Унинг ишонишича, Ўзбекистон расмий идораларининг бундай хатти-ҳаракатлари президент Шавкат Мирзиёев олиб бораётган сиёсатга жаҳон ҳамжамияти орасида жиддий шубҳаларни уйғотиши турган гап.

Ўзбекистонга киритилмаганлар сони ошмоқда

Евгений Бунин охирги йилларда Ўзбекистонга киритилмаган кўплаб олим жамоатчилик фаоллари ва журналистлардан биридир.

Хусусан, Тошкент аэропортидан антрополог олим Сергей Абашин, таниқли фотосуратчи Константин Саломатин, Би-Би-Си Жаҳон Хизмати Марказий Осиё бўлими мудири Ҳамид Исмоилов, Ўзбекистон парламентининг собиқ депутати, мухолифатдаги "Эрк" партиясининг фаоли Насрулло Саййид, АҚШ фуқароси Бобур Ҳасан, ВВС Жаҳон хизматининг Марказий Осиё бўйича мухбири Наталья Антелава¸ “Новая газета” (Россия) фотомухбири Виктория Ивлева, BBC Monitoring гуруҳи ходимаси Багила Бухарбаева (Қозоғистон), қирғизистонлик таниқли ҳуқуқ фаоли Тўлекан Исмаилова ҳам сабаби кўрсатилмасдан ортга қайтарилгани тўғрисида Озодлик хабар берган эди.

Тадқиқотчи Евгений Бунин Ўзбекистондан чиқариб юборилган 1 ноябрда Хитой Халқ Республикаси Давлат Кенгаши раиси Ли Кэцян Ўзбекистонга расмий ташриф билан келди.

Президент Шавкат Мирзиёев билан бўлиб ўтган учрашув давомида у “икки мамлакатнинг ўзаро очилиши икки томонлама муносабатлар ривожланиши ва ҳар тарафлама фойдага эришишга имкон яратиши” борасида гапирди.

Ли Кэцян 1-2 ноябрь кунлари Тошкентда бўлиб ўтган Шанхай ҳамкорлиги ташкилоти (ШҲТ) ҳукумат раҳбарлари йиғилишида иштирок этиб, Хитой Ўзбекистон билан “минтақавий хавфсизлик масаласида” ҳамкорлик қилишга қизиқиши борлигини очиқлади.

Шинжон-Уйғур мухториятидаги миллий озчиликларнинг тақиб қилиб келинаётгани, бир миллионга яқин мусулмоннинг “қайта тарбиялаш лагерлари”да сақланаётгани халқаро ҳамжамиятнинг диққат марказида қолаётган мавзулардан бири бўлмоқда.

АҚШ Давлат котиби Майк Помпео 22 сентябрь куни Нью-Йоркда БМТ Бош Ассамблеяси доирасида қилган нутқида сўнгги икки йил ичида Хитойда 1 миллиондан кўпроқ уйғур ва бошқа мусулмон миллатлар қайта тарбиялаш лагерларида сақланаётганини таъкидлаб, бу ҳолатни “мусулмонларни ўз маданияти ва эътиқодидан воз кечиришга ҳаракат қилиш”, деб баҳолаган.

https://t.me/bugunuz/28076

Бир ҳудуддаги иккита мактабда ўндан ортиқ бола гепатитга чалинди

Навоий вилоятининг Хатирчи тумани Лангар қишлоғи ҳудудидаги иккита мактабда ўндан ортиқ бола гепатит “A” касаллигига чалинган.

Бу ҳақда фарзандлари 37, 58-умумтаълим мактабларида ўқийдиган бир нечта ота-она Озодликка 5 ноябрда маълум қилди.

Улар гепатит “A” касаллигига чалинган ўндан ортиқ боланинг рўйхатини ҳам Озодликка тақдим этди.

Аммо, Озодлик суҳбатлашган туман ҳокимлиги ва халқ таълими бўлими расмийлари гепатит “A”га чалинганлар сони тўрттадан ошмаслигини айтмоқда.

Хатирчи тумани Халқ таълими бўлими расмийси 37, 58-умумтаълим мактабларида гепатит “A” касаллиги қайд этилгани ва синфхоналар дезинфекция қилинганини айтди.

Аммо, расмийга кўра, иккита мактабда гепатит “А”га чалинганлар сони тўрттадан ошмайди.

