..

انا ليا ضاق بالي حزة عصير
دورت لي خط فالدار وعطيته

فوق اشقح ماعليه من المشاوير
كنه عضيدي ليا ضقت ونخيته

ثم قام والراس فيه من السعاطير
ما يجعل الصعب هيّن لا بكيته

لو حاجتي من ورى ثهلان والنير
عزايمه فالجمالة مستميته

ماهوب مثبـورٍ ربايـة مثابير
عبد المرَه ما يفارق شق بيته

يشري و يبتاع في سوق المعاذير
وانا يا كم عذر طيّب ما شريته

فرقاه عني جعل ماله مداوير
واعطوني سويك جيبي لا بغيته

خلوني اسج وادله وانقل الطير
واحرق مع التتن همٍ ما شكيته

يامعذربين الvtc لجل المخاسير
خسايره ما تساوي ربـع صيته

هذا ليا قيل " مركوب المناعير "
ماهوب مركوب للّاش و خويته

ولا يركبه واحدٍ نفسه شمنصير
و ريال يحيـيه .. و ريالٍ يميـته

يفداه مـوتـر يسوقنّـه غنادير
ما تعرف اللي بوسطه لا لقيته

بدر عايض
2023 \ 6 \ 21

,,

بيّاعة الدين بالدنيا
ياجعل ماهم ربوعٍ لي

عزومهم دايماً ونيا
وواحدهم حمارٍ مفلّي!

،،

وانتم بكرامة ..

شيّبت ، وانا في رحاب الثلاثين
‏يا الله دخيلك من مقابيل الأعوام

‏لا مالكٍ دنيـا . . ولا ضامنٍ ديـن
‏ولا ادري وش أحصّل ورى طرد الأحلام!

سولفوا في كل شي الا القصيد اللي له أوقات معروفة
‏طلعوني من زحام الشعر والشعّار لو ( ليلة وحيدة ) ..

‏جيت ابا اعيش الحياة الأوّلة لو كان قد راحت ذلوفة
‏يوم ما افكر سوى في ناقةٍ وضحاء و في بنتٍ فريدة ..

لا انتي قريبة ولا انتي عني بعيدة
‏انتي بيومين صرتي سيّدة روحي

‏ماني بـ عاذرك وَ لا ماشي ٍ سيدة
‏سيدة تراها سبايب كثرة جروحي

‏عاشق يحب الحزن لو كان في عيده
‏لاصار حزنٍ جميل و فيه مصلوحي

سلامي على رجلٍ صدوق و حسين أطباع
حريصٍ على الطيب و حريصٍ على الذمّة

يسوقه على الواجب نسيم و هوا الذعذاع
لا جاء .. الزايد يحاضيه والناقص يتمّه

وليا شانت الدنيا و خربت معي الأوضاع
يمسّ الحبل و يقول سمّ السبب سمّه

عزومه عزومي بس فيها كثييير اقناع
يقنّع بها الرجال ، و يقنّع الرمّة

ليا غبت يحما غيبتي بأصمعي قطّاع
صلاةٍ ماهي والله على مذهب و يمّه

لا شافه ردي العرق يتخسبق ويرتاع
ولا يهرج بكلمة على سيده و عمّه

—

ياكثر ما احرص على الطالة وأحبّ الأصول
فـ الطيب ، والشعر ، والنوماس ، والمرجلة

وان شفت حظي ذكرت الحثري اللي يقول :
( واحظي اللي ماغير أزهمله .. زهمله ) ..!!

_