🐰Сям’я Аляксандра Зайцава запусціла кансервавы завод, а ўлады перадалі ім ў арэнду возера. «Бюро» высветліла, што бізнэсовец Аляксандр Зайцаў запусціў уласнае прадпрыемства па перапрацоўцы рыбнай прадукцыі – Лукомльскі кансервавы завод.

📌 89% фірмы «кашалёк» Аляксандра Лукашэнкі перапісаў на свайго 21-гадовага сына – Рамана Зайцава.

Яшчэ 10% належаць Васілю Дземянцею – былому намесніку старшыні КДБ і Дзяржаўнага мытнага камітэта. Пасля завяршэння кар’еры ў сілавых ведамствах Дземянцей узначальваў фірму «Брэміна груп», якой валодаюць сам Зайцаў-старэйшы і ягоныя бізнэс-партнёры: Аляксей Алексін і Мікалай Варабей.

📌 Лукомльскі кансервавы завод адкрылі 4 кастрычніка ў Чашніцкім раёне ў самым маладым горадзе Беларусі – Новалукомлі. Будаўніцтва праходзіла ў межах інвестыцыйнай дзяржпраграмы «Адзін раён – адзін праект».

Выніковы аб’ём інвестыцый склаў больш як 18 мільёнаў беларускіх рублёў. З іх 13,5 мільёна – крэдыт «Белаграпрамбанка».

Але на гэтым дапамога ад дзяржавы не заканчваецца. Лукомльскаму кансерваваму заводу выдзелілі ўчастак у 2,8 гектара, а таксама перадалі ў арэнду возера Лукомльскае і квоту на вылаў 50 тон прэснаводнай рыбы.

📌 Хто яшчэ з сілавікоў працуе на заводзе Зайцава і адкуль ім будуць пастаўляць рыбу чытайце на сайце «Бюро»

📌 Падтрымаць "БЮРО" можна на "Patreon". Таксама ёсць іншыя спосабы падтрымаць рэдакцыю (Stripe i buymeacoffee).

🎆 Сёння «Бюро» спаўняецца 2 гады! Мы шчаслівыя сёння падзяліцца з вамі нашымі дасягненнямі і планамі на будучыню.

Другі год існавання нашага праекта стаў не менш дынамічным і плённым, чым першы. За год рэдакцыя правяла і апублікавала 13 эксклюзіўных вялікіх расследаванняў і некалькі дзясяткаў міні-расследаванняў і расследавальніцкіх навін. Акрамя таго, мы эксперыментавалі з фарматамі і выпускалі расследаванні яшчэ і ў аўдыя.

У 2025 годзе мы сталі членамі GIJN. «Бюро» ўзяло ўдзел у маштабным праекце Dear Compatriots сумесна з 30 замежнымі расследавальніцкімі медыя. А восенню двое журналістаў рэдакцыі былі ўзнагароджаныя прэміяй «Вольнае слова» за свае расследаванні.

Што яшчэ мы рабілі і якія дасягненні былі ў «Бюро» падрабязней чытайце на сайце

Як падтрымаць «Бюро»

📌 Штомесяц мы публікуем на Patreon рэдакцыйны ліст ад нашых журналістаў пра нашу дзейнасць. Лісты атрымлівае кожны, хто падпішацца на наш Patreon. Падпісацца можна тут.

Таксама можна падтрымаць рэдакцыю разавым данатам

📌 праз Buymeacoffee

📌 праз Stripe

✈️ «Белавія» парушае ўмовы адмены амерыканскіх санкцый. ЗША выставілі патрабаванні васьмі лайнерам – сем ужо іх парушылі

Дзяржаўны перавозчык «Белавія» лётае ў Расію на боінгах, нягледзячы на забарону амерыканскага ўрада, высветліла «Бюро».

