“Босния қассоби” дафн қилинди | Украинага босқин

📹 ВИДЕО

АҚШ президентининг махсус вакили Стив Уиткофф Украина бўйича тинчлик музокараларида сезиларли илгарилаш бўлганини билдирди. Россия эса Давлат Думаси сайловларидан кейин янги музокараларга қайтишга тайёр бўлиши мумкин.

Шу билан бирга, Россия Киев, Одесса ва Сумига яна кенг кўламли зарбалар берди. Киевда икки киши ҳалок бўлди, 16 киши жароҳатланди.

Украина Бош прокурори Руслан Кравченко истеъфога чиқди. У бу қарорни сиёсий деб атади.

Саудия Арабистонидаги Aramco объектларига ҳусийлар ҳужум қилди. АҚШ ва Эрон ўртасидаги денгиз қарама-қаршилиги ҳам кучайиб, Ҳормуз бўғозида савдо кемалари ҳаракати янада чекланмоқда.

Озодликда халқаро хабарлар тафсилоти билан танишинг.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

Хитой қирувчилари: Ўзбекистон Россия қуролларидан узоқлашмоқдами?

📹 ВИДЕО

Ўзбекистон илк бор Хитойда ишлаб чиқарилган J-10CE қирувчи самолётларини оммага намойиш этди.

Шундай қилиб, Ўзбекистон Хитойдан бу турдаги қирувчи учоқни сотиб олган дунёдаги иккинчи мамлакатга айланди. 2022 йилдан бошлаб Покистон бу учоқлардан 20 тасига эга бўлди. Бангладеш ҳам J-10CEларни харид қилиш бўйича Хитой билан музокараларга тайёргарлик кўрмоқда, аммо ҳозирча самолётларни қабул қилиб олгани йўқ.

Шу ўринда асосий савол туғилади: бу алоҳида харидми ёки кенгроқ модернизация жараёнининг бир қисмими? Агар шундай бўлса, бу тарихан Россия технологияларига таяниб келган Ўзбекистон ҳарбий авиацияни модернизация қилишда энди асосий ҳамкор сифатида Хитойни танлаётганини англатадими?

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

Ўзбек спорти янги молиявий тизимга ўтмоқда: ким ютувчи, ким ютқазувчи?

📹 ТЎЛИҚ ВИДЕО

Ўзбекистон спорти янги молиявий тизимга ўтмоқда. Давлат компанияларининг ҳомийлиги ўрнини бюджет жамғармаси, хусусий сармоя ва клубларнинг ўз даромади эгаллаши керак. Бироқ ислоҳотнинг дастлабки ойларида "Бунёдкор"да электр ўчирилди, "Ҳумо" хоккей клуби музсиз қолди, Наманган бассейни эса сотувга чиқарилиши мумкин. Профессионал бокс федерацияси 5 миллиард сўм қарз борлигини тан олди. Янги тизимнинг дастлабки синовлари, муаммолар ва келажак саволлари.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

Новороссийскда фавқулодда ҳолат эълон қилинди

📹 ВИДЕО

Россия дрони Киевдаги кўп қаватли уйга урилди, Николаевда эса 70 ёшли аёл ҳалок бўлди. Германия Украинага Patriot ракеталарини ўз ҳарбий захираларидан етказиб беришини эълон қилди.

Венгрия 10 нафар россиялик дипломатни мамлакатдан чиқариб юборди. Бу Виктор Орбан ҳокимиятдан кетганидан кейин Будапештнинг Москвага нисбатан сиёсат ўзгараётганининг яна бир белгиси бўлди.

Дональд Трамп ва Владимир Путин Украинадаги урушни тугатиш бўйича телефон орқали гаплашди. Германия эса чақирув ёшидаги украиналик эркакларни ватанига қайтаришга ёрдам бериш имконини муҳокама қилмоқда.

АҚШ ва Эрон ўртасидаги денгиз қарама-қаршилиги кескинлашди: АҚШ Эроннинг бешта нефть танкерини йўқ қилганини билдирди, Теҳрон эса АҚШ кемалари ва базаларига зарбалар берилганини айтди.

