@BUGUNUZ - RASMIY KANAL
84.2K members
10.3K photos
3.23K videos
38 files
11.3K links
xabarlar, foto va videolar (tezkor va eksklyuziv)
Download Telegram
to view and join the conversation
Суд 15 яшар ўқувчи қизни зўрлаганликда гумонланган 57 яшар эркакни оқлади

BUGUNUZ kanali - tezkor va eksklyuziv
Суд 15 яшар ўқувчи қизни зўрлаганликда гумонланган 57 яшар эркакни оқлади

Ширин шаҳар маъмурий судининг 25 сентябрдаги ëпиқ мажлиси 15 яшар ўқувчи қизни зўрлаганликда гумон қилинган сирдарёлик 57 яшар С.Рни айбсиз деб топди. Озодликда нусхаси бўлган қарорга кўра¸ "С.Р ҳаракатларида ҳуқуқбузарлик аломатлари мавжуд бўлмагани сабабли" жиноят иши тўхтатилган.

Суд оқлаган С.Р Озодлик билан суҳбатда ўзининг айбсиз эканини таъкидлаб, “адолат ғалаба қилганидан мамнунман,” деб айтди.

Зўрлангани иддао қилинган 15 яшар Ж.Снинг акаси бундан олдин Озодлик билан суҳбатда "зўравон қўшни ишни бости-бости қилишга уринмоқда" дея хавотир билдирганди.

Озодликда нусхаси бўлган суд қарорига кўра¸ зўрлангани иддао қилинган қизнинг онаси Ж.С ва қизнинг отаси Ж.Қ 17 августдан 18 августга ўтар кечаси соат 01 ларда уйига кириб келган қўшни 57 яшар С.Рни таëқ (суд қарорида чўп дейилган-таҳр) билан уриб, енгил жароҳатлаганликда айбдор деб топилган, аммо огоҳлантириш билан жавобгарликдан озод қилинган.

Суд қарорида 57 яшар С.Рнинг калтаклангани унинг докторга бориб олган 181 сонли тиббий хулосасига асослангани айтилади.

Шунингдек, воқеа юзасидан ИИБга ариза ëзган қизнинг қариндоши Ж.Г туҳмат қилганликда айбланиб, 669 сўм жаримага тортилган.

Мунаввар кўчасида нима бўлган эди?

Суд қарорида акс этган гувоҳликлар ва Озодлик суҳбатлашган воқеа гувоҳларига кўра¸ 57 яшар С.Р. қўшни қизнинг уйда ëлғиз қолган пайтини аниқ билиб, девордан ошиб тушиб, ҳовлида ухлаб ëтган 15 яшар қизга тегажоғлик қилган.

Зўрланганликда гумон қилинган 15 яшар Ж.Хнинг суддаги кўрсатмаси:

- 2019 йил 17 августан 18 августга ўтар кечаси онамнинг мазаси бўлмагани учун ҳовлида ухладим. Соат 01ларда қўшни С.Р. келиб елкамдан ушлаб, судраб ошхонага олиб кирди. Бақирсам, оғзимни қўли билан ëпди. Мени ерга ëтқизиб ўзининг пастки кийимларини (шимини-таҳр.) ечди. Кийимим маҳкам бўлгани бўлгани учун ечинтира олмади. Кўкракларим ва жинсий аъзомни қўли билан эзғилади

Зўрлаганликда гумон қилинган 15 яшар Ж.Х айни куни докторга мурожаат қилган.

Озодлик мухбири қиз олиб келинган тез тиббий ëрдам станцияси врачи билан гаплашди.

Врачнинг айтишича¸ қиз касалхонага келтирилганида баданида гематомалар бўлган, ўзи эса қаттиқ стрессда бўлган.

Озодликда қизнинг муолажа тарихи ëзилган 4042-4 рақамли ҳужжат нусхаси бор.

Воқеа гувоҳлари гапларидан маълум бўлишича¸ 57 яшар С.Р. қўшни қизнинг уйда ëлғиз қолган пайтини аниқ билиб, девордан ошиб тушган.

Зўрлангани гумон қилинган қизнинг онаси кар-соқов Ж.Снинг таржимон Раҳматова иштирокида берган суддаги кўрсатмаси:

- Кечқурун 01 да шовқинни эшитиб ошхонага бордим. Чироғни ëқдим. Қўшнимиз С.Р ни пастки кийими йўқ ҳолатда чўккалаб ўтирганини кўрдим. С.Р менга қараб, "кўрганингни айтсанг, ўлдираман", деб қочди. Мен уни орқасидан бориб, чўп билан урдим. Эрим ҳам етиб келиб қўшни С.Р ни чўп билан урди.

Ана шундан кейин қизнинг қариндоши ИИБга қўнғироқ қилган.

Суриштирувни Ширин шаҳар ички ишлар бўлими катта терговчиси Достон Саломов олиб борган.

Суд қарорида ëзилишича¸ бу кўрсатмалар "иш ҳолатига мос келмайди ва ўйлаб топилган важлар сифатида баҳоланган".

