ҳамда вилоятимиз санъат усталарининг концерт дастури билан давом этди.

🇺🇿 Rasmiy sahifalarimizni kuzatib boring:
Sayt|Telegram|Facebook|Instagram|YouTube

Buxoro viloyati Ichki ishlar boshqarmasi boshlig‘ining birinchi o‘rinbosari polkovnik Bahodirxo‘ja Sharipov boshchiligida Buxoro shahar hududiga “Xavfsiz tun” tadbiriga jalb qilingan huquq-tartibot organlari xodimlari ishtirokida kengaytirilgan tungi tezkor yo‘riqnoma o‘tkazildi
————

Бухоро вилояти Ички ишлар бошқармаси бошлиғининг биринчи ўринбосари полковник Баҳодирхўжа Шарипов бошчилигида Бухоро шаҳар ҳудудига “Хавфсиз тун” тадбирига жалб қилинган ҳуқуқ-тартибот органлари ходимлари иштирокида кенгайтирилган тунги тезкор йўриқнома ўтказилди

🇺🇿 Rasmiy sahifalarimizni kuzatib boring:
Sayt|Telegram|Facebook|Instagram|YouTube

Buxoro viloyati Ichki ishlar boshqarmasi Jamoat xavfsizligi xizmati Jamoat tartibini saqlash boshqarmasi Patrul-post xizmati xodimlari tomonidan viloyatning barcha hududlarida kriminogen vaziyatni barqarorlashtirish, jinoyatchilikni oldini olish, jamoat tartibini saqlash maqsadida tunu-kun keng qamrovli profilaktik tadbirlar o‘tkazilmoqda
————————

Бухоро вилояти Ички ишлар бошқармаси Жамоат хавфсизлиги хизмати Жамоат тартибини сақлаш бошқармаси Патрул-пост хизмати ходимлари томонидан вилоятнинг барча ҳудудларида криминоген вазиятни барқарорлаштириш, жиноятчиликни олдини олиш, жамоат тартибини сақлаш мақсадида туну-кун кенг қамровли профилактик тадбирлар ўтказилмоқда

🇺🇿 Rasmiy sahifalarimizni kuzatib boring:
Sayt|Telegram|Facebook|Instagram|YouTube

Buxoroda “Yangi nafas” ommaviy yugurish musobaqasi tashkil etildi
—————

Бухорода “Янги нафас” оммавий югуриш мусобақаси ташкил этилди

🇺🇿 Rasmiy sahifalarimizni kuzatib boring:
Sayt|Telegram|Facebook|Instagram|YouTube