- Синфхоналар дезинфекция қилинди, лекин мактаблар ёпилмади. Касаллик кўлами мактаблар ёпиладиган даражада эмас. Гепатит “A” анлиқланган болалар олдин ҳам шу касаллик билан оғриган ва даволанаётган болалар экан, деди Хатирчи тумани Халқ таълими бўлимининг Озодлик суҳбатлашган расмийси.

Фарзандлари Хатирчидаги 37- умумтаълим мактабида ўқийдиган ота-оналардан бири Озодлик билан суҳбатда касалликни бошқа ўқувчилар ҳам юқтиришидан хавотирда эканини айтади.

"Касаллик айнан 37 ва 58-мактабларда тарқалгани бежиз эмас. Бу икки мактаб ёнма-ён мактаблар. Ўқувчилар юқтирган буни. Туман халқ таълими ҳам соғлиқни сақлаш ва ҳокимлик расмийлари ҳам буни яшириш учун мактабларни ёпиб, инфекция олдини олиш учун лозим чорани кўрмаяпти, - деди исми очиқланмаслигини истаган хатирчилик ота-оналардан бири.

Озодлик хатирчилик ота-оналар хавотири юзасидан туман тиббиёт бирлашмасига боғланди.

Бирлашма расмийси гепатит “A” ​касаллиги билан боғлиқ тумандаги вазият ҳақида гапириш ваколатига эга эмаслигини айтди.

Гепатит "А"

Халқ орасида “сариқ касаллиги” номи билан аталадиган вирусли гепатит “А” жигарнинг жароҳатланиши билан кечади ва ўта юқумлидир.

Касаллик асосан ифлос қўл билан овқатланиш, мева-сабзавотларни ювмасдан истеъмол қилиш, сувни қайнатмай ичиш, истеъмолга тайёр озиқ-овқат маҳсулотларига пашшаларнинг ўтириши оқибатида ҳамда касалликка чалинганлардан юқиши мумкин.

Халқ орасида “сариқ касаллиги” номи билан аталадиган вирусли гепатит “А” белгилари тана ҳарорати кўтарилиши, ҳолсизлик, қоринда оғриқ, иштаҳасизлик, кўнгил айниши, қусиш, пешоб рангининг ўзгариши, ўнг қовурға остида оғриқ бўлиши ва тери рангининг сариқ тусга киришида ифодаланади.

26 октябр куни Қўқон шаҳридаги 21-умумий ўрта таълим мактабида камида 5 ўқувчида сариқ касаллиги аниқлангач таълим маскани дезинфекция учун беркитилганди.

Мактаб директори Дурдона Қосимова октябрь ойи давомида у бошқараётган мактабнинг 4-5-6 синфларида жами беш нафар ўқувчи сариқ касалига ва яна бир ўқувчи диареяга чалингани ҳақда Озодликка маълум қилган.

Кейинчалик бу хабарни Ўзбекистон Соғлиқни сақлаш вазирлиги тасдиқлаган эди.

Вазирлик баёнотида айтилишича, вирусли гепатит "А" мавсумга хос касаллик бўлиб, асосан куз-қиш мавсумида кузатилади.

Ушбу хасталик шахсий гигиена қоидаларига риоя қилмаслик натижасида вужудга келади.

Бундан ташқари, касалликнинг мавсумий хусусияти, табиатдаги ўзгаришлар, ҳавонинг ўзгарувчанлиги ҳам хасталикнинг пайдо бўлиши ва ривожланиши учун қулай муҳит яратади.

https://t.me/bugunuz/28079

Ўзбекистон халқ шоири Абдулла Орипов вафотига уч йил тўлди

5 ноябрь куни Ўзбекистон Халқ шоири Абдулла Орипов вафот этганига роппа-роса уч йил тўлди.

Ўзбекистон гимни муаллифи 5 ноябрь куни эрталаб АҚШнинг Хюстон шаҳрида 75 ёшида вафот этганди.

Абдулла Орипов Қашқадарё вилояти Косон туманидаги Некўз қишлоғида деҳқон оиласида 1941 йили дунёга келди.

Ўрта Осиё Давлат дорилфунуни (ҳозирги Ўзбекистон Миллий университети) журналистика бўлимига кириб, 1963-йилда тамомлади.

