"Азиз дўстлар!

Сизларни кириб келган муборак ой билан чин қалбдан табриклайман. Ўтган Рамазондан буён орадан бир йил ўтиб кетганига одам ишонгиси келмайди. Соатлар дақиқаларга, йиллар ойларга айланган, гўё. Вақт елдек учиб кетяпти. Бу ҳам Қиёматга, амаллар тарозуга қўйиладиган Кунга яқинлашаётганимиздан далолат...
Мен учун бу жуда кўп ишларга улгуришимиз керак, дегани. Кўпроқ хайрли амалларни қилишга, кўпроқ яхши гаплар гапиришга, ёрдамга муҳтожларни қўллашга, ҳимояга муҳтожларнинг ёнида туриб беришга улгуришимиз керак. Бу йўлни ақл-идрок ва тиришқоқлик билан босиб ўтишимизни насиб этсин.

Дўстларим, ойларнинг султонида тутган рўзаларингизга Ўзи енгиллик берсин, ажр-мукофотини зиёда қилсин. Аллоҳ Сизни паноҳида асрасин, дуо-ибодатларингиз қабул бўлсин.

(Суратда менинг 10 ёшли қизим Саодат. Менинг жажжи, улкан бахтим... ❤️. Саодатим икки дунё саодатини кўришини истайман...)"

https://t.me/bugunuz/41761

Коронавирусга чалинганлардан 104 нафарининг аҳволи ўта оғир

Ўзбекистонда 12 апрель ҳолатига қараганда, тиббиёт муассасаларида коронавирусдан 1568 нафар бемор даволанмоқда. Уларнинг 229 нафари оғир, 104 нафари эса ўта оғир аҳволда.

Соғлиқни сақлаш вазирлиги сўнгги бир сутка ичида коронавирус яна 177 кишида аниқлангани ва бу билан касалланганлар сони 85 291 кишига етганини билдирди. Улардан 83089 нафари соғайган.

Коронавирусга чалинганлар бўйича кунлик кўрсаткич бўйича республика ҳудудлари орасида Тошкент ҳам етакчилик қилмоқда. 12 апрель куни аниқланган 177 кишидан 127 нафари тошкентлик.

Шу билан бир қаторда 12 апрель куни Ўзбекистон бўйлаб жами 67 445 нафар киши COVID-19 га қарши эмланди. Эмланган фуқаролар сони бу билан 216 087 нафарга етди.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Бухородаги иккита кўчага собиқ ҳокимларнинг исмлари берилди

Бухоро шаҳридаги Алпомиш кўчасининг номи Ўктам Барноев, Ғиждувон кўчаси Карим Камолов номига ўзгартирилди. Бу ҳақда Бухоро шаҳар кенгаши сессиясида қарор қабул қилинди.

Бош вазирнинг аграр ва озиқ-овқат соҳаларини ривожлантириш масалалари бўйича ўринбосари Ўктам Барноев 2020 йилнинг сентябрида 56 ёшида вафот этган эди. Унинг ўлимига коронавирус сабаб бўлгани айтилган. У 2016 йилнинг декабридан 2020 йил февралигача Бухоро вилоятига ҳокимлик қилган, 2020 йил февралида бош вазир ўринбосари лавозимига тайинланганди.

Карим Камолов 2017 йилдан Бухоро шаҳар ҳокими бўлган. У 2020 йил февралида Бухоро вилояти ҳокими вазифасини бажарувчи лавозимига тайинланганди. Камолов ҳам коронавирусдан 2020 йилнинг 22 августида вафот этган эди.

https://t.me/bugunuz kanaliga obuna bo'ling!
Bizga xabar yo'llash uchun 👉 @ozodnews

Тоғли Қорабоғда Ўзбекистон мактаб қурмоқчи

Ўзбекистон Тоғли Қорабоғда мактаб қуришни режалаштираётгани тўғрисида АОКА директори Асаджон Хўжаев матбуот анжуманида маълум қилган.

“Газета уз”нинг ёзишича, Асаджон Хўжаев Ўзбекистон ҳукумати номидан Озарбайжоннинг Боку ва Агдам шаҳарларида Туркий Кенгаш доирасидаги ахборот ва медиа соҳасида йиғилишда ишитрок этган.

