Ўзбек ва турк қурувчилари ўртасида катта жанжал чиқди. Жанжалга маҳаллий ва туркиялик ишчилар ойлигидаги катта фарқа сабаб бўлгани айтилмоқда (ВИДЕО)

6 ноябрь куни Самарқанд шаҳрининг Қорасув массивида Agromir Buildings ширкатига қарашли Мотрид қурилиш майдонида катта жанжал юзага чиқди.

Озодликка юборилган видеотасвирда атрофи янги қурилаëтган кўп қаватли бинолар билан ўралган майдонда юзлаб одамнинг кичик гуруҳга ташлангани¸ бино ичкарисига уларни қувлаб киргани кўрилади.

Видеони суратга олган шахснинг “турклар тамом бўлди” деганидан жанжалнинг мазкур қурилишда ишлаëтган турк ва маҳаллий ўзбеклар ўртасида чиққани англашилади.

Озодликка бу жанжал ҳақида маълумот юборган самарқандликлардан яна бири¸ сон жиҳатдан кўп бўлган ўзбекларнинг туркияликларни калтаклаганини билдирди.

Озодлик ихтиëрида жароҳатланган ва ҳибсга олинганлар ҳақида аниқ маълумот йўқ.

Озодлик манбалари Туркия элчисининг воқеадан бир неча соат ўтиб-ўтмай Самарқандга “вазирлардан бири ҳамроҳлигида” етиб келганини хабар қилди.

Самарқанд шаҳар ИИБ навбатчиси бу воқеани инкор қилмади¸ тафсилотларни олиш учун ИИВ матбуот хизмати билан боғланишни маслаҳат берди.

Тонгги жанжал

Озодликка Agromir Buildings қурилиш ҳудудида жанжал юзага чиққанини хабар қилган самарқандликлардан бири ўзини мазкур ширкат ишчиси деб таништирди.

“Мен ишга кечроқ келсам¸ бутун объект ИИБ ва Миллий гвардия томонидан ўраб олинган экан. Ҳеч кимни киритишмади¸ бугун иш бўлмади. Билсам¸ катта жанжал чиқиб¸ ўзбек ишчилар қурилишда ишлаëтган туркияликларни урипти. Ўлганлар йўқдирку¸ лекин қаттиқ яраланганлар бор”¸ деди воқеага бевосита гувоҳ бўлмаганини таъкидлаган самарқандлик ишчи.

Бу суҳбатдош тахминича¸ Мотрид объектида камида 1500 дан ошиқ одам ишлаган.

Куннинг иккинчи ярмида Озодликка юборилган видеода катта қурилиш майдонида юзага чиққан жанжал эпизоди акс этган.

Унда юзлаб одам тўпланиб турган катта майдоннинг бир чеккасида жанжал бошлангани¸ сўнгра бир гуруҳ одамнинг қаршидаги битмаган бино подъездига қараб қочгани¸ бошқаларнинг уларни қувлаб ортидан киргани кўрилади.

Воқеани юқори қаватдаги деразадан тасвирга олган қурувчилардан бири тожик тилида “турклар тамом бўлди” деганидан¸ қочганларнинг турк ишчилари экани англашилади.

Жанжал сабаби

Озодликка боғланган самарқандликлардан яна бири¸ 6 ноябрь кунги жанжалнинг турк ва маҳаллий ишчилар ўртасида чиққанини билдирди.

Бу суҳбатдош¸ тонгда бошланган тўполоннинг соат 3 ларга бориб тинчитилгани¸ жароҳат олганлар сонининганча катта эканини қўшимча қилди.

Озодлик гаплашган самарқандликлар жанжал бошланиши ҳақида икки тахмин тарқаганини билдирди.

“Биринчиси¸ гўë турк ишчилари ошхонада ишлайдиган маҳаллий аëлни зўрлаган ва жанжал шундан бошланган. Иккинчи тахмин¸ жанжал маҳаллий ишчиларнинг ўзлари ва туркларга айни иш учун берилаëтган ойлигидаги катта фарқдан келиб чиққан. Менимча¸ иккинчиси ҳақиқатга яқин. Agromir Buildings туркиялик ишчиларга 1000 доллар ойлик берса¸ ўзбекларга 100 доллар бераяпти. Бугунги жанжалга ана шу адолатсизлик бевосита ëки билвосита сабаб бўлган”¸ деди Озодлик гаплашган воқеа тафсилотларидан билвосита хабардор самарқандлик ишчи.

