Беларус з Лас-Анджелеса трапіў у вулічнае шоу мясцовай музычнай блогеркі і заспяваў песню на беларускай мове

Відэа з ім ужо набрала болей за 1️⃣0️⃣0️⃣ тысяч праглядаў у цік-току.

Шоў блогеркі ўяўляе сабой караоке, дзе можна зарабіць 20 даляраў, калі праспяваеш у мікрафон сваю песню, седзячы ззаду на спецыяльным ровары.

Беларуса завуць Сяргей і ён абраў песню гурта NAVIband - “Гісторыя майго жыцця”.

🖼«Я маю бінты, каб апрацаваць гэтыя раны». LAZARET – персанальная выстава Цемры ў Празе

Адкрыццё персанальнай выставы LAZARET беларускай мастачкі Цемры адбудзецца 5 кастрычніка ў пражскай галерэі BESEDER.

☝️Гэта выстава — пра чалавека, пра яго пакуты, павагу да ахвяр і дапамогу адзін аднаму.

Творы Цемры — візуальнае даследаванне траўмы, дзе бінты замяняюць палатно. Бінт як сімвал спагады і эмпатыя людзей адзін да аднаго. Гэты жэст паказвае важнасць спачування і падтрымкі, падкрэсліваючы каштоўнасць гэтых якасцяў у працэсе лекавання.

У сценах LAZARETа будзе паказана калекцыя карцін і арт-аб'ектаў, створаных за апошнія тры гады ў трох краінах: Беларусі, Украіне і Польшчы. Некаторыя з прац, паказаных на выставе, эвакуяваныя з Кіева ў пачатку вайны.

📆Дата: 05 кастрычніка — 9 лістапада

⏰Час адкрыцця выставы: 19:00 (час мясцовы)

📍Месца: Beseder gallery, Lihovarská 12, Прага.

👉Падрабязней пра выставу чытайце па спасылцы. Без VPN чытаць можна тут.

👑А што, калі б?.. Разважаем, што было б з краінай, калі б Стэфан Баторый пражыў яшчэ 20 гадоў

Кароль польскі і вялікі князь літоўскі Стэфан Баторый памёр 12 снежня 1586 года, а два яго дактары-італьянцы Сімоній і Бучэла яшчэ шмат гадоў спрачаліся паміж сабой, хто з іх сваім няўменнем лекаваць забіў караля.

☝️Імавернай прычынай смерці Баторыя была даўняя хвароба нырак, якая абвастрылася ад моцнай прастуды.

Але... Кароль памёр... І памёр зусім нечакана — у той самы час, калі ў свеце здабыў імідж магутнага ваяра. Скончыўшы з карысцю для краіны доўгую і цяжкую вайну з Маскоўскім царствам, ён не збіраўся спыняцца, бо надта яму хацелася стаць найвялікшым каталіцкім каралём Еўропы ды яшчэ больш праславіць сябе ў вяках.

❓А што, калі б Стэфан Баторый тады перамог хваробу?

👉Калі б знайшоўся цудоўны сродак, які вылекаваў бы караля і дазволіў таму кіраваць краінай яшчэ гадоў 20? Без VPN чытайце па спасылцы.

📍Чытайце яшчэ: Вяртанне Полацка: трыумф Стэфана Баторыя

🎬Ад «Анімаёўкі» да «Евразия.Doc». Як рэпрэсіі і вайна змянілі кінафестывальную мапу Беларусі

Кінафестывальная культура Беларусі сёння добра адлюстроўвае працэсы, якія востра перажывае грамадства апошніх гадоў.

Арганізатары падзей, якія яшчэ праходзяць у краіне, існуюць у двух вымярэннях:

🔻альбо прапагандуюць уладу,

🔻альбо працуюць у партызанскіх умовах.

Тыя, хто эміграваў — узнаўляюць закрытыя праекты ці ствараюць нешта новае.