У пачатку лістапада ЗША афіцыйна знялі санкцыі з авіякампаніі «Белавія». Адмену абмежаванняў анансавалі за два месяцы да таго, пасля вераснёўскай сустрэчы Аляксандра Лукашэнкі з прадстаўніком прэзідэнта ЗША Джонам Коўлам. Тады ж з беларускіх турмаў былі вызваленыя і высланыя ў Літву 52 палітзняволеныя, у тым ліку 14 замежных грамадзян.

📌 Нягледзячы на адмену санкцый, «Белавія» па-ранейшаму забаронена выкарыстоўваць лайнеры амерыканскай вытворчасці для палётаў у Расію, Іран, Паўночную Карэю, Сірыю, на Кубу і акупаваныя тэрыторыі Украіны. Гэтыя ўмовы Міністэрства гандлю ЗША акрэсліла яшчэ ў верасні ў спецыяльным лісце на імя гендырэктара «Белавія» Ігара Чаргінца.

Ліст закранаў восем канкрэтных самалётаў Boeing 737. «Бюро» вывучыла расклад іх рэйсаў і высветліла, што сем лайнераў парушылі патрабаванні ЗША.

Усе яны ў верасні – лістападзе лёталі ў Маскву, шасцёра – у Санкт-Пецярбург і Сочы. Тры лайнеры выконвалі рэйсы ў Казань і Екацярынбург, два – у Калінінград. Асобныя самалёты накіроўваліся ў Махачкалу, Наябрск, Кіраў, Самару і Уладзікаўказ.

Падобна, ігнараванне ўмоваў зняцця санкцый – прынцыповая пазіцыя Мінска. У кастрычніку Аляксандр Лукашэнка назваў забарону на палёты боінгаў «Белавія» ў Расію і іншыя краіны «недарэчнымі абавязацельствамі».

«Бюро» звярнулася ў Міністэрства гандлю ЗША з просьбай пракаментаваць парушэнні ўмоваў зняцця санкцый і ўдакладніць, якой можа быць рэакцыя амерыканскага боку. На момант публикацыі адказу ад ведамства мы не атрымалі.

📌 Як санкцыі паўплывалі на «Белавія» і ці дапаможа «Белавія» Расіі абысці санкцыі — чытайце на сайце «Бюро»

📌 Падтрымаць "БЮРО" можна на "Patreon". Таксама ёсць іншыя спосабы падтрымаць рэдакцыю (Stripe i buymeacoffee).

🔍 Літоўская мытня праверыць фігурантаў нашага расследавання

Мытнікі вывучаць, якім чынам санкцыйнае італьянскае абсталяванне трапіла ў Беларусь праз Літву ў абыход міжнародных санкцый. Дастаўкай грузу займалася літоўская кампанія Didneriai.

У лістападзе мы расказалі, як па распараджэнні Аляксандра Лукашэнкі ў Гродне пабудавалі новы шкляны завод, абуладкаваўшы яго новым італьянскім абсталяваннем. Гаворка ідзе пра тры лініі вытворчасці шкляной тары, выпушчаныя кампаніяй EMS Group. Такое абсталяванне забаронена вывозіць з Еўрапейскага саюза з сакавіка 2022 года.

У Беларусь яго даставілі ў абыход міжнародных санкцый. Для гэтага выкарыстоўвалася фірма-пракладка з Казахстана, а таксама быў зменены код тавару. Адзін са сведкаў гэтых схем падзяліўся з намі падрабязнасцямі. Мы здабылі звесткі і дакументы, якія пацвярджаюць ягоныя словы.

Абсталяванне завозілі ў Беларусь у 2022 і 2023 гадах. Яго кошт перавышае два мільёны еўра. Італьянскія лініі выкарыстоўваюцца на новай вытворчай пляцоўцы Гродзенскага шклозавода, пацвердзілі на прадпрыемстве.

📌 Чытаць на сайце

📌 Падтрымаць "БЮРО" можна на "Patreon". Таксама ёсць іншыя спосабы падтрымаць рэдакцыю (Stripe i buymeacoffee).