Коронавирусга қарши эмлаш Ўзбекистонда уч босқичда ўтказилади

Коронавирусга қарши эмлашнинг биринчи босқичи апрель ойида Қорақалпоғистон, вилоятлар марказлари, Тошкент шаҳри ва бошқа катта шаҳарларда бошланади. Май ойида бошланадиган иккинчи босқичда туманлар ва кичик шаҳарлар аҳолиси эмланади. Учинчи босқич июнь ойида бошланиб, қишлоқлар аҳолиси эмланади. Бу ҳақда Коронавирусга қарши курашиш штаби аъзоси Нурмат Отабеков маълум қилди.

Унга кўра, эмлаш AstraZeneca ҳамда ZF-UZ-VAC2001 вакциналари воситасида олиб борилади. Ҳар бир киши икки мартадан эмланади, шундан сўнг унга эмлангани тўғрисидаги махсус сертификат берилади. Отабеков келажакда хусусий касалхоналарга ҳам пулли асосда эмлашга рухсат берилиши режалаштирилаётганини айтди.

Аввалроқ Ўзбекистонга COVAX дастури доирасида 660 минг доза AstraZeneca вакцинаси олиб келингани, Хитойдан 1 миллион доза ZF-UZ-VAC2001 вакцинаси келтирилгани хабар қилинган.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

ЭКСКЛЮЗИВ: “Сен учун пул таклиф қилишган” - Жаҳонгир Отажонов Туркияда таҳдидга учради

Президент сайловларида номзодини қўйишини айтган собиқ хонанда Жаҳонгир Отажонов Туркияда номаълум шахслар томонидан таҳдид қилинди. 27 март куни Отажоновнинг Истанбулдаги офисига ташриф буюрган уч шахс ўзларига уни дўппослаш учун "пул таклиф қилингани"ни айтишган.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Камида 19 минг кишини алдаган “Avto 60 oy” раҳбари 8 йилга қамалди

Жиноят ишлари бўйича Чилонзор туман суди 29 март куни “Avto 60 oy” МЧЖ раҳбари Жамшид Баҳодировни 8 йил қамоқ жазосига ҳукм қилди.

“Avto 60 oy” МЧЖси раҳбариятига нисбатан 2019 йил 12 октябрь куни Жиноят кодексининг 188-1-моддаси 1-қисми (пул маблағларини ва/ёки бошқа мол-мулкни жалб этишга доир ноқонуний фаолият) билан жиноят иши қўзғатилган эди. Тергов 2020 йилнинг 2 июнь куни якунланган. Суд жараёни 5 август куни бошланган.

19 мингга яқин мижоздан 57 миллиард сўмдан ортиқ пул йиғиб¸ фақат 100 нафар мижозгагина машина бергани ортидан жиноят иши фигуранти бўлган “Avto 60 oy” МЧЖси раҳбари Жамшид Баҳодировга нисбатан суд жараёни вилоятларда ўтказилган эди. Ўшанда иш юзасидан гувоҳларнинг кўплиги сабабли мана шундай қарорга келингани хабар қилинган.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Истанбулда ҳалок бўлган йигитнинг ўзбекистонлик экани аниқланди

Жорий йилнинг 23 мартида Истанбулдаги “Cinar 2 Bakım Merkezi” касалхонасида вафот этган йигитнинг 1992 йилда Тошкент вилоятида туғилган Ўзбекистон фуқароси экани аниқланди. Ўзбекистоннинг Истанбулдаги Бош консулхонаси 30 март куни берган маълумотда айтилишича, 28 мартда Бош консуллик томонидан жасадни ватанга жўнатиш бўйича марҳумнинг оила аъзоларига ҳуқуқий ҳамда амалий ёрдам кўрсатилди.

Бир ҳафта олдин Истанбулдаги Бош консулхона “Cinar 2 Bakım Merkezi”да 23 март куни Ўзбекистон фуқароси экани таҳмин қилинаётган ва ўлимидан олдин ўзини “1987 йилда туғилган Саид Номатов”деб таништирган шахс тўғрисида маълумотга эга бўлганлардан кўмак сўраб мурожаат қилган эди. Ўшанда бу йигит 2020 йил октябрь ойи бошларида кучли заҳарланиш оқибатида хушини йўқотгани хабар қилинган.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Андижон вилоят ҳокими Шуҳрат Абдураҳмонов Каримов ва Мирзиёев даврини таққослади

«Буни бир оғиз ёки икки оғиз гап билан солиштириб бўлмайди. Сабаби, у даврда ҳам ишладим, бу даврда ҳам ишлаяпман. Биринчидан, у даврларда биздан сўров кам бўларди, халқни рози қилиш деган нарса йўқ эди. Асосий сўров - пахта, ғалла, пилла. Шу сўралар эди.

