Buxoro viloyati Ichki ishlar boshqarmasi boshlig'i o'rinbosari — Ma'naviy-ma'rifiy ishlar va kadrlar bilan ta'minlash xizmati rahbari IIVning Buxoro akademik litseyi o'quvchilari bilan uchrashdi.

Samimiy va ochiq muloqot tarzida o'tgan tadbirda yoshlarga ichki ishlar organlari faoliyatining asosiy yo'nalishlari, tizimda amalga oshirilayotgan bugungi islohotlar hamda sohaning kelajakdagi keng imkoniyatlari haqida batafsil ma'lumot berildi.

Tadbirning eng ahamiyatli qismi, "Ichki ishlar organlari xodimlarining kasbiy madaniyat va xizmat intizomi kodeksi" doirasida tashkil etilgan amaliy mahorat darsi bo'ldi. Mashg'ulot davomida bo'lajak posbonlarga xizmat intizomi, kasbiy madaniyat, muomala etikasi, shuningdek, mas'uliyat va fidoyilik kabi muhim tushunchalar hayotiy misollar yordamida tushuntirildi.

Faol munozaralarga boy o'tgan amaliy mashg'ulotlarda o'quvchilar o'zlarini qiziqtirgan barcha savollarga mutaxassisdan batafsil javob olishdi. Qolaversa, kelgusida ichki ishlar tizimida xizmat qilish hamda bu sharafli kasbni egallash uchun hozirdan shakllantirilishi lozim bo'lgan ko'nikmalar yuzasidan qimmatli tavsiyalarga ega bo'lishdi.

Tadbir yakuni qizg'in va samimiy fikr almashinuvlari bilan yakunlandi.

Vobkent tumani Ichki ishlar bo'limi boshlig'ining birinchi o'rinbosari ishtirokida tuman probatsiya guruhi hisobida turgan fuqarolar bilan navbatdagi profilaktik muloqot tashkil etildi.

Uchrashuvdan ko'zlangan asosiy maqsad, nazoratdagi shaxslarni jamiyatga moslashtirish, ularning bandligini ta'minlash hamda qayta jinoyat va huquqbuzarliklar sodir etishlarining oldini olishdan iborat.

Ochiq muloqot davomida mas'ul rahbarlar tomonidan qonunchilik talablariga qat'iy rioya etish, o'rnatilgan cheklovlarga amal qilish bo'yicha tushuntirishlar berildi. Shu bilan birga, ishtirokchilarning kundalik yashash tarzi tahlil qilinib, muammolari tinglandi va ularni bandlikka jalb etish bo'yicha huquqiy maslahatlar berildi.

Buxoro viloyati IIB huzuridagi Qo`riqlash xizmatida xizmat qilib kelayotgan yosh xodimlar uchun “Stress muammosi: psixologik ko‘rinishlari, tasnifi va namoyon bo‘lishi” mavzusida trening o‘tkazildi.

Treningda qatnashchilar stressning turli turlari, akut, kronik, pozitiv (eustress) va negativ (distress) hamda ularning ish samaradorligi va ruhiy salomatlikka ta’siri bilan tanishdilar. Shuningdek, stressning psixologik, fiziologik va xulq-atvor ko‘rinishlari tahlil qilindi.

Trening davomida yosh xodimlarga stressni aniqlash, uni tasniflash va boshqarish bo‘yicha amaliy usullar, nafas olish mashqlari, ish rejimini tartibga solish, dam olish va ijtimoiy qo‘llab-quvvatlash tavsiya qilindi.