"Элчи Самарқандда. Жанжални бекитишаяти"

Озодлик манбалари¸ жанжал тугар-тугамас Туркиянинг Ўзбекистондаги элчиси Самарқандга етиб келганини маълум қилди.

“Тошкентдан қайсидир вазир ҳамроҳлигида келди¸ кимлигини аниқ айта олмайман. Бу воқеа ҳақидаги хабар чиқиб кетмаслиги учун ҳаммани қаттиқ қўрқитишди¸ атрофни ўраб¸ сурат ва видеолар тарқамаслиги учун роса ҳаракат қилишаяпти”¸ деди Озодликка видеони юборган самарқандлик ишчилардан бири.

Озодлик ҳозирча расмийлардан жанжал тафсилоти ва унинг мотивлари ҳақида маълумот ола олмади.

Самарқанд шаҳар Ички ишлар бошқармасининг Озодлик боғланган расмийси жанжал юзага чиққанини инкор қилмади¸ аммо унинг тафсилотини ўрганиш учун ИИВ матбуот хизмати билан боғланишни тавсия қилди.

Мазкур хизмат телефонларига ҳеч ким жавоб бермади.

Туркия ширкати деб кўриладиган Аgromirbuildings ўз расмий сайтида ўзини оддий "одамлар орзуларини ушалтирадиган" ширкат сифатида тақдим этган.

Ўзи ҳақидаги маълумотга кўра¸ ширкат 2005 йили Қозоғистон пойтахти Остонада ташкил этилган.

Ширкатнинг алоқа учун ажратилган рақамларига кун давомида ҳеч ким жавоб бермади.

Агар сиз бу воқеа гувоҳи¸ ëки ундан жабр кўрганлардан бўлсангиз¸ ўзингиз билган тафсилотларни Озодликка йўллашингиз мумкин.

Озодликка маълумот юборишнинг энг қисқа йўли Telegramдаги @ozodnews манзили ëки +420 724 971 539 рақамига боғланишдир.

https://t.me/bugunuz/28101

Самарқанд вилояти Қора-сув массиви ҳудудидаги безорилик юзасидан.

Самарқанд вилояти ички ишлар бошқармасининг маълумотига кўра жорий йилнинг 6 ноябрь куни Самарқанд шаҳар, Қора-сув массиви, Обод Маскан маҳалласи ҳудудида “Агромир Билдинг” корхонаси томонидан қурилаётган кўп қаватли уйларнинг қурилиш майдонида қурилиш-монтаж ишларини олиб бораётган ўн нафар ишчилар ўртасида ўзаро келишмовчилик оқибатида жанжал келиб чиққан.

Мазкур ҳолат оқибатида тўрт нафар фуқаро Республика шошилинч тез ёрдам илмий маркази Самарқанд филиалига турли тан жароҳатлари билан мурожаат қилишган.

Хозирги кунда ушбу ҳолат юзасидан Самарқанд шаҳар ИИБ томонидан Ўзбекистон Республикаси Жиноят кодексининг 277 моддаси 2 қисми “б” банди билан (бир гуруҳ шахслар томонидан содир этилган безорилик) жиноят иши қўзғатилиб, терговолди ҳаракатлар олиб борилмоқда.

Фуқароларимиздан, мазкур ҳолатнинг барча тафсилотлари аниқланиб, тергов якунига кўра тўлиқ ахборот берилишига қадар, ижтимоий тармоқларда айланаётган видео тасвирларга номақбул изоҳлар беришларидан ўзларини тийишларини сўраймиз.

Манба: ИИВ Ахборот хизмати

https://t.me/bugunuz/28101

Ўқувчиларда “ёд ғояларга нисбатан иммунитетни мустаҳкамлаш” тадбири эътирозга сабаб бўлди (ВИДЕО)

Халқ таълими вазирлиги томонидан уюштирилган “Жаҳолатга қарши маърифат” кўрик-танлови иштирокчилари¸ тадбирнинг "адолатсизлик" ва "ғирромлик" билан якун топгани ва унда қатнашган аксар болалар руҳини синдирганини иддао қилди.