1963 йилдан буён турли нашриётларда муҳаррир, Ёзувчилар уюшмасида котиб, Бутуниттифоқ Муаллифлик ҳуқуқини ҳимоя қилиш идорасининг Ўзбекистондаги раҳбари вазифаларини бажарди.

Абдулла Ориповнинг талабалик йилларида яратилган шеърлари республика вақтли матбуотида чоп этилди. 1965-йилда биринчи шеърлар тўплами — «Митти юлдуз» китоби чоп этилди, шундан буён шоирнинг «Кўзларим йўлингда» (1967), «Онажон» (1969), «Руҳим» (1971), «Ўзбекистон», «Қасида» (1972), «Хотирот» (1974), «Юртим шамоли» (1974), «Ҳайрат» (1979), «Ҳаким ва ажал» (1980) «Нажот қалъаси» (1981), «Йиллар армони» (1983) шеърий тўпламлари босилди.

Абдулла Орипов Дантенинг «Илоҳий комедия» асарини ўзбек тилига ўгирди, Некрасов, Украинка, Шевченко асарларини ҳам она тилига таржима қилди.

Ижодкорнинг шеърий мажмуалари рус ва бошқа тилларга таржима қилинган ва алоҳида китоб ҳолида нашр этилган.

"Атрофда руҳан гадо одамлар"

Абдулла Орипов вафотидан тўрт ой олдин Озодлик мухбири Шуҳрат Бобожон билан суҳбатлашганди.

Суҳбатда ўзбек шеъриятида Навоийдан кейин энг кўп мутолаа қилинган шоир, деб билинган 75 яшар Абдулла Орипов "ўзбек миллатининг бугунги ҳолидан ўкинаман" деб айтганди.

Абдулла Орипов ўз вақтида унга хушомад қилган, бугун эса унутган “шогирд”ларидан ëзғирганди.

"Атрофда руҳан гадо одамлар. Руҳан майиб одамлар. Ожиз одамлар. Қалбан қул одамлар. Пишмаган қовунлар булар. Тафаккур қилмайди улар. Булар мол–мулк изидан, бойлик изидан, амалдор изидан кетади. Навоий ëки Махтумқулини изидан кетмайди. “Пулинг қанча?” деб сўрайди. Энди муҳит шунақа, Машрабни осган элдан мен қадр тилармидим," дея ёзғирганди.

Шоир вафотидан бир йил ўтиб Қарши шаҳрида шоир номида она-тили ва адабиëтга иҳтисослашган интернет ташкил қилинди.

Ўзбекистон президенти Шавкат Мирзиëев "Алишер Навоий номидаги Ўзбекистон Миллий боғи ҳудудида Адиблар хиёбонини барпо этиш тўғрисида" қарорига биноан хиëбонда "миллий адабиётнинг улкан намояндалари" Озод Шарафиддинов¸ Эркин Воҳидов¸ Муҳаммад Юсуфлар қаторида Абдулла Ориповга ҳам ҳайкал ўрнатилди.

https://t.me/bugunuz/28081

ШОШИЛИНЧ! Тожик-ўзбек чегарасидаги застава ҳужумга учради, 17 киши ўлди

Шу йилнинг 6 ноябрига ўтар кечаси 20 нафар ниқобли номаълум шахсдан иборат қуролли гуруҳ тожик-ўзбек чегарасидаги чегара заставасига ҳужум қилган, дея маълумот тарқатди Тожикистон Давлат миллий хавфсизлик қўмитасининг чегара қўшинлари матбуот хизмати.

Куч ишлатар тузилмаларнинг амалиёти чоғида қуролланган гуруҳдан 15 киши ўлдирилган, отишма пайтида чегара қўшинларининг бир аскари ва ички ишлар бўлимининг бир ходими ҳалок бўлган.

Тожикистон ИИВ амалиёт чоғида гуруҳга тегишли 4 автомашина йўқ қилинганини маълум қилган.

Озодликнинг тожик хизмати мухбирларини воқеа жойига ўтказмаганлар. Ҳодиса содир бўлган ҳудудда йўллар ёпилган, Тожикистоннинг бошқа минтақалари ва пойтахт Душанбеда қуролли постлар қўйилган.

