🗓Soliq to‘lovchi – yuridik shaxsning 2023-yil sentabr oyi uchun kalendari

@Buhgalteriya_soliq

YATT

💢 Yakka tartibdagi tadbirkor bo‘lish uchun qanday ro‘yxatdan o‘tiladi?
💢 Ro‘yxatdan o‘tishda qancha davlat boji to‘lanadi?
💢 Necha nafargacha xodimlarni ishga olishi mumkin?

🎞 Youtubeda ko‘rish

@Buhgalteriya_soliq

✅ Ta'lim uchun to‘lov soliqqa tortilmaydi

Professional va oliy ta‘lim tashkilotlariga jismoniy shaxslar o‘zi va farzandlarining, shuningdek 26 yoshga to‘lmagan turmush o‘rtog‘ining ta‘lim olishi uchun yo‘naltirgan ish haqi va boshqa daromadlari soliqqa tortilmaydi.

Mazkur imtiyoz o‘qish uchun tijorat banklari tomonidan ajratilgan ta’lim kreditlarini (foizlari bilan) qoplashga nisbatan ham qo‘llaniladi.

👉 PF-67-son 11-band 08.05.2023
👉Soliq kodeksi 378-modda

Agar siz ta’lim uchun yoki olingan ta’lim kreditini (foizlari bilan) qoplash uchun mablag‘larni professional va oliy ta’lim tashkilotlariga yoki tijorat bankiga ish beruvchi tomonidan o‘tkazib berilishini va bu mablag‘laringizga soliq solinmasligini istasangiz, u holda tegishli ariza bilan ish beruvchiga murojaat etishingiz lozim. Bunda, quyidagi hujjatlar ilova qilinishi kerak:

🔹talaba (talabalar) bilan O‘zbekiston professional yoki oliy ta’lim tashkilotlari o‘rtasida to‘lov-kontrakt asosida o‘qitish to‘g‘risida tuzilgan shartnoma (shartnomalar) nusxasi;

🔹tijorat banki bilan ta’lim kreditini olish uchun tuzilgan shartnoma (shartnomalar) nusxasi.

Agar siz oldingi yillarda ishlagan bo'lsangiz, shartnoma summasini o'zingiz (naqd yoki bank kartasi orqali) mustaqil ravishda to'lagan bo'lsangiz, doimiy yashash joyidagi soliq organiga jami yillik daromadi to‘g‘risidagi deklaratsiya va quyidagi hujjatlarni topshirish orqali to'langan daromad solig'ini qaytarishingiz mumkin.

🔹talaba (talabalar) bilan O‘zbekiston professional yoki oliy ta’lim tashkilotlari o‘rtasida to‘lov-kontrakt asosida o‘qitish to‘g‘risida tuzilgan shartnoma (shartnomalar) nusxasi;

🔹tijorat banki bilan ta’lim kreditini olish uchun tuzilgan shartnoma (shartnomalar) nusxasi;

🔹O‘zbekiston professional va oliy ta’lim tashkilotlari hisob raqamiga (ta’lim kreditini (foizlari bilan) qoplaganda tijorat banki hisob raqamiga) pul mablag‘larini mustaqil to‘laganligini tasdiqlovchi hujjatlar nusxasi.

Agar ta'lim uchun yo‘naltirilgan mablag'lar miqdori jami yillik daromaddan ortiq bo'lsa, boshqa oila a'zosi (ota/ona, er/xotin) soliq to'langan summaning qolgan qismidan olingan daromad solig‘ini xuddi shu tarzda qaytarishi mumkin. Bunda, u avval imtiyoz qo'llanilgan summa miqdori to'g'risidagi ma’lumotnoma taqdim etilishi kerak.

Agar siz va sizning oila a'zolaringiz turli hududlardagi davlat soliq organlarida ro'yxatdan o'tgan bo'lsangiz, u holda imtiyozni qo'llamoqchi bo'lgan shaxs boshqa hujjatlar bilan birga oilaning qolgan a'zolari ushbu imtiyozni hali qo'llamaganligi to'g'risida ma'lumotnoma taqdim etadi.

👉 JShODS imtiyozlarini qo'llash tartibi to'g'risidagi nizom

@Buhgalteriya_soliq

✅ O‘zbekistonda faoliyat yuritayotgan yakka tartibdagi tadbirkorlar

🗓 2023-yil 1-sentabr holatiga O‘zbekistonda YTTlar 247 505 tani tashkil etgan.

Shundan:
83,2% – qat'iy miqdorda daromad solig‘i to‘lovchi;
15,9% – AOS to‘lovchi;
0,9% – QQS to‘lovchi.