Мактаб¸ туман¸ вилоят босқичида ўтказилган кўрик-танловининг республика миқёсидаги ғолиблари 5 ноябрь куни Тошкентда эълон қилинди.

Озодликка гапирган ўқитувчи ва ўқувчиларга кўра¸ ҳакамлар ўқувчиларнинг ижодига маҳаллийчилик ва таниш-билишчилик асосида баҳо берган.

Озодлик ўтган ой эълон қилган президентнинг махфий қарорида Халқ таълими вазирлиги ва бошқа жамоат тизимларига “умумтаълим мактаб ўқувчиларида экстремизм ва ақидапарастлик ғояларига қарши иммунитетни шакллантириш мақсадида” турли тадбирлар ўтказиш буюрилган.

Халқ таълими вазирлиги расмий сайтида 6 ноябрь куни эълон қилинган хабарда “Жаҳолатга қарши маърифат” республика кўрик-танловининг айнан “мактаб ўқувчиларининг ижодий қобилиятларини рўёбга чиқариш орқали уларда ёд ғояларга нисбатан иммунитетни мустаҳкамлаш мақсадида” ташкил этилгани ëзилган.

6 ноябрь куни Халқ таълими вазирлиги расмийларидан бу кўрик-танлов якунларига билдирилган эътирозларга муносабат олишнинг имкони бўлмади – вазирлик мулозимларига юборилган саволларга жавоб берилмади.

“Маърифат ҳақида маърифатсиз тадбир”

Озодликка “Жаҳолатга қарши маърифат” республика кўрик-танлови якуни ҳақида маълумот юборган айрим ўқитувчилар¸ тадбирга шундай баҳо берди.

“Танлов Тошкент шаҳар Яшнобод туманидаги 103-сонли мактаб-интернатда ўтказилди. 5-11 синф ўқувчилари иншо¸ шеърият ва расм чизиш бўйича беллашди. Мен бошқа йўналишларни аниқ билмайман¸ лекин шеърият йўналишида талантли болалар қолиб¸ ҳакамларнинг кўчирмачилик қилган юртдошлари ғолиб деб топилди. Бундан ҳамма ўқитувчи ва ўқувчилар жуда норози бўлди. Тўполон чиқти¸ ҳакам қочиб кетди”¸ дейди кўрик-танловда қатнашган ўқитувчилардан бири.

У шеърият йўналиши бўйича ғолиб эълон қилинганидан сўнг ўқувчи ва ўқитувчиларнинг ҳакамга билдирган норозилиги акс этган видеотасвирларни Озодликка юборди.

“Ўқувчиларнинг руҳини адолатсизликдан кўп синдирадиган нарса йўқ! Бу танловда ҳакамлар болаларимизнинг кўз ўнгида адолатсизлик қилди. Маънавият-маърифат номи билан ўтказилаëтган тадбирлар қиммати бир пул бўлди”¸ дейди Озодлик гаплашган ўқитувчилардан бири.

“Фахрий ëрлиқларда ғиж-ғиж хато”

“Жаҳолатга қарши маърифат” кўрик-танловининг республика босқичи қатнашчиларига Халқ таълими вазири ўринбосари Д.Кенжаев имзоси билан фахрий ëрлиқ тақдим этилган.

Бу ëрлиқларнинг Озодликка юборилган айрим нусхаларида имловий хатоларнинг кўплиги кўзга ташланади.

(Бу хатолар ўқувчи номи ва мактаб манзилининг ëрлиқнинг қўлда ëзилган қисмида бўлгани боис¸ Озодлик уни тақдим этганлар шахсини ошкор қилмаслик мақсадида суратларни эълон қилмаëтир – таҳр.)

“Битта фахрий ëрлиқда бешта хато! Мана вазирликда қандай саводли одамлар ўтирипти¸ мана болаларимизнинг ижодига қайси савиядаги одамлар ҳакамлик қилаяпти! Ўзига вазирлик томонидан берилган ëрлиқда шунча хатони кўрган ўқувчининг аҳволини тасаввур қилаверинг! Бу ҳукуматда ишлаш учун ўқиш¸ саводли бўлиш керакмас¸ деган мужда бермайдими?” дейди Озодликка ўз ҳайратини яшира олмаган танлов қатнашчиларидан бирининг устози.

