Вазир муовини тўйларни битта сценарийга солишни таклиф қилди

Ўзбекистонда тўй ва маросимларини ўтказиш бўйича миллийлик ва замонавийликни ўзида мужжасам этган намунавий сценарийларни ишлаб чиқиш таклиф қилинди.

Daryo.uz нашрининг ёзишича, Ўзбекистон Маданият вазири ўринбосари Камола Оқилова шундай таклиф билан чиққан.

Нашрнинг ёзишича, мулозим тўй ўтказиш тартиб-қоидаларини тайёрлаш бўйича Маданият вазирлигининг Концерт-томоша муассасаларини ривожлантириш бошқармаси ва "Ўзбекконцерт" иш бошлаганини ҳам билдирган.

"​Асосий масала нима? Биринчидан, тарихийлик ва миллийликни сақлаш. Иккинчидан, замонавийликни ушлаб қолиш. Санъаткорларни чақиришда нималарга урғу бериш керак? Масалан, Президентимиз тўйларда мақомлардан бўлсин деб, айтгандилар. Шу билан бирга, олимларни жалб қилиб, тўйлар ҳақида илмий тадқиқотлар қилиш, чиройли тўйларни юзага олиб чиқиш лозим", дея иқтибос келтиради мулозимдан Daryo.uz нашри.

2019 йилнинг 5 октябрида Олий Мажлис Сенати тўйлар, оилавий тантаналар, маърака ва маросимлар ўтказилишини тартибга солиш тўғрисидаги низомни эълон қилди.

Унга кўра, тўйлар, оилавий тантаналар, маърака ва маросимлар фақат бир кун (дафн этиш маросими бундан мустасно) соат 06:00 ва 23:00 оралиғида ўтказилади.

Тўйлар, оилавий тантаналар, маърака ва маросимларда 200 нафаргача, мазкур тадбирлар муносабати билан ош бериш маросимида 250 нафаргача киши қатнашади.

Низомга кўра, тўй ўтказувчи шахс тўйдан камида бир ҳафта олдин яшаш жойидаги фуқароларнинг ўзини ўзи бошқариш органларини хабардор қилиши керак.

Никоҳни давлат рўйхатидан ўтказиш, келин-куёвнинг тўйхонага келиши ва кетиши билан боғлиқ оилавий тадбирларда 3 тадан ортиқ енгил автомашинадан фойдаланиш ҳам мумкин эмас.

Бу тартиб 2020 йилнинг 1 январидан кучга киради.

Тартибни бузганларга эса ​2 млн. 230 минг сўмдан 11 млн.150 минг сўмгача жарима солиш кўзда тутилган.

Қатор чекловлар ортидан мана энди - барча тўйларни бир қолипга солиш - яъни намъунавий сценарийлар асосида ўтказиш ҳам таклиф қилинмоқда.

Ҳатто, бу борада "Ўзбекконцерт"нинг иш бошлагани ҳам айтилмоқда.

Бунга қадар ҳам мамлакатдаги турли даражада бўлган мулозим ва таниқли шахслар тўйларни чеклаш бўйича таклифлар билан чиққан эди.

Жумладан, Сенатнинг “Тўйлар, оилавий тантаналар, маърака ва маросимлар ўтказилишини тартибга солиш тизимини янада такомиллаштириш тўғрисида”ги қўшма қарор ижросини таъминлаш бўйича тузилган комиссия раиси, сенатор Иқбол Мирзо дабдабали тўй қилаётганларга шунчаки жарима солиш билан чекланмай, уларни халқ олдида шарманда қилишни ҳам таклиф этган.

"Дабдабали тўй қилаётганларга маъмурий ёки жиноий жавобгарлик қўллаш унчалик фойда бермаслиги мумкин. Уларни ОАВ орқали кўрсатиб, бутун халқ олдида шарманда қилиш керак", дея иқтибос келтирганди Иқбол Мирзодан Kun.uz нашри.

