-

لو كان جاني من زماني بهاذيل
خلوني أنسى واسلموا من عدوّي

أبا أتوجّد .. كلّ ما طرّف الليل
وأبا أتغزّل .. كلّ ما زان جوي

مالي ومال شفوف بعض الرياجيل
ما شاقها برقي ولا خيال نوّي!

حتى تجي في رِبعة البنّ والهيل
وآخذ تواضعها و تاخذ علوّي

همي يراودني و حلمي ورى سهيل
وشفّي على شفّ الضعيف .. متقوّي

اللي تحس أنه لحق ( غزوة الفيل )
خطرٍ تشوفه في المفارش يطوّي!

-

تحيا الجديّة ..

.

مع مرور الوقت ستتعافى مما يؤلمك ، لكن أن تنساه أبداً .. لا يمكنك ذلك .
.

‏..

‏يا زماني بقا لي مع تحدّيك / شوط
‏والله إن تبرك .. و حملتك تشتالها

‏محتزم باليقين وصابر ومعي سوط
‏لو تضحّك علي القوم .. و أشكالها

‏لا يصيبك جنان ، ولا يصيبك هبوط
‏واعرف ان : خيرة الله .. فالنا فالها

‏من تمنى المراجل بالدلع والشروط
‏مثل .. بنت تّمنى ( رجلٍ ) فـ بالها

‏..

‏.

‏يا حلو الصدق لو أنه يورّدنا حياض الموت
‏هو الشي الوحيد اللي ما حنا معه و نحبّه ..

‏.

وأنا بعَدها .. سلوتي مستحيلة
من طبعي الوافي ومن حبّي الشين

عز الله ان الصدر بالحيل مكتوم
ياللي تعلمني و تكتب علاجي ..

-

‏من كثر صدمات الزمان الحزينة
‏ما عاد في الواحد تحمّل .. زيادة

‏فلا تلومـونـه .. ليا غـضّ عـينه
‏واستمسكت مشاعره بالسعادة
-

للشعر في صدري شريعة غاب
وانا وريث القدح .. و زناده

للعمر .. وأمجاد الغلا المرتاب
من كل عادة .. ماهي بـ عادة

والشوق لا .. زمّ الهـوى غلّاب
على الظروف اللي خذت غاده !

ما لـلغـريب ، فـ سكة الأحباب
غير السهر .. والحزن وأبعاده

لا راح عمره في رجى الغِيّاب
يتحايل الأقـدار .. بـ قلاده

ياحياة اللي - حياته - شوفتك تمليها
من غلاك وحبّك اسمع ويش أقول فـ بيتي

أنت ( قربك عافية ) مكرمني الله فيها
ماني بمجنون لجل أفرّط بـ عافيتي !!