Йиғилишда Тоғли Қорабоғда амалга ошириладиган қурилишларда Туркий Кенгашга аъзо давлатларнинг иштироки муҳокама этилган. Ўзбекистон ҳам ушбу ҳудудни ва инфратуизлмани тиклашда ўз ёрдамини таклиф қилган.

“Менинг билишимча, битта мактабни қуриш тўғрисида келишув мавжуд бўлиб, у озарбайжон халқига Ўзбекистондан туҳфа сифатида тақдим этилади. Яқин орада ҳамкорлигимиз натижаларини кўрамиз деган умиддаман”,- Асаджон Хўжаев.

Аввалроқ Ўзбекистон Қирғизистон ва Тожикистонда ҳам мактаб ва касалхоналар қурган эди.

https://t.me/bugunuz kanaliga obuna bo'ling!
Bizga xabar yo'llash uchun 👉 @ozodnews

🌍Озодлик дастури 13.04.20.

✅Андижон мактабларида ССВ тақиқлаган дезинфекция туннели ўрнатиш буюрилди

✅Эшик ёки тўсиқ? Тошкент ЕОИИ чегарасида Остона билан йирик логистика маркази қурмоқда

✅Таниқли турколог олим Андрей Кубатинга жисмоний ва руҳий босим бўлгани инкор этилди

✅АҚШ ҳукумати Кремлни Озодлик радиосининг Қримдаги мухбирини қамоқдан бўшатишга чақирди

✅Россия Псковдаги ҳаво-десант дивизиясини Қримга ташламоқда

✅ОзодМикрофон: "Егани нонимиз қолмади - маҳалла бола пулини бермаяпти"

✅Коронавирусга чалинганлардан 104 нафарининг аҳволи ўта оғир

✅Қувайт авиаширкатига Ўзбекистонга мунтазам қатновларни амал учун оширишга рухсат берилди

✅Расмийлар хорижда маблағсиз қолган ватандошларга қарз бериб туришни ваъда қилмоқда

✅АҚШда “полициячи қўқисдан” афроамерикаликни ўлдиргани ортидан норозилик намойишлари бўлмоқда

✅Канада Туркияга ҳарбий техника экспорт қилишни тақиқлади

✅Толибон Туркияда ўтадиган Афғонистон тинчлик конференциясида қатнашишга тайёр эмаслигини билдирди

🔊Ушбу мавзуларни тинглаш учун қуйидаги линкни юклаб олинг:https://t.me/bugunuz/41768

Унутилган оила ҳикояси: Давлатдан ёрдам ололмаган ёлғиз она ўта қашшоқ шароитда яшамоқда

Чироқчи туманининг Равот қишлоғида яшовчи Каримова Майрам 7 кишилик оиланинг ёлғиз боқувчиси. Майрам опанинг айтишича, у ўта қашшоқ аҳволга тушиб қолгани сабаб маҳаллага бир неча бор ёрдам сўраб мурожаат қилган. Аммо маҳалла унга ёрдам қўлини чўзмаган.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

КУН ВИДЕОСИ: "Қачонгача қимматга янги машина оламизу яна нуқсонларини тузатишга пул сарфлаймиз?"

"Ўтган йил 114 миллион сўмга олинган машинадан камчилик ва нуқсонлар чиқишни давоб этмоқда. Бу сафар ёғингарчилик пайтида машинанинг салонига кўп сув йиғилиб қолмоқда. 3 йиллик кафолат берилганига қарамай сервис марказида буни тузатиб беришдан бош тортишмоқда. Қачонгача қимматга янги машина оламизу яна нуқсонларини тузатишга пул сарфлаймиз?"

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

ИИБ ходими деб айтилаётган овоз эгаси зўравонлик орқали фуқарони кўрсатма беришга мажбурламоқда

Ижтимоий тармоқда тарқалган бу аудиодаги овоз Боёвут туманидаги ИИБ ходимига тегишли эканлиги айтилмоқда. Овоз эгаси фуқарога дўқ уриб, сўкиб, ҳақорат ва таҳдидлар қилиб, кўрсатма беришга мажбурлаётгани акс этган. Бу аудио айнан қачон ва қаерда олингани номаълум. Аудиодаги ҳолат ёки овоз эгаси сизга маълумми? Бизга хабар беринг!