“Ëд ғоялар?”

Озодлик 6 ноябрь куни Халқ таълими вазирлиги расмийларидан кўрик-танлов якунларига нисбатан билдирилган эътирозларга муносабат ола олмади.

Вазирликнинг Telegram каналига юборилган саволларга жавоб берилмади.

Айни куни Халқ таълими вазирлиги расмий сайтида “Жаҳолатга қарши маърифат” мавзусидаги ижодий ишлар танловининг Республика босқичи якунланди” сарлавҳали хабар эълон қилинди.

“Мактаб ўқувчиларининг ижодий қобилиятларини рўёбга чиқариш орқали уларда ёд ғояларга нисбатан иммунитетни мустаҳкамлаш мақсадида “Жаҳолатга қарши маърифат” Республика кўрик-танлови ташкил этиб келинмоқда. Мазкур танлов иншо, тасвирий санъат ҳамда шеърият йўналишида ташкил этилиб, танловнинг Республика босқичи жорий йилнинг 5 ноябрида ўтказилди”¸ дейилади мазкур хабарда.

Унда ëзилишича¸ танлов иштирокчилари учала йўналишда ҳам асосий эътиборни “турли ёт ғояларнинг салбий оқибатлари, миллий истиқлол мафкураси, ўқувчи ёшларнинг баркамол инсон сифатида тарбиялаш бўйича яратилган шароитлар ва бу борада олиб борилаётган ислоҳотларни ёритиш”¸”огоҳлик ва ҳушёрлик, соғлом турмуш тарзини тарғиб қилиш¸ диний ақидапарастлик, мазкур иллат оқибатлари акс эттириш”га қаратган.

Ўқувчиларнинг учала йўналишдаги “ижоди”га ҳам¸ хабардан англашилишича¸ уларнинг бадиий аҳамияти эмас¸ ташвиқотни қандай уддалаганига қараб баҳо берилган.

Озодлик ўтган ой жамоатчиликни президент Шавкат Мирзиëевнинг 4 сентябрь куни 4437-сонли махфий қарори мазмун-моҳияти билан таништирган эди.

Махфий қарорда Халқ таълими вазирлигига берилган аниқ топшириқлар ичида айнан “умумтаълим мактаб ўқувчиларида экстремизм ва ақидапарастлик ғояларига қарши иммунитетни шакллантириш мақсадида” конкрет тадбирлар ўтказиш буюрилган.

https://t.me/bugunuz/28105

Ишдан олинган “Нархоз” ректори жиноят иши фигурантига айланди

Тошкент давлат иқтисодиёт университетидаги коррупция ҳолатлари бўйича ДХХ ва прокуратура органлари тафтиш бошлади. 5 ноябрь куни ишдан олинган университет ректори Баҳодир Ходиев жиноят иши фигурантига айланди.

Бу ҳақда Озодликка 5 ноябрь куни президент маслаҳатчилари Шерзод Кудбиев ва Абдужаббор Абдувоҳидов ҳамда ДХХ, прокуратура органлари вакиллари бошчилигида ўтказилган йиғилиш иштирокчиси гапириб берди.

Шунингдек, олий таълим тизимларидаги кадр ўзгаришларидан хабардор бўлган¸ фан доктори рутбасидаги ўқитувчи ҳам Ходиевнинг жиноий иш фигуранти бўлгани, аммо ҳали хибсга олинмаганини Озодликка маълум қилди.

Олий ва ўрта махсус таълим вазирининг биринчи ўринбосари Конгратбой Шарипов Тошкент Иқтисодиёт университетига ректор этиб тайинлангани расман маълум қилинди.

Виртуал сазойи

6 ноябрь куни Олий ва ўрта махсус таълим вазирлигининг расмий телеграм каналида собиқ ректор Ходиевни виртуал "сазойи қилиш" кампанияси бошланди.

Вазирликнинг расмий телеграм каналида чиқиш қилган Олий ва ўрта махсус таълим вазирлиги Ташкилий-кадрлар бошқармаси бошлиғи Бобиромон Қодиров “ректор коррупция боис” ишдан олинганини ëзди.

