#issiqxona_faoliyati

"Oltish"da qulupnay pishdi.

🔺 Bugun tuman hokimi B.Begmatov "Oltish" mahallasida yashovchi Ulug'bek Dexqonboyev xonadonida tashkil etilgan issiqxona faoliyati bilan tanishdi.

🔹 Fuqaro U.Dexqonboyev dastlab biogomus ishlab chiqarish faoliyati bilan shug'ullanuvchi "Best Biogomus" korxonasi faoliyatini yo'lga qo'yib, faoliyati davomida 50 nafardan ziyod shogirdlariga biogomus ishlab chiqarishni o’rgatdi. Ushbu tadbirkor yiliga 100 tonnagacha biogomus ishlab chiqarishni yo’lga qo’ygan.

🍓 Shuningdek, tomorqasidagi 3 sotix yer maydonida issiqxona tashkil qildi. Bugungi kunda ushbu issiqxonada tomchilatib sug'orish usulida 5000 tup qulupnay ko'chatlari ekilgan bo’lib, dastlabki hosilni yig'ib olish ishlari boshlandi. Dastlabki hisob-kitoblarga ko'ra ushbu 3 sotixlik issiqxonada o'rtacha 1 tonna qulupnay yetishtirish va 60-70 mln. so'mgacha daromad olish rejalashtirilmoqda.

🔻 Tuman hokimi tomonidan aholi xonadonlarida tomorqachilikni rivojlantirish, bu orqali ichki bozorni sifatli oziq-ovqat mahsulotlari bilan ta'minlash imkoniyatlarini ham ko'rib chiqish lozimligi ta'kidlandi.

✉️ Telegram 📱 Instagram
📱 Facebook 🌐 YouTube
🌎 Web-sayt

#iftorlik

Tuman faollari va nuroniylar uchun iftorlik dasturxoni tashkil qilindi.

🔺 Bugun tuman hokimi B.Begmatov boshchiligida Nuroniylar va ma'naviyat maskanida ilgari tumanda turli rahbar lavozimlarida faoliyat yuritgan nuroniylar ishtirokida iftorlik dasturxoni yozildi.

🔸 Fayzli dasturxon atrofida kechgan suhbat jarayonida tuman imom xatibi boshchiligida Ramazon oyining fazilatlari haqida soʻz yuritildi. Yurtimizga tinchlik, oilalarimizga totuvlik tilab, paxtachilik, g’allachilik, chorvachilik, meva-sabzavotchilik yo’nalishlarida faoliyat yuritib kelayotgan barcha dehqonlarimizga joriy yil yuqori hosil olishlari, nafaqat tuman, balki viloyat ravnaqi uchun munosib hissa qo’shishlarini tilab duolar qilindi.

🔺 Faxriylar bilan o'tgan qizg'in suhbat jarayonida sektor rahbarlari, nuroniylar kengashi va hokim o'rinbosarlari ham ishtirok etishdi.

✉️ Telegram 📱 Instagram
📱 Facebook 🌐 YouTube
🌎 Web-sayt

#sport
#ochiq_muloqot

Jismoniy tarbiya va sportni rivojlantirish, sog'lom turmush tarzini qaror toptirish borasidagi ishlar yuzasidan ochiq muloqot o‘tkazildi.

🔺 Bugun tuman hokimligida aholi orasida jismoniy tarbiya va sportni rivojlantirish, sog'lom turmush tarzini qaror toptirish borasidagi ishlar, bugungi kundagi natijalar va kelgusidagi rejalar yuzasidan ochiq muloqot o'tkazildi.

🔹 Tuman hokimining o'rinbosari O.Djo'rayev, sport maktabi vakillari va yoshlar ishtirokida o'tgan mazkur ochiq muloqotda yoshlarni sportga jalb qilish, ularning bo'sh vaqtlarini mazmunli o'tkazish, bu orqali ular orasida sog'lom turmush tarzini targ'ib qilish va Bo'ka tumanidan ham yetuk sportchilar yetishib chiqishi uchun barcha yo'nalishlarda amaliy yordam berish borasida masʼullarga vazifalar yuklatildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#jarayon

Hududlarda obodonlashtirish va ko'chat ekish tadbirlari uyushqoqlik bilan o'tkazilmoqda.

🔸 Bugun erta tongdan tuman hokimi topshirig’iga asosan tumanning barcha hududlarida obodonlashtirish, ko'kalamzorlashtirish va "Yashil makon" umummilliy loyihasi doirasida daraxt va gul ko'chatlari, shuningdek terak qalamchalarini ekish ishlari amalga oshirildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#ochilish

Milliy gvardiya sinflari tashkil etildi.

🔻 So‘nggi yillarda yurtimizda yoshlarni umumiy oʻrta taʼlim maktabidan boshlab harbiy vatanparvarlik ruhida tarbiyalashga alohida eʼtibor qaratilmoqda.

💪 Aynan shu maqsadda Respublikamiz bo‘ylab  umumiy o‘rta ta'lim maktablarida Milliy gvardiya tizimi uchun kadrlarni uzluksiz va maqsadli tayyorlaydigan harbiy vatanparvarlik yoʻnalishiga ixtisoslashtirilgan sinflar faoliyati yoʻlga qoʻyilmoqda.

🔸 Bugun Bo'ka tumani Maktabgacha va maktab ta'limi bo'limiga qarashli 27-ixtisoslashtirilgan umumta'lim maktabida Milliy gvardiyaga ixtisoslashtirilgan sinfning ochilish marosimi bo‘lib oʻtdi.

🔺 Tadbirda, tuman hokimining o'rinbosari Z.Mannopova, Milliy Gvardiya Toshkent viloyati qo'riqlash boshqarmasi - mayor O.Azimov, Milliy gvardiya Bo'ka tumanlararo qo'riqlash boʻlimi boshlig'i F.Salimov, tuman Maktab va maktabgacha ta'lim boʻlimi mas'ul xodimlari, mahalla faollari va ota-onalar ishtirok etishdi.

✉️ Telegram 📱 Instagram
📱 Facebook 🌐 YouTube
🌎 Web-sayt