Куни кеча яна бир қатор ўйинчилар билан шартнома имзоланди. Хусусан, ўтган мавсумни «Қизилқум» сафида ўтказган нигериялик Иброҳим Томива, «Бухоро» посбони Зафар Сафоев 2021 йил «Бунёдкор» либосида тўп суриши аниқ бўлди. Шунингдек, Сарвар Каримов ва Любомир Бондаренко яна фаолиятини жамоамиз билан боғлади. Умидли футболчи Диан Талхатов эса, «қалдирғочлар»нинг янги аъзосига айланди.

Футболчиларнинг «Бунёдкор»даги фаолиятига омад тилаймиз!

Мусобақани «А» гуруҳида бошлаган Темур Бобохонов мураббийлигидаги «Бунёдкор-Б» бугун 4-тур учрашувида майдонга тушди. Гуруҳнинг сўнгги ўйинида «Автомобилчи» билан ҳисоб-китоб қилган вакилларимиз йирик ҳисобда ғалаба қозонди. Юсуф Турсунбоев, Исо Очилов, Абдулазиз Пардабоев ва Жаҳонгир Исроилов томонидан урилган голларга рақиб бир марта жавоб қайтара олди ва «қалдирғочларимиз» мусобақанинг гуруҳ босқичини ғалаба билан якунланди.

«Ҳожиакбар Отажонов» хотира турнири
«А» гуруҳи. 4-тур
«АВТОМОБИЛЧИ» - «БУНЁДКОР-Б» - 1:4 (0:2)
1 март. Тошкент. «Бунёдкор» академияси майдони.
Бош ҳакам: Асадбек Турсунов.
Қанот ҳакамлари: Анвар Жўраев, Н.Мамараҳимов.
«Бунёдкор-Б»: Богдан Золкин, Диёр Каримов, Мусо Очилов, Абдуфаттоҳ Фозилжонов (М.Мадаминов, 83), Ш.Исматуллаев (Мирфайз Жумаев, 46), Миркамол Аннаматов, Исо Очилов (Беҳзод Абдувалиев, 36), Юсуф Турсунбоев (Оғабек Шомуродов, 60), Абдулазиз Пардабоев, Азизбек Одилов (Жўшқин Олимов, 80), Жаҳонгир Исроилов (Мирасрор Мираброров, 75).
Голлар: Юсуф Турсунбоев, Исо Очилов, Абдулазиз Пардабоев, Жаҳонгир Исроилов.

«Бунёдкор» жамоаларининг ўртоқлик учрашувлари рўйхати

Назорат учрашувлари
2 март (сешанба)
«БУНЁДКОР» - «ТУРОН»

3 март (чоршанба)
«ИСТИҚЛОЛ» - «БУНЁДКОР U-21»

«ЛОКОМОТИВ U-21» – «БУНЁДКОР U-18»

5 март (жума)
«БУНЁДКОР» - «ИСТИҚЛОЛ»

6 март (шанба)
«БУНЁДКОР-2» - «ЯНГИЕР»

Клублар ЎзПФЛга керакли ҳужжатларни топшириб улгурдими? Мусобақалар ўтказиш бўлими бошлиғи Сардор Қудратуллаевнинг тақдим этган маълумотларга кўра, баъзи клублар ҳужжатларни расмийлаштириш масаласида кечикмоқда.

“Айтиш лозимки, бу йилдан бошлаб клублар MyLeague орқали электрон рўйхатга олинмоқда. Ҳозирга қадар “Насаф”, “Қизилқум”, “Бунёдкор”, “Сўғдиёна” ва "Андижон" клублари билан боғлиқ кичик муаммолар мавжуд. Улар мазкур муаммоларни бартараф этиш учун ҳаракат қилишмоқда. Мазкур клублар ўзлари учун белгиланган муддатларга улгурмаган бўлсалар-да, биз уларга қўлдан келганича ёрдам бермоқдамиз. Аммо 12 мартдан кейин уларга ЎзПФЛ ёрдам бера олмайди. Умид қиламизки, клублар мавсум стартига қадар барча камчиликларни бартараф этиб улгуришади”, — деб айтиб ўтди С.Қудратуллаев.

Шунингдек, “Насаф”, “Сўғдиёна”, “Навбаҳор”, “Бунёдкор”, “Сурхон” каби клубларда қарздорликлар мавжуд.

Маълумот учун, шу йилнинг 5 февраль куни ЎФА Футболчилар мақоми ва ўтиши бўйича қўмита 7 та футбол клубига нисбатан легионер футболчиларни рўйхатдан ўтказиш учун тақиқ қўйганди. Улар орасидан “Насаф”, “Бунёдкор” ва “Қўқон-1912” футбол клублари легионерлар билан боғлиқ муаммони ҳал этди. “Сўғдиёна”, “Сурхон”, “Оқ-тепа” ва “Бухоро” клубларига нисбатан тақиқ эса ўз кучида турибди.