Зўрлаганликда гумон қилинган 15 яшар Ж.Х суд қарорида “мустақил фикрга эга эмас¸ ижтимоий оғиш ҳолатда, ташқи таъсирга мойил” деб топилган.

Шуларни инобатга олган суд “С.Р ҳаракатларида ҳуқуқбузарлик аломатлари мавжуд бўлмагани сабабли” ишни тўхтатди.

Қизнинг онаси Ж.С ва отаси Ж.Қ "безориликда" айбдор деб топилди.

Воқеа юзасидан ИИБга ариза ëзган қизнинг қариндоши Ж.Г туҳмат қилганликда айбланиб, 669.000 сўм жаримага тортилди.

Адолат тантана қилдими?

15 яшар ўқувчи қизни зўрлаганликда гумон қилинган ва суд тарафидан оқланган сирдарёлик С.Р Озодлик билан суҳбатда безорилик ва туҳмат қурбони бўлганини таъкидлади.

- Миллион пулим бор. Шу ишни қилсам, кўчада пулга қиламан-ку. Бу гапларни ҳаммаси туҳмат. Мен бинолар қуриб одамларга хизмат қиладиган, серҳиммат ва бунëдкор одамман. Номимни булғашди. Энди тўкилган обрўйимни қайта тиклаш учун халқимга хизмат қилишга бел боғладим. Суд қароридан тўла қониқдим. Адолат қарор топганидан мамнунман.
Қизнинг ҳуқуқбузарликда айбланган қариндошлари билан 8 ноябрь куни боғланишнинг имкони бўлмади.

Жорий йилнинг 4 сентябрида қизнинг акаси Ëдгор Озодлик билан суҳбатда "зўравон қўшни ишни бости-бости қилишга уринмоқда" дея ташвиш билдирган эди.

Зўрлангани иддао қилинаëтган қизнинг акаси Ëдгор С.Р. нинг ўғиллари “аризани қайтариб ол” дея унга ва оиласига босим қилганини ҳам айтган эди.

Қизнинг адвокати Шерали Набиевнинг 4 сентябрь куни Озодликка билдиришича¸ қизнинг ўзи ва онаси гувоҳлик беришига қарамасдан, мазкур оғир жиноят оддий безорилик деб малакаланган.

https://t.me/bugunuz/28150
Кремль Рамзан Қодировнинг онлайн шарҳловчиларни ўлдириш чақириғини кўриб чиқмайди

BUGUNUZ kanali - tezkor va eksklyuziv
Кремль Рамзан Қодировнинг онлайн шарҳловчиларни ўлдириш чақириғини кўриб чиқмайди

Кремль Чеченистон президенти Рамзан Қодировнинг Интернетда бошқалар “шаънига” текканларни ўлдириш, қамаш ва қўрқитиш чақириқларини кўриб чиқмаслигини билдирди.

7 ноябрь куни Кремль матбуот котиби Дмитрий Песков журналистларга Қодиров билдирувларини эшитмаганини айтди.

Котиб президентнинг шарҳларини Кремль эмас, балки полиция тергов қилиши кераклигини қўшимча қилди.

5 ноябрь куни Чеченистон давлат телеканалларидан бири – “Грозний” канали Қодировнинг маҳаллий ҳукуматлар вакилларига сўзлаётгани акс этган видеони эфирга узатди.

Унда Қодиров давлат расмийларидан Интернетда ёзилган шарҳлардан кейин одамлар қандай қилиб ўз иззат-нафсларини тиклай олишлари ҳақида сўраган.

- Одамлар ўртасида тотувликни бузган, миш-миш ва иғво тарқатганларни – агар биз уларни ўлдириш, қамаш, қўрқитиш йўли билан тўхтатмасак – ҳеч нима қила олмаймиз, - дейди Қодиров.

Рамзан Қодиров “қонунлар бузилса ҳам”, “бутун курраи замин куйиб кул бўлса ҳам”, уларни топиб жазолашга тайёрлигини қўшимча қилган:

- Биз бунга бефарқ бўлмаймиз, муқаддас Қуръон номи билан қасам ичаман! Агар номусимни тиклаш йўли шу бўлса, бу дунёдаги барча жазога розиман. Қамоққа бораман ёки ўлимга рози бўламан. Ўлдиришингиз мумкин мени, - дейди Қодиров. - 45 ёшга кирдим, бу дунёда қиладиган яна нима ишим қолди? Аммо булар [онлайн комментаторлар] излаб, топилиши керак. Вилоятлар ва шаҳарлар етакчилари билан полиция, хавфсизлик хизматлари, ёшлар ташкилотлари ҳамкорлик қилиши керак. Ҳамма Рамзан қотиллик қилишни буюрди, дея гапира бошлайди. Лекин қонунчи? Қонун, конституция ва демократия том маънода аҳоли осойишта ҳаёт кечиришидир.

Журналистнинг Қодировнинг бу гаплари тергов қилиниш-қилмаслиги ҳақидаги саволга Песков “йўқ”, дея жавоб берди.