Иккинчидан, ҳокимларнинг қўл-оёғи боғланган эди. Ҳар бир қадамимиз назоратда бўлган, ҳеч қандай молиявий имкониятлар йўқ эди, ҳамма нарса марказлашган. Ҳозир ҳамма соҳа ва йўналишда юз фоиз жавобгарлик ҳокимнинг бўйнида»

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

🌍Озодлик дастури 30.03.20.

✅"Бесоқолбозлик": Халқаро ҳамжамият жазони бекор қилиш, ўзбек депутатлари уни кучайтиришга чақирмоқда

✅“Сен учун пул таклиф қилишган” - Жаҳонгир Отажонов Туркияда таҳдидга учради

✅Россия ИИВ мигрантлар учун ягона рақамли шахсий маълумотлар базасини яратади

✅ОзодМикрофон: Фермерлик қилиш фақат зазар бўлиб қолди

✅Россия Жамоатчилик назорати комиссияси Навальний билан қамоқхонада учрашди

✅1 апрелдан бошланиши кутилаётган коронавирусга қарши эмлаш Ўзбекистонда уч босқичда ўтказилади

✅Истанбулда ҳалок бўлган йигитнинг ўзбекистонлик экани аниқланди

✅Камида 19 минг кишини алдаган “Avto 60 oy” раҳбари 8 йилга қамалди

✅Беларусь прокуратураси Тихановскаяни «терроризмда» айблади

✅Туркманистоннинг авторитар раҳбари «100 фоиз» овоз билан янги сенатда ўрин эгаллади

🔊Ушбу мавзуларни тинглаш учун қуйидаги линкни юклаб олинг:https://t.me/bugunuz/41643

Тадбиркор устахонаси рейдерлик йўли билан тортиб олинганидан арз қилмоқда

Ўзбекистонлик дизайнер 2019 йилнинг 26 июлида электрон аукционда ўз бизнесини юритиш учун Тошкентдаги бинони қулга киритади. Бироқ, бу бинони эгаллаб олган шахслар суд карори борлигига қарамасдан уни чойхонага айлантиришди.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Комил Алламжонов Миразиз Бозоровнинг калтаклангани ва ЛГБТ мавзусига муносабат билдирди:

"Жазо бекор қилиниб, бундай тоифалар бемалол кўча-кўйда ўзини кўрсата бошласа, “самосуд”лар кўпайиб кетиши мумкин"

28 март куни Тошкент шаҳри марказидаги Амир Темур хиёбонида япон анимеси ва корейс поп мусиқаси мухлисларининг навбатдаги тадбирини ўтказмоқчи бўлган блогер шу куни кечқурун бир гуруҳ номаълум шахслар томонидан калтаклаб кетилди. Тошкент шаҳар травматология касалхонасига ётқизилган 29 яшар Миразиз Бозоровни врачлар бошқа касалхонага ўтказишни режалаштирмоқда. Шифокорларнинг айтишича, блогерга нейрохирургнинг ёрдами керак бўлиши мумкин.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Пойтахтдан ташқари Тошкент ва Самарқанд вилоятида ҳам коронавирусга чалинганлар кескин кўпайди

Ўзбекистонда 30 март куни 187 кишида коронавирус аниқланди. Янги касалланиш ҳолатларининг 110 таси Тошкент шаҳрида, 32 таси Тошкент вилоятида ва 18 таси Самарқанд вилоятида аниқланди.

Соғлиқни сақлаш вазирлигининг билдиришича, сўнгги бир сутка давомида коронавирусга чалинганлардан яна бири вафот этди ва ўлганлар сони расман 629 кишини ташкил қилмоқда.

30 март ҳолатига кўра, коронавирус инфекцияси қайд этилганлар сони 82869 кишига етди, касалликдан соғайганлар жами 80983 нафар. Соғайиш кўрсаткичи 98 фоизни ташкил қилмоқда.