Озодликда халқаро хабарлар тафсилоти билан танишинг.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

OZODNEWS: Эронни халқаро молия тизимидан “яккалаш”. Ўзбекистонга таъсири қандай? | Украинага босқин

📹 ВИДЕО

Болалари қизамиқ асоратидан азият чеккан ўнлаб оила Соғлиқни сақлаш вазирлиги олдида намойиш ўтказди. Муаммо тизимдами ёки эмлашда?

Қарийб 35 йиллик тақиқдан сўнг мухолифат лидери, шоир Муҳаммад Солиҳ шеърлари “Адабиёт” газетасида босилди. Тақиқ бекор бўлдими?

Вашингтон Эронни халқаро молия тизимидан яккалаш ҳаракатини бошлади. Бу Эрон билан савдо-транспорт алоқасини кенгайтирган Ўзбекистонга қандай таъсир қилади?

Ўзбекистон президенти илк бор Сербияга расмий ташриф билан борди, президент Вучич бирга баллистик ракета ишлаб чиқаришни таклиф қилди. Ўзбекистон бунга нима дейди?

Дунëни ўзгартирган 11 сентябр воқеаларига 25 йил тўлди. Толиблар ва "Ал-Қоида" яна Афғонистонда. Қандай хатарлар бор?
 
Украина “Сиртлонлар” лақаби берилган механик роботларни жангга тайëрлади. Уларнинг 20 килограммгача портловчи моддани таший олиши айтилмоқда.

OZODNEWS дастурининг навбатдаги сони билан танишинг!

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

Бердимуҳамедовнинг Нидерландиядаги қимматбаҳо совғалари

Туркманистон Халқ Маслаҳати раиси ва собиқ президенти Гурбангули Бердимуҳамедов Нидерландияга ахалтекин зотли отлар гўзаллик танловида иштирок этиш учун ташриф буюрди.

Тадбир давомида у ўғли, Туркменистон президенти Сердар Бердимуҳамедов номидан танлов ғолиби бўлган от эгасига BMW 7-серияли автомобил совға қилди. Шунингдек, танлов иштирокчиларига жами 50 минг евродан ортиқ пул мукофотлари топширилди.

Бердимуҳамедовнинг Нидерландияга сафари Туркманистонда озиқ-овқат нархлари ошиб бораётгани ҳақидаги хабарлар фонида амалга оширилди.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

Саудия нефт экспортини қисқартириши мумкин | Украинага босқин

📹 ВИДЕО

Ўзбекистон президентининг Жанубий Корея республикасига 3 кунлик давлат ташрифи давом этмоқда.

Дональд Трамп Владимир Зеленский «Россияда дизель танқислигини келтириб чиқаришни» тўхтатиши кераклигини айтди.

Дрон ҳужумлари Саудия Арабистонини ўзининг улкан «Шарқ-Ғарб» нефть қувурини ёпишга мажбур қилди.

Озодликда халқаро хабарлар тафсилоти билан танишинг.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

АҚШ вице-президенти ўзбекистонлик жиҳодчини тилга олди | Украинага босқин

📹 ВИДЕО

15 сентябрга ўтар кечаси Беларус томонидан Литвага кирган дрон НАТО миссиясидаги Италия қирувчилари томонидан уриб туширилди.

Украина дронлари Россиянинг Таганрог ва Сызрань шаҳарларига ҳужум қилди. Сызранда йирик нефтни қайта ишлаш заводида ёнғин чиқди.

Киев Россия билан энергетик сулҳга тайёрлигини билдирди.

Яқин Шарқда АҚШ ва Эрон музокаралари эҳтимоли муҳокама қилинмоқда. Саудия Арабистони энергетика объектларига ҳужумлар ортидан нефть нархи 108 доллардан ошди.

Озодликда халқаро хабарлар тафсилоти билан танишинг.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

Дронлар ҳужумида оғир жароҳат олган ватандош Ўзбекистонга олиб келинди

Россиянинг Татаристон республикасидаги Нижнекамск шаҳрига дронлар ҳужумида оғир жароҳат олган Ўзбекистон фуқароси Ватанга олиб келинди. Парвоз давомида унга тиббиёт ходимлари ҳамроҳлик қилди ва доимий кислород ёрдами кўрсатиб турди. Транспортировка ишларини Ўзбекистон Миграция агентлиги ташкил этган.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