Инсон ҳуқуқлари фаоллари Қодиров репрессив йўллар билан Чеченистонни бошқариб келаётганини ҳамда мамлакат хавфсизлик кучларига чексиз ваколат берганини айтиб келади.

Уларнинг сўзларига кўра, Чеченистонда мухолифат вакилларининг ўғирлаб кетилиши, қийноққа тутилиши ва судсиз ўлдиришига Қодиров замин яратиб берган.

Кремль танқидчиларига кўра, Қодиров Чеченистонда сепаратизм ва зўравонликка қарши курашиб келаётгани учун расмий Москва унга қарши айбловларга кўз юмиб келади.

https://t.me/bugunuz/28153
Озодлик дастури 08.11.19 ❇️

Милиция амалдори машинаси билан авария содир этган 20 ёшли йигитнинг дараги чиқмаяпти

Халқаро юк ташувчилар Қозоғистондан ўтиш муаммосида Мирзиëевга мурожаат қилди

Қашқадарёлик фермерлар пули мажбуран дизел ёнилғисига ўтказиб юбориляпти

Ўзбек олигархи Москвада ҳафтасига 10 муҳожирга тиббий ёрдам кўрсата бошлади

Мирзиёев нон ишлаб чиқаришда харажатларини камайтиришга буйруқ берди

Президент ҳокимларга икки кун ичида тадбиркорларга кафолат мурожаати билан чиқишни буюрди

“Метрика” олиш тартиби жўнлаштирилди

Қозоғистонлик амалдорларга иш жойида яна смартфонлардан фойдаланишга изн берилади

🎧Ушбу мавзуларни тинглаш учун қуйидаги линкни юклаб олинг:
👉 https://t.me/bugunuz/28155
“Мурувват” уйи ҳамширалари ногиронларга муддати ўтган дорилар берилганини иддао қилди

BUGUNUZ kanali - tezkor va eksklyuziv
“Мурувват” уйи ҳамширалари ногиронларга муддати ўтган дорилар берилганини иддао қилди

Бухоро шаҳридаги “Мурувват” аёллар интернат уйидаги беморларга йиллар давомида муддати ўтган дорилар бериб келинган.

Бу ҳақда Озодликка шикоят қилган интернат ҳамшираларининг айтишларича, руҳий хасталиги бўлган бемор аёллар кир-йиртиқ кўрпа-ёстиқларда ётган, янги кийимлар берилмаган.

Интернат ходимларининг вилоят соғлиқни сақлаш бошқармасига қилган шикоятидан сўнг, интернат директори ишдан олиниб, интернат ҳомийлик кенгашининг раиси вазифасига тайинланган.

Интернат бош ҳамшираси ва хўжалик булими мудири ўз вазифаларида қолган.

Интернат бош ҳамшираси муддати ўтган дориларни сақлагани учун жаримага тортилганини айтмоқда.

Бухоро шаҳридаги “Мурувват” аёллар интернат уйи ҳамшира ва санитаркаларидан Озодликка юборилган суратда “Алоэ” ва “Флусам” дорилари акс этган.

Озодлик суҳбатлашган ҳамшираларнинг иддао қилишича, интернат бош ҳамшираси Гулшан Раҳматова муддати ўтиб кетган бу дориларни беморларга беришга уларни мажбур қилган.

Интернатда 250 нафар ногирон аёл яшаб, даволанади.

Уларнинг аксарини руҳий хасталиги бор аёллар ташкил этади.

Уларга кечаю-кундуз 157 нафар ҳамшира ва санитаркалар навбати билан қарайди.

Исми сир қолишини сўраган ҳамширалардан бирининг айтишича, қиммат дориларнинг талон-тарож қилиниши, беморлар озиқ-овқати сифатининг ёмонлиги, кўрпа ёстиқларнинг кир, йиртиқлиги ҳақида улар Бухоро вилояти соғлиқни сақлаш бошқармасига шикоят қилганидан сўнг, май ойида текширув ўтказилган. Лекин асосий айбдорлар ишдан олинмаган:

“Бош ҳамшира бизларга қанақадир йўқ қиммат дориларни қилдик деб беморларни номига ёздириб оларди. Булар бу дориларни аптекадан олишганми ёки йўқми, буни билмаймиз. Биз бу ҳақда кўп жойларга мурожаат қилганмиз, лекин текширувчилар келса ҳам ҳаммасини бости-бости қилиб юборишди. Охирги марта ҳокимиятга мурожаат қилган эдик, лекин улар бир ой ичида сизларга хат билан жавоб берилади, деди. Лекин жавоб келмади”.

Исми сир қолишини сўраган бошқа ҳамширанинг иддао қилишича, уларга муддати ўтган дориларни укол қилишга бош ҳамшира мажбурлаган:

“Мана шу муддати ўтиб кетган “Алоэ” уколи яқинда тўхтатилди. Узоғи билан икки ҳафтача бўлди. Биз расмга олдик эски дорини. Август ойида учта ўлим бўлди, кексалик, касаллик деб ёпиб юборишди. Уларга ҳам муддати ўтган уколлар қилинган. Лекин, эски дорилар уларни ўлимига ҳам сабабчи бўлган бўлиши мумкин. Буни энди ҳеч ким билмайди”.