Кейинроқ худди шу сенатор тўй-маросимларга фақат икки санъаткор чақирилишини назарда тутувчи тартибни санъаткорлар иштирокида қайта кўриб чиқиш мақсадга мувофиқлиги ҳақида ҳам фикр билдирганди.

https://t.me/bugunuz/28029

@sizdantelegram "Тошкентда ИИБ хизмат машинаси қоида бузиб, авария ҳолатини юзага келтирди"

Украина президенти Володимир Зеленскийнинг ўзбекистонлик қиёфадоши ўз ҳақида нималар айтиб берди?

Украина президенти Володимир Зеленскийнинг ўзбекистонлик қиёфадоши Умиджон Озодликка интервю берди. У ўз ҳаёти, иш ва режалари ҳақида гапириб берди. Шунингдек, Россия нашрларининг қаҳрамонига айланган Умиджоннинг айтишича, уни Украинага қарши тарғиботда қўллашга уриниб кўришган.

BUGUNUZ kanali - tezkor va eksklyuziv

Москвадан Душанбега парвоз қилаётган учоқ мажбуран Тошкентга қўнди

“Уральские авиалинии” авиаширкатининг Москва-Душанбе йўналиши бўйлаб парвоз қилган А320 учоғи 4 ноябрь тонгида Тошкентга қўнишга мажбур бўлди. Бу ҳақда РИА Новости ахборот агентлиги Тошкент вакили маълумотига таянган ҳолда хабар тарқатди.

Учоқнинг Тошкентга мажбурий қўнишига Душанбе аэропорти узра момақалдироқ бўлаётгани сабаб қилиб келтирилмоқда.

А320 лайнери Тожикистон пойтахтига эрталабки соат 4.00 да етиб бориши керак эди, бироқ об-ҳаво шароити бунга монеълик қилган.

Айни пайтда учоқ парвоз учун изн кутаётгани айтилмоқда.

https://t.me/joinchat/AAAAAEGDttKDTR8H5RHbwA

Ўзбек ва ҳинд ҳарбийларининг қўшма машқлари бўлиб ўтмоқда

Ўзбекистон мудофаа вазири Баҳодир Қурбонов ўзининг ҳиндистонлик ҳамкасби Ражнатҳ Сингҳ билан биргаликда “Дўстлик-2019” деб номланган Ўзбекистон-Ҳиндистон илк ҳарбий машқларини очиб берди.

The Hindu нашри хабарига кўра, бу Ҳиндистон мудофаа вазирининг сўнгги 15 йил ичида Ўзбекистонга илк ташрифидир.

4-13 ноябрь кунлари Тошкент вилоятининг Қуйичирчиқ туманида бўлиб ўтадиган машқлар аксилтеррор характерига эга бўлиши айтилмоқда.

Сингҳнинг Ўзбекистонга ташрифи давомида икки давлат ўртасида учта англашув меморандуми имзоланган. Улардан биттаси ҳарбий тиббиёт, қолган иккитаси эса олий ҳарбий таълимга оиддир.

https://t.me/joinchat/AAAAAEGDttKDTR8H5RHbwA

Ўзбекистон электротехника экспорти ҳажмини оширмоқчи

Ўзбекистон электротехника маҳсулотлари ва маиший электромаҳсулотлар ишлаб чиқариш ҳажмини, экспорт ҳажмини ҳамда электротехника саноатида мис хом ашёсини қайта ишлаш ҳажмларини ошириш ниятида.

Адлия вазирлигининг “Ҳуқуқий ахборот” Телеграм-канали маълумотига кўра, бу ишни амалга ошириш бўйича чора-тадбирлар ҳукуматнинг “2019 – 2022 йилларда электротехника саноатини жадал ривожлантириш дастури”да кўзда тутилган.

Қарор билан электротехника маҳсулотларини ишлаб чиқаришни 2,7 бараварга, экспортини 4,3 бараварга ва мисни қайта ишлашни 5 бараварга кўпайтиришни кўзда тутувчи мақсадли кўрсаткичлар тасдиқланган.