"Саида Мирзиёева менинг охирги матним учун мендан ўч олмоқда" - Галия Ибрагимова

Ўзбекистонлик мустақил журналист ва сиёсатшунос Галия Ибрагимованинг Facebook саҳифасида унинг ўлими ҳақида ёлғон хабар пайдо бўлди. Бундан бир неча кун аввал у обуначиларини саҳифасини бузиб киришга уринишлар бўлаётганидан огоҳлантирган ва ўзига нисбатан провокациядан хавотир билдирган эди.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

Макка яқинида дрон тўхтатиб қолинди | Украинага босқин

📹 ВИДЕО

Германияда Вунсторф ҳарбий авиабазаси яқинида номаълум дрон қулади. Полиция унинг кимга тегишли эканини аниқламоқда.

Россия ташқи ишлар вазири Сергей Лавров Москва Украина бўйича янги музокараларга тайёрлигини билдирди. Айни пайтда Украина дронлари зарбалари ортидан Россиядаги йирик нефтни қайта ишлаш заводларининг бир қисми ишлаб чиқаришни кескин қисқартирган ёки тўхтатган.

Яқин Шарқда эса Саудия Арабистони Макка томон учган ҳусийлар дронини уриб туширганини билдирди. Ҳусийлар Маккани нишонга олганини рад этмоқда.

Озодликда халқаро хабарлар тафсилоти билан танишинг.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

Икки болали аёлнинг уйи бузиб ташланди. У ёрдам сўрамоқда

Самарқанд туманида яшовчи Бахшанда Зоирова икки фарзанди билан уй-жойсиз қолганини айтмоқда. Унинг сўзларига кўра, яшаб турган уйи эри ва унинг қариндошлари томонидан бузиб ташланган. Аёл муаммоси билан қатор давлат идораларига мурожаат қилганини, аммо ҳануз ечим топилмаганини айтади.

Туман ҳокимлиги эса низоли уй тегишли ҳужжатларсиз қурилганини билдириб, Бахшандага судга мурожаат қилишни тавсия қилган.

Икки фарзандли аёлнинг муаммосини ким ҳал қилади?

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

“Маҳаллани ривожлантириш йили”: асфальт қани?

2026 йил Ўзбекистонда “Маҳаллани ривожлантириш ва жамиятни юксалтириш йили” деб эълон қилинган. Аммо Қашқадарё ва Сурхондарёдан Сиздан Телеграмга келган мурожаатларда аҳоли асфальтланмаган йўллар, чанг-тўзон ва битмай қолган ишлардан шикоят қилмоқда.

Транспорт вазири Илҳом Махкамов 2030 йилгача маҳаллаларда асфальтланмаган ички йўллар қолмаслигини билдирган эди.

Сизнинг маҳаллангизда йўллар аҳволи қандай?

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video

Россияда бензин ишлаб чиқариш 20% қисқарди: нефт заводлари тўхтамоқда | Украинага босқин

Украина дронлари ҳужумидан кейин Россиянинг Сызрань ва Саратовдаги нефтни қайта ишлаш заводлари фаолиятини тўхтатди. Reuters маълумотига кўра, Россияда бензин ишлаб чиқариш қарийб 20 фоизга қисқарган.

Россиянинг Ozon маркетплейси эса Тошкентда Ўзбекистондаги биринчи фулфилмент-марказини очди. Айни пайтда Украина Россиядаги Ozon ва Wildberries омборларини ҳарбий логистикада ишлатилаётган объектлар сифатида нишонга олаётганини билдирмоқда.

АҚШ Конгресси Россия ва Эронга қарши «жаҳаннам санкциялари» деб аталаётган қонун лойиҳасини маъқуллади. Ҳужжат Дональд Трампга имзолаш учун юборилди.

Ямандаги уруш яна кучаймоқда. Ҳусийлар Саудиянинг Aramco объектлари ва ҳарбий базасига ҳужум қилганини билдирди. Қатар Боб ал-Мандаб ёпилиши «бутун дунё учун ҳалокатли» оқибатларга олиб келиши мумкинлигидан огоҳлантирди.

Озодликда халқаро хабарлар тафсилоти билан танишинг.

#ozodlik #uzbekistan #tashkent #yangiliklar #ozodnews #ozodlik2026 #xabarlar #uzbek #uzbek_video