Ҳамширанинг айтишича, собиқ директор Баҳодир Олтиев ишдан олинган бўлса ҳам, у ҳозиргача интернатни бошқариб келяпти:

“Уч ойча бўлди, директорни ишдан олишди. Лекин ҳеч нарса ўзгармади. Чунки у интернат ҳомийлик кенгашининг раиси бўлди. Ҳар куни шу ерда. Ўрнига директорликка қўйилган Алимардон Бобоев ҳам фақат унинг айтгани билан иш юритяпти. Тўғри, сўнгги ўн кунда эски дорилар берилиши тўхтатилди, беморларнинг постеллари янгиланяпти, лекин асосий айбдорлар бош ҳамшира билан хўжалик мудири ўз ўрнида ишламоқда. Ҳозир Олтиев сал ҳовурни босиш учун иккаласини ҳам таътилга чиқартириб юборган”.

Исми сир қолишини сўраган санитаркалардан бирининг иддао қилишича, хўжалик бекаси Муҳаббат Раҳимова беморларга инсондек муносабатда бўлмаган:

“Беморлар доим эскирган кийимларда юришади. Қачонки бир комиссия келмоқчи бўлса, янги кийимлар беришади. Комиссия кетганидан сўнг яна ечиб олишади. Ҳатто пайпоқлар ҳам пойма-пой бўлиб кетган. Яқинда бош ошпазни бир тоғора гўшт, гуруч, макарон маҳсулотларини олиб чиқиб кетаётганда ушладилар. Лекин у бош ҳамширанинг акаси бўлганлиги учун ҳеч нарса демадилар, ишлаб юрибди. Ёлғон бўлмасин, сўнгги ҳафтада беморлар косасида гўшт кўряпман. Биз бу ҳақда қанча шикоятлар ёздик, лекин келган текширувчиларни собиқ директор оғзини мойлаб жўнатмоқда”

Суҳбатдошнинг айтишича, Меҳнат кодексида жавобгарлик лавозимида яқин қариндошлар ишлаши мумкин эмас дейилган, лекин бу қоида интернатда амал қилмайди.

Озодлик билан суҳбатлашган бошқа бир ҳамшира эса, бош ҳамшира ва хўжалик бекаси жамоада носоғлом муҳитни юзага келтирганини айтади:
“Ўзидан катта ёшдаги ҳамшираларга жуда қўпол муносабатда бўлади. Муомала деган нарса йўқ. 11 йилдан буён бош ҳамшира бўлиб ишлайди, жуда ўзидан кетиб қолган. Бошқарма ҳам буларни ротация қилмайди. Рағбатлантиришда эса фақат ўзларига яқин одамларни ёзиб беряпти, тажрибали ҳамширалар эса четда қоляпти. Ҳамма норози бу иккисидан. Масалан, шаҳар ҳокимлиги ўтган йил 31 декабрда йилда беморлар учун 500та янги йил совғаси берди. Бош ҳамшира бошчилигида бу совғалар ичи бўшатилиб, бир дона печене ва олма қолдирилган. Шоколад ва бошқа ширинликлар олиб қўйилган. Беморнинг ҳаққига кўз олайтирган одамдан бошқа нима ҳам кутиш мумкин”

“Мурувват” аёллар интернат уйи директори Алимардон Бобоев Озодликдан қўнғироқ қилаётганимизни эшитганидан сўнг алоқани узиб қўйди.

Интернат бош ҳамшираси Гулшан Раҳматова эса Озодлик билан суҳбатда беморларга эски дорилар берганини тан олди:

“Бу, тўғри, дориларнинг муддати ўтиб қолганлиги учун эътиборсизлик қилганман. Бунинг учун назорат инспекцияси май ойининг охирида келиб мени жаримага тортган. Ҳайфсан ҳам берилган”

Аммо интернат ҳамшираларидан бири, бу воқеадан кейин ҳам муддати ўтган дорилардан фойдаланилганини айтади:

“У ҳайфсанни шкафда дориларни беморларга бермай сақлагани учун олган эди. Лекин, бу кейин ҳам давом этган. Муддати ўтган “Алоэ” уколи беморларга яқинда қилингани ҳақида мен юқорида айтган эдим”.

https://t.me/bugunuz/28157
This media is not supported in your browser
VIEW IN TELEGRAM
Парижда тожик мухолифати ва Тожикистон президенти тансоқчилари муштлашди

Франция президенти Эммануэл Макрон 8 ноябрь куни Тожикистон президенти Эмомали Раҳмон билан мулоқот ўтказди. Айни куни Парижда президент Раҳмон тансоқчилари ва мухолифат фаоллари ўртасида муштлашув бўлди.