BUGUNUZ kanali - tezkor va eksklyuziv

ЎзА президент қизи туғилган кунни кун воқеаси сифатида ëритди

Ўзбекистон миллий ахборот агентлиги президент Шавкат Мирзиëевнинг тўнғич қизи Саида Миризëева туғилган кунни 4 ноябрь кунги асосий сана сифатида ëритди.

Агентликнинг 4 ноябрь кунги “Бугун туғилган кун” рукнида ëзилган матн “Ўзбекистон республикаси президентининг тўнғич қизи Саида Мирзиëева бугун ўз туғилган кунини нишонламоқда”¸ деб бошланади.

Кун давомида миллий агентликнинг рус тилидаги саҳифаси тепасида турган бу матнда Саида Мирзиëва таржимаи ҳоли ëзилган.

Расмий биографиясидан Жаҳон иқтисодиëти ва дипломатияси ва Юридик университетда ўқигани қайд этилган Мирзиëеванинг¸ отаси президентликка келгунга қадар бирор давлат тизимида ишлагани¸ хусусан¸ раҳбарлик лавозимида ишлаб тажриба орттирганига оид маълумот йўқ.

2019 йил январида Шавкат Мирзиëев тўнғич қизини Президент администрацияси ҳузурида янги ташкил этилган Ахборот ва оммавий коммуникациялар агентлиги раҳбари ўринбосари этиб тайинланди.

Бу агентликка мамлакатдаги барча оммавий ахборот воситалари устидан назорат ўрнатишга қаратилган кенг ваколатлар берилди.

Ўзбекистон марҳум президенти Ислом Каримов ҳам ўз қизларига хориждаги Ўзбекистон дипломатик ваколатхоналарини бошқариш ваколати ва дипломатик дахлсизлик мақомини берган эди.

Айни пайтда¸ Каримов президентлиги даврида унинг қизларининг туғилган куни давлат матбуоти¸ хусусан¸ ЎзАда эътиборга лойиқ воқеа сифатида ëритилган эмас.

https://t.me/bugunuz/28040

@sizdantelegram "Бозор раиси тадбиркорни уриб, қовун-тарвуз махсулотларини тепкилаб ташлади. Бечора ота-ўғил тадбиркорларнинг қовун-тарвузлари исроф бўлди. (Муборак деҳқон бозори)"

@sizdantelegram ДИҚҚАТ! Видеода таъбни хира қилувчи тасвирлар мавжуд.

Ўқитувчи ўқувчини синфдошлари кўз ўнгида калтаклади

Ижтимоий тармоқда тарқалган ва ST лойиҳасига йўлланган бу видеода ўқитувчи дея ишонилаётган шахснинг ўқувчини унинг синфдошлари кўз ўнгида калтаклаётгани акс этган. Видео Андижон шаҳридаги 42-мактабда олингани иддао қилинмоқда. Сизда бу видео юзасидан қўшимча маълумотингиз борми? STга хабар беринг.

Озодлик дастури 04.11.19

BUGUNUZ kanali - tezkor va eksklyuziv

Мирзиёевнинг куëвлари қизил китобга кирган ноëб қушни овлаган валиаҳд шаҳзодага зиëфат берди

Мирзиëев халқнинг ўз эҳтиëжи учун четдан олиб кирадиган молига яна бож солмоқчи. Лойиҳа кескин норозилик уйғотди

Мулозимларни сувга бўктирган Қашқадарёнинг янги ҳокими илк ҳафтада икки раҳбарни ишдан бўшатди

Қозоғистондаги автоҳалокатда ўзбекистонлик нобуд бўлди

Москвадан Душанбега парвоз қилаётган учоқ мажбуран Тошкентга қўнди

Қуйичирчиқда ўзбек ва ҳинд ҳарбийларининг қўшма машқлари бўлиб ўтмоқда

Россияда ашаддий миллатчилар юриши бўлиб ўтмоқда

АҚШ: Эрон “дунёда террорчиликнинг энг даҳшатли ҳомийси” бўлиб қолмоқда

Мирзиёевнинг куëвлари қизил китобга кирган ноëб қушни овлаган валиаҳд шахзодага зиëфат берди

1 ноябрь куни президент Шавкат Мирзиёевнинг куёвлари - Ойбек Турсунов ва Отабек Умаров Дубай валиаҳд шаҳзодаси Ҳамдам бин Муҳаммад ал-Мактумга зиëфат берди. Олдинроқ 36 ёшли валиаҳд шаҳзода ўз лочинлари билан Навоий вилоятида йўрға тувалоқларни овлаган эди.