Яскравы прыклад — прэмія беларускіх кінакрытыкаў «Чырвоны верас», якая аднавіла працу ў сярэдзіне верасня. Але гэта хутчэй выключэнне, якое толькі даказвае агульнае правіла — культурных падзей у публічнай прасторы Беларусі становіцца ўсё меней.

👉Узгадаем, як рэпрэсіі і вайна перакроілі кінафестывальную мапу краіны. Што з падзей на ёй засталося, а што на пэўны час знікла. Без VPN адкрыецца тут.

Голда Мэір: як дзяўчынка з Пінска стала адной з першых жанчын, якая ўзначаліла ўрад

💬Прызнацца, калі я стаяла пад пякучым сонцам, а вакол скакалі і спявалі ўсе мужчыны племя, я не магла паверыць – няўжо гэта мяне, Голду Мэір з Пінска, Мілоўкі, з Тэль-Авіва, так высока шануюць?

🔹Працавала міністрам працы і сацыяльнай абароны Ізраілю.

🔹Дзякуючы ёй у краіне было сфармавана прагрэсіўнае працоўнае заканадаўства.

🔹Заручалася згодай лідараў заходніх краін на пастаўкі Ізраілю сучасных ракет, танкаў, знішчальнікаў.

🔹З маладосці працавала на знос, не шкадуючы свайго здароўя. Яна перанесла інфаркт, але свайго стаўлення да працы не перагледзела. Моцныя цыгарэты без фільтру былі яе сталымі спадарожнікамі.

👉Падрабязней пра Голду Мэір, жанчыну-легенду, прэм’ер-міністарку Ізраіля, якую называлі мамай усіх яўрэяў, чытайце па спасылцы. Без VPN чытаць можна тут.

📍Першую частку – пра дзяцінства Голды Мэір у Пінску і працу паслом Ізраілю ў СССР – чытайце тут.

Да чаго давялі лібэралізацыя зь беларусызацыяй, альбо Зьмена дэкарацыяў па-беларуску

Неабыякавыя грамадзяне напісалі куды трэба, і вось ужо ў Мінску мяняюць шыльды з лацінкай на кірылічныя.

❓А што будзе, калі аднойчы гэтыя самыя неабыякавыя грамадзяне гэтаксама напішуць куды трэба, «што ўрокі беларускай мовы і літаратуры ня маюць для дзяцей аніякае практычнае карысьці, адно прышчапляюць (страшна сказаць!) нацыяналізм».

Такім пытаннем задаецца Лявон Вольскі ў рубрыцы #маманежурыся на budzma.org

💬З лацінкавымі шыльдамі сыходзіць эпоха «тыпу-лібэралізацыі» і «тыпу-беларусызацыі», дыктатуры з чалавечым абліччам.

Яна, гэтая «тыпу-беларусызацыя» пачалася ў 2014-м, калі Расея захапіла Крым, і РБшнае начальства перапалохалася: дык гэтак жа можа стацца й з намі! Зойдуць ветлівыя зялёненькія чалавечкі, правядуць рэфэрэндум і – voila! – ты ўжо не прэзыдэнт, а намесьнік губэрнатара Паўночна-Заходняга краю. Намесьнік, бо губэрнатара паставяць «зьверху».

👉Працяг чытайце па спасылцы. Без VPN чытаць можна тут.

☀️ Вітаем, сябры!

Кожны дзень на сайце budzma.org мы пішам пра самае цікавае і важнае, што адбываецца ў свеце беларускай культуры.

Мы распавядаем пра значныя падзеі беларускай гісторыі, культурніцкія мерапрыемствы ў Беларусі і за мяжой, знаёмім з адметнасцямі беларускай традыцыйнай культуры і дзейнасцю сучасных беларускіх творцаў.

✏️Падпісвайцеся на нас у сацсетках: Facebook, VK, Youtube, Instagram, Twitter, Tiktok

Будзьма беларусамі і будзьма разам!