BUGUNUZ kanali - tezkor va eksklyuziv
Хотин-қизлар қўмитаси раҳбарлари ўз мутахассисларини мажбуран пахтага чиқармоқда

BUGUNUZ kanali - tezkor va eksklyuziv
Хотин-қизлар қўмитаси раҳбарлари ўз мутахассисларини мажбуран пахтага чиқармоқда

Тошкент вилоятидаги қатор туман¸ хусусан¸ Нурафшон шаҳар хотин-қизлар қўмитасининг юзлаб мутахассиси босим ва таҳдид остида бир ҳафтадан бери Бўка туманида мажбуран пахта термоқда.

Озодликка 8 ноябрь куни юборилган SMS ëзишмалари нусхаси¸ қолаверса, расм ва видеолар пахта даласидан юборилган бу хабарни бевосита тасдиқлайди.

Ўртачирчиқ туман Хотин-қизлар қўмитаси мулозимлари томонидан Telegram канали орқали юборилган хабарлардан мажбурий пахтага чиқишнинг Республика хотин қизлар қўмитаси раиси ва Тошкент вилоят ҳокими буйруғи экани англашилади.

Озодликнинг мажбурий меҳнатга оид шикоятларга муносабат билдириш сўровига Ўзбекистон Хотин-қизлар қўмитаси раиси Элмира Боситхонова котибаси “Сизга бу ҳақда айтадиган гапимиз йўқ”¸ дея жавоб қилди.

Ëши 60 дан ошган аëллар мажбуран пахтага чиқмоқда

Озодликка хабар йўллаган аëллар ўзларининг Хотин-қизлар қўмитаси мутахассислари экани ва 70 га яқин ўртачирчиқлик мутахассиснинг бир ҳафтадан бери Тошкент вилояти Бўка туманида мажбуран пахта тераëтганини билдирди.

“Ўтган ҳафтадан бери ҳар кун эрталабки 7:30 да туман ҳокимлиги олдида тўпланиб¸ ўзимиз машина топиб¸ Бўкага бораямиз. Бир соатлик йўл. Бориб-келиш 15 минг сўмга тушаяпти. Овқатимизни ўзимиз олиб борамиз. Қайтиш 7-8 да. Ҳашар деб¸ терган пахтага пул тўлашмаяпти. Биз ҳаммамиз хотин-қизлар қўмитасининг олий маълумотли мутахассисларимиз¸ ëшимиз 50-60 дан ошган. Ҳаволар совуқ¸ дала зах. Кунига 10-20-30 кило подбор териб юрибмиз. Ҳар куни Тошкент вилоят ҳокими ва Боситхоновага ҳисобот берилаяпти”¸ дейди Озодлик гаплашган мутахассислардан бири.

Бу хабарни жўнатган аëллар¸ мажбурий меҳнат тепасида нафақат Ўртачирчиқ туман ҳокими ўринбосари¸ балки республика Хотин-қизлар қўмитаси раиси Элмира Боситхонованинг ўзи турипти¸ деган иддаони қўлловчи айрим SMS ва суратларни Озодликка тақдим қилди.

Telegram ва SMS буйруқлари

Telegram каналида Ўртачирчиқ туман Хотин-қизлар қўмитаси мутахассислари учун очилган гуруҳга туман ҳокими ўринбосари Феруза Худойқулова томонидан юборилган хабарда шундай ëзилган:

“Опалар эртага теримчи жунатинг, эрталаб соат 7 30 да хокимиятда кутиб оламан. Касалман, болничнийдаман деган суз ишлатманг. Долзарб пайтда бир ёкадан бош чикариб элимиз юртимиз учун энг шимариб туманимиз вилоятимиз ори учун харакат килишимиз керак”. (Матн ўзгаришсиз кўчирилди – таҳр.)

Худойқулованинг ўринбосари деб айтилган Раъно Маликованинг қўмита мутахассисларига юборган буйруғи¸ янада кескинроқ.

“Хурматли мутахассис опалар ва сингиллар эртага соат 8 00да мустанг газ заправкасини енидаги далага пахта йигим теримига хаммамиз биргаликда чикамиз. Опалар ва сингиллар хаммамиз узимиз ейдиган овкатимизни олволамиз соат 17 00гача хаммамиз далада Вазирликдан Басетханова ташриф киладилар. Хамма уз вактида келиши шарт”. (Буйруқ матни ўзгаришсиз кўчирилди – таҳр.)

Раъно Маликованики деб айтилган мобил телефон рақамидан Ўртачирчиқ туман Хотин-қизлар қўмитаси мутахассисларига юборилган SMS хабари пахтага чиқишнинг мажбурий эканини тасдиқлайди.

“Опалар кечаги тоннамиз учун еьтироз билдирилди. Эрталаб 7 30 да хокимият олдига етиб келинг. Хеч кандай бахона ва важлар утмайди. Хамма узининг виждони ва еьтикоди учун харакат килсин. Келмаганлар билан хафалашамиз”. (SMS матни ўзгаришсиз кўчирилди – таҳр.)

Хотин-қизлар қўмитаси мулозимлари жавоби

Озодлик ўз ихтиëрига юборилган ëзишмалардаги буйруқлар¸ хотин-қизлар қўмитаси мутахассисларининг республика Хотин-қизлар қўмитаси раиси Элмира Боситхонова номи билан мажбуран Бўка туманига пахтага юборилаëтганига изоҳ сўраб Боситхонова қабулхонасига қўнғироқ қилди.