Валиаҳд шаҳзода Ўзбекистонга сафари акс этган видеолавҳани Твиттер саҳифасига жойлаштирди.

Овдан кейинги зиëфат расмларини эса Буни Ўзбекистон Республикаси Президенти Шавкат Мирзиёевнинг кенжа куёви, Президент хавфсизлик хизмати раисининг биринчи ўринбосари Отабек Умаров Instagram’даги ўз саҳифасида эълон қилди.

Instagram суратларида дубайлик олиймақом меҳмон, сафар давомида унга ҳамроҳлик қилганлар, президентнинг икки куёвини кўриш мумкин.

ВИП салондаги хос лочинлар

Халқаро қизил китобга киритилган йўрға тувалоқларни ов қилган шайхнинг ўнлаб лочинлари Ўзбекистон ҳаво йўллари учоғининг бизнес салонида Тошкентдан қайтиб кетаëтгани фотоси 1 ноябрь куни тармоқларда баҳсларни уйғотди.

Табиатни муҳофаза қилиш халқаро уюшмаси Қизил китобига киритилган ноёб қушни Ўзбекистонда ов мавсумида донасига 6000 АҚШ доллари тўлаган ҳолда овлашга изн бор.

Ўзбекистон Экология ва атроф-муҳитни муҳофаза қилиш давлат қўмитасининг матбуот билан гаплашиш вазифа доирасига кирмагани учун исми очиқланишини истамаган мулозимига кўра, "араб шайхлари махсус рухсатнома билан ов қилганлар"

Айни пайтда шайхларнинг тувалоқларни овлаш учун пул тўлагани ҳақида қўмита мулозимида аниқ маълумот йўқ.

"Бер пулни ўлдир қулни"

Чехиялик таржимон ва хайвонсевар Петр Кубалекнинг (Petr Kubalek) Озодлик мухбирига айтишича¸ туваалоқ Чехия ва Словакияда ҳам бор:

- Аммо бу тувалоқлар давлатнинг қаттиқ ҳимоясига олинган. Бирор араб шайхи миллион доллар тўласа ҳам, Чехия ва Словакияда битта тувалоқни отишга изн берилмайди. Кимдир отса қамоққа олинади. Аммо Ўзбекистон ва Қозоғистон каби давлатларда пул эвазига ноëб ҳайвонларни овлашга изн берилганини биламан. Бу салбий холат бундан олдин Африка қитъасида бор эди. Шу боис кўпгина ноëб ҳайвонлар қирилиб кетган¸ деди Петр Кубалек.

Петр Кубалек Озодлик мухбири кўзи ўнгида тувалоқлар эркин табиатда мавжуд бўлган Навоий ва Қорақалпоғистондаги Экология ва атроф-муҳитни муҳофаза қилиш давлат қўмитаси бошқармаларига қўнғироқ қилди.

Бу бошқармадагилар Кубалек билан суҳбатда "пулини тўлаб, рухсат олиб, тувалоқларни отиш мумкин"лигини тасдиқлашди.

“Агар чех овчилари Тошкентда бир тувалоққа изн олишса, кўпроқ тувалоқ овлаш масаласини “не месте” ҳал қиламиз,” дея ваъда берди ўзбек мулозимларидан бири.

Қўмита ходимларига кўра¸ ов мавсуми 25 сентябрда бошланган ва йил охирига қадар давом этади.

Экология ва атроф-муҳитни муҳофаза қилиш давлат қўмитасининг Қорақалпоғистондаги мулозими чех ҳайвонсевари Петр Кубалек билан суҳбатда “Мўйноқ ҳамда Қўнғирот туманларида тувалоқ овини ташкил қилиб беришга ваъда бераман”, деди.

