#Sayyor_qabul

Tuman hokimining navbatdagi qabuli "Qo'ldoshtepa" mahallasida bo'lib o'tdi.

🔺 Bugun tuman hokimi B.Begmatov, hokim o'rinbosarlari va korxona-tashkilotlar rahbarlari ishtirokida "Qo'ldoshtepa" mahallasida fuqarolar uchun jismoniy va yuridik shaxslarning qabuli tashkil etildi.

🔸 Mahalla fuqarolar yig'inlarida muammolarni o'rganish, shu joydagi fuqarolarning muammo va takliflarini tinglash, aholi sharoitlarini yaxshilash, muammolarni bartaraf etish bo'yicha tuzilgan reja-grafikka asosan o'tkazilgan ushbu qabulda 10 nafar fuqarolar tomonidan kredit, tibbiyot, kommunal soha, tadbirkorlik, ijtimoiy nafaqa va moddiy yordam masalalari bilan bog'liq 17 ta murojaatlar kelib tushdi.

🔹 Hokim qabulida yo'llangan murojaatlarning ayrimlariga joyida tushuntirishlar berildi. O'rganish uchun vaqt talab etiladigan murojaatlar, shuningdek tuman hokimi topshirig'iga asosan har bir mahallalarda "mahalla yettiligi" tomonidan o'tkazilgan qabullarda kelib tushgan murojaatlar ro'yxati shakllantirilib, nazorat reja ishlab chiqildi va ijroga qaratildi.

Eslatib o'tamiz, har haftaning shanba kunlari tuman hokimining sayyor qabuli grafikka asosan bitta mahalla hududida, shuningdek "mahalla yettiligi" tomonidan har bir mahallalarda sayyor qabullar o'tkazilishi belgilangan.

🔻 Uchrashuv yakunida tuman hokimi boshchiligida mas'ullar aholi xonadonlarida amalga oshirilgan obodonlashtirish ishlari, tomorqalardan samarali foydalanish holati bilan tanishdi. Tomorqasi obod qilinmagan, ertagi ekinlarni ekishda loqaydlik qilgan xonadon egalari tanqid qilinib, amalga oshirilishi lozim bo'lgan ishlar tushuntirildi.

🐄 Shuningdek, mahalla hududida jouylashgan kushxona faoliyati bilan tanishish jarayonida norasmiy ishlayotgan ishchilarni bandligini rasmiylashtirish, sanitariya-gigiyena talablariga qat'iy rioya qilish bo'yicha topshiriq berildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#fvb

Favqulodda vaziyatlar bo'limi xodimlari tomonidan targ'ibot ishlari olib borilmoqda.

🔺 Bugun Bo‘ka tumani Favqulodda vaziyatlar bo'limi hamda hamkorlikdagi sohaviy xizmatlar xodimlari bilan birgalikda "Istiqlol" mahallasi hududida joylashgan aholi yashash xonadonlarida sodir bo‘lishi mumkin bo‘lgan favqulodda vaziyatlar, yong‘inlar, sel-suv toshqini, yer ko‘chkisi bilan bog‘liq bo‘lgan holatlarning oldini olish, shuningdek zilzila vaqtida harakatlanish tartibi, muddati o‘tgan oziq-ovqat mahsulotlaridan iste’mol qilib zaharlanib qolmasliklari, botulizm, Qirim-Kongo, kuydirgi kabi kasalliklar bilan kasallanib qolmasliklari bo‘yicha tushuntirish ishlari olib borildi.

🔹 Suhbat davomida fuqarolarni qiziqtirgan savollariga atroflicha javoblar berilib, favqulodda vaziyatlar sodir bo‘lganda 101 yoki 1050 qisqa raqamlariga qo‘ng‘iroq qilishlari eslatib o‘tildi.

✉️ Telegram 📱 Instagram
📱 Facebook 🌐 YouTube
🌎 Web-sayt