Гўшакни кўтарган котиба аëл Озодлик саволини эшитгач¸ қисқа танаффусдан сўнг¸ “Сизга бу ҳақда айтадиган ҳеч қандай гапимиз йўқ”¸ дея суҳбатни узиб қўйди.

Ўртачирчиқ туман ҳокими ўринбосари Феруза Худойқулова эса¸ ўз мутахассисларининг мажбуран пахтага чиқарилаëтганини мутлақ инкор қилди.
“Мен юборган хабарда “теримчи жўнатинг” дейилган. Мутахассисларимиздан уюшмаган аҳолини пахтага чиқариш сўралган. Одамлар килосига 2000 сўм олаëтгани учун¸ ўзлари жон деб чиқаяпти. Сизга ëлғон хабар беришган”¸ деди Озодлик билан телефон суҳбатида Худойқулова.

Инкорни инкор

Озодлик расмий инкордан сўнг Бўка туманида бир ҳафтадан бери мажбуран пахта тераëтганини айтган Ўртачирчиқ туман Хотин-қизлар қўмитаси мутахассислари билан қайта боғланди.

“Теримчи юборинг¸ деб касалларга айтган. Касал бўлсанг¸ болничнийда бўлсанг, одам юбор деган. Бизга ўзинг чиқмасанг¸ кунига 100 минг сўм бер¸ одам топaмиз деяпти. Ойлигимиз 900 минг сўм бўлса¸ қандай шунча пулни бера оламиз? Килосига 2000 сўм тўланаëтгани ғирт ëлғон. Бизга бир тийин ҳам тўланмаяпти¸ ҳашар деб. Вилоят Хотин-қизлар қўмитаси раиси Озода Абдуқодирова ҳар куни биз билан¸ тепамизда турипти. Ўртачирчиқлик аëллар ўз хоҳиши билан пахтага чиқса¸ ўз райони қолиб¸ Бўкага чиқадими¸ ëлғон ҳам эви биланда!”¸ деди Хотин-қизлар қўмитаси мутахассисларидан бири.

Худойқулованинг Озодликка берган раддия “ëлғон”лигини тасдиқлаш мақсадида ўртачирчиқлик мутахассислар¸ Бўка туман далаларидан олинган суратларни тақдим этди. Бу суратлардан бирида республика Хотин-қизлар қўмитаси раиси Элмира Боситхонаванинг қалин кийинган аëллар даврасида гапириб тургани кўрилади.

“Бу расмдагиларнинг ҳаммаси Хотин-қизлар қўмитаси мутахассислари. Боситхонова норози бўлиб гапираяпти. Бизнинг вазифамиз аёллар муаммолари билан ишлаш – хотин-қизларга нисбатан зўравонлик¸ ижтимоий ёрдам кўрсатиш¸ уларни иш билан таьминлашдир. Бизни мажбурлаб пахтага чиқариш олдидан¸ ҳаммамизга кимдир сўраса “уюшмаган аҳолимиз денглар” дейишди. Боситхоновага ҳам балки “уюшмаган аҳоли” дейишгандир¸ лекин ишониш қийин бунга”¸ дейди Озодлик гаплашган мутахассислардан бири.

Бу суҳбатдош Озодлик билан гаплашиб турган маҳал - 8 ноябрь куни маҳаллий вақт билан кечки соат 8 ларда туман Хотин-қизлар қўмитаси раҳбари ўринбосари Раъно Маликовадан келган навбатдаги буйруқни тақдм қилди.

Унда:

"Хурматли мутахассислар хамма Кечаги жойга пахтага МУСТАНГ ЗАПРАВКАСИНИ ЕНИГА борамиз”¸ деб ëзилган.

Бу хабардан¸ Ўртачирчиқ туман Хотин-қизлар қўмитаси мутахассисларини мажбуран пахтакорликка жўнатиш давом этиши тушунилади.

Озодликка мажбурий меҳнат ҳақида хабар юборган Хотин-қизлар қўмитаси мутахассислари¸ Нурафшон шаҳар ва Оққўрғон туманидаги ҳамкасбларининг ҳам Бўкада мажбуран пахта тераëтганини қўшимча қилди.

Мажбурий меҳнат тақиқланган?

Шавкат Мирзиëев ҳокимиятга келгандан сўнг мамлакатда пахта мавсумида кенг тус олувчи мажбурий меҳнатни чеклаши айтилган чора-тадбирлар кўпайди.

Бу тадбирлар халқаро миқëсдаги ўзбек пахтаси бойкотини бекор қилишга қаратилган эди.

Жорий йил бошида АҚШга сафар қилган ўшандаги Хотин-қизлар қўмитаси раҳбари (ҳозирда Сенат раиси) Танзила Норбоева Ўзбекистонда мажбурий меҳнатга барҳам берилди деган асосда бу бойкотнинг қисман бекор қилинишига муваффақ бўлди.