Аммо, мулозимнинг таъкидлашича¸ бунинг учун аввал “Тошкентдаги қўмитадан рухсат олиб, тўлов қилиш керак”.

Валиаҳд шикорхонаси

Навоий вилояти ҳокимлиги инвестициялар, инновациялар, эркин иқтисодий ва кичик саноат зоналари ҳамда туризмни ривожлантириш масалалари котибияти ходимининг Озодликка айтишича, Шайх Ҳамдам ибн Муҳаммад Ал-Мактум 13 октябрдан бошлаб ўз лочинлари билан вилоятда ов қилган.

"Шайхнинг ови вилоят экотурзими учун яхши реклама" бўлишини айтган мулозимга кўра¸ Навоий шаҳридан қарийб 50 километр узоқликдаги чўлда 300 гектар ер майдонини эгаллаган “Амирликларнинг йўрға тувалоқни асраш маркази” (АЙТАМ) жойлашган.

Мулозимнинг таъкидлашича¸ бу марказ йўрға тувалоқларнинг табиатдаги сонини қайта тиклашни мақсад қилган.

Чехиялик ҳайвонсевар Петр Кубалек "ҳайвонларни асраш ширмаси" ортида ҳайвонларни қириш амалиëти юз бераëтганидан ташвиш билдирди.

Қўшниларда ҳам шу аҳвол

Октябрь ойида Қозоғистон ҳукумати уч нафар Бирлашган Араб Амирликлари ва бир нафар қатарлик шайхлар учун 131 тувалоқни овлашга рухсат берганди.

Озодликнинг Остонадаги мухбирига кўра, араб шайхлари ўз лочинлари ёрдамида 131 тувалоқни овлаш эвазида 82 миллион тенге яъни 225 минг доллар тўлаганлар.

Қозоғистоннинг араб шайхларига бундай рухсат бергани мамлакат ОАВида танқидларга сабаб бўлди.

Ов олқишланди

Шайхларнинг Ўзбекистонда ов қилишини маҳаллий матбуот ва блогерлар ижобий қаршилади.

Ўзбекистон овчилар уюшмаси аъзоси 48 яшар Баҳром Сувонқулов шайхларнинг Ўзбекистонда ов қилишини олқишлади:

-Ўнта қушни отгани учун тўлаган пулига мингта қушни қутқариш учун шароит яратилади.

Айни пайтда Баҳром Сувонқулов ëввойи тувалоқларнинг эмин-эркин яшаб ривожланиши учун айнан қандай шароит яратилгани ҳақида бирор фикр айта олмади.

Ноёб қуш

Йўрға тувалоқлар ноёб қуш тури сифатида Ўзбекистон Қизил китобига 2009 йилда киритилган.

Улар Қизилқум чўлларида яшайди.

Уларнинг сони ва яшаш майдони 1960-йиллардан бошлаб қисқара бошлаган.

Тувалоқ қуши Вазирлар Маҳкамасининг "Биологик ресурслардан фойдаланишни тартибга солиш ва табиатдан фойдаланиш соҳасида рухсат бериш тартиб-таомилларидан ўтиш тартиби тўғрисида"ги қарорига мувофиқ, ноёб ва йўқ бўлиб кетиш хавфи остидаги турлар сафига киргизилган.

https://t.me/bugunuz/28051

Мирзиëев халқнинг ўз эҳтиëжи учун четдан олиб кирадиган молига яна бож солмоқчи. Лойиҳа кескин норозилик уйғотди

7 ноябрь куни «Жисмоний шахслар томонидан нотижорат мақсадида товарларнинг олиб ўтиш тартибини такомиллаштириш тўғрисида»ги президент қарори лойиҳаси муҳокамасига ажратилган муҳлат тугайди.

Муаллифи Давлат божхона қўмитаси бўлган бу қарор лойиҳаси 23 октябрь куни норматив-ҳуқуқий ҳужжатлар лойиҳалари муҳокамага қўйиладиган regulation.gov.uz сайтида фақат бир тил – рус тилида эълон қилинган.