“5 ноябрь куни Тошкент давлат иқтисодиёт университетида Олий ва ўрта махсус таълим вазирлигининг кенгайтирилган Ҳайъат мажлиси бўлиб ўтди. Олий таълимда таълим сифатига тўсқинлик қилувчи асосий иллат – коррупцияга қарши кураш масаласи кўриб чиқилди.”

Мулозимнинг ёзишича, Баҳодир Ходиевнинг коррупцияда айбланиб ишдан олиниши шу соҳада ишлаëтган бошқалар учун “огоҳлик қўнғироғи” бўлмоғи лозим.

Вазирлик телеграм каналида чиқиш қилган Наманган муҳандислик-технология институти ректори Одилжон Маматкаримов эса “коррупция билан боғлиқ салбий ҳолатлар муҳокама марказида бўлган масъулларга нисбатан жазо муқаррарлиги”ни таъкидлади.

Расмий телеграм канали ва Уза сайтида Чирчиқ¸ Бухоро¸ Нукус ва Тошкентдагии Олий ўқув қрти ўқитувчи ва талабалари “бир овоздан” “нархоздаги коррупционерларни “ лаънатлаб, бошқаларни “ҳушëр бўлишга” чақиришга ўтдилар.

Алишер Навоий номидаги ТошДЎТАУ талабаси Шокир Йўлдош расмий матбуотда чиқиш қилиб, “Олий таълим соҳаси порахўрлик энг урчиган жой” эканлигини таъкидлади.

Босим остида қолган собиқ ректорнинг “қон босими ошиб касалхонага тушди”

5 ноябрь куни президент маслаҳатчилари Шерзод Кудбиев ва Абдужаббор Абдувоҳидов ҳамда ДХХ, прокуратура органлари вакиллари бошчилигида ўтказилган йиғилишда университет ректори Баҳодир Ходиев ўз лавозимидан озод этилган.

Шу йиғилишда иштирок этган ходимнинг исми сир қолиш шарти билан Озодликка айтишича, мажлисдан кейин собиқ ректорнинг саломатлиги ëмонлашган.

Манба иддаосига кўра¸ собиқ ректор Ходиев зудлик билан янги Тошми клиникасига олиб келинган.

Врачлар Ходиевнинг қон босими ошганини қайд қилишган.

Собиқ ректор 5 ноябр кечқурун касалхонадан ўз уйига қайтиб келган.

Манбанинг яна айтишича¸ Тошкент давлат иқтисодиёт университетидаги коррупция ҳолатлари бўйича очилган жиноий иш бўйича тузилган прокуратура тергов гуруҳи собиқ ректорни сўроқ қилишни кечиктирган.

Олий таълим тизимларидаги кадр ўзгаришларидан хабардор бўлган фан доктори рутбасидаги ўқитувчининг исми сир қолиш шарти билан Озодликка айтишича, “Нархозда кенг кўламдаги тозалаш ишлари бошланган”.

Мулозимлик йўли

5 ноябрь куни коррупцияда айбланиб ишдан олингаан Баҳодир Ходиев 2016 йилнинг май ойидан буён Тошкент давлат иқтисодиёт университетига ректорлик қилиб келаётган эди.

Баҳодир Ходиев 2010 йил мартидан 2014 йилнинг апрелигача Ўзбекистон Олий ва ўрта махсус таълим вазири бўлган, 2014 йилнинг апрелидан 2015 йил июлигача фан, таълим ва маданият масалалари бўйича Ўзбекистон президенти давлат маслаҳатчиси сифатида ишлаган, 2015-2016 йилларда Ёшлар сиёсати, таълим, маданият ва спорт масалалари бўйича мажмуа раҳбари ҳамда тегишли равишда бош вазир ўринбосари сифатида фаолият кўрсатган эди.

https://t.me/bugunuz/28108

Турғун: Ҳоким қарори билан номимга ўтказилган уйни бузиб ташлашди

Самарқанд вилояти Ургут туманида яшовчи Фозилова Дилоронинг ëзишича¸ туман ҳокими қарори билан унинг номига ўтказилган уй бузиб ташланган¸ ернинг экин майдони эса фермерга бериб юборилган. Унга кўра¸ Уй бузилиши ҳақида огоҳлантириш берилмаган¸ компенсация пули ҳам тўланмаган.