@uzpfl

“Бунёдкор” футбол клуби Кузатув кенгашининг йиғилиши бўлиб ўтди. Унда клуб моддий-техник базасини янада мустаҳкамлаш, мусобақаларда муваффақиятли иштирок этишини таъминлаш ва бошқа бир қатор ташкилий масалалар муҳокама қилинди.

Бундан ташқари, ушбу йиғилишда Кузатув кенгаши аъзолари томонидан клубга янги президент тайинлаш масаласи ҳам кўриб чиқилди ва нафақат Ўзбекистонда, балки Осиёда ҳам ўз номи ва ўрнига эга бўлган “Бунёдкор” футбол клуби раҳбариятида ўзгариш рўй берди.

“Ўзбекнефтгаз” акциядорлик жамияти Бошқарув раиси Меҳриддин Раззоқович Абдуллаев расман “Бунёдкор” футбол клуби президенти этиб тайинланди.

Абдуллаев Меҳриддин Раззоқовичга “Бунёдкор» футбол клуби президенти лавозими даврида катта омад ва зафарлар тилаб, уларнинг раҳбарлиги остида “Бунёдкор” ўзининг шонли тарихига қайтишига, жамоамиз яна чемпионлик учун курашишига, Осиё чемпионлар лигасида яна мунтазам тарзда тўп суришига ишонамиз!

Маълумот учун:
Меҳриддин Абдуллаев 1969 йил Бухоро вилояти Жондор туманида туғилган. Мутахассислиги – иқтисодчи, ҳуқуқшунос. Ўзбекистон Республикаси Молия вазирлиги, Бухоро вилояти ҳокимлиги, Ўзбекистон миллий банки ва Ўзбекистон Республикаси Ҳисоб палатасида турли раҳбарлик лавозимларида фаолият юритган.

“Бунёдкор” футбол клуби матбуот хизмати

Состоялось заседание Наблюдательного совета футбольного клуба «Бунёдкор». На нем обсуждались вопросы дальнейшего укрепления материально-технической базы клуба, обеспечения его успешного участия в соревнованиях и ряд других организационных вопросов.

Кроме этого, члены Наблюдательного совета рассмотрели вопрос о назначении нового президента клуба, и произошла смена руководства футбольного клуба «Бунёдкор», имеющего свое значимое место не только в Узбекистане, но и в Азии.

Председатель Правления акционерного общества «Узбекнефтегаз» Мехриддин Раззокович Абдуллаев официально назначен президентом футбольного клуба «Бунёдкор».

Желаем Абдуллаеву Мехриддину Раззоковичу удачи и успехов на посту президента футбольного клуба «Бунёдкор» и верим, что под его руководством «Бунёдкор» вернется к своей славной истории, наша команда снова будет бороться за чемпионство, будет регулярно играть в Лиге чемпионов Азии!

Для справки:
Мехриддин Абдуллаев родился в 1969 году в Жондорском районе Бухарской области. По специальности - экономист, юрист. Он занимал различные руководящие должности в Министерстве финансов Республики Узбекистан, хокимияте Бухарской области, Национальном банке Узбекистана и Счётной палате Республики Узбекистан.

Пресс-служба футбольного клуба «Бунёдкор»

Ҳозиргина «Ҳожиакбар Отажонов» хотира турнирининг «Б» гуруҳида қатнашаётган «Бунёдкор-А» жамоаси навбатдаги учрашувини ўтказди.

«Бунёдкор» академияси майдонида бўлиб ўтган баҳсда Мурод Отажонов шогирдлари «Оқ-тепа-Б»га қарши майдонга чиқиб, йирик ҳисобда ғалаба қозонди. Ҳумоюн Исломовнинг дубли ва Дилшод Ориповнинг голи ўйин тақдирини ҳал қилди ва «Оқ-тепа-Б» йирик ҳисобда мағлуб этилди.

«Ҳожиакбар Отажонов» хотира турнири
«Б» гуруҳи
«БУНЁДКОР-А» - «ОҚ-ТЕПА-Б» - 3:0 (3:0)
2 март. Тошкент. «Бунёдкор» академияси майдони. 33 томошабин.
Бош ҳакам: Аскер Нажафалиев.
Қанот ҳакамлари: Шерзод Аъзамов, Александра Кончикова.
«Бунёдкор-А»: Бахтиёр Худоёров, Далер Қўзибоев, Жавоҳир Ашуров, Лазизхон Мўйдинов, Ислом Абдужабборов, Шоҳруҳ Муродбеков, Ҳумоюн Исломов, Дилшод Орипов, Жавлон Анваржонов, Асад Адамов, Далер Ёдгоров.
Захирадагилар: Абдусафар Абдумавлонов, Абдумўмин Мўминов, Раҳим Абдурашидов, Фарҳод Ҳасанов, Асрбек Муротов, Аюб Омонов, Анвар Маматов, Ориф Камолов.
Голлар: Ҳумоюн Исломов, 7 – 7:0. Ҳумоюн Исломов, 10 – 2:0. Дилшод Орипов, 20 – 3:0.