ياحياة اللي - حياته - شوفتك تمليها
من غلاك وحبّك اسمع ويش أقول فـ بيتي

أنت ( قربك عافية ) مكرمني الله فيها
ماني بمجنون لجل أفرّط بـ عافيتي !!

-
ليه أسوق العزوم ؟ و ليه أكلفها ؟
والردى ماني بـ عارف تفاصيله

لكن أعرف .. صـدورٍ ما تنظفها
لا ( مناشف ) زمنك ولا ( مناديله )

فرحتي في البشر صرت آتسلفها
وآتمنى .. سلام الله و تفضيله

وجد روحي على السجة و طارفها
ليتهاااا ماتخليني .. ( ولا ليلة ) .
-

صادق الصدمات في دنيا العنا والضيقة
واضحك لـ خيباتك لخاطر هواك و حلمك


والنجاح اللي بسيط" دربه و تحقيقه
ما يدوم ! و صاحبه ( واهم ) يكون بعلمك

القناة الرسمية :

https://www.youtube.com/channel/UCZwXHa7x5qxBdhfnVsJs2hw

..

ماني مشاور بوصلك نفسي و نفسي
يا سرع ما حبّت و يا سرع ما عافت

أطعمت علم الغرام و حافظٍ درسي
والقلب ما يمهل الأعيان لا شافت

بس نادني وان وصلتك معي جرح أمسي
يا كم جروحٍ بـ لمسة يدك تشافت

ماهوب منسي وأنا ماني بعد منسي
لو كان الأيام .. لا حنت ولا خافت

لبست ثوب السلام و ملّني لبسي
وانت المشاعر على لاماك تتهافت

كني أشوفك وأشوف علاجي النفسي
ما بين واسع نحرك و رمشك اللافت

..
بدر عايض