Ўзбекистон чегара хизмати чегара заставасига қилинган ҳужум тафсилотларини ўрганмоқда, дея хабар қилади ТАСС ахборот агентлиги Ўзбекистон Давлат хавфсизлиги хизмати чегара қўшинлари вакили сўзларига таянган ҳолда.

“Содир бўлган воқеа ҳақида бизни хабардор қилишди. Биз вазиятни ўрганаяпмиз ва Тожикистоннинг тегишли муассасаси билан алоқада бўлиб турибмиз”, деган агентлик манбаси.

https://t.me/bugunuz/28083

Тожик расмийлари: Чегара постига ҳужум ИД томонидан содир этилган

Тожикистон расмийларининг эълон қилишича, Ўзбекистон сарҳадларига яқин “Султонобод” чегара заставасига ҳужум “Ислом давлати” (ИД) гуруҳи қуроллилари томонида амалга оширилган. Қуролли ҳужумда бир чегарачи, бир полиция ходими ва 15 нафар ҳужумчи ўлдирилган.

Тожикистон расмийларига кўра, беш қуролли ҳужумчи қўлга олинган.

Одатда ўз қуролли амалиётлари ҳақида зудлик билан хабар тарқатувчи ИД ҳозирга қадар Тожикистон расмийлари хабарига изоҳ билдиргани йўқ.

Тожикистон Чегара қўшинлари матбуот марказининг 6 ноябрда хабар беришича, қўлга олинганлар сўроқ қилингач, қуролли ҳужумчиларнинг ИД гуруҳи буйруғи билан 3 ноябрга ўтар кечаси Афғонистон шимоли-шарқидаги Кундуз вилоятининг Қалъаи Зол туманидан Тожикистон жанубидаги Қубодиён тумани ҳудудига сизиб кирганликлари маълум бўлган.

"Улар “Ишқобод” чегара назорат пунктини ўзларига муносиб жой деб танлаб, қуролли ҳужумга қўл урдилар", дейилади Тожикистон Чегара қўшинлари хабарида.

Тожикистон расмийлари аввалроқ 6 ноябрига ўтар кечаси 20 нафар ниқобли номаълум шахсдан иборат қуролли гуруҳ тожик-ўзбек чегарасидаги чегара заставасига ҳужум қилган, дея маълумот тарқатганди.

Тожикистон ИИВ амалиёт чоғида гуруҳга тегишли 4 автомашина йўқ қилинганини маълум қилган.

Озодликнинг тожик хизмати мухбирларини воқеа жойига ўтказмаганлар.

Ҳодиса содир бўлган ҳудудда йўллар ёпилган, Тожикистоннинг бошқа минтақалари ва пойтахт Душанбеда қуролли постлар қўйилган.

Ўзбекистон чегара хизмати чегара заставасига қилинган ҳужум тафсилотларини ўрганмоқда, дея хабар қилади ТАСС ахборот агентлиги Ўзбекистон Давлат хавфсизлиги хизмати чегара қўшинлари вакили сўзларига таянган ҳолда.

“Содир бўлган воқеа ҳақида бизни хабардор қилишди. Биз вазиятни ўрганаяпмиз ва Тожикистоннинг тегишли муассасаси билан алоқада бўлиб турибмиз”, деган агентлик манбаси.

https://t.me/bugunuz/28085

Тошкентда қизалоғини ўлдириб, мурдасини ёқиб юборган эр-хотин қўлга олинди

Тошкентда фарзандини дўппослаб, қасддан ўлдириб, мурдасини ёқиб юборган эр-хотин ушланди. Бу ҳақда Тошкент шаҳар прокуратураси ўз Телеграм-канали орқали маълум қилади.

Прокуратура маълумотига кўра, 4 ноябрь куни А.В. исмли аёл ҳуқуқни муҳофаза қилувчи органларга мурожаат қилиб, 5 ёшли қизи Д.К.ни Бектемир туманида жойлашган “Compass” савдо мажмуасида йўқотиб қўйганлиги ҳақида маълум қилган. Тошкент шаҳар прокуратураси ҳамда Ички ишлар бош бошқармаси томонидан тезкор-тергов гуруҳи тузилиб, қизчани қидиришга киришилган.

Айни пайтда А.В. ҳамда унинг шаръий никоҳдаги эри М.Ф.нинг кўрсатмалари терговчиларда шубҳа уйғотган.