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Чодирхаёл: Императив ёхуд Муҳаммад Солиҳнинг ўз-ўзи билан суҳбати

Ўтган асрнинг 80-йилларида ўзбек мунаққиди шоир Муҳаммад Солиҳга “Шеърингизни тушунтириб беринг” дея хитоб қилган эди. Орадан қарийб 40 йил ўтиб, Муҳаммад Солиҳ бу саволга бир китоб орқали жавоб берди. Туркияда дунё юзини кўрган бу китоб “Императив” деб номланади. Чодирхаëлнинг бугунги сони ана шу китобга бағишланди.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Таъсирли видео: "Қамоқхонада мен ётган тўшакларни ҳеч кимга раво кўрмайман. Умуртқамдаги суякларгача санаб ўтирибман"

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Таъсирли видео: "Қамоқхонада мен ётган тўшакларни ҳеч кимга раво кўрмайман. Умуртқамдаги суякларгача санаб ўтирибман"

12 апрель куни Сурхондарё вилоят, Музработ туман судида блогер Отабек Сатторий устидан ўтаётган суд жараёнининг навбатдаги суд мажлиси бўлиб ўтди. Воқеани жойидан туриб ёритган Effect.uz нашрига кўра, суд мажлисида прокурор Отабек Сатторийга рухий тазйиқлар ҳақида ҳам савол берган. Отабек қамоқхонада шароит яхши экани, аммо бу вазиятнинг ўзи, жумладан у қамоқда анчадан бери ушланаётгани тазийққа тенг эканини айтиб ўтди.

"Давлат хизматлари агентлиги менга пул бериб юрганмиш. Бир сўм бергани йўқ, берган бўлса қани, келиб ёнимда айтсин. Давлатимизни халқ боқади, халқ бўлмаса, давлат ҳеч ким эмас. Блогерларга мурожаат қилиш шарт эмас, улар фақат ўз муносабатини билдиради. Бирор нотўғри иш қилиб қўйсак, АОКАдан бирданига телефон бўлади. Баъзан мажбур ўчирамиз. 70 кун бўлди қамоқдаман. Тушунмаяпман, кимни ўлдирибман? Қайси давлат сирини сотибманки, мен “турма”даман. Мен умримда йиғламаганман. Аммо мени йиғлатишди. Қамоқхонада мен ётган тўшакларни ҳеч кимга раво кўрмайман. Умуртқамдаги суякларгача санаб ўтирибман. Бу воқеалар уюштирилганлигини ҳаммангиз кўриб турибсизлар –ку, қамоқхона овқатлари яхшимас эди, аммо битта ариза ёзганимдан сўнг яхшиланди. Барча қамоқхона ходимлари бизга яхши муносабатда".

Блогер Отабек Сатторий устидан суд жараёни 11 март куни Сурхондарё вилоят Жиноят ишлари бўйича Музработ туман судида бошланган эди. Ўзбекистон Республикаси ИИВ ҳузуридаги Тергов департаментига кўра, блогер Отабек Сатторийга Жиноят кодексининг уч моддаси бўйича айблов эълон қилинган. Маҳаллий нашрларнинг билдиришича, блогерга суд жараёнида 8 та айблов қўйилган. Отабек Сатторий Telegram ва YouTube порталидаги “Халқ фикри” видеоблогидаги танқидий чиқишлари билан танилган. У 30 январь куни соат 17 ларда Термиздаги уйидан фуқаро кийимидаги ходимлар томонидан олиб кетилганди. Қатор халқаро ташкилотлар Ўзбекистон ҳукуматини ҳибсга олинган блогер Отабек Сатторийни озод қилишга чақирди. Ташкилотларнинг ишонишича, блогер коррупцияга қарши курашгани ортидан сохталаштирилган жиноят иши асосида қамоққа олинган.

https://t.me/bugunuz/41773

ST даракчиси: "Мактабга рўмол ўраб келгани учун ўқувчи қизлар ИИБ томонидан сўроқ қилинмоқда"

Хабарни йўллаган ST даракчисига кура, сурат Наманган вилояти Янгиқўрғон туманида олинган. Сизга бу ҳақда нималар маълум? Сизнинг ҳудудингизда ҳам шунга ўхшаш вазиятлар бўлиб турадими?