Yakka tartibdagi tadbirkorlar qaysi sohalarda faoliyat yuritadi?

🔹chakana savdo – 120 444;
🔹hunarmandchilik – 24 885;
🔹maishiy xizmat koʻrsatish – 23 354;
🔹boshqa faoliyat turlari – 78 822.

Yil boshidan buyon 66 448 yakka tartibdagi tadbirkor ro‘yxatdan o‘tgan.

👉Qanday qilib yakka tartibdagi tadbirkor bo'lish mumkin?

@Buhgalteriya_soliq

✅ Soliq qo‘mitasiga sakkiz oyda 37 mingdan ortiq murojaat kelib tushgan

Soliq qo‘mitasi markaziy apparatida 2023-yil yanvar-avgust oylarida elektron hujjat aylanish tizimi orqali ro‘yxatga olingan murojaatlar 37 136 tani tashkil etdi.

Shundan:
🔹elektron – 32 377 ta (87,2%);
🔹ogʻzaki – 3 049 ta (8,2%);
🔹yozma – 1 710 ta (4,6%).

📍Kelib tushgan murojaatlar bo‘yicha yetakchi hududlar:
🔸Toshkent shahri – 11 698 ta (31,5%);
🔸Samarqand viloyati – 3 422 ta (9,2%);
🔸Toshkent viloyati – 3 342 ta (9%);

Shuningdek, ijtimoiy tarmoqlar orqali 7 682 ta murojaat yoʻllangan. Shundan 7 638 tasiga javob berilgan. Yana 3 ta murojaat o‘rganish jarayonida.

@Buhgalteriya_soliq

✅ Call-markaziga avgust oyida 66 mingdan ortiq murojaat yo‘llangan

2023-yil avgust oyida Soliq qo'mitasi Call-markazi (1198) ga 66 592 ta murojaat yo‘llangan.

Soliq to‘lovchilar kesimida:
🔹jismoniy shaxslar – 34 989 tа;
🔹yuridik shaxslar – 30 312 tа;
🔹yakka tartibdagi tadbirkorlar – 1 237 tа;
🔹fermer va dehqon xo‘jaliklari – 54 tа.

📍Hududlar kesimida:
📈eng ko‘p Toshkent shahri – 28 196 ta;
📈eng kam Yirik soliq to‘lovchilar bo‘yicha hududlararo soliq inspeksiyasi – 20 ta.

@Buhgalteriya_soliq

Энди бюджет тўловларини 17:00 дан кейин ҳам амалга ошириш имкони бўлади.

Иқтисодиёт ва молия вазирлиги ҳамда Марказий банк ўртасида Ягона ғазна ҳисобварағи орқали бюджет тўловларининг 24/7 режимида ишлаш тартиби жорий этилди.

Бунда, тушумлар, солиқ даромадлари ва аҳоли томонидан амалга оширилган тўловларнинг келиб тушиши ва харажатларнинг амалга оширилиши дам олиш ва байрам кунлари, тонг ёки тун бўлишидан қатъи назар 24/7 режимда онлайн таъминланади.

Бу эса ўз навбатида, аҳоли томонидан тўланган тўловларни тегишли бюджет ташкилотларида ўз вақтида кўриш имкониятини яратади.

Мисол учун, шанба ёки банк иш куни соат 17:00 дан сўнг тўланган контракт тўловлари ҳам тегишли университет шахсий ғазна ҳисобварақларига кирим қилиниши таъминланади. Шу билан бирга, бюджет тўловлари ҳам шу тартибда амалга оширилади.

@Buhgalteriya_soliq

“O‘zbekiston — 2030” strategiyasida quyidagilar belgilanmoqda:

▫️nodavlat umumiy o‘rta ta’lim tashkilotlari faoliyatini yo‘lga qo‘yishda kreditlarning foiz stavkasini qoplashga kompensatsiya ajratiladi;

▫️kelasi yildan qishloq xo‘jaligi mahsulotlarini yetishtiruvchilarga hosilni sug‘urtalashda sug‘urta mukofotining 50%i miqdorida subsidiya beriladi;

▫️QQSni to‘liq qaytarish tizimi xorijiy turistlar hamda tur-operatorlarga ko‘rsatilgan xizmatlar hisobidan kengaytiriladi;

▫️Xorazmning Qo‘shko‘pir va Xonqa tumanlaridagi barcha boshlang‘ich sinf o‘quvchilari ta’lim planshetlari bilan ta’minlanadi;

▫️1-oktabrdan sharoiti og‘ir har bir oila bo‘yicha alohida “ijtimoiy xizmat ishi"ni yuritish tartibi joriy etiladi va boshqalar.