BUGUNUZ kanali - tezkor va eksklyuziv

Журналист Давлатназар Рўзметов машина уриши оқибатида ҳалок бўлди

Ўзбекистон Бош прокуратурасининг хабар қилишича, 6 ноябрь куни тахминан соат 23:55 да Урганч-Хива йўлида журналистни «ГАЗель» автомобили уриб юборган. Бошидан жароҳат олган Давлатназар Рўзметов ҳодиса жойида ҳаётдан кўз юмди.

Ижтимоий тармоқларда хоразмлик журналист Давлатназар Рўзметов (Давлат Назар) автоҳалокатда вафот этганига оид маълумот тарқалди.

Журналистнинг жияни Фурқат Рўзметовнинг Фейсбукдаги ўз саҳифасида ёзишича, Давлатназар Рўзметов 6 ноябрь оқшомида автоҳалокат натижасида оламдан ўтган.

Хоразмлик журналист, "Жамият" ижтимоий-сиёсий газетаси​ мухбири Давлатназар Рўзметов матбуотда оғриқли муаммоларни кўтариб чиқиши билан танилганди. У ўзининг Фейсбукдаги саҳифасида Ўзбекистонда бўлаётган воқеаларга фаол фикр билдириши билан ҳам машҳур бўлган.

Фурқат Рўзметовга кўра, журналистнинг жанозаси у истиқомат қилган Қўшкўпир туманида 7 ноябрь куни соат 15.00 да ўқилади.

https://t.me/bugunuz/28111

Ҳукумат босими остида бўлган журналист Давлат Назар машина уриши оқибатида ҳалок бўлди

Хоразмдаги оғриқли мавзуларни ёритиб келган журналист Давлатназар Рўзметов (Давлат Назар) 6 ноябрь оқшомида машина уриб кетиши оқибатида ҳалок бўлди.

Бош прокуратура журналист Рўзметовни йўлни кесиб ўтаётганида "Газель" машинаси уриб юборгани ҳақида ёзди.

48 яшар Давлат Назар кейинги икки йил ичида танқидий қарашлари сабаб бир неча бор ҳибсга олинган.

Озодлик билан яқин ҳамкорлик қилиб келган Давлат Назар кейинги пайтда мунтазам кузатувда экани ҳақида айтганди.

Мудҳиш хабар

Танқидий мақолалари ва мухолиф қарашлари билан танилган, кейинги икки йил давомида бир неча бор ҳибсга олинган журналист Давлат Назар 6 ноябрь куни ярим тунда машина уриб кетиши оқибатида ҳалок бўлди.

Журналист яқинларига кўра, давлат Назарнинг жанозаси у истиқомат қилган Қўшкўпир туманида 7 ноябрь куни соат 15.00 да ўқилди.

Мобил мухбир сифатида Хоразмдаги оғриқли мавзуларни ёритишда Озодлик билан яқиндан ҳамкорлик қилиб келган Давлат Назар кейинги пайтда мунтазам кузатувда экани ҳақида айтганди:

- Уйдан чиқа олмай ўтирибман. Кўчанинг икки томонида икки поспон ўтирибди, деганди жумладан 12 октябрь куни Давлат Назар Озодлик билан суҳбатда.

Расмий баёнот

Ўзбекистон Бош прокуратураси журналист Давлат Назар "автоҳалокат қурбони бўлгани" ҳақида зудлик билан расмий маълумот эълон қилди:

"2019 йил 06 ноябрь куни соат 23:55 ларда фуқаро С.У. ўзи ишлаб келаётган корхонасига тегишли бўлган “Газель” русумли автомашинани “Урганч-Хива” йўлининг 4-километрида бошқариб бораётганида, йўлни кесиб ўтаётган “Жамият” газетаси мухбири Давлатназар Рўзметовни уриб юборган.

Натижада Д.Рўзметов бош қисмидан жароҳат олиб, воқеа жойида вафот этган".

Бош прокуратура маълумотига кўра, журналист ўлими бўйича Урганч тумани ИИБ томонидан терговга қадар текширув ҳаракатлари олиб борилмоқда.

Расмий ҳамдардлик

Президент Администрацияси ҳузуридаги Ахборот ва оммавий коммуникациялар агентлиги директори Комил Алламжонов​ ўзининг Фейсбук саҳифаси орқали Давлат Назар ўлими юзасидан ҳамдардлик пости ёзиб қолдирди:

«Жамият» газетасининг Хоразм вилояти мухбири, таниқли журналист Давлатназар Рўзметов бахтсиз ҳодиса туфайли бевақт вафот этди.