Президентнинг бу қарори ўзбекистонликларнинг яқин ва узоқ хориждан ўзи ва оиласи эҳтиëжи учун қилган хариди умум қиймати 300 доллардан ошса¸ 2020 йил 1 январидан бошлаб унга 50 фоизгача бож солишни назарда тутади.

Лойиҳа муҳокамасида фикр билдирган ўзбекистонликларнинг деярли ҳаммаси уни “халқнинг сабрини тўлдирадиган ҳаракат” сифатида баҳолаган.

Ўзбекистон Давлат божхона қўмитаси расмийлари Озодликнинг бу қарор лойиҳаси ва унга нисбатан билдирилаëтган кескин эътирозларга оид сўровига муносабат билдирмади.

Озодлик билан шахси сир қолишини сўраб гаплашган тадбиркор ва мулозимлар¸ бу лойиҳани жорий ҳукмрон элитанинг импорт устидан тўлиқ монополия ўрнатиш уриниши деб баҳолади.

Хорижга чиққан ўзбекистонлик 300 доллардан ошиқ совға-салом учун бож тўлайди

Муҳокамага қўйилган президент қарори лойиҳаси қабул қилинган тақдирда¸ 1 январдан бошлаб ўзбекистонликларнинг яқин ëки узоқ хориждан ўзи ва оиласи учун олиб келадиган ҳар қандай совға-саломи¸ 300 доллардан ошган тақдирда¸ 50 фоизгача божга тортилади.

“Ҳозир Америкада яшаëтган қизимни кўришга келдим. Қизим ўзимга¸ Тошкентдаги ака-укалари¸ жиянларига кийим-кечак¸ оëқ кийим дегандек¸ совға олиб бераяпти. Янги йилдан кейин бир чемодан совға-салом билан қайтаман. Бу қарор кучга кирса¸ 300 доллардан ошганига солиқ тўлашим керакмиш. 300 доллардан ошиши аниқ. Бу қанақа қароқчилик? Каримов давридаям халқни бунчалик қийратишга боришмаганди. Ҳозирдан асабим бузилиб ўтирипман”¸ деб мурожаат қилди Озодликка АҚШда меҳмонда юрган ўзбекистонликлардан бири.

Президент қарори лойиҳасида¸ яқин ëки узоқлиги¸ қандай транспорт воситаси орқали Ўзбекистонга киришидан қатъий назар¸ жисмоний шахсларнинг давлат чегарасидан ўтадиган ҳар қандай нотижорий (сотишга мўлжалланмаган - таҳр.)товаридан бож ундириш кўзда тутилган.

Бундан эса¸ Қирғизистон ëки Қозоғистон билан чегара-божхона ўтказиш пунктидан ўтиши¸ АҚШ¸ Германия ëки Япониядан самолëт орқали кириб келишидан қатъий назар¸ ўзбекистонликлар ўзи учун олган кийим-кечаги ва озиқ-овқати қиймати 300 доллардан ошса¸ бир хил бож тўлови тўлашга мажбур бўлиши англашилади.

Хориждан почта орқали юбориладиган жўнатмаларга ҳам қиймати 300 доллардан ошса¸ бож солинади

Президент имзоси учун ҳозирланган қарор лойиҳаси¸ нафақат хорижга чиққан ўзбекистонликлар ўзи билан олиб кирадиган харид¸ балки уларга четдан юбориладиган почта жўнатмаларидан ҳам¸ умум қиймати 300 доллардан ошса¸ 50 фоизгача бож ундиришни кўзда тутади.

Айни кунларда энг камтар ҳисоб-китобга кўра¸ 5 миллиондан ошиқ ўзбекистонлик Россия¸ Туркия¸ Жанубий Корея каби давлатларда ишлаб¸ топган пулига Ўзбекистондаги оиласини боқмоқда.

Озодлик гаплашган меҳнат муҳожирлари¸ билет нархи қиммат бўлгани боис¸ ватанга бир йилда кўпи билан бир марта бориши¸ аммо ойига фарзандларига почта орқали кийим-кечак ва ширинлик юбориб туришишини айтади.

