Dizaynerlarda “ilhom kechqurun keladi” degan tushuncha noto’g’ri — bu shunchaki miya charchagan holatning romantikalashtirilishi.


Kechqurun miya charchaydi, prefrontal korteks (tanqidiy fikrlash, qaror qabul qilish markazi) zaiflashadi. Natijada ichki nazorat kamayadi, g’alati, kutilmagan bog’lanishlar erkinroq chiqadi — bu “ilhom” deb tuyuladi.

Aslida bu ijodkorlik emas, charchagan miyaning filtrsiz ishlashi.


Miya eng toza va aniq ertalab ishlaydi — uyqudan keyin xotira tozalangan, diqqat markazlashgan bo’ladi. Kuchli g’oyalar aslida shu paytda tug’iladi, faqat ularni amalga oshirish uchun tartib va energiya kerak, kechqurungi “erkin oqim” esa tartibsizlikni ilhom deb ko’rsatadi.
Haqiqiy ijod tasodif emas — tizim.

Kunning qaysi vaqti eng aniq fikrlaysan, o’sha vaqtni dizayn uchun ajrat. Kechqurungi “ilhom” — ko’pincha faqat kechikkan boshlanishni oqlash usuli.

Brend builder | Abdulloh Ergashev

Photoshop, Illustrator, Figma — bularni bilish shart, lekin bu faqat dastur, xolos. Xuddi bolg’ani ushlashni bilish sizni duradgor qilmaganidek, dasturni bilish ham sizni dizayner qilmaydi.

Ko’pchilik aynan shu joyda to’xtab qoladi. Dasturni chuqur o’rganadi, tugmalarni yod oladi, keyin esa “men dizaynerman” deb hisoblaydi — lekin asosiy savol beriladigan joyga hech qachon yetib bormaydi.

Haqiqiy asos — quyidagilarda:

Kompozitsiya — elementlar tekkiskikda to’ğri joylashtirish va qanday joylashsa ko’z tabiiy ravishda to’g’ri yo’nalishda harakatlanadi va insonga yoqib tabiiylikni namoyon qiladi. Bu tasodifiy emas, bu qonuniyat.

Tipografiya — harflar tuzukishi ularni shakli, oralig’i, o’lchami, geometriyasi — bularning barchasi o’qish qulayligiga va hissiy ta’sirga bevosita bog’liq.

Rang nazariyasi — qaysi ranglar birga ishlaydi, sovuq issiq ranglar, qaysi biri qanday hissiyot uyg’otadi, kontrast qanday e’tiborni boshqaradi.

Yana ham darjani kötarmoqchi bo’lsangiz - chizmachilik, rang tasvir, promgrafika, san’at tarixi, chizish, yasash larni o’rganing!

Bu bilimlar dasturdan mustaqil. Siz ularni qog’ozda, qalam bilan ham qo’llay olasiz — chunki bu miyaning ishlash tamoyillariga asoslangan, dastur interfeysiga emas.

Dasturlar yiliga bir necha marta yangilanadi, ba’zan butunlay almashadi — Figma bugun mashhur, ertaga boshqa dastur o’rnini bosishi mumkin. Lekin kompozitsiya, tipografiya va rang qonuniyatlari — o’zgarmaydi. Ular yuzlab yillik san’at va dizayn tarixiga tayanadi.

Shuning uchun farq shunday: faqat dasturni biladigan odam — texnik ijrochi. U boshqa birovning g’oyasini dasturda amalga oshira oladi, lekin nega bu qaror to’g’ri ekanini tushuntira olmaydi.

Asoslarni biladigan odam — dizayner. U har qanday dasturda, hatto qog’ozda ham to’g’ri qaror qabul qila oladi, chunki uning bilimi vositaga emas, tamoyilga asoslangan.

Dastur — qo’lingizdagi qurol. Asoslar — boshingizdagi bilim. Ikkinchisisiz, birinchisi behuda.

Doyim aytganimday
G’oya birlamchi - g’oya esa sizni tassavur, ongingiz va ruhiyatingizda

Brend builder | Abdulloh Ergashev

Yoshligimdagi eng qora xotiralarimdan.

Uydan haydalganimiz

Yoshligimda eslayman Otam bir sabab bilan uydan uzoqda edilar, ma’lum muddat kelishga istaklari qanchalik kuchli bo‘lsa ham imkonlari bo‘lmagan albatta o‘zlari xohlamagan holatda bunday holatga tushganlar.

Aynan o’sha kunlardan birida bir mahal uyda o‘tiribmiz Onam opam man, birdaniga shovqin ko‘tarildi, o'sha inson uyimizga bostirib kirdi, darvozadan baland ovoz keldi va baqirib bizni chaqira ketdi.

Nima bo‘layotganni tushunmayapman, faqat qörquv va ösha inson adashmasam yoshim 4-5 da edi

O‘sha inson bizni ko‘chaga haydadi uyimizdan, qo‘lida nimadir ko‘tarib olgan, aniq nima ekanligini eslay olmayman. Qo‘rquv, duv-duv yig‘layman Onam baqiradilar opam meni quchoqlab olgan

Faqat yig‘layman

U insonni taniyman ming afsus lekin kimligini ayta olmayman
Ming afsuski bu mani xotiram uni hech qachon unuta olmayman!

O‘shanda Onamni ko‘z yoshlarini artib, ularga qarab shunday gap aytgan edim: Onam hali katta bo‘lsam eng zo‘r moshinani olib o‘sha insonni bosib ketaman deb.

O‘shandan beri o’zimga va’da berganman biror bir insonning ko‘z yoshi to‘kilishiga sababchi bo‘lmay shunday bo‘layki mani hamma yaxshi ko‘rsin va yaxshi inson bo‘laman deb.

Brend builder | Abdulloh Ergashev

Agentlikdan frilanserlikka chiqish — shunchaki “endi o‘zim ishlayman” deyish bilan bo‘lmaydi.

Menimcha, bunda 3 ta asosiy tayanch bo‘lishi kerak:

1. Pul

Kamida 1 yil davomida yashash uchun yetadigan moliyaviy zaxira. Masalan, oyiga o‘rtacha 4–5 mln so‘m minimal xarajat bo‘lsa, oldindan shu davr uchun mablag‘ni hisoblab qo‘yish kerak.

Frilanserlikda eng katta bosim — daromadning birinchi oylarda notekis bo‘lishi.

2. Ish qurollari

Yaxshi kompyuter, telefon va kerakli texnika.

Chunki frilanser uchun texnika — shunchaki qulaylik emas, bu uning asosiy ish quroli.

3. Portfolio, mijozlar bazasi va tajriba

Agentlikdan chiqishdan oldin “men mustaqil ravishda loyiha ola olamanmi?” degan savolga javob bo‘lishi kerak.

Portfolio — o‘zingizni sotish uchun.
Mijozlar bazasi — startni tezlashtirish uchun.
Tajriba — yangi loyihalarni sifatli olib borish uchun.

Shu 3 tasi bo‘lsa, agentlikdan frilansga o‘tish ancha xavfsiz va tushunarli bo‘ladi.

Frilanserlik — ishdan chiqish emas. Bu o‘zingizga ish yaratish.


Brend builder | Abdulloh Ergashev