@Buhgalteriya_soliq

Таълим харажатлари солиққа тортилмайди. Имтиёздан қандай фойдаланиш мумкин?

Боғча, мактаб, коллеж, лицей ва олийгоҳ каби таълим масканларида ўқиш учун сарфланган маблағлар даромад солиғидан озод қилинган. Имтиёздан фойдаланиш ва уни олиш учун маълум талаблар бор. Kun.uz видеошарҳида бу имтиёздан кимлар фойдалана олиниши ва тўланган даромад солиғини қандай қайтариб олишни тушунтиради.

📹 ВИДЕОНИ САЙТИМИЗДА КЎРИНГ

@Buhgalteriya_soliq

🔰 Умумий қурилиш ишларини бажариш фаолияти билан шуғулланаётган ҳамда камида 3 нафар ходимни ёллаган якка тартибдаги тадбиркорга меҳнат қуроллари ва асбоб-ускуналар сотиб олишга субсидия ажратилиши белгиланган.

❕Бунда, субсидия миқдори битта ходим учун БҲМнинг 15 бараваридан (4 млн 950 минг сўмдан) ошмаслиги лозим.

☑️ Шунингдек, ЯТТларга умумий қурилиш ишларини бажариш учун 5 нафаргача ходим ёллашга рухсат этилган.

@Buhgalteriya_soliq

❗️Энди дам олиш кунлари кўпроқ бўлади

Бундан буён Ўзбекистонда байрам календарь дам олиш кунига (шанба ёки якшанба) тўғри келса, кейинги иш куни (душанба) ҳам расман дам олиш куни ҳисобланади.

Айтайлик, агар 8 март якшанба кунига тўғри келса, у ҳолда расмий байрамлар 8 ва 9 март кунлари бўлади. Мазкур ўзгартириш Ўзбекистон Республикаси Меҳнат кодексига киритилди.

@Buhgalteriya_soliq

🗓 Eslatma ❗️2023-yil 15-sentabr

Avgust oyi uchun:

Hisoblangan va amalda toʻlangan daromadlar summalari hamda JShODSning ushlab qolingan summalari toʻgʻrisidagi maʼlumotlarni taqdim etish, shuningdek ijtimoiy soliq hisob-kitobini taqdim etish va toʻlashning oxirgi kuni

(Soliq kodeksi 389-modda 1-qism, 407-modda 4-5-qismlar);

AOS hisobotini taqdim etish va soliqni toʻlashning oxirgi kuni

(Soliq kodeksi 470-modda 3-4-qismlar).

@Buhgalteriya_soliq

10 млн сўмдан юқори бўлган солиққа оид ҳуқуқбузарликлар фақат суд оқали кўрилади

Солиқ қўмитасининг Стратегик ривожлантириш бошқармаси бошлиғи Даврон Бобожановнинг маълум қилишича, жорий йилнинг 1-октябрдан тадбиркорлик субъектларига миқдори 10 млн сўмдан юқори бўлган солиққа оид ҳуқуқбузарликлар учун, агар тадбиркорлик субъекти ҳуқуқбузарликни инкор этса, молиявий санкциялар фақат суд тартибида қўлланилади. 

@Buhgalteriya_soliq

Крипто-активлар айланмаси соҳасида лицензиялаш ва рухсат бериш тартиб-таомиллари такомиллаштирилади

Президент томонидан имзоланган қонун (ЎРҚ–866, 06.09.2023 й.) билан айрим қонун ҳужжатларига қўшимча ва ўзгартиришлар киритилди.

✅ “Давлат божи тўғрисида”ги қонунга киритилган ўзгартиришга кўра, крипто-активлар айланмаси соҳасидаги хизматлар провайдерлари фаолиятини амалга ошириш учун лицензия олаётган юридик шахслар давлат божини Истиқболли лойиҳалар миллий агентлиги томонидан белгиланадиган миқдорда ва тартибда тўлайди.

➡️ Шунингдек, “Лицензиялаш, рухсат бериш ва хабардор қилиш тартиб-таомиллари тўғрисида”ги қонунга киритилган ўзгартиришга кўра, майнинг фаолиятини амалга ошириш учун рухсатнома Истиқболли лойиҳалар миллий агентлиги томонидан берилади.