Айни пайтда тиббиёт муассасаларида даволанаётган 1257 нафар бемордан 191 нафари оғир, 85 нафари эса ўта оғир аҳволда.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

БМТнинг Ўзбекистондаги ваколатхонаси 28 март воқеасини қоралади

БМТнинг Ўзбекистондаги доимий мувофиқлаштирувчиси Хелена Фрэйзер 28 март куни Тошкентдаги Амир темур ҳиёбонида содир этилган тартибсизликни қоралади. “Бирлашган Миллатлар Ташкилоти бутун дунёда бўлгани каби Ўзбекистонда ҳам ҳар қандай кишига қарши қаратилган камситиш ва зўравонликнинг барча шаклларни қоралайди”,- дейилади Хелена Фрэйзер баёнотида. БМТнинг Ўзбекистондаги ваколатхонаси ҳуқуқ-тартибот органларини 28 мартда содир этилган воқеани холис тергов қилишга чақирган..

Тошкентдаги Амир Темур хиёбонида 28 март куни бир гуруҳ ёшлар япон анимеси ва корейс поп мусиқаси мухлисларини ЛГБТ фаоллари сифатида гумонлаб, уларни калтаклаган эди. Бу тадбирини ўтказмоқчи бўлган 29 яшар Миразиз Бозоров шу куни кечқурун бир гуруҳ номаълум шахслар томонидан калтаклаб кетилди. У касалхонага ётқизилган.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Қирғиз расмийси: Ўзбекистон билан баҳсли бўлиб турган 13 минг гектар ер Қирғизистонга ўтди

Қирғизистон Миллий хавфсизлик қўмитаси раиси Қамчибек Ташиев 30 март куни Ўш вилоятининг Ўзган тумани аҳолиси билан учрашувда “Ўзбекистон билан баҳсли бўлиб турган 13 минг гектар ер Қирғизистонга ўтди”, деб айтди.

“Ўртатўқай сув омборининг 800 гектари Қирғизистон ҳудудида жойлашган. Лекин сувнинг 95 фоизини Ўзбекистон, 5 фоизини Қирғизистон ишлатади. Шунинг учун биз Ўзбекистон мана шу 800 гектар ерни компенсация қилиб, бошқа ҳудуддан ер берсин деган талабни қўйдик. Бунгача Ўзбекистон бизга 200 гектар ерни берган экан. Биз ернинг қолган қисмини ҳам компенсация қилинглар дедик. Бироқ Ўзбекистон у ҳолда Кўк Сергак, Баястан ва Ункур Тоо қишлоқларини кўчириб кетишимиз шартлигини билдирди. Бу қишлоқлар харита бўйича Ўзбекистон ҳудудида жойлашган. Шунинг учун сув омбори эвазига бериладиган ер ўрнига мана шу қишлоқларни Қирғизистон ҳудудига қўшиб олдик”,-деди Ташиев.

Унга кўра, Ўзбекистон билан баҳсли бўлган ҳудуднинг юз гектари Қорасув туманига, 1000 гектари Ўзган ва Сузоқ туманига қўшилади.

26 мартда Озодлик радиоси қирғиз хизмати (Азаттиқ радиоси) саволига жавобан Қамчибек Ташиев Қирғизистон билан Ўзбекистон ўртасидаги чегара масаласи 100% ҳал бўлгани ҳақида билдирган эди.

Ташиевнинг айтишича, икки давлат ўтрасидаги давлат чегарасини делимитация ва демаркациялаш комиссиясининг Тошкентда бўлиб ўтган мажлисида тегишли баённома имзоланган. МХДҚ раисига кўра, икки давлат ўртасида баҳсли чегара ҳудуди қолмаган.

Ўзбек томони ҳозирча чегара музокаралари якунига доир расмий баёнот эълон қилгани йўқ.

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Президентни интернетда ҳақоратлаганлик учун 5 йилгача озодликдан маҳрум қилиш жазоси белгиланди

ТАФСИЛОТЛАР: bit.ly/3u3k3Qu

https://t.me/bugunuz kanaliga obuna bo'ling!

Bizga xabar yo'llash uchun 👉 @ozodnews

Қирғиз расмийси: Ўзбекистон билан баҳсли бўлиб турган 13 минг гектар ер Қирғизистонга ўтди

ТАФСИЛОТЛАР: https://bit.ly/31BxQ4x