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Алишер Усмонов Шавкат Мирзиёевни ҳақиқий ислоҳотларнинг "ташаббусчиси" деб атади

"Мамлакат, турғунлик давридан кейин демайлик, майли, иқтисодиётдаги совет мероси асоратлари ортидан дейлик, илк бор чин ислоҳотларни бошлади. Ва бу ислоҳотларнинг ташаббусчиси, биринчи навбатда ўз аҳолисининг турмуш даражасини кўтариш, Марказий Осиё мамлакатлари ва Россия Федерацияси билан дўстлик ва яхши қўшничилик алоқаларини муcтаҳкамлаш йўлини тутган давлат раҳбаридир".

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

🌍Озодлик дастури 14.04.20.

✅"Амирсой"га ёндош автотураргоҳ қурувчилари иш ташлади. Улар маошлари берилмаганидан норози

✅ЕХҲТ раиси Ўзбекистонда фуқаролик жамияти вакиллари билан учрашди

✅Собиқ МХХ зобити қийноққа солингани ҳақидаги ариза БМТ қўмитасига топширилди

✅АҚШ президенти Жо Байден Россия президенти Владимир Путин билан телефон суҳбати ўтказди

✅Навальний Қуръон китоби ўзига берилмаётгани учун қамоқхона маъмуриятини судга берди

✅"Россия мусулмонлари номидан". Рамзан Қодиров Навальнийга Қуръон бермасликка чақирди

✅Андижон мактабларида ССВ тақиқлаган дезинфекция туннели ўрнатиш буюрилди

✅МСК Ўзбекистон президенти сайловига тайёргарликни бошлади

✅Ёшлар билан ишлай билмаган уч нафар ректор ва айрим ҳокимлар ишдан олинди

✅Қашқадарёда ўқитувчининг калтакланиши бўйича жиноят иши қўзғатилди

✅АҚШ қўшинлари Афғонистондан шу йил 11 сентябригача олиб чиқиб кетилади

🔊Ушбу мавзуларни тинглаш учун қуйидаги линкни юклаб олинг:https://t.me/bugunuz/41781

"Қачонгача бу давлатда халқни хонавайрон қилиб, пулларини еб кетишаверади?"

"Халқаро йўналишда қатнайдиган фура ҳайдовчилари номидан гапиряпман! Қўнғиротдан то Қозоғистон чегарасигача бўлган йўлнинг аҳволи жуда ёмон, буни йўл дейишга ҳам тил бормайди. Ахир бу экспорт-импортнинг асосий йўлларидан бири-ку! Наҳот йўлни асфалтлаб қўйиш қийин бўлса? 70-80 минг долларлик юк машиналари бу йўлларга чидаб бера олмаяпти. Йўлнинг ярмида бузулиб қоляпти. Йўл соҳасида ишлайдиганларни ҳам, ҳукуматни ҳам ҳайдовчилар роса қарғашмоқда, чин дилдан сўкишяпти! Ҳукуматимиз шунга арзийди, чунки йўл қурувчиларига пул ажратганидан кейин йўлнинг қурилишини ҳам назорат қилиши керак. Акс ҳолда йўлни асфалтлаш учун ажратилган пуллар талон-тарож бўлиб кетяпти. Жаслиқдан Қозоғистон чегарасига боргунча 150 километрлик йўл умуман йўқ. Неча йиллардан бери йўлнинг аҳволи расволигича қоляпти... "

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Қирғизистондаги ўнлаб ўзбек аёллари депутатликка ўз номзодларини қўйди

Жалолобод вилоятининг Сузоқ қишлоғида яшайдиган 47 мингга яқин аҳолининг 81 фоизини ўзбеклар ташкил қилади. Бунгача қишлоқ кенгашида фақат бир нафар аёл депутат бор эди. 11 апрелда ўтган қишлоқ кенгашига сайловда 31 депутатлик ўрнидан 12таси квота сифатида аёлларга берилган. Мазкур 12 ўрин учун 30 нафар аёл кураш олиб борди. Номзодларнинг асосий қисми ўзбек аёллари бўлди. Ўзбек аёллари биринчи марта бундай кўпчилик билан ўз номзодларини олға сурдилар.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews