O‘zbekiston Respublikasi Prezidentining 2022-yil 7-martdagi PF-87-son Farmonining ijrosi ta’minlanmoqda.

Xotin-qizlarning huquq va qonuniy manfaatlarini himoya qilish maqsadida Peshku tumani hokimi Vahob Qahhorov va Oila va xotin-qizlar bo‘limi boshchiligida joriy yilning 13-iyun sanasida uzoq muddatga chet elga ketgan xotin-qizlar bilan tumanda video konferensiya tashkil qilinib, xotin-qizlar bilan onlayn suhbat o‘tkazildi.

Xotin-qizlarning muammo va takliflarini yechishda tumandagi barcha tegishli tashkilot rahbarlari hamda mahalla raislari, xotin-qizlar faollari ishtirok etishdi.

Uzoq-muddatga chet elga ishlab yurgan xotin-qizlarning muammolarini yechishda tuman hokimi V.Qahhorov boshchiligida barcha tashkilot rahbarlari birma-bir onlayn suhbatlashib, migrant xotin-qizlarni muammolarini joyida hal qilib, vaqt talab qilinadigan masalalarga tegishli tashkilotlarga topshiriq berildi.

Chet elga ishlash uchun ketgan xotin-qizlarni qo‘llab-quvvatlash maqsadida har bir mahallada jamoatchilik vakillari bilan hamkorlikda xonadonlarni o‘rganib borish, Uzoq muddatga yashash joyidan chiqib ketgan shaxslarning oilalari yagona reyestrini yaratish va yangilab borish, chet elga chiqib ketgan shaxslarning uyida qolgan oila aʼzolari, shu jumladan farzandlarining turmush tarzini o‘rganish, doimiy manzilli qo‘llab-quvvatlash choralarini ko‘rish chora-tadbirlari va topshirig‘i berildi.
Video muloqotda xorijda ishlab yurgan xotin-qizlardan bola puli olishda amaliy yordam, uy-joy masalasida, bolasi uchun aliment undirishda yordam, pensiyaga chiqish muammosi, kadastr masalasi, farzandlarini maktabga joylashtirish va boshqa masalalarda murojaat qilgan xotin-qizlarning muammolari yozib olinib, tegishli tashkilotlarga yo‘naltirildi hamda ijrosi tuman hokimligi tomonidan nazoratga olindi.