-
مانيب والله طيّبٍ عقب فرقاه
صحّة بدن والعافية هي وصاله ..

جاني هجادي يوم عيّنت وش جاه
ورعٍ ينادونه و حنّا خواله ..
-

انتي .. !!

انتي الأعمال وانتي موعدي وسجلّي
وانتي ابرك فرصة مواجه معاك آجدها
وانتي الأوقات وانتي راحتي .. ياخلّي
وانتي المعروف وانتي نعمتي واحمدها
وانتي أجمل مشكلة فالحب وانتي حَلّي
وانتي أعظم تجربة .. لو أقدر؟ أجددها
وانتي العـز الحقيقي دون حاجـة ذلّي
وانتي شـويّـاك يسوى عالم بـ واجدها
وانتي الأحلام .. وانتي في نهاري ظـلّي
وانتي اللي عن هواي الموت لو أنشدها !
وانتي الـآمـال .. في ترحالي وفي حِـلّي
وانتي حظوظي ولا يخفاك ويش أسعدها ؟
وانتي الأشـعـار .. وانتي فكري المتجلّي
وانتي اللي من هذاك اليوم وانا اقصدها
وانتي حضوري .. ليامنّي حضَرت بـ كلّي
وانتي غيابي .. و غيباتي عليك أسندها
وانتي المنجاة وانتي قدري المتعلّي
وانتي اللي حصّلت نفسي وانا فاقدها
وانتي الحب المُحبّب للسعادة ياللي
حبّبتني في الحياة و مسّكتني يدها ..

بدر عايض

‏لو كل عذر" قبلته ماهو أشوا لي
‏كم عذر فالحب ما وقف على طوله ؟!

‏رغم الخطا والبطا والضيق من تالي
‏بحضورها تارك اللحظات معسولة

‏أحبها .. والمحبة ما لها والي ..
‏غير الله اللي هذا حكمه و ذا قوله .

..

من تعاطى لُطفك يسوي " مشاكل واجد "


وان خذا له حبّةٍ من فمك " بيدمدمها "

..
فالواجب الحاضي مانعطي وكالة
يبشر بنا اللي ما تبشـَّر بـ ناموس

فينا على جـور الزمان .. احتماله
وسدودنا ماهي جرف هار وطعوس

من شاف واحدنا هرج في رياله!
لو الحقيقة ماش والوضع محيوس

نداغش أصحاب السموّ والجلالة
من طيب مذهبنا و من طنخة الروس
..

.

اذا قالوا ان الليل يجحد جميل النور
تلفّت وراك ، و دوّر وجيه منجحدة ..

-
كثر ما آصل ديـار اقـول ما رحـت ديرة
ومن نشد عن علومي قلت هذا مكاني

ليـن قابـلـت نـقـّال العـلـوم الخطيرة
واحــدٍ لـو أعـلـمـه بالخـفـايا .. بلاني

بـكـرة اللابــة تــدوّر وراي العـشـيـرة
وان دروا عـنـها الحكّام جـاك ابن ثاني

ثم عـقـلي من اللي يجوّده عن مطيره؟
والله إن العَشِـر لتـروح خمس و ثماني

وأنا عـاشـق و فيّ حمـيّـة و فيّ غِـيـرة
وأحرص من القعيطي في هواي الأناني

بـدويٍ ركـب وأبـعـد مـعـشّى بعيـره
والعـويّـد شـريـطيّ البهـم وين جاني

خـابـره ما يـروح و كـان راح لـ قصِيره
لا سـواقـة يـسـوق ولا مـزاج ٍ يـداني

قلت وش عندك؟ وقال المطالب كثيرة
قال وش عندك؟ وقلت البهم والدناني!

كشّـر و طيّـر حجاجه و جاء فـيـه حيرة
ميـر صديـت عنـه أخـاف " زلة لساني "

ضايقٍ صدري و مشـغول فكري بـ غيره
قال لي ما تبـاني ؟ ، قلت " لا ما تبـاني "

بدر عايض

يا اللي على بعض المقاهي تمرّون
والكل منكم ماسـكٍ تيلـفونـه ..


أنا من اللي لا اطلعوا بـ يتمشّون
راحوا وسط جـوٍ تطارد جنونـه ..

-

يا كثر الأرقام عندي مير ما فيها
غير 4 ارقام .. والباقي نسيناها

ماهوب في ساعة الشدة وطاريها
حتى [ على دلةٍ ] فالنار مركاها .!

-

طال الصبر والشوق ما جاء بـ غالين
حتى انخطف لون المحبة وانا أشوف..