#mental_arifmetika

Bo'kalik o'quvchilar Mental arifmetika bo'yicha Respublika saralash bosqichida munosib ishtirok etishdi.

🔸 Boʻka tumani ʼʼBarkamol avlodʼʼ bolalar maktabining 24-umumtaʼlim maktabida tashkil etilgan Dildora Razzoqova rahbarligidagi "Mental arifmetika" tarmoq toʻgaragining 9 nafar oʻquvchilari Sirdaryo viloyati Guliston shahrida oʻtkazilgan "Mental arifmetika" musobaqasining Respublika saralash bosqichida qatnashishdi.

🔺 E'tiborli jihati shundaki, 9 nafar o'quvchilarning 1 nafari oliy oʻrin, 5 nafari 1-oʻrin, 2 nafari 2-o'rin va yana 1 nafari 3-o'rinni egallashdi va musobaqa tashkilotchilarining diplom va esdalik sovg'alari bilan taqdirlandilar.

🔺 Musobaqa nizomiga ko'ra oliy o'rinni egallagan o'quvchi Turkiya, Ozarbayjon, Birlashgan Arab amirliklari va Qirg'iziston respublikalarida oʻtkaziladigan Xalqaro Mental arifmetika musobaqasida qatnashish uchun 50 % li, 5 nafar 1-oʻrinni egallagan oʻquvchilar 20% li yoʻllanmalarni qoʻlga kiritishdi.

✉️ Telegram 📱 Instagram
📱 Facebook  🌐 YouTube

#muhokama
#hokimlik_soati

Dolzarb masalalar muhokamasiga bag'ishlangan "Hokimlik soati" yig'ilishi o'tkazildi.

🔹 Bugun tuman hokimligi katta majlislar zalida bugungi kunning eng dolzarb masalalari muhokamasiga bag'ishlangan "Hokimlik soati" yig'ilishi bo'lib o'tdi.

💠 Tuman hokimi Baxtiyor Begmatov raisligida o'tkazilgan "Hokimlik soati"da sektor rahbarlari, tuman hokimining o'rinbosarlari, hokimlik apparat xodimlari, tumandagi korxona-tashkilot rahbarlari, mahalla raislari, hokim yordamchilari, xotin-qizlar faollari va yoshlar yetakchilari ishtirok etdi.

🔹 Kun tartibiga asosan byudjet tushumlari, kommunal to'lovlar, ijro intizomi, shuningdek yoshlar yetakchilari tomonidan barcha mahallalarda o'tkazilgan xatlov ma'lumotlarini platformaga kiritish holati kabi masalalar yuzasidan mas'ullarning axboroti tinglandi.

🔺 Shuningdek, ushbu yo'nalishlarda berilgan topshiriqlar ijrosini ta'minlashda mas'ullar tomonidan sustkashlikka yo'l qo'yilayotganligi tanqid qilinib, mahallarda o'tkazilgan fuqarolar qabullarini lozim darajada tashkil etmaganligi hamda ijrosini ta'minlamaganligi uchun Kambag'allikni qisqartirish va bandlikka ko'maklashish bo'limi boshlig'i J.Raxmonovga "xayfsan" intizomiy chorasini ko'rish bo'yicha topshiriq berildi.

🔹 Qabullar bo'yicha berilgan topshiriq ijrosini nazorat qilmaganligi uchun tuman hokimining birinchi o'rinbosari M.Saydullayev, byudjet tushumlari ijrosining bajarilishi va soliqlarning undirilishi bo'yicha ishlarni yetarlicha tashkil etmaganligi uchun Iqtisoyot va moliya bo'limi boshlig'i M.Xaqberdiyev hamda tuman Davlat soliq inspeksiyasi rahbari Sh.Xazratov qat'iy ogohlantirildi.

💠 Yig'ilish yakunida mavjud muammolarni bartaraf etish va ishlarni tizimli tashkil etish yuzasidan mas'ullarga aniq topshiriqlar belgilab berildi.

✉️ Telegram 📱 Instagram
📱 Facebook  🌐 YouTube