Агентлигимиз номидан марҳум журналистнинг яқинлари ва оила аъзоларига ҳамдардлик билдирамиз.

Ҳибс ва қамоқлар

Давлат Назар тахаллуси билан ижод қилган қўшкўпирлик 48 яшар Давлатназар Рўзметов олдин “Ёшлар овози” газетасининг Хоразм вилояти бўйича мухбири бўлган.

Кейинчалик у “Хоразм ёшлари” газетасида фаолият юритди.

Сўнгги пайтда "Жамият" ижтимоий-сиёсий газетаси​ мухбири сифатида Давлат Назар фаолият юритган.

У ўзининг Фейсбукдаги саҳифасида Ўзбекистонда бўлаётган воқеаларга фаол фикр билдириши билан ҳам машҳур эди.

Давлат Назар танқидий мақолалари ва мухолиф қарашлари сабаб кейинги икки йил ичида бир неча бор қамоққа ташланди.

Жорий йилнинг 5 октябрь куни пахтада мажбурий меҳнат масаласини ёритиб келган Давлат Назар ҳибсга олиниб, Урганч милиция бўлинмасида беш соат ушлаб турилгач қўйиб юборилди.​

милиция бўлимида беш соат ушлаб турилган
Ўтган йилнинг 29 октябрь куни "Хоразм ёшлари" газетаси муҳаррирининг ўринбосари сифатида ишлаётган пайтида Давлат Назар пахтага оид йиғилишни ёритмоқчи бўлгани учун ҳибсга олинди.

Қўшкўпир туман ҳокимлигининг пахта бўйича йиғилишини видеотасвирга олаётган пайтда олиб кетилган Давлат Назарни суд майда безориликда айблаб, 7 суткага қамади.

Ўша пайтда журналист Давлат Назар милиция ходимлари уни калтаклаб, мажбуран иқрорнома ёздириб олишгани ҳақида гапирганди.

https://t.me/bugunuz/28113

Ўзбек ҳукумати босими остида бўлган журналистни машина босиб ўлдирди

Танқидий мақолалари ва мухолиф қарашлари билан танилган, кейинги икки йил давомида бир неча бор ҳибсга олинган журналист Давлат Назар 6 ноябрь куни ярим тунда машина уриб кетиши оқибатида ҳалок бўлди. Давлат Назарнинг жанозаси у истиқомат қилган Қўшкўпир туманида 7 ноябрь куни соат 15.00 да ўқилди.

BUGUNUZ kanali - tezkor va eksklyuziv

Cенатор Светлана Ортиқова Бош прокурор ўринбосари этиб тайинланди

BUGUNUZ kanali - tezkor va eksklyuziv

Daryo.uz сайтининг ўз манбаларига таяниб хабар беришича, Ўзбекистон сенати раисининг ўринбосари Светлана Ортиқова мамлакат бош прокурори ўринбосари этиб тайинланди.

Светлана Ортиқова 1962 йил 1 январда Наманган вилоятининг Учқўрғон туманида туғилган.

1987 йилда Тошкент давлат университети юридик факультетини тамомлаган.

Светлана Ортиқова кўп йиллар прокуратура тизимида фаолият юритган.

2014 йилда у Ўзбекистон Марказий сайлов комиссияси раиси ўринбосари лавозимида ишлаб, айни йили парламент сайловини уюштиришда бош-қош бўлди.

2015 йилдан 2019 йилга қадар Сенатга раислик қилган Ниғматилла Йўлдошевга ўринбосарлик қилди.

Ниғматилла Йўлдошев 2019 йил июнидан бери Ўзбекистон бош прокурори этиб тайинланган эди.

Мирзиёев МДҲ мамлакатлари махсус хизматлари раҳбарлари билан учрашди

Президент Шавкат Мирзиёев 7 ноябрь куни Мустақил Давлатлар Ҳамдўстлиги (МДҲ) хавфсизлик органлари ва махсус хизматлари раҳбарлари кенгашининг Тошкентдаги йиғилишида иштирок этадиган делегация бошлиқларини қабул қилди.

