ROMITANGA SAFAR

Mazkur hududdagi maktablarning bir qancha bitiruvchilari ham institutimiz faoliyati, bu yerdagi shart-sharoitlar haqida yetarlicha ma’lumot oldilar. Bunda ularga BuxTRBIning Suv ta'minoti va tejamkor sug'orish texnologiyalari kafedrasi professor-o'qituvchilari bilan bo’lgan muloqot ancha asqotdi.

Oliy ta’lim dargohimiz vakillari tumandagi 1-, 2- va 4-o’rta umumta’lim maktablarida o’tgan uchrashuvlar chog’ida yigit-qizlarga muassasamizning tarkibiy tuzilmasi, kafedra va ta'lim yo'nalishlari, shuningdek, axborot-resurs markazi, ilmiy tadqiqot maskanlari, sport obyektlari, yotoqxonalar, umuman, institutda talabalar uchun yaratilgan ko’plab imkoniyatlar haqida so’zlab berdilar.

Qolaversa, so'nggi yillarda suv xo‘jaligi, agrosanoat sohalarida qo’l urilayotgan islohotlar, bu yo’nalishlarda tadbirkorlik faoliyatini yuritish talablari, bitiruvchi yoshlarni oliy ta’limga keng jalb etish maqsadida berilayotgan qator imtiyozlar xususidagi ma'lumotlar talaba bo’lish ishtiyoqidagi yoshlarda katta qiziqish uyg’otdi.

O’z navbatida, institutimizning bugungi kuni, qiyofasi, shart-sharoitlari, ta’lim va ilmiy tadqiqot jarayoni aks etgan videolavha romitanlik yigit-qizlarda iliq taassurot qoldirdi.

https://t.me/BuxTRBI

KUTUBXONACHILAR KUNIGA ATAB…

Intitutimiz talabalari, ilmiy tadqiqotchilari hamda professor-o'qituvchilarining ilm-fan, ma'rifat, zarur ixtisosliklarni puxta o’zlashtirish, professional faoliyat borasidagi kasbiy, madaniy va ma’naviy ehtiyojlarini qondirishlarida BuxTRBIdagi Axborot-resurs markazining ahamiyati katta.

Eslatish joizki, ushbu ziyo maskani fondi hamda elektron bazasidan turli mazmundagi 30 ming atrofida bosma kitob va 13 mingga yaqin elektron shakldagi adabiyotlar o’rin olgan.

Albatta, buncha manbani ma’lum tizimga solib, zarur talablar asosida kitobxonlarga yetkazish, foydalanuvchilarga bu borada qulayliklar yaratish, qolaversa, diyorimizdagi boshqa ko’plab kutubxonalar, axborot-resurs markazlari bilan doimiy hamkorlikda samarali ish yuritish o’z-o’zidan bo’lmaydi. Bunda institutimizdagi ARM xodimlarining beminnat xizmati, bilim va salohiyatlari, izlanish hamda mehnatlari asqotyapti.

Ayni shu muhim jihatlarni BuxTRBI rektori Shavkat Imomov 21-may – Kutubxonachilar kuni munosabati bilan o’tkazilgan tadbirda ta’kidladi.

Ta’lim dargohimiz rahbari ARM xodimlarini qutlarkan, ularga tashakkurnomalar topshirdi va bundan buyon ham kutubxonachilarimizning mehnat faoliyatlarida omad yor bo’lishini tiladi.

https://t.me/BuxTRBI