Сайёр дарс: Талаба-ёшлар O’zLiDeP фаолияти билан яқиндан танишдилар

O’zLiDeP вилоят Кенгашида БухДУ тарих ва юридик факультети Социология йўналиши талабалари иштирокида сайёр дарс ташкил этилди.

Учрашув давомида O’zLiDePнинг мамлакат сиёсий ҳаётидаги ўрни, ислоҳотлар бардавомлигини таъминлашдаги иштироки, партиянинг дастурий мақсад ва вазифалари, истиқболли лойиҳалари хусусида батафсил маълумотлар берилди.

Тадбирда сўзга чиққан O’zLiDeP вилоят Кенгаши бўлими мудири Ш.Ахадов ҳамда партия шаҳар Кенгаши аппарати раҳбари Р.Загретдиновлар томонидан вилоят партия ташкилотининг иш фаолияти, кенг жамоатчилик, айниқса ёшлар сиёсий ҳамда ҳуқуқий саводхонлигини ошириш борасида амалга оширилаётган ишлар ҳақида атрофлича фикр алмашилди.

Зеро, ёш авлодни жамият ҳаётида сиёсий жиҳатдан фаол, ҳуқуқий маданияти юксак фуқаро сифатида тарбиялаш муҳим аҳамиятга эга эканлиги алоҳида таъкидланди.

Жонли мулоқот тарзида ўтказилган учрашув давомида ёшлар ўзларини қизиқтирган саволларга жавоб олишди.