Бу ҳақда президент матбуот хизмати хабар берди.

Хабарга кўра, учрашув пайтида Шавкат Мирзиёев мамлакати МДҲ доирасида "замонавий таҳдид ва хатарларга қарши кураш борасидаги ҳамкорликни кенгайтиришга муҳим аҳамият қаратилаётганини" айтган.

"Ташкилотга аъзо давлатлар махсус хизматлари ўртасидаги яқин ҳамкорликни давом эттириш, шу жумладан тезкор ахборот алмашиш ҳамда терроризм, экстремизм, наркотрафик ва уюшган жиноятчиликни бартараф этиш бўйича қўшма тадбирлар ўтказиш зарурлигига алоҳида эътибор қаратилди," дейилади Ўзбекистон президенти матбуот хизмати хабарида.

Шавкат Мирзиёев ва МДҲга аъзо давлатлар махсус хизматларининг учрашуви Тошкентда хавфсизлик органлари кенгашининг навбатдаги 47-йиғилиши рамкасида бўлиб ўтди.

Учрашув пайтида "кибержиноятчиликка қарши курашда, интернет ва бошқа ахборот-коммуникация технологияларидан зўравонлик ва радикал қарашларни тарғиб қилиш мақсадида фойдаланишга чек қўйиш борасида саъй-ҳаракатларни бирлаштириш муҳимлиги таъкидланди," дея таъкидланади хабарда.

https://t.me/bugunuz/28117

Жерар Депардье: «Ўзбекистон мусулмон дунёси учун инсонпарварлик ривожланиш моделининг пойдеворини қўймоқда»

Гулнора Каримова билан қўшиқ айтган Жерар Депардье яна Ўзбекистонга келди. Бу сафар у Ўзбекистон ҳақидаги ҳужжатли фильмни суратга олиш жараёнида иштирок этади. Бугун актёр Ислом цивилизацияси маркази қурилиш жараёнлари билан танишди.

«Мен ушбу марказни барпо этиш ташаббуси билан чиққан мамлакатингиз президенти Шавкат Мирзиёевнинг ушбу ёндашувига қўшиламан... Бугунги кунда кўплаб экспертларнинг таъкидлашича, Ўзбекистон мусулмон дунёси учун инсонпарварлик ривожланиш моделининг пойдеворини қўймоқда»

Жерар Депардье постсовет ҳудуди диктаторлари билан яқин алоқаларга эга шахс саналади.

2012 йили ўшандаги президентнинг тўнғич қизи Гулнора Каримова таклифига мувофиқ Ўзбекистонга борган Депардье Каримова ëзгани айтилган қўшиқни у билан бирга куйлаган эди.

Депардье¸ шунингдек¸ Чеченистоннинг инсон ҳақларини мунтазам топтаб келаëтган президенти Рамзан Қодиров таклифи билан 2013 йили Грознийга бориб¸ ундан квартира совғасини олган.

Айни йили Владимир Путин унга Россия фуқаролигини ҳадя қилган эди.

Фото: Ўзбеккино

https://t.me/bugunuz/28119

Экология расмийлари “бирни кессанг, ўнни эк” маталига амал қилишмоқчи

Тошкентда куз охиригача кесишга рухсат берилган 4955 туп соғлом дарахт ўрнига товон ўлароқ 55 минг туп чинор, эман ва шумтол экилади. Бу ҳақда шаҳар экология ва атроф-муҳитни муҳофаза қилиш бошқармаси бошлиғи Нодиржон Юсупов чоршанба куни бўлиб ўтган брифингда маълум қилди, дея хабар қилади Газета.уз.

Мулозимга кўра, пойтахтни кўкаламзорлаштириш ва ободонлаштириш ишида иштирок этиш истагини билдирган ташкилотлар кўпайиб кетгани учун экиладиган кўчатлар сони 100 минг тупга ҳам етиши мумкин.

Юсупов 1 ноябрдан қимматбаҳо дарахт навларини кесишга мораторий эълон қилинганига тўхталар экан, Фанлар академияси мутахассислари қимматбаҳо дарахт навлари рўйхатини кенгайтирганини, ҳозир бу рўйхат тасдиқланиши кутилаётганини билдирди.

BUGUNUZ kanali - tezkor va eksklyuziv