Шундан сўнг пахта мавсуми бошида Ўзбекистон Касаба уюшмалари федерацияси аҳолини мажбурий меҳнатдан сақланишга чақирувчи баëнотлар қилиш анъанасини кучайтирди.

Жорий мавсум бошида – 18 сентябрь куни федерация эълон қилган расмий баëнотда шундай ëзилган:

“Алоҳида таъкидлаш зарурки:

– корхона, ташкилот ва муассасалар ходимларидан ҳеч кимни меҳнат шартномасини бекор қилиш ёки интизомий жазо бериш таҳдиди остида пахта йиғим-теримига жалб этиш мумкин эмас;

– ҳеч бир корхона, ташкилот, муассаса раҳбари ходимларни пахта йиғим-теримига юбориш тўғрисида буйруқ чиқариши мумкин эмас;

– меҳнаткашлар, тадбиркорлар, деҳқон бозорларида савдо-сотиқ билан шуғулланувчилар, маҳаллаларда истиқомат қилувчи фуқаролардан пахта йиғим-терими учун пул маблағлари йиғиш қатъиян тақиқланади;

– терилган пахтанинг ҳар бир килограмми учун тўланадиган терим пуллари ҳар беш кунда, теримчилар хоҳишига кўра зарурат туғилганда – ҳар куни тўланиши лозим".

https://t.me/bugunuz/28161
Россия Алишер Усмонов танқидчисини халқаро қидирувга берди

BUGUNUZ kanali - tezkor va eksklyuziv
Россия Алишер Усмонов танқидчисини халқаро қидирувга берди

Рус олигархи Алишер Усмоновнинг уюшган жиноятчилик билан алоқалари борасида ёзган “Росбалт” агентлиги журналисти Александр Шварёв халқаро қидирувга берилди.

Полиция журналистни “бизнесмен Усмонов ҳақида ёлғон маълумотларни тарқатиб келганликда” ва қозоғистонлик бошқа "бизнесмендан 50 минг доллар талаб қилганлик"да айбламоқда.

Бу айбловларни Александр Шварёв “валдираш” деб атади.

Россия Ички ишлар вазирлиги “Росбалт” агентлиги мухбири Александр Шварёвга товламачилик ва бўҳтонда сиртдан айблов эълон қилди.

Бу ҳақда Шварёвнинг адвокатлари 7 ноябр куни журналистларга хабар қилди.

- Шварёвга товламачилик ва бўҳтонда сиртдан айблов эълон қилинди, душанба 11 ноябр куни уни сиртдан ҳибсга олиш масаласи Москванинг Тверской судида кўриб чиқилади, деди ҳимоячи Владимир Жеребенков.

Терговчиларга кўра, журналист Александр Шварёв россиялик бизнесмен ва миллиардер Алишер Усмонов ҳақида “олдиндан маълум бўлган ёлғон маълумотларни тарқатган” ва шу тариқа “уни обрўсизлантирган ва маънавий зарар келтирган".

Шунингдек, мухбир гўё қозоғистонлик яна бир бизнесмен Кенес Ракишевдан 50 минг доллар миқдорида пул талаб қилиб келгани эълон қилинди.

Олдинроқ Россия Ички ишлар вазирлиги Россия Жиноят Кодексининг 128.1 моддаси (“Туҳмат”) асосида жиноят иши очганди.

Тергов материалларида айтилишича, 2018 йилнинг июль-октябрь ойлари давомида Шварёв Алишер Абдуллаев исмли шахс билан бирга бир қанча сайтда Усмоновнинг жиноятчиларга ва жиноятларга алоқадорлиги борасида материаллар тарқатган.

Бу масалада чиқиш қилган “Росбалт” ахборот агентлиги бош муҳаррири Николай Ульянов мухбир Шварёвга қўйилаётган айбловлар бесўнақайлигига эътибор қаратиб, унга қарши янги айбловлар сериясидан иборат “жиноий спектакль” ҳозирланаётганини билдирди.

- Олдинроқ тергов қўяётган айблов икки оёққа “оқсоқлаётганди”. Энди терговчилар Ракишевни топиб, “Олигархлар бўйича мутахассислашган журналист товламачи ҳам экан, қаранг!”, демоқда. Ракишев мухбиримиз “қурбонига” айлангани борасида олдинроқ айтмагани негадир терговчиларни қизиқтирмаётир, дея киноя қилди Николай Ульянов.

“Росбалт” бошлиғи таҳририят Александр Шварёвни ҳимоя қилишда давом этиши, Конституцияда белгиланган сўз эркинлиги бўғилаётгани ва жамоатчилик ва давлат учун Алишер Усмонов тўғрисида очиқланган муҳим маълумотлар тарқатилишига тўсқинлик бўлаётганини билдирди.

Адвокатлар Александр Шварёв Алишер Усмоновнинг “Шакро Молодой” лақаби билан танилган криминал авторитет Захарий Калашов билан алоқалари ҳақида бир қанча мақолаларни чоп этгани ортидан полиция терговчилари назорати остига тушганини гапирмоқда.