Олиб борилган тезкор-тергов ҳаракатлари натижасида аниқланишича, 25 октябрь кечаси соат 3:00 лар атрофида эр-хотин Сергели туманида ижарада яшаб келган хонадонда спиртли ичимлик истеъмол қилишиб, фарзандини дўппослаб, қасддан ўлдирганлар. Сўнгра улар содир этган жиноятларини яшириш ва жазодан қутулиш мақсадида мурдани йўқотиш пайига тушганлар. Тонг отгач, мурдани сумкага жойлаб, Тошкент вилояти Бўстонлиқ туманидаги ижарага олинган дала-ҳовлига олиб боришган. Мурда ўчоқда ёқилиб, сўнг ёнмай қолган қолдиқлари қопга солиниб, Чирчиқ дарёсига ташлаб юборилган.

Шундан сўнг эр-хотин ҳуқуқ-тартибот идораларини чалғитиш ва асл ҳолатни яшириш мақсадида фарзандининг бедарак йўқолиб қолганини айта бошлаган.

Воқеа жойини кўздан кечириш давомида Д.К.нинг мурда суяклари топилиб, ашёвий далил тариқасида олинган.

Ҳозирда қасддан одам ўлдиришда гумонланаётган А.В. ва М.Ф. қўлга олинган, тергов ҳаракатлари давом этмоқда.

(Фото: ижтимоий тармоқ)

https://t.me/bugunuz/28087

Шимолий Осетияда 7 яшар қизалоққа тажовуз қилган ўзбекистонлик қўлга олинди

Россия Федерацияси таркибига кирувчи Шимолий Осетияда 7 яшар қизчанинг номусига тажовуз қилган ўзбекистонлик йигит ушланди. Regnum ахборот агентлиги минтақа Тергов қўмитаси матбуот хизмати маълумотига таянган ҳолда ҳодиса 28 октябрь куни содир бўлгани ҳақида хабар қилган.

Қайд этилишича, тажовузкор тонг чоғи қизалоқнинг ортидан кўп қаватли уй йўлагига кириб, унинг ҳимоясизлигидан фойдаланган ҳолда номусига теккан ва ғойиб бўлган.

Ҳозирда педофил қўлга олинган, унга нисбатан вояга етмаган шахсга нисбатан жинсий зўравонлик моддаси бўйича жиноят иши очилган. Тергов ҳаракатлари давом этаяпти.

BUGUNUZ kanali - tezkor va eksklyuziv

Freedom House Ўзбекистонни яна интернет “эркин бўлмаган” мамлакатлар қаторида қолдирди

Қароргоҳи Вашингтонда жойлашган Freedom House ташкилотининг Интернет эркинлиги бўйича эълон қилинган янги ҳисоботида Ўзбекистон 58-ўринни эгаллади. 26 балл йиққан Ўзбекистон рейтингда Покистон ва Миср каби мамлакатлар билан ёнма-ён турибди.

Тадқиқот методологиясига кўра, 0 дан 39 гача балл йиққанлар интернет эркин бўлмаган мамлакатлар қаторига, 40 дан 69 гача балл йиққанлар интернет қисман эркин бўлган мамлакатлар қаторига, 70 дан 100 гача балл йиққанлар эса интернет эркин бўлган мамлакатлар қаторига киритилган.

Рейтингни тузишда интернетга киришга расмийлар томонидан тўсиқ қўйилиши, цензуранинг мавжудлиги ва фойдаланувчилар ҳуқуқларининг бузилиши каби омилларга эътибор қаратилган.

Ўзбекистонда узоқ йиллар мобайнида сўз эркинлиги билан боғлиқ муаммолар кузатилган, расмийларга ёқмаган сайтларга тўсиқ қўйилганди. Жорий йил майида Ўзбекистонда мустақил нашрларнинг айримларига қўйилган тўсиқлар олиб ташланган бўлса-да, расмийлар сайтларни блокировка қилиш амалиётидан тўла воз кечгани йўқ.

https://t.me/bugunuz/28090

Тожик расмийлари: Чегара постига ҳужум ИД томонидан содир этилган

BUGUNUZ kanali - tezkor va eksklyuziv

Тожикистон расмийларининг эълон қилишича, Ўзбекистон сарҳадларига яқин “Султонобод” чегара заставасига ҳужум “Ислом давлати” (ИД) гуруҳи қуроллилари томонида амалга оширилган. Қуролли ҳужумда бир чегарачи, бир полиция ходими ва 15 нафар ҳужумчи ўлдирилган.

Тожикистон расмийларига кўра, беш қуролли ҳужумчи қўлга олинган.

Одатда ўз қуролли амалиётлари ҳақида зудлик билан хабар тарқатувчи ИД ҳозирга қадар Тожикистон расмийлари хабарига изоҳ билдиргани йўқ.

Тожикистон Чегара қўшинлари матбуот марказининг 6 ноябрда хабар беришича, қўлга олинганлар сўроқ қилингач, қуролли ҳужумчиларнинг ИД гуруҳи буйруғи билан 3 ноябрга ўтар кечаси Афғонистон шимоли-шарқидаги Кундуз вилоятининг Қалъаи Зол туманидан Тожикистон жанубидаги Қубодиён тумани ҳудудига сизиб кирганликлари маълум бўлган.

Эридан калтак еган ҳомиладор аёл арзини маҳаллақўм эшитмаганидан шикоят қилди

Қаршилик 28 яшар ўқитувчи Гулчеҳра Бердиева OzodMikrofonга мурожаат қилиб, эри томонидан мунтазам калтаклаб келинганидан шикоят қилди.

Гулчеҳра идаосига кўра, 22 октябрь куни эри қайнона-қайнотаси ва қайинсингиллари олдида уни аёвсиз калтаклаган.

Ҳомиладор эканини айтган Гулчеҳрага кўра, эрининг калтагидан сўнг унинг аҳволи оғирлашган, бироқ беш кун давомида унга бирор тиббий ёрдам кўрсатишмаган.

Гулчеҳра Бердиева унинг эри ургани ҳақидаги шикоятини на участка нозири ва на маҳалла йиғини фаоллари тинглашни истамаганидан ҳам арз қилди.

Қашқадарё вилояти Қарши тумани Хонобод туманидаги Шохбекат маҳалласида яшовчи 28 яшар Гулчеҳра Бердиева икки йилдан буён мактабда ўқитувчилик қилади.

Уч ой аввал турмушга чиққан янги келин Гулчеҳра эри томонидан мунтазам калтаклаб келинганидан шикоят қилди:

“Эрим бир неча марта сабабсиз калтаклади. 22 октябрь куни ҳам аёвсиз урди. Ҳомиладорман, шу куни қон ҳам кетиб қолди. Эртасига участка нозирига бориб, ариза ёздим. Лекин аризамни қабул қилишмади. Маҳалла раиси Темир тоға билан хотин-қизлар раиси Мисқол хола келиб, “Эри билан уришмаган ким бор” деб, мени эримникига олиб бориб қўйишди. 5 кун давомида мени умуман кўчага чиқаришмади. Америкада яшовчи тоғам участкавойга телефон қилгач, 27 октябрь куни келиб, у қайтадан ариза ёздирди. Шу куни 5 кун ичида биринчи марта тиббий ёрдам олдим”, деди Гулчеҳра Бердиева.

Озодлик мухбири Гулчеҳра билан содир бўлган воқеа тафсилотлари ҳақида суҳбатлашди. Ушбу суҳбатни қуйида тинглашингиз мумкин:

Гулчеҳра Бердиева билан суҳбат Ўзбекистон ҳукумати зўравонликка учраган аёлларни ҳимоя қилиш механизмига оид ҳужжат ҳозирлаган бир пайтда бўлиб ўтди.

ИИВ томонидан муҳокамага қўйилган ҳужжат лойиҳасига кўра, зўравонлик ёки тазйиққа учраган аёлни, унинг мурожаати ёки маҳалласидаги шахснинг оғзаки хабари асосида, 3 соат ичида қатъий ҳимояга олиш чора-тадбирлари белгиланган.

Ушбу ҳужжат ҳақида эшитганини айтган Гулчеҳра Бердиева маҳалла фаоллари зўравонликка учраган аёлларни фақат яраштириб қўйиш билангина шуғулланаётганидан ҳам шикоят қилди.

- Ўзим билан бўлган ҳолатдан келиб чиқиб айтсам, улар фақат яраштириш билан шуғулланаяпти. Бундай қилмаслик керак. Икки томонни ҳам ўрганиб, вазиятни кўриши керак. Ёрдамга муҳтож бўлса, ёрдам бериш керак. Масалан, ўзим докторга боришим керак эди. Бунга рухсат беришмади. “Яраштир- яраштир”, деб кетиб қолишди. Охирини ўйлашмаяпти. Тегишли чора кўришмаяпти. Улар яраштиргани учун балл олишади шекилли, дейди Гулчеҳра Бердиева.

-----------------------------------------------------------------------------------
Муҳтарам муштарий, агар сизни ташвишга солаётган муаммолар бўлса, шунингдек, ўзингиз гувоҳи бўлаётган воқеа-ҳодисалар борасида Озодликка хабар бермоқчи бўлсангиз¸ бизга қўнғироқ қилинг.

SMS ва қўнғироқларингизни +420 724 971 539 ва +420 724 740 755 рақамига йўлланг.

OzodMikrofon сизга мунтазир!

OzodMikrofon рукни остида берилаëтган фикр ва мулоҳазалар оддий ўзбекистонликларнинг шахсий кўз қарашлари ифодаси ва бу мулоҳазалар учун Озодлик таҳририяти масъул эмас!

https://t.me/bugunuz/28093

Пахтага мажбурий чиқарилган ўқитувчилардан “ўз хоҳишим билан” деган ариза олинди

Навоий вилояти Халқ таълими бошқармаси 6 ноябр куни Кармана туманидаги 30-мактаб ўқитувчиларининг пахта теримига мажбуран чиқарилганини инкор этиб, ўқитувчиларнинг ўз хоҳишлари билан пахта тергани чиққани ҳақида расмий баёнот берди.

Бу баёнотни ўқиган мактаб ўқитувчиларининг айтишларича, улар ҳар якшанба куни ва кузги таътилда директор тазйиғи билан пахта теришга мажбуран чиқарилган.

Вилоят ва туман халқ таълимидан келган текширувчиларга эса ўқитувчилар мактаб директори нигоҳи остида “ўз хоҳишлари” билан теримга чиққанини ёзиб берганлар.

Мактаб директори ўқитувчилар теримга чиқарилгани ҳақидаги аноним сўровномани ёзаётганда у хонада бўлмаганини иддао қилмоқда.

Кармана туманидаги 30-умумтаълим мактабидан бир гуруҳ ўқитувчиларнинг Озодликка юборган мактубида кузги таътил бошлангани билан улар мажбуран пахта теримига чиқарилгани ёзилган:

“Навоий вилояти Кармана тумани 30-мактаб жамоаси номидан ёзмоқдамиз. 4-11 ноябрь кунлари ўқувчилар кузги таътилга чиқди. Биз – ўқитувчилар ҳам таътилдан фойдаланиб, озгина нафас ростлаймиз, келгуси чорак дарсларига тайёгарлик кўрамиз деб ният қилган эдик. Аммо мактаб директори барча педагог-ўқитувчилар – қирққа яқин коллективни пахта теримига ҳайдади. Халқ таълими ва Меҳнат вазирлиги ушбу ҳолат бўйича чора кўради деган умиддамиз”

Бу мактуб Озодликка 5-ноябр куни келиб тушган.

Ўқитувчилар ўз мактубларига далада тушган расмларни ва теримга мажбурланган 39 нафар ўқитувчи рўйхатини ҳам тақдим қилган.

Ўқитувчилар пахта теримига мажбуран чиқарилгани ҳақидаги расмларни ижтимоий тармоқларда тарқатганидан сўнг, 6-ноябр куни вилоят халқ таълими бошқармаси, туман халқ таълими бўлимидан махсус комиссия келиб вазиятни жойида ўрганишга ҳаракат қилган.

6-ноябр куни мактаб директори ўқитувчиларга пахтага чиқмасликка, иш ўринларида бўлиш ҳақида фармойиш берган.

Бу ҳақда Озодликка гапирган, исми сир қолишини сўраган ўқитувчилардан бирининг айтишича, текширувчилар гуруҳи ўқитувчилардан аноним сўровномани тўлдириб беришни сўраган:

“Бу ёғи энди одатдаги спектакл бўлди. Юқори ташкилотлардан келган текширувчилар ким интернетга қўйди бу расмларни, сизлар хоҳишларингиз билан чиққансизлар, шарт эмас эди интернетга қўйиш, пахта миллий бойлигимиз каби гапларни айтишди. Кейин ҳамма ўқитувчиларга сўровнома беришди. Сўровномада мажбурладими, ўз ихтиёрингиз билан чиқдингизми, ким мажбурлади деган саволлар бор эди. Лекин, мактаб директоримиз айланиб ким қандай сўровномани тўлдираётганини кузатиб турди. Бундай ҳолатда ким ҳам мажбурлади деб ёзардик, ҳаммамиз ўз ихтиёримиз билан деган жойига чизиб бердик. Шу билан спектакл тугади”

Исми сир қолишини сўраган бошқа ўқитувчининг айтишича, пахта мавсуми бошлангандан бери дам олиш кунлари ҳам улар мажбуран пахта теримига чиқарилган:

“Кармана тумани Нарпай ҚФЙдаги “Қурбон Тоҳир” фермер хўжалигида пахта тердик. Директор пахтага чиқиш ёки ҳашарчи учун кунига 35 минг сўмдан беришни талаб қилди. Ноилож, ёш болаларимизни ташлаб далага чиқдик. Ҳатто ҳомиладор ҳамкасбларимиз ҳам пахта теришга мажбур бўлди. Дардимизни кимга айтишни билмадик"

Кармана туманидаги 30-мактаб директори Камола Темирова Озодлик билан суҳбатда, ўқитувчиларнинг пахта теримига мажбуран чиқарганини инкор қилди ва сўровнома пайтида синфда бўлмаганини иддао қилди:

“Бу воқеа 27 октябр, якшанба куни содир бўлган. Олти нафар бошланғич синф ўқитувчиларимиз ўзлари ташаббус кўрсатиб, менинг ҳеч қандай хабарим йўқ, пахта тергани чиқишган. Фермер Қурбонов Зойир ака сизлар ўқитувчиларсиз, сизларга териш мумкин эмас, деб киргизмаган. Лекин булар сизларга озгина ёрдам берайлик деб илтимос қилишган. Бўлган воқеа шу, бизларда мажбурий меҳнат йўқ. Бугун ўқитувчилардан сўровнома олинганда мен у хонага кирганим ҳам йўқ ва у сўровнома қайси синфда олинганини ҳам билмайман”

Ўзбекистонда мажбурий меҳнат тақиқланган бўлса-да, Озодликка келаётган хабарларда бюджетдан маош олиб ишлайдиган корхона ва ташкилотлар ходимларини пахта теримига мажбуран жалб этиш давом этаётгани кўринади.

Хабарларда мажбурий меҳнат борлиги фото ва видеолар билан исботланган бўлса-да, лекин ташкилотлар раҳбарлари зўр бериб бу фактларни инкор қилишга уринмоқда.

Жумладан, “Мудофаага кўмаклашувчи “Ватанпарвар” ташкилоти ўқувчилари ҳам 19 октябрдан буён Учқўрғон туманидан пахта тераётгани ҳақида Озодликда мақола чиққач, “Ватанпарвар” ташкилотининг Наманган вилоят кенгаши буни рад этиб, ҳатто “ахборот шантажи” деб атаган эди. Аммо, уларнинг ёзишича, "биз ҳали ҳам пахта майдонидамиз...”

Тошкент вилояти Оҳангарон тумани “Ғаллақудуқ” МФЙ Қурувчилар кўчасида жойлашган 48-манзил колониясидан ёзган маҳкумларга кўра, ИИВ жазони ижро этиш бошқармасига тегишли колонияда жазо ўтаётган маҳкумлар пахта теримига олиб чиқмоқда. Маҳкумлардан бири хотинининг айтишича, 80 кило нормани бажармаган аристонларга колония нозирлари жазо қўлламоқда...”

https://t.me/bugunuz/28095

Ўзбекистонлик автобўёқчи президент Зеленский ўрнини эгалламоқчи

Ўзбекистонлик 39 яшар муҳожир Умид Исабоев 10 йилдан бери Москва шаҳрида машиналарни бўяш билан шуғулланади. У интернетда Украина президенти Володимир Зеленский қиёфадоши сифатида танилган. Озодлик турмуш ўртоғи ва икки фарзанди билан истиқомат қилувчи Умиджон билан учрашди.

BUGUNUZ kanali - tezkor va eksklyuziv