القناة الرسمية :

https://www.youtube.com/channel/UCZwXHa7x5qxBdhfnVsJs2hw

..

ماني مشاور بوصلك نفسي و نفسي
يا سرع ما حبّت و يا سرع ما عافت

أطعمت علم الغرام و حافظٍ درسي
والقلب ما يمهل الأعيان لا شافت

بس نادني وان وصلتك معي جرح أمسي
يا كم جروحٍ بـ لمسة يدك تشافت

ماهوب منسي وأنا ماني بعد منسي
لو كان الأيام .. لا حنت ولا خافت

لبست ثوب السلام و ملّني لبسي
وانت المشاعر على لاماك تتهافت

كني أشوفك وأشوف علاجي النفسي
ما بين واسع نحرك و رمشك اللافت

..
بدر عايض

حسابي في السناب :

https://www.snapchat.com/add/br_39aimi

مشاركة ترحيبية في زواج فارس بن خالد العصيمي في محافظة الطايف ١٨ / ٣ / ١٤٤٤هـ .

من طيبين الروس ماني بـ محروم
اليا صفى للعلم الأقشر .. مزاجي

أرفع لي خشومٍ وأوطي لي خشوم
وأمسح بها الرقة .. وأدور خراجي

..

أيامي الماضيات أقفت و كارهها
وأيامي المقبلات "أدخل على ربك" ..

ما عاد عندي لها شرهاتٍ أشرهها
أشره على نفسي ولا أشره على حبك!

..

-
مانيب والله طيّبٍ عقب فرقاه
صحّة بدن والعافية هي وصاله ..

جاني هجادي يوم عيّنت وش جاه
ورعٍ ينادونه و حنّا خواله ..
-

انتي .. !!

انتي الأعمال وانتي موعدي وسجلّي
وانتي ابرك فرصة مواجه معاك آجدها
وانتي الأوقات وانتي راحتي .. ياخلّي
وانتي المعروف وانتي نعمتي واحمدها
وانتي أجمل مشكلة فالحب وانتي حَلّي
وانتي أعظم تجربة .. لو أقدر؟ أجددها
وانتي العـز الحقيقي دون حاجـة ذلّي
وانتي شـويّـاك يسوى عالم بـ واجدها
وانتي الأحلام .. وانتي في نهاري ظـلّي
وانتي اللي عن هواي الموت لو أنشدها !
وانتي الـآمـال .. في ترحالي وفي حِـلّي
وانتي حظوظي ولا يخفاك ويش أسعدها ؟
وانتي الأشـعـار .. وانتي فكري المتجلّي
وانتي اللي من هذاك اليوم وانا اقصدها
وانتي حضوري .. ليامنّي حضَرت بـ كلّي
وانتي غيابي .. و غيباتي عليك أسندها
وانتي المنجاة وانتي قدري المتعلّي
وانتي اللي حصّلت نفسي وانا فاقدها
وانتي الحب المُحبّب للسعادة ياللي
حبّبتني في الحياة و مسّكتني يدها ..

بدر عايض