@Buhgalteriya_soliq

✅ Axborot-kommunikatsiya texnologiyalari sohasidagi xizmatlari uchun MXIKlar ro‘yxati yangilandi

Axborot-kommunikatsiya texnologiyalari sohasidagi xizmatlar turlari ro‘yxati tasdiqlandi. 👉VMQ 447-son 04.09.2023 yil

Mazkur qarordan kelib chiqib, Mahsulotlar (tovar va xizmat)larning yagona elektron milliy katalogida ushbu soha xizmatlariga biriktirilgan MXIKlar inventarizatsiyadan o‘tkazildi.

Inventarizatsiya natijasida kodlar strukturasi va tuzilishi o‘zgartirildi. Axborot-kommunikatsiya texnologiyalari sohasidagi MXIKlarning yangilangan ro‘yxati Katalogga joylashtirildi. 2023-yil 1-oktabrdan boshlab undan foydalanish majburiy bo‘ladi.

Shu munosabat bilan, hozirda nazorat-kassa texnikalarida amal qilayotgan kodlarni belgilangan sanagacha qayta tekshirib chiqish hamda taklif etilayotgan kodlarga o‘zgartirish tavsiya etiladi.

📞Savollar va takliflar bo‘yicha 71-202-32-32 raqami orqali katalog Operatoriga murojaat qilishingiz mumkin.

@Buhgalteriya_soliq

✅ AOS to‘lovchisi QQS to‘lashga o‘tganda hisobotlarni qanday topshiradi?

Soliq davri davomida soliq toʻlovchilarning jami daromadi 1 mlrd soʻmdan oshgan kundan eʼtiboran ular QQS va foyda soligʻini toʻlashga oʻtadi.
👉Soliq kodeksi 462-modda

AOS toʻlovchi hisobot oyi davomida QQS toʻlashga oʻtganda, mazkur hisobot oyi boʻyicha AOS va QQS hisobotini taqdim etishi lozim.

Bunda:
- QQS toʻlovchisi boʻlgan sanagacha amalga oshirilgan operatsiyalar, rasmiylashtirilgan EHF va onlayn-NKT cheki summasi AOS hisobotiga kiritiladi;
- QQS toʻlovchisi boʻlgan sanadan keyin amalga oshirilgan operatsiyalar QQS hisobotida avtomatik ravishda aks etadi.

@Buhgalteriya_soliq

⚡️Ўзбекистонда ичимлик ва оқова сув нархлари 2 баробар қимматлашиши кутилмоқда

Жумладан, ичимлик суви нархлари (1 метр куб) аҳоли учун ҳозир 750 сўмдан 1500 сўмгача кўтарилади.

Оқава сув учун нархлар ҳам худди шу миқдорларни ташкил этади.

Бюджет ташкилотлари учун нархлар 1200 сўмдан 2400 сўмгача кўтарилади. 

Улгуржи ташкилотлар учун сув нархи 1800 сўмдан 3800 сўмгача ошади.

@Buhgalteriya_soliq

🗓 Eslatma 20-sentabr avgust oyi uchun:

- QQS hisobotini taqdim etish va soliqni toʻlashning oxirgi kuni (SK 273-modda 1-2 qismlar)

- Avgust oyida dividendlar va foizlar hisoblangan boʻlsa, dividendlar va foizlardan olinadigan soliq summasi boʻyicha soliq hisobotini taqdim etishning oxirgi kuni (SK 345-modda 5-qismi)

@Buhgalteriya_soliq

Kam ta'minlangan oilalarga 3,6 mlrd so‘mdan ortiq QQS qaytarildi

🛒 Joriy yil 1-maydan “Ijtimoiy himoya yagona reestri”ga kiritilgan jismoniy shaxslar chakana savdo obyektlaridan 5 turdagi mahsulotlarni (qoʻy goʻshti, parranda goʻshti, mol goʻshti, tuxum hamda oʻsimlik yogʻi) sotib olganda xarid summasidan 1% miqdordagi keshbek oʻrniga, 12% QQS (ijtimoiy keshbek) summasini qaytarib oladi.

Ayni paytgacha 84 714 nafar iste'molchiga 3 mlrd 652 mln so‘mdan ortiq ijtimoiy keshbek to‘lab berildi.

Xususan:
🔸 May oyi uchun 22 159 nafar fuqaroga 1,1 mlrd so‘m;
🔸 Iyun oyi uchun 30 613 nafar fuqaroga 1,3 mlrd so‘m;
🔸 Iyul oyi uchun 31 942 nafar fuqaroga 1,2 mlrd so‘m.

📲Avgust oyi cheklari uchun keshbek sentabr oyining 25-sanasidan so‘ng tasdiqlanadi.

🧾 Keshbek olish uchun Soliq mobil ilovasida xarid chekining QR-kodini skaner qilish lozim.

@Buhgalteriya_soliq