#fvb

Maxsus-taktik o‘quv mashg‘uloti o‘tkazildi.

🔹 Bo‘ka tumani Favqulodda vaziyatlar bo'limi xodimlari tomonidan tuman hokimi - fuqaro muhofazasi boshlig‘ining 3-sonli buyrug‘i ijrosini ta’minlash maqsadida “Bo‘kaTumanGaz” ta’minoti bo‘limida “Texnogen xususiyatli favqulodda vaziyatlar sodir bo‘lganda oqibatlarini bartaraf etish, obyekt rahbariyati va fuqaro muhofazasi tuzilmalarining harakati” mavzusida maxsus-taktik o‘quv mashg‘uloti o‘tkazildi.

🔺 Tadbir davomida ishtirokchilarga sodir bo‘lishi mumkin bo‘lgan favqulodda vaziyatlar, uning oqibatlari hamda fuqarolar sog‘ligi bilan bog‘liq ko‘ngilsiz holatlar haqida to‘xtalib, ularga tushuntirishlar berildi va nazariy hamda amaliy ko‘nikmalari oshirildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#probatsiya
#sud

Bo'ka tuman IIB binosida sayyor sud majlisi o'tkazildi.

🔺 Inson qadri eʼzozlangan yurtimizda insonparvarlik tamoyillari ustuvordir. Ayniqsa, bu tamoyil Sud-huquq tizimida ham o‘z ifodasini topmoqda.

🟢 Bugun Bo'ka tuman IIB binosida sayyor sud majlisi o'tkazildi. Unda Jinoyat ishlari bo‘yicha Bo'ka tumani sudi raisi Sh.Abduqodirov, tuman IIB boshlig‘i J.Manazarov, tuman IIB Probatsiya guruhi boshlig‘i O.Egamovlar ishtirok etdi.

🔸 Sud majlisida jamiyatimizda inson qadri va uning manfaatlari qonun doirasida himoyalanishi, shuningdek, bilib-bilmay jinoyat ko‘chasiga adashib kirib qolgan va qilmishidan pushaymon bo‘lgan shaxslarga qonun doirasida imkoniyatlar mavjudligi tushuntirildi. Huquqbuzarliklar va jinoyatchiliklarga takroran qo‘l urishning oqibatlari xususida so‘z yuritildi.

🔹 Sud majlisida jazo muddatini o‘tash davomida belgilangan majburiyatlarga amal qilgan 5 nafar mahkum jazodan muddatidan oldin shartli ravishda ozod etildi. Bir nafari ozodlikdan mahrum qilish jazosiga almashtirildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#ijtimoiy_soha

Tuman hokimining o'rinbosari ijtimoiy soha obyektlarida o'rganish o'tkazdi.

🔺 Bo'ka tumani hokimining o'rinbosari Odil Djo'rayev tumandagi ijtimoiy soha obyektlari, jumladan umumta'lim maktablari, maktabgacha ta'lim tashkilotlari, madaniyat markazlari va tibbiyot maskanlarida bo'lib, o'z yo'nalishlari bo'yicha amalga oshirilayotgan ishlarni ko'zdan kechirdi.

🔹 O'rganish davomida aniqlangan kamchiliklarni bartaraf etish, shuningdek ta'lim, sog'liqni saqlash va madaniyat yo'nalishlarida ishlarni yanada jadallashtirish, yoshlarning bo'sh vaqtlarini mazmunli o'tkazish hamda aholiga tibbiy xizmat ko'rsatish sifatini yanada yaxshilash bo'yicha tegishli topshiriqlar berildi.

✉️ Telegram 📱 Instagram
📱 Facebook 🌐 YouTube
🌎 Web-sayt