❤️Падтрымаць: https://ko-fi.com/budzma

Што адбылося ў гэты дзень у гісторыі Беларусі

#гісторыя #вкл #равінскі #калюга #харэўскі

💥Фільм «Радзіма» беларускіх рэжысёраў атрымаў узнагароду на кінафестывалі ў Гдыні

🎬Дакументальная стужка Аляксандра Міхалковіча і Ганны Бадзяка «Радзіма» атрымала галоўны прыз у міжнароднай секцыі дакументальнага кіно на 15-м Festiwal Filmowy NNW у Гдыне.

Фільм «Радзіма» даследуе гвалт у войску і грамадстве. У кіно распавядаецца пра маці, якая страціла сына, калі ён служыў у войску. Яшчэ адна сюжэтная лінія — гэта падзеі 2020 года.

Па словах старшыні журы кінафестывалю Ганны Ферэнс - фільм напружаная драма, якая ў шматслойным апавяданні распавядае пра маральную эрозію людзей, якія апынуліся ў пастцы таталітарызму.

👉Падрабязней чытайце тут. Без VPN чытаць можна тут.

Вынікі даследавання: беларусы ў эміграцыі пачынаюць больш размаўляць па-беларуску (інфаграфіка)

Цэнтр дыялогу імя Юльюша Мерашэўскага апублікаваў вынікі даследавання «Беларуская эміграцыя ў Польшчы».

☝️Мы выпісалі для вас самае цікавае.

💬Нягледзячы на тое, што Беларусь уцягнутая ў агрэсію Расіі ва Украіне, большасць апытаных лічаць, што польскі бок захоўвае ў дачыненні да Беларусі сяброўскае стаўленне. Больш за тое, з усіх пяці суседзяў Беларусі менавіта Польшча лічыцца найбольш прыязнай да Беларусі, — адзначаюць аўтары рапарту па выніках даследавання Лукаш Мазуркевіч і Гжэгаж Сыгноўскі.

🔹🔹🔹

Моўнае пытанне

Палова рэспандэнтаў выбрала варыянт запоўніць анлайн анкету, на выніках якой грунтуецца даследаванне, па-беларуску, 34% — па-руску і 16% — па-польску.

👉Працяг па спасылцы. Без VPN чытаць можна тут.

📍Чытайце яшчэ: У пошуках літвінізму. У Сейме Літвы абмеркавалі уплыў літвінізму на адносіны паміж беларусамі і літоўцамі

«У нейкай ступені і культ Ф. Скарыны можна прачытаць як «літвінізм»... Палітолаг Андрэй Казакевіч пра дыскусію аб «літвінізме»

На пачатку гэтага тыдня ў Сейме Літоўскай Рэспублікі правялі адмысловы круглы стол «Літвінізм»: Паходжанне, уплыў і выклікі для адносін паміж беларусамі і літоўцамі».

💬Я разумею скепсіс часткі гісторыкаў (і не толькі), што «такія дыскусіі нічога не даюць». Можна цалкам добра камунікаваць з літоўскімі калегамі на навуковых канферэнцыях, але камунікатыўна канферэнцыя і дыскусія ў парламенце — гэта розныя рэчы...

Улічваючы тое, што з 19 стагоддзя не было ніводнага беларускага гістарычнага наратыву, які не прысвойваў у той ці іншай ступені спадчыны ВКЛ (цікава чаму), прастора для абмеркавання адкрываецца бясконца шырокая. У нейкай ступені і культ Ф. Скарыны можна прачытаць як «літвінізм», не кажучы ўжо пра М. Гусоўскага з яго Вітаўтам...

👉Палітолаг Андрэй Казакевіч падзяліўся сваімі ўражаннямі аб дыскусіі. Без VPN чытаць можна тут.

💥Магчымасці для беларускіх культурных дзеячаў: пачаўся прыём заявак для праектаў з бюджэтам да 60 тысяч еўраў

🤘Пачаўся чарговы тур прыёму заявак на падтрыманне творчых праектаў і мабільнасці ArtPower Belarus, ён жа апошні для інстытуцыяў, а таксама індывідуальных праектаў, якія прэтэндуюць на фінансаванне ад 5000 да 60 000 еўраў.

💬Гэта конкурс не для тых, хто выехаў. І не конкурс для тых, хто застаўся. Нам падаюць заяўкі творцы як у Беларусі, гэтак і за мяжой, а таксама міксаваныя і мабільныя каманды беларусаў з розных краінаў. І кожная заяўка мае каштоўнасць...

🔻Дэдлайн падачы заявак — 13 лістапада 2023 года.

🔻Старт рэалізацыі праектаў — не раней за 1 лютага 2024 года.

🔻Максімальны магчымы тэрмін завяршэння праекту — 1 лістапада 2024 года.

❗️Вынікі будуць вядомыя ў студзені 2024 года.

👉Як падаць заяўку? Чытайце тут. Без VPN адкрыецца па гэтай спасылцы.

🤗Распавядаем пра чалавека, які ўвайшоў у гісторыю як першы, хто назваў сябе беларусам.

📍Падрабязней пра яго жыццёвы шлях чытайце па спасылцы. Без VPN чытаць можна тут.

📽Відэа цік-ток канала _Vytoki

Вось якіх жанчын любіў пісьменнік Уладзімір Караткевіч: «Не трэба быць прыгожай, галоўнае — жаноцкай»

Пра тое, што геній беларускай літаратуры быў жывым чалавекам са сваімі слабасцямі і асабістым жыццём, сталі казаць адносна нядаўна. Стымулам да гэтага паслужылі кнігі Дзяніса Марціновіча «"Донжуанскі спіс" Караткевіча» і «Жанчыны ў жыцці Уладзіміра Караткевіча».

Якіх жанчын кахаў аўтар «Каласоў пад сярпом тваім»? Журналісты Сitydog уважліва перачыталі кнігі пра Уладзіміра Караткевіча і выказалі здагадку, якія якасці жанчын маглі зачараваць пісьменніка.

💬Украінскі пісьменнік Мікалай Амельчанка ўспамінаў: «Валодзя быў закаханы не ў прыгажунь. У жанчынах яго больш за ўсё прыцягвалі інтэлект, тонкасць пачуццяў, незвычайная духоўнасць і, канешне ж, сапраўдны талент».

▶️Якія жанчыны натхнялі Караткевіча, чытайце па спасылцы
Тут адкрыецца без VPN

🧩Тэст: пазнай мясціны па гастранамічных брэндах

У нашай рубрыцы «Вандруем разам!» мы распавядаем не толькі пра архітэктурныя ды прыродныя багацці беларускіх гарадоў і мястэчак, але і пра тое, што цікавага там варта пакаштаваць.

😋Сёння прапануем праверыць сваё веданне мясцовых гастранамічных асаблівасцяў ці проста ўзгадаць любімыя рэгіянальныя прысмакі беларусаў. Без VPN тут.

☀️ Вітаем, сябры!

Кожны дзень на сайце budzma.org мы пішам пра самае цікавае і важнае, што адбываецца ў свеце беларускай культуры.

Мы распавядаем пра значныя падзеі беларускай гісторыі, культурніцкія мерапрыемствы ў Беларусі і за мяжой, знаёмім з адметнасцямі беларускай традыцыйнай культуры і дзейнасцю сучасных беларускіх творцаў.

✏️Падпісвайцеся на нас у сацсетках: Facebook, VK, Youtube, Instagram, Twitter, Tiktok

Будзьма беларусамі і будзьма разам!

❤️Падтрымаць: https://ko-fi.com/budzma

Што адбылося ў гэты дзень у гісторыі Беларусі

#гісторыя #рэчпаспалітая #булгак #падляшскіямучанікі