“Бу ерда кийим-кечак¸ шоколадлар¸ рўзғор буюмлари жуда арзон. Ҳар ой онамга ташлаб келган ўғлимга посилка жўнатиб келаëтгандим. Ҳозир ҳеч ким юк олмаяпти. Ҳали қарор кучга кирмай¸ Тошкентга борган жўнатмаларимизни бермай сарсон қиляпти. Менга ўхшаганлар пули кўпайганиданмас¸ ишсизлик ва қимматчиликдан қочиб¸ четда ишлаб юрган бўлсак¸ топганимизни бола-чақам деб юбориб турган бўлсак¸ энди шунга ҳам чанг солаяпти булар. Буни тўхтатдиган борми?”¸ дейди Туркияда ногиронларга қаровчилик қилаëтган ўзбекистонлик муҳожир аëл.

Шавкат Мирзиëев 2018 йил 6 февраль куни имзолаган 3512-сон қарор билан жисмоний шахсларга ҳар кварталда бир марта юбориладиган 1000 доларгача қийматдаги почта жўнатмаларини бождан озод қилган эди.

Ўтган йил ëзида Вазирлар Маҳкамаси 1000 долларгача қийматдаги почта жўнатмаларини ҳар ойда бир марта божсиз юбориш ҳақида қарор чиқарган эди.

Муҳокамага қўйилган қарор лойиҳасини имзолаган тақдирда Мирзиëев¸ яна бир ўз қарорини бир йил ичида ўзи бекор қилган бўлади.

Қарор муаллифлари уни қандай изоҳламоқда?

“Жисмоний шахслар томонидан нотижорат мақсадида товарларнинг олиб ўтиш тартибини такомиллаштириш тўғрисида” деб номланган қарор лойиҳаси муҳокамасига ажратилган муҳлат тугашига саноқли кун қолганига қарамай¸ regulation.gov.uz сайтида 4 ноябрга қадар унинг ўзбек тилидаги матни жамоатчиликка тақим қилинган эмас.

(Ўзбекистон республикасининг “Давлат тили ҳақида” 1995 йил 21 декабрь куни қабул қилинган қонунининг 8-моддасида “Ўзбекистон Республикасининг қонунлари, давлат ҳокимияти ва бошқарув органларининг бошқа ҳужжатлари давлат тилида қабул қилинади ва эълон этилади”¸ деб ëзилган – таҳр.)

Озодлик 4 ноябрь куни Давлат божхона қўмитаси матбуот хизмати¸ шунингдек¸ Тошкент шаҳар Божхона бошқармаси¸ хусусан¸ унинг Тўловлар бўлими расмийларидан қарор лойиҳасини изоҳлашни сўраб мурожаат қилди. Расмийлардан бирортаси Озодлик саволларига жавоб беришни истамади.

Қарор лойиҳаси муаллифлари маҳаллий матбуотга берган изоҳида унинг “жисмоний шахслар томонидан божхона постларидан нотижорат мақсадларда олиб келинаётган товарларнинг божхона расмийлаштиришни соддалаштириш мақсадида ишлаб чиқилган”ини иддао қилди.

Хусусан¸ Давлат божхона қўмитасида бошқарма бошлиғи ўринбосари Фарҳод Олимжонов бу лойиҳани божхона постларида ҳар бир фуқаро олиб кираëтган нотижорий (яъни сотиш учун мўлжалланмаган – таҳр.) юкни текширишга кетаëтган 30-40 дақиқалик вақтни тежаб¸ чегарадан ўтишни осонлаштирадиган ҳаракат сифатида тақдим этди.

Бу расмийга кўра¸ 1 январдан бошлаб яқин ва узоқ хориждан мамлакатга олиб кириладиган ҳар қандай нотижорий маҳсулотга харидор қўлидаги маҳсулот чеки ва квитанцияси асосида бож солинади.