2018 йилнинг декабрида Russian Criminal сайтида чоп этилган бу айбловлар келиб чиқиши ўзбекистонлик бўлган Алишер Усмонов томонидан суд орқали олиб ташланган эди.

2019 йилнинг 18 апрел куни бошларида Москва полицияси “Росбалт” агентлиги таҳририяти ва журналист Шварёв квартирасида тинтув олиб боргани, полиция ходимлари мухбирнинг квартирасига “наркотик ташлаб қўйиш” билан таҳдид қилгани устидан ҳимоячилар Россия Тергов қўмитаси раҳбари Александр Бастрикинга шикоят қилгани, бироқ полициянинг бу ҳаракатлари устидан ҳанузгача тафтиш олиб борилмаганини маълум қилди “росбалтчилар”.

Сўз эркинлиги бўйича ЕХҲТнинг махсус ваколатхонаси Александр Шварёв иши юзасидан хавотир билдирган эди.

Ҳозирда Латвияда даволанаётганини гапирган Александр унга қўйилаётган айбловларни қатъиян инкор этиб, бу таъқиб буюртма ва унинг журналистик фаолиятига боғлиқ эканини ТВ-5 каналига гапирди.

- Товламачилик масаласида – бу бошдан оёқ валдирваса гап, дея гапни қисқа қилди Шварёв.

“Росбалт”агентлиги раҳбарияти яқин орада Александр Шварёвнинг Захарий Калашов ва Алишер Усмонов ишига оид журналистик суриштируви натижаларини тўлиқ ҳолда чоп этишини эълон қилди.

“Чегарасиз мухбирлар” халқаро ташкилоти эълон қилган сўз эркинлиги рейтингига кўра, Россия 189 давлат орасида 149 ўринни эгалаб, матбуот эркинлиги билан боғлиқ вазият оғир мамлакатлар қаторига киритилди.

https://t.me/bugunuz/28165
Милиция амалдори машинаси билан авария содир этиши ортидан бедарак кетган Абдуллоҳ уйига қайтди

BUGUNUZ kanali - tezkor va eksklyuziv
Милиция амалдори машинаси билан авария содир этиши ортидан бедарак кетган Абдуллоҳ уйига қайтди

Андижонда 26 октябрда Ички ишлар бошқармаси ходимлари олиб кетиши ортидан бедарак қолаётган 20 ёшли Абдуллоҳ Тоҳиров 8 ноябр куни Жалақудуқ туманидаги уйига қайтган.

Бу ҳақда Абдуллоҳнинг отаси Дилмурод Тоҳиров 9 ноябр куни Озодликка маълум қилди.

Аммо, Тоҳиров ўғлининг шу пайтгача қаерда ушлаб турилгани ҳақидаги тафсилотларга тўхталмади.

Андижонлик деҳқон Абдуллоҳ Тоҳиров вилоят ички ишлар бошқармасининг юқори мартабали амалдори машинаси билан йўл ҳодисаси содир этгани ортидан милицияга олиб кетилган ва ўшандан бери оиласи унинг қаердалиги ҳақида маълумотга эга эмаслигини айтиб келаётган эди.

Абдуллоҳнинг йўқолиши ижтимоий тармоқда ҳам шов-шувга сабаб бўлганди.

Ички ишлар вазирлиги матбуот хизмати Абдуллоҳ Тоҳиров ишига изоҳ беролмаслиги, бу масала билан "бошқа идора" шуғулланаётганини айтиш билан чекланганди.

Абуллоҳ Тоҳиров Жалақудуқ туманида деҳқончилик билан шуғулланган. У Россияда бир йил ишлаб шу йил май ойида қайтганди.

https://t.me/bugunuz/28167
Озодлик дастури 09.11.19

Косондаги туғруқхонада жой етишмаслиги сабаб аёллар уч ҳафта полда ётишга мажбур бўлди

Бухородаги “Мурувват” уйи ҳамширалари ногиронларга муддати ўтган дорилар берилганини иддао қилди

Сирдарёда суд 15 яшар ўқувчи қизни зўрлаганликда гумонланган 57 яшар эркакни оқлади

Россия Алишер Усмонов танқидчисини халқаро қидирувга берди

Милиция амалдори машинаси билан авария содир этиши ортидан бедарак кетган Абдуллоҳ уйига қайтди

Туркия элчиси Нодира Қодированинг ўлими синчковлик билан тергов қилинаётганини айтди

Ўзбек чегарачилари Тошкент аэропортида Шри-Ланка фуқароларини қалбаки паспорт билан қўлга олган

АҚШ давлат котиби Россия ва Хитойдан келаётган таҳдидлардан огоҳлантирди

ОзодМикрофон: Газ йўқлигидан болам 3-4 қават кийим билан ухлайди

Ушбу мавзуларни тинглаш учун қуйидаги линкни юклаб олинг:
This media is not supported in your browser
VIEW IN TELEGRAM
Туғруқхонада жой етишмаслиги сабаб аёллар уч ҳафта полда ётишга мажбур бўлди (ВИДЕО)

BUGUNUZ kanali - tezkor va eksklyuziv