“Ушбу квитанциялардаги қийматдан келиб чиқиб, озиқ-овқат маҳсулотлари учун - 30 фоиз, лекин камида 1 кг учун 2 AҚШ доллари; ноозиқ-овқат маҳсулотлари учун - 50 фоиз, лекин камида 1 кг учун 4 AҚШ доллари миқдорида ягона божхона тўловини ундириш назарда тутиляпти”¸ деди жумладан Олимжонов.

“Халқ устидан кулиш”

«Жисмоний шахслар томонидан нотижорат мақсадида товарларнинг олиб ўтиш тартибини такомиллаштириш тўғрисида»ги президент қарори лойиҳасининг расмий сайтдаги муҳокамасида 4 ноябрга қадар билдирилган ўнлаб муносабатнинг ҳаммаси ўта салбий.

Бу лойиҳани “зинҳор” қабул қилмасликни талаб қилган муҳокама иштирокчилари уни “халқ устидан кулиш” ва “халқ сабр косасини тўлдириш” ва коррупция машинасини мойлаш уриниши сифатида баҳолаган.

Муҳокама қатнашганлари фикрича¸ лойиҳа қабул қилинган тақдирда у Ўзбекистонни дунëнинг энг қашшоқ ва қозоқ давлатлари - Ҳаити¸ Зимбабве ва Венесуэла сафига қўшади.

Хусусан¸ шарҳ билдирганлар бири:

“Бутун дунëда коррупцияга қарши курашаяпти. Бизда эса¸ тескариси – шунақа йўллар билан коррупцияни кучайтиришни исташади. Бунақа лойиҳаларни ишлаб чиқаëтган амалдорлар нимани ўйлаяпти? ҚАЧОН ХАЛҚНИ ТАЛАШНИ ТЎХТАТАСИЗЛАР?”¸ деб ëзган бўлса¸ бошқаси:

“Яна асоссиз божларми? Яна халқни шилишми? Халқнинг сабр косаси тўлаяпти… Яқинда Ливанда бўлган воқеаларни унутманг! Асоссиз божлар¸ солиқларни оқибати мана шунақа бўлади!

Мен қаршиман бу АСОССИЗ 30%-50% ЛИК БОЖЛАРГА. НЕГА ХАЛҚ ҲЕЧ ҚАНДАЙ ЗАРУРАТСИЗ¸ САБАСИЗ БОЖ ТЎЛАШИ КЕРАК? деб ëзган.

Аксар шарҳловчилар эса¸ қарор лойиҳасини Ислом Каримов даврида “ички истеъмол бозорини ҳимоялаш” иддаоси билан қабул қилинган 1118-сонли халқни қийратган қарорига қайтиш сифатида баҳолаган.

2009 йил 1 июнь куни Каримов имзолаган “«Жисмоний шахслар томонидан истеъмол товарларини олиб киришни тартибга солиш чора-тадбирлари тўғрисида» деб номланган қарор¸ 2 июндан бошлаб қўшни давлатлардан шахсий фойдаланиш учун жисмоний шахслар томонидан Ўзбекистон Республикасига бир йўла олиб кириладиган импорт истеъмол товарларининг бож тўловлари олинмайдиган умумий қийматини 10 АҚШ доллари қилиб белгилаган эди.

Бу қарор¸ кузатувчилар таъкидича¸ўзбекистонликларнинг истеъмол маҳсулотлари нархи бир неча баравар арзон бўлган қўшни давлатларга ўтиб харид қилишини тақиқлаган¸ чегарадаги контрабанда ва коррупцияни ниҳоятда кучайтириб юборган эди.

Каримов қарорини ўз вақтида шарҳлаган мутахассислар¸ унинг мамлакат импорт бозорини ўз назоратига олган биринчи оила монополиясини қонунийлаштирганини таъкидлаган эди.

2020 йилдан кучга кириши мумкин айни руҳдаги қарор ҳам¸ Озодлик гаплашган ҳукумат мулозимлари¸ қолаверса¸ йирик савдогарлар таъкидича¸ импорт бозорини назоратга олиш ҳаракатига киришган янги ҳукмрон элита манфаати учун ишлаб чиқилган.

https://t.me/bugunuz/28054